جرائم وحوادث

العثور على (3) طائرات في ” حوش ” منزل بأم درمان


[JUSTIFY]داهمت شرطة أم درمان امس منزلاً بضاحية الفتيحاب جنوبي المدينة وعثرت على (3) طائرات رابضة داخل ” الحوش ” .

وقالت مصادر أن الشرطة تتبعت معلومات حتى عثرت على المنزل ” المطار ” وضبطت داخله (3) طائرات صغيرة ألقت القبض على صاحب المنزل ووضعت حراسة شرطية على الطائرات .

وقيدت الشرطة بلاغاً بالواقعة بقسم ” أبو سعد ” امس ، وتجري تحرياتها مع صاحب المنزل عن ملابسات حصوله على الطائرات .

صحيفة حكايات
[/JUSTIFY] ع.ش


تعليق واحد

  1. مافي اي مشكلة وناس الامن عندهم عذر ويمكن الطائرات جات بليل وطافية الانوار . وناس بوليس الحركة ماشافوها يا اخوانا.

  2. يا أخوانا البيحصل في السودان ده شنو -معقول طائرات عديل كده – وجات كيف – والله المفروض التحقيق يكون علنا وأمام كل الخلق حتي يعرف الجميع بالصورة والصوت من هم أعداء البلاد .
    وفعلا شر البلية ما يضحك.

  3. بيت مطار وفيهو 3 طيارات؟؟؟؟؟ صغيره بمعنى قاصرات؟؟؟؟ ولا طيارات جدجد دى؟؟؟؟ الخبر ماااااا واضح

  4. معقول طائرات نقول كلاشنكوف
    .
    .
    .
    .
    معقول طائرات كلاشنكوف معقولة
    لاحدشاف ولاحدسمع صوت طائرة من الجيران
    ولاشاف حمام طائر
    ياجماعة ارحمونا شوية

  5. فى اعتقلدى الشخصى انها طائرات الاطفال ابو رموووت دي و هناك طبعا لسه فى ناس ما وصلو المرحلة دي و بكونو بلغو الشرطة و الشرطة برضو ما فاهمين حاجة

  6. ثلث طائرات في حوش ده كلام شنو ياحكومتا الرشيدة والله معني كده مافي امان نحنا في ام روابة قاصرين ووالينا عنده عزر ماقادر يحمينا كمان الخرطوم مالا

  7. والله حاجه عجيبة طيارات ولا طيارة واحده جات كيف وين الناس ووين الحكومة برضه تقولوا بتقدروا علي الجنوب

  8. هههههههههههههههه
    هو اصله جابوها في شولات ولا كيف ؟؟
    ولا ركبوها قطعة قطعة داخل الحوش ؟؟ ولا يمكن الناس فاكرنها لعبات عادية؟؟ ولا يكون وزارة الدفاعاستعملت المراقبة بالنظر وماشفاتها لم نزلت واندست وبعدين الحوش دا قدر شنو يكون فيه مدرج هبوط واقلاع

  9. يجب مساءلت ومحاسبة كل من وزيري الدفاع والداخليه عن هذه الفوضي الأمنيه ……والله ياربي تكون الطائرات بتاعت رش حقت المتعافي جابه لأخيه برضو يجب محاسبته أيضا .

  10. والله أنا خايف بكرة واحد يمتلك دبابة ويدعي بملكيتهاويقول عندو مستندات,والزول ده بيتو في المطار واللمطار في بيتو؟

  11. [SIZE=4]اعلامنا لا يكلف نفسه للبحث عن الحقيقه ودائما يهول الامور !! الطائرات عباره عن طائرات صغيرة وهى نموزج لطائرات بدون طيار وهى مشروع تخرج لمجموعه من طلاب الهندسه فى احدى الجامعات السودانيه والسلطات على علم بها . نتمنى من اعلامنا المحترم السعى لتأكيد المعلومه .[/SIZE]

