منوعات
كيم كارداشيان تغادر النادي الرياضي ورفعت شعرها على شكل”كعكة”
وارتدت كيم بلوزة شفافة فوقها سترة الرياضة السوداء ورفعت شعرها على شكل”كعكة” .
كما التقطت عدسات كاميرات الباباراتزي صوراً للنجمة هالي بيري أثناء تناولها وجبة العشاء في مطعم Antiquarius في البرازيل .
ومن الملفت أن هالي ارتدت بنطلوناً ضيقاً مع بلوزة سوداء شفافة فوقها بلايزر.
وذكرتنا النجمة البالغة من العمر 46 عاماً بنجمة تلفزيون الواقع كيم كارداشيان الحامل التي لا تنفك عن ارتداء الملابس الضيقة .
تجدر الإشارة إلى ان هالي حامل بطفلها الثاني.
النشرة الفنية elnashrafan
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
[SIZE=4]هسي بالله دي كعكةوالبعملوها بناتنا دي كعكة!![/SIZE]
اها … وبعد داك استفدنا شنو نحنا من كيم ولبسها الشين البقره بتاعت لافاش كيري …النخجل ليكم ولا اشتري ليكم خجل وياحلو خت يدك من فوق لي راسك لو لقيت حرير تأكد ح تلقي كعكتنا نفس الملمس ،،، ياريت ماتحزفوا تعليقي ده.
[B]يا ناس النيلين بالله خليكم واضحين معانا…كيم كرشتان دي دافعه ليكم كم؟! يوم لابسه سروال من الحرير و بلوزه من الدانتيل و قبعة من جلد الحمير و يوم تنوره قصيره مرقعة و مطليه باللون الفوشي و قميص من صفق الجاتروفا و سلسل من اللالوب!!! والله فقعتو مرارتنا بالكرشتان دي!! كدي قلولينا حتي تاريخ اليوم هي في الشهر الكم؟! و حاجزه في مستشفي الدايات ولا في محمد علي فضل ولا في فضيل؟ كدي أول هي عندها بطاقة تأمين صحي شركات خاصه ولا شوامخ؟ و بعدين ما تنسوي تورونا لون جهاز الطفل الاشترتو بيجي ولا فوشي ولا شنو؟ سترك يارب ما تنسوي كمان الستائر؟ بعدين الجاي ينفسه منو أمها ولا نسيبته برضو ده سؤال مهم له ما بعده؟! لكن قبل ده..الرسول هي دافعالكم كم؟ والله قديتونا بي باص الوالي ده!!! ياخي نحن في ياكلو و يشربو… جنس أخبار باص الوالي ده بتهم المترفين….يعني لو في الخليج او اوربا ممكن.. بس معانا نحن! أعتقد ده صفقه خاسره…بالله أرحمونا الله يرحم والديكم و ورونا أسعار الطمام و الويكه الليله وصلت وين؟ و الدكوه و الكسره بي كم؟ أترجاكم ترحمونا من الدانتيل و الشفون الموشي بالحرير و السروال المظلل بي لون عربية الوالي اللابساهو كرشتان فوق كرشه يقدر سواق الوالي المطرطش ما يشر كرشتان في محطة شقلبان بعد وشوشة كلوشه بالدانتيل الموشي و خلتو منفوش لزوم الكرش و حاجات تانيه مرشوشه…عظيمه أنت يا كرشتان فقد تسامينا فوق كروشنا الخاويه من أجل كرشتك عشان كده ما تنسي شعبنا الفضل في السمايه و ترانا منتظرين و ارحمونا يالنيلين يرحم والديكم!!!
وصفة سحريه:
كرش كردشيان الموشيه بالشانتيل الشفاف و المكشكش بالشفون كرشت كرشناتقدر كرشنا تكرش كرش كردشيان الموشيه بالشانتيل الشفاف و المكشكش بالشفون زي ما كرش كردشيان الموشيه بالشانتيل الشفاف و المكشكش بالشفون كرشت كرشنا
عزيزي القارئ المغلوب علي أمره أذا نجحت في تكرار هذه العبارة:
1/ مرة واحده ستكتشف أنك منتشيا بدرجة تستطيع فيهاأن الركض علي الاقدام حتي السوق العربي و بالتالي وفرت ما قيمته جنيهان.
2/ إثنتان ستحظي بشماعة في بص الوالي ذهابا و إيابا من العمل
3/ ثلالث مرات ستكون محظوظا و سوف تتمكن بعد صراع من الظفر بمقعد ببص الوالي ذهابا و ايابا من و الي العمل.
4/ أربع مرات متتاليات ستكون قادرا علي شراء كيلو عجالي نهاية الشهر و بالتالي سيجد افراد الاسرة الكريمة فرصة للاستمتاع بمشاهدة اللحمة بعد غيبه طويله أو قل بعد غيبوبه طويله
و بالهنا و الشفا يا عاشقي كردشيان
[B][SIZE=6][FONT=Arial Black]يا ناس النيلين
بالله لو سمحتوا ما تشتتوا لينا تفكيرنا
نحن قاعدين نتابع التضاريس الظاهرة في كرداشان
خلونا في متابعتنا
يعني شوفوا في خبر اليوم
الما تسمى دي أخذت كل الصور
فما قدرنا نعرف الجديد شنو في تضاريس كيم كرداشان[/FONT][/SIZE][/B]
المره دي دايرين بيها شنو عاجباكم كرشها دي ام ماذا دي عمرها 46 سنه ، شوفوا غيرها ، اخير اناقة الاميرة موزه الجننونا بيها .