منوعات

أزمة داخل مسجد في الخرطوم بسبب خطبة الترابي في زواج نجل غازي سليمان


[JUSTIFY]إحتج عشرات المصلين عصر أمس خلال خطبة كان يلقيها الشيخ الدكتور حسن الترابي زعيم حزب المؤتمر الشعبي داخل مسجد العصمة الواقع جنوب شرق محطة البلابل في الخرطوم ، قبيل إجراء عقد قران نجل الأستاذ غازي سليمان المحامي (الشيخ) على كريمة محمد حمد احمد عثمان (رزان ) ، وذلك عندما أخذ الدكتور يتحدث عن الزواج والرابط الأبدي ما بين الرجل والمرأة مستشهداً بعدد من الأيات القرآنية والأحاديث النبوية الشريفة ، معضداً خطابه للمصلين الذين أدوا صلاة العصر وكانوا في انتظار مراسم العقد ، بأن عقد الزواج واستمراره يقوم على التقوى ، نافياً ان يكون مثله مثل عقود البيع والإيجار وغيرها .

وكانت المفاجأة التي فجرت الموقف وسط عدد من المصلين عندما تساءل الترابي قائلا ان العقد بين طرفين رجل وامرأه ، وهو عقد زواج وحياة وليس عقد تجارة يوكل فيه شخصاً آخراً لينوب عنه ، وقال ” إذاً أين المرأة ” . وقال لماذا لا تكون المرأة حاضرة في المسجد مع الرجال ، مشيراً إلي أن المرأة الآن هي التي تحدد زوجها وما دور الكبار إلا تكملة ما يبدأ الطرفان من خطوات .

وظهرت أصوات احتجاجات هنا وهناك داخل المسجد وخرج بعض المصلين من المسجد معربين عن عدم رضاهم عن خطبة الشيخ الترابي ، لينبري أحد المصلين ويطالبه بالإختصار ، الأمر الذي أدى الى تدخل الأستاذ غازي سليمان والد العريس ، الذي امسك بالمايكروفون يقول ” انا عايز اقول للناس كلهم أنو المناسبة دي حقتنا ، والما عاجبو مع ألف سلامة ” . وهو ما أغضب الكثيرين من أهل العروسين ليخرجوا محتجين قبيل اكتمال مراسم عقد القران .

وبعد إكتمال مراسم عقد القران كان الشيخ حسن الترابي اول الخارجين من المسجد ، بينما ظل الاستاذ غازي سليمان منفعلاً وسط عدد من القانونيين والمحامين يحاولون إحتواء بعض التفلتات ، خاصة عندما اخذ احد المصلين يصرخ في وجه ” غازي ” بـ ” يا شيوعي كيف تسمح بي حاجة زي دي وكيف تقول لضيوفك كدة ؟!

وأثار الإنتباه الحضور الكثيف للمسلمين من أبناء دولة جنوب السودان ، مما اكد مكانة غازي وسط الجنوبيين والعلاقة المتينة .

صحيفة آخر لحظة
[/JUSTIFY]


تعليق واحد

  1. والله انت يا الترابى العامل وشك زى البقره الضاحكه الله يحضرنا يوم موتك عشان نغنى ونرقص احلى راب سودانى ؟؟؟؟

  2. وهكذا الترابي يجد لذة في اثارة الفتن بين الناس بفتاويه الشاذة وطالما المرأة انابت عنها وكيلا ما الضرورة من حضورها للمسجد وسط الرجال وخاصة داخل المسجد وهي بلا شك في كامل زينيها وعطورها وممكن (مدخنة) او قول مقمرة

  3. وكمان بينافحوا ويكافحوا عشان يحكموا السودان .. خيبة تخيبكم من ساسة ومدعين شياخة وعلم عقد زواج كله ساعة او ساعة ونص يحصل فيخ خلاف لهذه الدرجة .. اذا مايحدث في البرلمان ؟؟؟؟ اذا وصلتم اليه ..؟؟ هل هذه افكار قوم تود ان تقود بلد ؟؟ الله ارفع عن البلاء والمصائب ما ظهر منها ومابطن واقي بلادنا شر ساستها وداعاة مشيختها . اللهم اعزنا بالاسلام وبازاحة هذه المجموعة المريضة بحكم السودان من الترابي لسيلمان ومن الصادق وبنته لمحمد عثمان ومن ابو عيس للسجمان عرمان .. وداهية تاخد كل من يخرب في السودان

  4. [SIZE=3]هو اصلا غازي دا … ما عندو موضوع … وما عارفنو شايت في ياتو اتجاه … ودائما يبحث عن إثارة المواقف فقط … اسي عليكم الله في زول بقول لي ضيوفو كدا.[/SIZE]

  5. [SIZE=3][B]

    في النهاية عقدوا بدون ما تجي العروس .. ولا جات هي كمان للمسجد ؟؟

    وزي دا بيناسبوه كمان ؟؟[/B][/SIZE]

  6. [SIZE=6][B][COLOR=undefined]هكذا هو الترابى دائماً فهو المُفرق بين الجماعات وبين الناس بسبب أفكاره البئيسة والدنيئة نسأل الله أن يكفيناويكفى السودان وشعبه شروره ، فقد قلب الرجل أفراح الأسرتين إلى مشاحنات وملاسنات هذا ليس محلها ولا وقتها .[/COLOR][/B][/SIZE]

  7. أينما سار ” الترابي ” سارت في ركابه المشكلات …ولماذا يستنكرون ؟ إنها شريعة الشيخ حسن ،هذا الذي أنكر نزول المهدي توقعوا منه أي شئ وإمامة المرأة وجواز زواج المسلمة من غير المسلم … وهلم جرا

  8. أينما كان هذا الشيخ فانه يتسبب بازمة ومشكلة ، الا يكفي انه أدخل السودان كله في مشكلة مع حركته المسلحة العدل والمساواة ، فكيف لا يؤجج الفتنة وان لم يفعلها الا أن يكون قد فقد عقله

  9. والغريبة الزول شديد شدة … بالله لمن تلقى ماشى فى الواطة ينقز زى العبلاج ولا كأنه شاب عمره عشرين سنة … والله صحى عمر الشقى بقى ..

  10. مصيبة السودان انه ابتلي بتجار دين من قبل الاستقلال عائلة الميرغني وعائلة المهدي والترابي والكيزان . ربنا يخلصنا منهم ومن شرورهم .

  11. [[COLOR=#0300FF]SIZE=6]
    [B]
    ومن يتخذ الغراب له دليلأ يمر به على جيف الكلاب[/B][/SIZE][/COLOR]

  12. سلام عليكم
    هذا دين الطوائف الذين يأخذون بالتقليد ويجادلون… وليس دين أهل السنة الذين يردون الأمر إلى الله والرسول صلى الله عليه وسلم…
    بصراححة أريد أن أسأل الأخوة في هذا المنتدي… هل منكم من يفهم حالات السودان والسودانيين هذه الأيام؟ ربنا يصلح الحال

  13. يا جماااااااعه عقد القران مكانو المحكمه ما الجامع وكمان لزم العروس تكون حاضره عشان تكون في موافقه ,, والكلام ده مطبق في السعوديه بلد الشريعه

  14. بالله شوف قال المناسبه دي حقتنا وطيب عازم ناس وتقول حقتك والله حكايه
    الحمدلله ماقال حقتنا ونحنا ناس الجناب العالي نقعد ونقيف ونطرد علي كيفينا
    حسبنا الله ونعم الوكيل

  15. الترابى إبتلاء من الله على الشعب السودانى….ويجب علينا الصبر حتى هلاكه …ويجب أن تعرفوا ( روحوا روح كلب كارب )…