  12. لك الله ياوطني السودان ففي كل المحافل اصبحنا لا نسوي اي شئ مع الشعوب مهازل اصبحت في السودان والحكومه تتفرج وعبدالرحيم ينفي ونافع يتوعد وكلها اكذوبات طائرات موجوده داخل بيت دي بلد وين دا ياجماعة

  13. المواطن ده واحد من احتمالين
    1- انه كان قرن كبير في الطيران المدني ونزلوه المعاش وكان مافي سيولة بدل مكافاة نهاية الخدمة و حقوقه ادوه 3 طيارات
    2- اودي الطيارات(بدون طيار) بتاعت مصنع الصافات (بتطلع تجربة طيران ليلي وتقع في حوشه ) وناس المصنع ما بكوسوها مادام خط الانتاج شغال ….
    والله خبر زي ليفة السلك لا بتلاك لا بتبلع

  14. [B]ياخوانا الخبر دا معقول ولا كاتبه مسطول؟ يمكن شاف باعوضه ونحن في اول الخريف وضل طريقه بدل مايمشي ناس مكافحة البعوض مشي مركز ابو ابوسعدوفي النهايه كله حكومه ومكافحة لكن لو صح الخبر ياناس الجمارك نخن ماقادرين ندخل عربيه وقبل كده صادرتوا مني زهور طبيعية في مطار الخرطوم حسي الطيرات دي دخلت كيف ؟ وحسب الخبر يعني الطيارات صغيره ماعندها الوقود عابر القارات ومافي محطات وقود في الجو ولو تم تصنيعها داحل السودان ليه مانستحدمها ونطور المصنع بدل ما كل يوم والتاني فاقدين طياره بسبب قطع الغيار وبعدين ياناس مكافحة العربات رايكم شنو ؟ والله انا لو في محلكم ما اكافح ولا عربيه طيارت تدخل وتمنع العربات استغفر الله العظيم[/B]

  15. [SIZE=4][FONT=Tahoma]
    هسع تلقى ناس حكايات دايرين يموتوا من الضحك
    طبعا الليلة من صباح الرحمن تكون كملت من المكتبات.
    انا اول مالقيت المصدر في نهايتو جريدة حكايات عرفته انو دا خبر ماجادي، معروف عن مثل هذه الصحف عدم الجدية
    .
    .
    .
    .
    .
    .
    .
    .
    .
    آها الليلة اكلوكم تسالي وفول. [/FONT][/SIZE]

  16. دى طيارات جبتها انا للاولاد عشان يلعبوا بيها فى الحوش بعدين ناس الامن الايام دى شغالين اوفرتايم اى حاجة طايرة انشا الله ضبانة حايقبضوها

  17. [COLOR=#609E60][SIZE=4] ههههههههههه دى قصة خيالية ولا شنو والله عجائب الغرايب دى كمان جات ب وين وركت كيف اكيد فى الضلمة والنور مطفى وقت صلاة العشاء ولا يكون جات مع الغبار شائلا ذى اكياس النايلون وقامت ركت فى البيت المطار اللهم الطف بنا فان القوم نيام نيام[/SIZE][/COLOR]

  18. يخرب عقولكم كلكم ما عارفين الطائرات دة جات وقت صلاة العشا لمان كان وزير الدفاع بيصلي العشا

  19. اسعد الله صباحكم ومسائكم فلقد ضحكت اليوم ضحكا لم اضحكه منذ سنوات طويله !!التعليقات علي خبر وجود طائرات في حوش بالفتيحاب برهنت علي ان الشعب السوداني ابن نكته ودمه خفيف فعلا !! واكد لي شخصيا بان الامن بدأ يعمل بكفائه!! وان اقرب الاحتمالات للتصديق مشروع تخرج لاحدي كليات الهندسه والطيارات صغيره بدون طيار !!والله يكضب الشينه !! مع الاعتذار لحمار العربجي وصاحب الحمار عربجي السويد!! عمكم ودنبق.

