كوش نيوز .. أخبار السودان بين يديك

متمردو (العدل والمساواة) يقتربون من مدينة الفاشر



شارك الموضوع :

تجمعت قوة كبيرة من متمردي حركة العدل والمساواة تتألف من قرابة 350 سيارة لاندكروزر وشاحنة في ثلاث مناطق حول مدينة الفاشر حاضرة ولاية شمال دارفور هي مناطق ساق النعام ووضل وام حوش جنوب وجنوب شرق المدينة ، وعلم ان القوات مكونة مابين 6-7 أفراد في كل سيارة بكامل عتادهم الحربي الي جانب كميات كبيرة من الأسلحة والذخائر علي متن الشاحنات . وأكدت مصادر موثوقة أمس القوات التي تجمعت ليل أمس تحركت علي ثلاث محاور الاول من منطقة (ام جرس) ،وهذه المجموعة من القوة يقودها المتمرد خليل إبراهيم بنفسه، الي جانب قوة أخرى تتألف من 150 سيارة بقيادة المتمرد سليمان صندل ، وقالت المصادر أن هذه القوة تستهدف الهجوم علي مدينة الفاشر في وقت قريب . وتفيد المعلومات أن المجموعة الاخرى تحركت علي متن مابين 65-80 سيارة تحركت من ولاية غرب دارفور وتحديداً من المناطق الواقعة شرقي جبل مرة مروراً بمنطقة (شنقلي طوباي) حتي منطقة ساق النعام حيث إرتكزت المجموعة هناك وتناولت ليل امس الاول وجبة العشاء هناك ،وتفيد المصادر الي مجموعة اخرى من القوات علي متن مابين 60-70 سيارة وهي تتحرك من غابة حمادة بولاية شمال دارفور ، وشوهدت جميع هذه القوات ليل امس تتجه شرقاً نحو منطقة (تولا) التي توجد بها مجموعة اخرى من قوات الحركة ، وبحسب صحيفة الرائد تتوقع المصادر ان تقوم هذه القوة خلال الايام القادمة بقطع الطريق علي العربات التجارية القادمة من مدينة أمدرمان الي دارفور علي ان تتحرك من هناك مباشرة للهجوم علي مواقع البترول.

شارك الموضوع :

31 التعليقات

إنتقل إلى نموذج التعليقات

      1. 1

        الله يكفنا شرهم …. ويسلم البلد من شرورهم .. اللهم أجعل كيدهم في نحرهم (اللهم أكفناهم بما شئت)

        الرد
      2. 2

        خبر فيه نوع من الطرافة إذا كان مصدر الخبر القوات المسلحة ماذا تتنتظر وإذا الحركة كيف يمكن لها أن تكشف خطتها والجهتين يهمها السرية إلا اذا كان الخبر غير صحيح او قصد به شىء آخر ..فهمونا مغزى هذا الخبر يا صحيفة الرائد

        الرد
      3. 3

        ستلقي حتفك باذن الله انت واطفالك اللذين تقودهم معك الي الموت هذة نهايتك ايها الخائن

        الرد
      4. 4

        بسم الله والحمدلله قال تعالى(كتب عليكم القتال وهوكره لكم وعسى ان تكرهواشيئا وهوخيرلكم وعسى ان تحبواشيئاوهو شرلكم والله يعلم وانتم لا تعلمون)(وقاتلوهم حتى لا تكون فتنة ويكون الدين لله …)فعلى كل الشعب السودانى كافة وليس الاجهزة الامنية فقط كل الشعب يجب ان يكون يقظا وفى اى منطقه من السودان لأنها هجمات غربية يهودية واضحة امتدادا لما يحدث فى غزة العزة الصمود الجهاد رفض الانصياع والذل ونسأل الله ان يجعل النصر حليفهم وحليفنا.فهؤلائ المتمردين الارهابيين اصبحوا ينفذون اجندة الغرب واسرائيل بصورة واضحة ومفضوحة ولا يسعون لأى سلام لأنهم هم الذين جلبوا الحرب ويقومون بتصفية كل من يرى رأى العقل ويرفض الدخول فى مخاطرات ومجازفات الرابح الوحيد منها هو اسرائيل والغرب مقابل وعود زائفة مستحالة التحقيق فالمتمردالارهابى الذى يقوم بتصفية معظم معاونيه وحراسه لمجرد اراء وصائبة فهو لايصلح حتى لقيادة نفسه فكيف يحلم بقيادة اقليم او محافظة حتى. فنسأل الله ان يجعل كيدهم فى نحرهم ويجعل تدبيرهم فى تدميرهم ويرسل عليهم جندمن السماءفهوالقادرعلى كل شئ والحمدلله.

        الرد
      5. 5

        بسم الله الرحمن الرحيم والله اكبر والعزة لقواتنا الباسلة المرابطة فى اي جذء من ربوع دارفور ومرحبا بالعملة الخونة جملة وياحبذا او كان معهم المرتزقة والعميل الدني والطابور الخامس بقيادة ذالك الغراب الشوم سسبب تعاست السودان شيخ الطابور الخامس المسمة بالترابي ونرجو من قواتنا الباسلة ان تكون في اشد حالات الاستعداد ومتابعت هذا الخبر وياحبزا لو كان ذالك الصقير العميل المرتزقة مقطوع الاصل خليل وهذا الخبر علي مااظن فيه قدر كبير من الصحة لان تصريحات ذالك الغراب بالامس شبيه بتصريحاته ايام الاعتداء علي امدرمان عندما كانيخاطب اتباعه المقيبين عن الحق في سنار وقال لهم ان العاصمة فيها اطرابات وهناك حدث ماحدث بالامس عندم كان يتحدث عن المشير وخروجه عن الجمع الوطني يدل علي انه علي اتصال مع هؤلاء المرتزقة واذا تحقق هذا الخبر ونحمد الله علي انهم جاؤا جملة ومرحبا بالجملة وهبوا ياصقور السودان واضربوهم وطابورهم الخامس وشيخهم وخلصوا السودان من ذالك الغراب والمرتزقة والعملة وهذه فرصة وارجو ان لاتفوت عليهم والبادي اظلم واغتنموا الكم الباهظ من السيارات والعتاد الذي جمعوه من خيبتهم والعاقل واللبيب يعلم من يعطي هذا الكم من العربات والعتاد الحربي مش حبا في عيون المساكين من اهل دارفور او السودان ولا عيون ذالك الغراب ولا ذالك الصقير خليل ولا نصرا وحلا لمشكلة دارفور والسودان ياقادة القوات المسلحة الباسلة اعلنوا حالة الاستنفار القصوة لقواتنا في اي مكان من ربوع السودان ولا تفوتوا لهم هذه المرة مهما كلف الامر من الاستشهاد والله في نصر الحق ونرجوا ان نري ونسمع كل خير جميع اهلنا في السودان

        الرد
      6. 6

        ثم ماذا بعد الم يان لهولا المرقه ان يرتدعو الخليل وشيخه الضليل الم يكفى ما فعلتم باهلكم بعد ان كانو ساده فى اراضيهم اصبحو نهبا للمنظمات تتلاعب بهم واطفالهم واعراضهم وانت وشيخك الضليل تمنون نفسكم بحكم السودان هيهات هيهات اسال الله ان تكون لك الاخيره

        الرد
      7. 7

        فى انتظارهم ليقتلو مثل اخوانهم الخونه الهم عليك بهم الهم اقتلهم بددا ولا تبقى منهم احدا يا رب العالميت حيث إرتكزت المجموعة هناك وتناولت ليل امس الاول وجبة العشاء هناك دايل جاين سياحه

        الرد
      8. 8

        قاتلكم الله ,لا خير فيكم .لكنها نهايتكم ايها المارقين:eek:

        الرد
      9. 9

        كذب المنجمون ولو صدقو

        الرد
      10. 10

        تاج الدين الشريف:-
        قراءة صحيحة للخبر كنت انتظر شخصاً يقرأ الخبر بمثل ما قرأته انا لماذا تنتظر الحكومة والقوات المسلحة بعد العلم بمكانهم وبعد متابعتهم حتى يدخلوا ام درمان ثانية – ولا راقدة ليها فوق راي – ارجوا ان تستهينوا بالقارئ

        أو هو خبر للاعلام ليس إلا— حتى في الاخبار لا ندري اين الحقيقة – لو وقفنا مع المرتزقة نحن جهلة ولو وقفنا مع القوات المسلحة تستهزا بنا – اضربوهم ثم بعد ذلك الخبر 😡 😡 😡

        الرد
      11. 11

        طيب منتظرني انا اجي ارشوهم ليكم ..مرتاحين زكمان يتناولوا و جبة العشاء و انتو بتتفرجوا طيب ما كان تعزموهم انتو و تضبحوا ليهم!!!! رشوا العمله ديل بالطيرات الجديده دي خايفين عليها تنصدم و لا شنو وولا ما عاملين عليها تامين شامل ضد الغير ؟
        قال بتعشوا قال ..مخلينهم اتعشوا ؟انتو تتغدوا بيهم قبل ما يتعشوزا ياكلو السم اليهريهم يا رب

        الرد
      12. 12

        ايها الضالون عودو الى رشدكم ياخدام الصليبين واليهود ان عدتم ستجدون كل الشعب السودانى يقاتلكم عليكم لعنة الله

        الرد
      13. 13

        أزفت ساعة التحرير … أزفت ساعة الخلاص … قوات المناضل عبدالواحد و قوات أسد الرهيد الكاجدرابى تتأهب أيضا … ساعة تحرير دارفور قد حانت … الى مزبلة التاريخ ايها الكيزان … الى مزبلة التاريخ ايها المرتشون …. الله أكبر … الله أكبر … الله أكبر
        و النصر لثوار دارفور أمل السودان القادم .

        حاج أبكر صالح

        الرد
      14. 14

        وانا يا حاج ابكر قبيل ماقريت اسمك لان حديثك الخبيث اعمي بصري من اسمك . واسمك حايكون منو غير حاج أبكر ؟ الجواب ما باين من عنوانو

        الرد
      15. 15

        حاج ابكر راجي خليل الكوز ولا عبد الواحد الصهيوني يحررو ليك دارفور شكلك حتنتظر كتيييييييييييييييييييييييييييير يابكرونا!

        الرد
      16. 16

        كلنا مع الحكومة ضد الخونة التشاديين لكن اين الجيش السوداني اين الدبابات اين الراجمات اين حاملات الجنود المدرعة اين المدفعية الثقيلة اين شلاح الجوا سوخوي ميج 29 واين ابابيل وغيرها أنا أبحث عن إجابة أرجوا منكم تجدوا إجابة لأنة سؤال مشروع لكل سوداني

        الرد
      17. 17

        خبر فيه شيىء من الغرابة ، فالمسأئلة أمنية بالدرجة الأولى ، والقوات المسلحة عهدنا بها لا تكشف مثل تلك أخبار إلا بعد إنجاز المهمة الأمنية ، إذا كان هذا الخبر صحيحاً فإنه يخدم الحركات إعلامياً أكثر من القوات المسلحة الباسله ، لماذا يتم نشر خبر كهذا وبالتفصيل دون أن يكون للقوات المسلحة عمل على الأرض ، هل نسكت ونترك العابثين بالوطن يفعلون به الدمار فى ظل عالم همجى يغرق فى الفوضى حتى قدميه ! ، على القوات المسلحة تلقين أؤلائك المرتزقة عملاء الغرب وإسرائيل درساً قاسياً حتى تتشتت فلولهم داخل تشاد ، نحن ننتظر ذلك من الجيش الوطنى 0

        الرد
      18. 18

        بدأت بوادر الفاس فوق الرأس والجماعة يعنى البيت جنب الجامع ونحن زمان شن قلنا ناس مالك بتوع لندن طلعونا جبنا اها يا ملك تعال حل الفاشر ودافع عنها ودى لو سقطت بالتأكيد انا حا اجيك لندن واجرك من كريعاتك واجدعك فى الفاشر عشان تدافع عنها عموما الفرصة مواتية لجيشنا الهمام للانقضاض عليهم وهم للحين خارج مدينة الفاشر وربنا يستر على اهلها:mad: 😡 😡

        الرد
      19. 19

        انتم واهمون اى تحرير ومن من تتحررون نتمنى ان تضعوا البندقية وتجلسو مع الحكومة ونبنى سودان واحد متقدم حتى نواكب الامم الا يكفى الشعب السودانى عامة الاقتتال فى الجنوب حتى ناتى مرة اخرى ونتقاتل ونحن ابناء وطن واحد ونتقاتل من اجل شى زائل وننظر الى تقدم وتعلم ابنائنا ورفاهية السودانين كافة يا عبد الواحد ويا خليل تعالو الى كلمة سواء والله انا لست مؤتمر وطنى ولا انتمى الى اى تنظيم سياسى ولكنى مواطن سودانى انهكتة الغربة وهو يناظر تقدم الدول من حولنلنا

        الرد
      20. 20

        الي الشخص المكني نفسه بكاروشا احسبك من العملاء والخائنين الذين يفتقدون الي روح الوطنيه والشهامه ما احسبك اللا احد الخنازير الذين لا يستاهلون اللا طرب العنق والصلب في مكان عام لتكون عظه وعبره لمن شابهك علي الخسه وما اكثر من يشبهونك من بني جلدتك المنتنه التي لاينبقي لها العيش بين ظهرانين بالله عليك كيف تناصر من يقتلون الابرياء من الاطفال والشيوخ و النساء أهذي هي شيم المسلمين ؟ بالله عليك خبرني هل انت رجل مسلم؟ فأنا نيابة عن بني وطني المخلصين واصالة عن نفس كل سوداني حر اقول لك فلتذهب انت وأمثالك الي الجحيم يا عدو الوطن.
        واذا كنت اصلا رجل فلتكتب اسمك كاملا بدلا عن هذا اللقب القبيح(karoshah) أسأل الله ان يجعلك تتكرش في كل انحاء بدنك النتن حتي الموت.

        الرد
      21. 21

        يا كاروشة فضحت نفسك انت قايل الكيزان ديل صادقيين دييل كذابيين ساكت هسع كان في كديسة عاوزة تاكل لحم في بيتك وانت شفتها متحفزة ح تخليها لما تاخد اللحم ديل كيزان ل………… ساكت لكن والله ما بنخاف من المجرمين ناس عبدالواحد الاسرائليين ديل عدل كلامك ايوة ما بنحب الكيزان لكن كمان الاسرائيلين ديل ما نقيف معاهم ابدا والعزة للسودان ياكيزان ويا كاروشة

        الرد
      22. 22

        انا بس مستغرب للاخبار والمعلومات الدقيقة فى الخبر خاصة المناطق المذكورة والتوقيت الاكثر دقة وبسأل هل الحكومة على علم بهذه المعلومات؟ اذا كانت تدري فتلك مصيبة وان كانت لا تدري فالمصيبة اعظم. لانه من غير الممكن ان تنتظر هؤلاء الخونة حتى بالفاشر ما فعلوه بامدرمان عموما نسال الله ان يحفظ البلاد والعباد.

        الرد
      23. 23

        الحيه بتموت من الراس ما من الديل المعركه هناك في انجمينا لما نشيل ديبي بعدين ينقطع الدعم ونفضليهم ناس خليل وابكري ده 😡 😡 😡 😡 😡 😡 😡 😡 😡

        الرد
      24. 24

        لو الكلام ده صحيح وماحصل قرينا خبر مشكوك فيه فى النيلين تبقي مصيبة حقيقة،لكن بحب اطمئن شعبى الابي انو هناك في رجال بياكلو النار والمرة دى مستر خلو ماحايلحق يهرب تانى

        الرد
      25. 25

        المشكلة ما في ادريس ديبي براهو .. المشكلة في القذافي .. الحاقد علي السودان وشعبه.. وبيدعم اي مارق .. لكن إن شاء الله يمكرون ويمكر الله والله خير الماكرين .. حسبنا الله ونعم الوكيل .. والله اكبر ولا نامت أعين اليهود والقذافي وامريكا وخليل ابراهيم والترابي وكل المارقين والمأجورين

        الرد
      26. 26

        :lool: لوانا غلطان علموني في المره الاولي دخل امدرمان وناس الحكومه نائيمين اها المره دي العزر شنو (لو مااصلو الناس ديل متفقين ونحنا المساكين ديل ماجايبين خبر)

        الرد
      27. 27

        شنقلي طوباية يااخي تعليقك عسل عدييييييييييييييييييييييييييييييل

        لكن بيني وبينك شكلك خايف

        الرد
      28. 28

        السلام عليكم : هذه هى نهاية الخونة والمارقين وصدقونى فى خلال الأيام القادمة سوف تشاهدون حربا أكبر من تلك التى فى غزة لأننى أحتفظ بمعلومات غاية فى السرية بس أحب أطمأن أخوانا السودانيين انو نهاية التمرد اقتربت وساعة الصفر حانت ، ورأيت بأم عينى زخائر وعتاد تحرر فلسطين وكمان المفاجأة سلاح طيران مكتمل بعد الدعم الايرانى الآخير قرابة ال 24 طائرة حربية أمسكو الخشب ولنا عودة بعد 10 أيام من الآن …………….

        الرد
      29. 29

        ياشباب ارقدو قفا البلد ده محروسة برجال لا يظهرون اطلاقا علي وسائل الاعلام

        ويعملون بجهد مطلق ضد كل المارقين بمافيهم الطابور الخامس الذين هم اخطر من المتمردين فهم المنافقون الذين حذر منهم رسول الله صلي الله عليه وسلم

        الرد
      30. 30

        وماذا فعلوا عندما جاءوا إلى الخرطوم؟ ألم يفر خليل بجلده في ثياب إمرأة كثل ما فعل قبلة صاحبنا هلمجرا؟ هيلكوبتر واحدة بتجيب أجله.

        الرد
      31. 31

        اتمني ان تهتم الشركات التي تصنع العاب الفيديو جيم بتصميم لعبة علي شاكلة كروسيدر والالعاب الاستراتيجية الاخري بمنطقة النزاع بالسودان وخاصة بالغرب الادني

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.