كوش نيوز .. أخبار السودان بين يديك

أفضل لاعب عربي: شداد ومازدا يصوتان لابوتريكة ويتجاهلان العجب وهيثم مصطفى يصوت له


شارك الموضوع :

نشرت مجلة سوبر الاماراتية فى اصدارتها الاخيرة تفاصيل الاستفتاء الذى اجرته لاختيار افضل لاعب عربى للعام المنصرم 2008 والذى حاز
فيه قائد المريخ ونجم منتخبنا الوطنى الكابتن فيصل العجب على المركز الخامس برصيد 16ونصف من الاصوات وكشفت التفاصيل على المجلة ان الدكتور كمال شداد رئيس الاتحاد السودانى لكرة القدم والكابتن محمد عبدالله مازدا المديرالفنى لمنتخبنا صوتا لصالح النجم المصرى محمد ابوتريكة الذى احتل المركز الاول بينما منح قائد الهلال ومنتخبنا الوطنى البرنس هيثم مصطفى صوته لرفيقه وزميله الكابتن فيصل العجب
والمعروف ان صوت الخبير ومدرب المنتخب 10 اصوات وصوت الكابتن 5 اصوات

وقد اثار تصويت شداد ومازدا لصالح النجم المصرى وتجاهلهم للعجب الذى كان له دور مقدر فى تأهل منتخبنا لنهائيات غانا الاخيرة غضبا شديدا فى اواسط افراد الجالية السودانية بالفجيرة والامارات عامة

صحيفة قوون

شارك الموضوع :

17 التعليقات

إنتقل إلى نموذج التعليقات

      1. 1

        الله يخزيهم يا رب

        الرد
      2. 2

        بالنسبة لشداد ليس غريب عليه ان يصوت لغير سودانى ففعلها مع د. عبد الحليم من قبل فى تصويت الاتحاد الافريقى فصوت لحياتو اما ماذدا مالو ماعارف العجب حبيبى ولا عشان شلحوه من تدريب المريخ يا ناس خلوا عندكم وطنية ومهما كانت المبررات المثل بقول القرد فى عين امو غذالة يعنى العجب سودانى واذا كان هم شايفين ابوتريكة افضل لاعب نحن كمان شايفين العجب افضل لاعب ولا شنو ياجماعة

        الرد
      3. 3

        يا ريت مجلة السوبر الاماراتية عملت استفتاء حول انجح مدرب وطنى فى بلاد العرب وكمان احسن ادارى يقود ا تحاد رياضى فى الوطن العربى يا ربى الجماعة ديل سيحوزو على اى منصب واللبيب بالاشارة يفهم ما عايزة كلام

        الرد
      4. 4

        الكبير كبير يا برنس وانت سيدهم وشداد يا هو فعله دائما
        الله يخزيه

        الرد
      5. 5

        يعني العملوه شداد ومازدا فى الكورة السودانية شوية؟ بقت خلاص على عدم ترشيح النجم المحبوب العجب؟ ربنا يصبرنا عليك يا فيلسوف زمانك.

        الرد
      6. 6

        ديل منو الزعلانيين ديل ,, خلونا عليكم الله من العواطف الماعندها معني دي ,, انا لو كنت محل شداد او مازدا كنت حا اصوت لي ابو تريكة هي كوره ولا كوار ,,ابوتريكة افضل من العجب ,,وهيثم مصطفي لو كان بفتكر انو العجب افضل من ابوتريكة احسن يشوف ليهو شغله تانيه غير الكوره .

        الرد
      7. 7

        ضيعوا الكرة السودانية خاصة المدرب مازدا الذي لايفهم في شئون التدريب أي شئ.

        الرد
      8. 8

        شداد عندوا راي في اي لاعب سوداني
        وبمعملها ما بستحي

        الرد
      9. 9

        والله الانسان يستغرب ويتسال اذا كان الخبر صحيحا …. لا يمكن من كان فى مستوى مدرب الفريق القومى والان من هو رئيس الاتحاد … اي الوطنيه وكيف يصح لرجل مثل هذا ان يكون فى قمة الجهاز الادارى شىء غريب حقا وثير للتساؤل وكيف يمكن ان تتطور الكرة السودانيه …….:mad:

        الرد
      10. 10

        من المفترض أن يستبعد هذا المازدة من المريخ والكرة السودانية تماماً ودى فرصه وخير سبب أن يستغنى المريخ عن خدماته
        أما المدعى كمال شداد فأن أقترح أن يصدر قرر جمهوري بأ أستبعاده تماماً حتى ولو علىصفة متفرج

        لكن المصيبة أن يكونوا ما علرفين أن الأسواط سوف تعرف لمن سوط المسوط

        تبقى مصيبه يا سايطين كرة السودان

        الرد
      11. 11

        😮

        ابو تريكه يستاهل …. وكذلك العجب والبرنس …. والمثل يقول انا واخى على ابن عمى وانا وابن عمى على الغريب ….والكلام للامبراطور / شداد وللنظرى/ مازدا والله المستعان

        الرد
      12. 12

        بأمانة يا هيثم ….أحسن لاعب عربي منو ؟ ( )
        أعتبر تصرف شداد و مازدا يستحقو عليه الاحترام:lool:

        الرد
      13. 13

        العملو العجب للسودان والمريخ لو رجع ماذدا وشداد اربعون عام للوراء مابعملو مثله…..

        الرد
      14. 14

        انتو عارفين لو ابوتريكه دا كان سودانى بيلعب فى الهلال او المريخ شداد وماذدا كانوا حيصوتو لعمرو زكى

        الرد
      15. 15

        شداد أمر مازدا أن يكون إمعة له وإلا ,,,,, كل ناس الإتحاد خاتم فى أصبع شداد خاصه المدربين والحكام والمحامى ,,, عليكم الله أحمد بابكر دا خبير ,,, خبير فى شنو ,,, أفيدونا يارياضيين:lool:

        الرد
      16. 16

        ده كلو هين الدوري المقلوب ده اللي حيعــدلوا منوووووو ( صـوره مقلووبه ولازم تتعـــدل ) ، وهــذا جانب لتطــور الكره الســـودانيه ،، عشــان كـــده الجماعــه مقلوبين حتى في الوطنيــه التى لاتتقلب ،،، هــذه ســـوسه مدمــره من الداخـــل ،،،، وكل الخبره والمدربين ورؤســاء الانــديه اجمعــو على ان الصــوره مقلــوبه ،،،، اين صــاحب القـــرار للتعــديل ( ولا لازم العناد والتعــند والدكتاوريه في كل شئ ، حتى لو كان نافع للجميــع ) ،، والله المستعان

        الرد
      17. 17

        يا ناس النيلين من الأمانة الصحفية أن تنشروا تكذيب الدكتور كمال شداد لهذا الخبر ، كما ذكر في نفس الصحيفة التي نقلتم عنها الخبر المذكور ؟؟ ولا مش كده ، وحتى لو قال رأيه بصراحة ووضوح وشجاعة …

        رد إداري : تكذيب الخبر منشور بالنسبة لدكتور شداد .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.