  20. ياجماعة طائرات الخبر بقول
    وهى الجريده مسمية حكيات
    يبقى حكايات فى حكايات

  21. سبحان الله … الخبر غريب واغرب منه الطريقة التي تم تداوله بها
    اصبح الناس في السودان دون تثبت ينشرون ودون تثبت يقومون بالتعليق

    متي يتم اصدار قانون يقوم بمحاسبة النشر الضار؟؟؟؟
    وليعلم الجميع ان الكلمة مسئولية وامانة

  22. طائرات بطيار ام بدون طيار
    منشأ هذه الطائرات سودانية ام روسية
    البيوت في الفتيحاب مساحنها 300 متر بما فيها المباني التي عايها كيف ذلك
    هل هذه الطائرات تم تجميعها محليا ام جات طايرة وركت
    ارجوالاجابه لمعرفة الموضوع بالضبط

  23. [SIZE=6][B][COLOR=#004AFF]يا جماعة الخير إنتو مختلفين في شنو .. أقروا الخبر كويس..
    ( 3 ركشات رابضة داخل الحوش ) وسلامتكم[/COLOR][/B][/SIZE]:lool: :lool: :lool:

  24. [الشعوب تحرق أنفسها لعزل رؤسائها ونحن نحرق أنفسنا ليبقى لنا ولاة أمرنا

    انتو عارفين ياجماعة ممكن في أي لحظة نكتشف جيش ومعسكر تدريب في قلب سوق الخرطوم في ميدان ابو جنزير انا عارف الزحمة والجوطة ديك مابراها فيها حاجه طالما اللمبي موجود علي قمة هرم الجيش تشوفوا العجب ولا العجب ذاته اعتزل السودان هاهاهاهاها

  25. سلام عليكم
    فعلا حكايات…وطبعا ده ظهر بعد استدعاء المجلس الوطني لوزيري العمل والزراعة بخصوص خبير وقاية النباتات… بعد ضربة سبتمبر 2001م ظهرت معلومات كثيفة عن هواية الطيران والتدريب على تسلق الفضاء وخاصة في أميريكا وبالأخص في ولاية فلوردا صاحبة الأعاصير…وكده مع التصادم في (الموقف الطولي) ده ممكن نقول مبروك لسودانير بعد سوداتل… مع الاعتذار للشركات..

  26. يا اخوانا الخبر اكتر من عادي والطيارات دي … وقبضوها ناس النظام العام …امه مابتفهم …:)

  27. شباب مساءكم سعادة طائرات تجسس الطابور الخامس موجود في الخرطوم وموجود هنا ديل عملاء ضد وطنهم التحية والتجلا لقواتنا جهاز الامن والاستخبارات والشرطة بطلو تريقة عادي جدا الولايات المتحدة الامريكية بتدخل طورد ملغمة وبعدين انتو بدل ماتقعدو تتفاصحو كدا ومحسسنا انو انتو ما اولاد السودان البلد البسيط بي ناسو وامكانياتو ماتجو تحكمو البلد وتحموها بدل تقعدو تعارضو خلف شاشات

  28. والله دى تكون مصيبه وجهل لو تاس الشرطه بالجد مسكوا الزول ده ومعقوله الناس ما بتعرف الطياره البدون طيار انها نفس الطائرات الموجوده حاليا بس بدل البنى ادم عملوا طيار الى وده موجود من زمان ولايمكن ويستحيل الكلام الموجود فى الجرائد ده وبكره تشوفوا انو طلع كلام جرائد

  29. يكون الزول دة مبتكر
    ويستحق التكريم
    بس لو سرقهم من التصنيع
    الحربي يكون بالغ :lool: :lool: ;( ;( ;( 😉 🙂 😮 😮 :crazy: :confused: :rolleyes: 😎 😡 🙁 ;( :p 😀

  30. كل شيء ممكن في عهد الإنقــاذ ما دام تفكير ناس نظامي كده اتوقعوا كلو شي

  31. سلام عليكم
    لم ينشر التعليق السابق… معليش يمكن صعب شوية لأنه ارتبط بالوزراء والبرلمان والخبراء… وكلكم مفهومية…
    لكن هناك سؤال: ألا تعلم صحيفة حكايات أن للشرطة مكتب صحفي؟