د. عثمان حسن حبيب الله .. قصيدة الشاكوش
قصيدة الشاكوش (علي لسان واحد مشوكش )
ليه تدوني شاكوش … ياأهل البنيّه الحليوه السمحه
ما عارفـني مغـرم بيها … وفـي عـينيّ أجـمـل لوحه
بحلم بيها مكتـول فـيها …عـشمي مناي تتم الفـرحه
أسألوها شوفوا رضاها… قبال ماترفضوا لي وتطووا الصفحه
***
أناقصدي شريف وسامي نبيل…عايزأكمّل أتمم بيها نص الدين
ليه تعذبوني تدموا فؤادي…تحرقوا أعصابي وتبّكواالعين
وتخـلوني ضايع وتايه … متألم عـمـري كلو حـزين
أندب حظي أهـيم وأتأوه … ليلي عـذاب سهاد وأنين
***
ياناس خليكم عليناحنان … ما تفرقوا بين أعز إتنين
بالحـب والغـرام بتناجـوا… وبأواصـرالود مـرتبطين
ده حـرام وألـف حـرام … تكونوا سبب شتات قـلبين
ومن الله وين بتمشوا تروحوا… ياأهل الحليوه ياظالمين
***
لو دايرين المال والغَِني … فكل شئ بـروح بضيع وبـزول
ولو دايرين الجاه والحسب…أنا مكرّم عزيـز ما فيني لكنه وقول
ولو دايرين الدين والخلق…ربي بشهد ما بشبهني أبداً زول
ولو دايرين العمل والحرفه … والله نشيط هميم ما كسول
***
ما قدّرتو ما راعيتو … إحساس ومشاعر حبيبة الروح
ضربتو برايها عرض الحائط … خليتوها تصيح وتبكي تنوح
سلبتوهاإختيار وإراده…ما قادره تفصح وبالعليها تبوح
تركتوا الآهه حاره بتحرق…والقلب بتمزق بئن مجروح
***
الشاكـوش كان في مكان قاتل … حطم ودمـر الأعـماق
إنتشر الخـبر في ربـوع الكـون … عـم البوادي والآفاق
قـالـوا كلام عـلـيـنـا كـتـيـر … زي مـاقـالـوا فـي العـشاق
قالـوا الحـب دفـين قـتّـال … ومهـمـا طال نهايتـو فـراق
***
لي الله بـرفع إيـديّ بشكيكم …عـشـان مارضيتـو بيّ خطيب
بقيـت مهبول مختل مجـنون …عـقلي صا ر لابـودي لا بيجيب
وبـقـت الحال صعـيبه خلاص … غـلبـت حالـتي شيـخ وطبيب
أرجع أقـول قـدر مكتوب … وماجعـل لي ربي فـيكي نصيب
د. عثمان حسن حبيب الله
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة