رأي ومقالات

العجب قاعد فى الكنبة زي الزول الما عندو موضوع وبرضو تقول لى تامر حسني!!


وبرضو تقول لى تامر حسنى !!!
شغل القليب بالشوق على زولاً بحن
طبع الفراق الجوة إحساسي الدفين صورة شجن
زاد الألم سبب الفراق البينا كان غدر الزمن
غدر الزمن مسح الأحاسيس النبيلة وبدلا
عشرة سنين ممزوجة بي أحرف وفاء ما أجملا
عزاي حروف بعد الشقاء مسح الليالي وحولا
سلواي قصايد شاعر اتغرب وزادو بقى الصبر
نعمل شنو إلا الحصل بيناتنا ما نفذ القدر
يرجع يعاودني الحنين خاطري انكسر يوم انجبر
*هل البلد ناقصة!!
* هسه البلد دى عليكم الله ناقصة !!
* بلدنا دى ما ناقصة تامر حسنى !!
* الفينا مكفينا !!
* من هو ذلك العبقرى الذى وافق على حضور تامر حسنى إلى بورتسودان !!
* الموافقة على حضور تامر إلى البحر الأحمر هو تحايل على الخرطوم !!
* وذلك لأن ناس الخرطوم قطع شك ح يسافروا إلى بورتسودان من أجل تامر !!
* قبل كده البنات باعن الدهب عشان يحضرن حفلة لمحمد فؤاد !!
* الواحدة تبيع دهب أمها عشان تسمع ليها فنان عربى !!
* شنو يعنى تامر حسنى ؟؟
* دى قلة شغلة ليس إلا !!
* نسأل الله أن لا يوفق تامر حسنى فى الحضور إلى السودان إلا أن تقوم الساعة !!
* الناس ما قادرة تأكل تقول لى تامر حسنى!!
* أطفال بيموتوا بالكم فى المستشفى دون سبب واضح وتقول لى تامر !!
* شلل جماعى حدث لمجموعة كبيرة من الأطفال داخل غرفة العملية غير المعقمة وبرضو تقول لى تامر !!
* العجب قاعد فى الكنبة زي الزول الما عندو موضوع وبرضو تقول لى تامر !!
* فاتورة الكهرباء بقت مربوطة بفاتورة الموية وبرضو تقول لى تامر !!
* فنان الصافية شرط عينا وبرضو تقول لى تامر !!
* المعز كان ضيف شرف مباراة القمة وبرضو تقول لى تامر !!
* مواقف المواصلات عايزين يحولوها للمرة الألف وبرضو تقول لى تامر !!
* محاسن لقيمات بقت تغنى فى تخاريج رياض الأطفال وبرضو تقول لى تامر !!
* رمضان باقى ليهو أربعة شهور وبرضو تقول لى ………….!!!
* هيثم مصطفى كل مهمتو فى المريخ بقت تنفيذ الضربات الثابتة وبرضو تقول لى………..!!
* فنانة صوتها زى صوت (الستارة الشايلها هواء) وبرضو……..!!
* الناس بقت تركب المواصلات بالشباك وبرضو ………!!
* الفراخ قالوا بقى يعمل سرطان وبرضو …………!!
* مهاجم المريخ موانزا عامل كده زى مجنون السكه حديد وبرضو ……….!!

* موانزا مبرم شعرو ولافى كده زى الزول المراهق وبرضو …………!!
* حنان النيل اعتزلت وإيمان لندن راكبة آخر موديل وبرضو ………!!
* الرغيفة بقت أصغر من الطعمية وبرضو ………….!!
* المريخ كلو بقى عبارة عن الحضرى وبرضو تقول لى تامر !!
* الكوكى انكشف وبرضو تقول لى تامر !!
* الحوت مات وبرضو تقول لى تامر !!
* بلد فيها ود الأمين برضو ……………!!!
* عندنا أبو عركى وبرضو …………!!
* وبرضو تقول لى تامر حسنى !!
* زول بيحب عثمان حسين ووردى والبلابل والحوت ونور الجيلانى قطع شك تامر حسنى مابيحرك فيهو شعرة !!
* لكن كمان زول ما بيعرف العمالقة ديل معذور فى حبو لتامر حسنى !!
* معذور والله !!
* إحنا بنحب من بلدنا ما من بره البلد !!
* المهم !!
* إن شاء الله ربنا ما يسهل لتامر !!
* دى أمنيتى !!
* وأى زول طبعاً حر فى أمنياتو !!
* هى الدنيا شنو ؟؟
* الدنيا منى وأحلام !!
* أحلام فى عينك !!
* يا أستاذة : إن شاء الله تامر ده يضوى ليك !!
*و..و..
* والزول بباهى وبفتخر بالعندو!!


تعليق واحد

  1. والله يا جماعه من لقيت العنوان ابتدأ ب[COLOR=#FF0026]محاسن لقيمات[/COLOR] عرفت انو الموضوع للزول الماعندو موضوع محمد الطيب

  2. [SIZE=6]صراحة ده اكتر صحفي متخلف ياخ ده فات سراج النعيم والهندي…انتو ما بتجيبوا لينا الا الناس البتجيب الضغط…يا بشر انت بتتكلم عن كل الحاجات الكعبة دي في البلد طيب ممكن تورينا انت عملت شنو علشان تخفف من السلبيات دي؟؟ ما تقول لينا كتبت عنها لانو لو فيك فايدة ممكن تغير كتير…بعدين حضور تامر من عدمه حيحل المشاكل دي؟؟عليك الله خلو بورسودان تمشي لي قدام وتجيب لينا سياح ومصادر دخل ما دام باقي السودان فيهو الطير الزيك ديل [/SIZE]

  3. [frame=”13 80″]
    يا زيزو…تحياتي لك
    مالي أرك تظهر يوم وتختفي شهور طوال…وتركت مقالات جبرا مع إنه تعليقاتك فيها كانت حلوة .
    بس حسيت إنك تحاملت على “الهندي” لما شبهته بود النعيم الماعندو شبيه في إبداعاته اللغوية والأسلوبية التي يستحق عليها جائزة التميز في العك والعواسة والكوجان
    أقله الهندي أسلوبه ممتاز جدا ومفهوم، ربما آراؤه تستفز بعض الناس[/frame]

  4. فعلا كلام صحيح تامر شنوو وكلام فاضي شنوو؟البلد ناقصه والفقر معشش فيها اين التقشف وحفظ مال الشعب المسكين ومن هو الذي سوف يدفع المبلغ للفنان تامر وهل هو اقل او اكثر بالنسبه للفنان السوداني؟ومفروض تمنع كل الاحتفالات والمهرجات وتطبقوا لينا الشريعة هنا فقط بمنع هذة الاحتفالات والاسراف مش حرام عليكم ترفع نصاب السرقة الحدية لثلاته الاف جنيه للفقراء وتتركوا كبار المسؤلاين يسرقوا او يسرفوا بمبلغ اكثر من 3 الاف من مال الشعب حررررررررراااااام:mad: 😡 😡

  5. * زول بيحب عثمان حسين ووردى والبلابل والحوت ونور الجيلانى قطع شك تامر حسنى مابيحرك فيهو شعرة !!
    * لكن كمان زول ما بيعرف العمالقة ديل معذور فى حبو لتامر حسنى !!
    * معذور والله !!

    [SIZE=5]فعلا انت معذور بالجهل!!!
    الغناء كله فسقٌ محرم!!
    يعني لو جاء عب حليم ولا ام كلثوم مامشكلة؟؟[/SIZE]

  6. وانت مالك,يمشوا الحفلة ولا لا,انت مالك….

    كل واحد حر في نفسه,ولي بيسمعه

    ماممكن بقيتوا بالدرجة ده من التدخل في حريات الناس…

    ليه وعشان شنو,

    سيبه كل واحد هو حر في نفسه وفي تصرفاته,طالما انه ما بيؤذي ليه زول بيها..

  7. والله كلامك كلو خارم بارم يعني خلاص مشاكل البلد كلها بقت واقفة علي تامر حسني؟؟ ماقريت مقالك السجمان دا الا عشان غنية غدر الزمن الكاتبها في الاول

  8. العجب قاعد فى الكنبة زي الزول الما عندو موضوع وبرضو تقول لى تامر !!
    هههههه…وين تاني مع هيثم (سيبا)
    18 اجمالي لاعبي الهلال في الفريقين وبرضو سيد البلد ضارب بالتقيل
    انت صحفي رائع يا محمد الطيب ..يكفي انك هلالي

  9. العجب قاعد فى الكنبة زي الزول الما عندو موضوع، المقوله دي ماحقتك دي حقت محمد عبد الماجد في جريدة قوون