صلاح إدريس يؤكد قيد البوليفى وإعادة طمبل
أكد رئيس الهلال صلاح ادريس ان اللاعب البوليفي سيتم تسجيله في الهلال كمحترف رابع بواسطة الفيفا في الوقت المناسب واكد كذلك ان طمبل سيعود للهلال في شهر يونيو القادم بالقانون سواء وافق الاتحاد العام أم رفض ومؤكداً ان مناهضتهم لقرار الاتحاد العام في العام الجديد سوف تستمر ولن يرضخوا للاتحاد العام ما لم تنفذ مطالبهم وقال انهم سيضمون ايفوسا النيجيري للهلال في شهر يونيو القادم وعن استيفن وارغو فان تسجيله في السنية غير قانوني لان شهادة تسنينه لم يمض عليها ثلاث سنوات كما يفترض الاتحاد العام عند تسجيل اي لاعب في السنية واكد تمسكه بالترشيح لرئاسة الاتحاد العام وبدأ في التنسيق مع الاتحادات الولائية في ذلك وسيظهر هذا الامر في الوقت المناسب كما تناول في حديثه العديد من الموضوعات الأخرى وذلك لدي حديث استضافته فيه اذاعة الـ FM 104 الرياضية
صحيفة قوون
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
1
:confused:
تعدد مواهب …. وإلا ما وصل اليه الرجل خير دليل على النجاح … واللهم لا حسد … وفقك الله صلاح ادريس والى الامام
نحن نثق بحكمة ورجاحة عقل الاستاذ صلاح ادريس وبصراحة نتمنى ان يتوفق بالفوز فى انتخابات الاتحاد العام لانى بصراحة لم ارى اايجابيات لاتحاد الدكتور كمال شداد فيجب ان يتنحى ويعطى الفرصة لغيره
انتو يا جماعه صلاح ادريس بتاع خدره ولا شنو,,,,,,لانو مرات بقول ليهو كلام مساطيل
نقول للاستاذ والراسمالى والملحن والناقد والرياضى المطبوع صلاح ادريس الارباب ان كان كذلك احسن تمسك ليك حاجة واحدة لانو اهلنا العرب قالو مساك دربين ضهيب وركاب سرجين وقيع والله انت حقو تحمد ربك انو انتا بقيت رئيس نادى الهلال وحدى هنا وكفاية اما حتة الاتحاد العام الشغلة دى اكبر منك بكتييييييييييييييييييييييييييير وخليك انت وعماد فى مشاكل الهلال لانو شداد ده ماتقدرو عليه لانو راسكم فاضى واحسن تمشى تلحن ليك قصيدة تنفعك عشنا وشوفنا المسيقار ابوالصلح
يا أربابنا إنت قايل القروش ممكن تعمل أي حاجة؟ حكاية رئاسة اتحادات الكورة دي علم وفن وخبرة في إدارات الاندية والاتحادات الصغيرة ومؤتمرات عالمية وعلاقات مع ناس سيكافا والفيفا والحاجات دي ، يعني بالعربي المسألة ما دولارات وبس !! وأحمد ربك إنو الهلال مفلس والا ماكنت خلفت العمالقة ناس الطيب عبد الله والسماني وابو حراز وغيرهم ممن تعاقبوا على ادارة الهلال لمن كان الجيب لا يعني كثيرا !:mad: 😡 😡
صلاح كالعاده دائما يثير المشاكل في كل بداية موسم والنغمه الجديده هي ترشحه ارئاسة الاتحاد العام . رئاسة الاتحاد العام ياأخونا صلاح تحتاج الي شخص مؤهل وزوعلم بكافة القوانين وحكيم في رأيه بأختصار شديد قروشك ماكفايه عشان تقود الأتحاد;)
صدقت يا حذيفة .. عشرة صنايع والبخت ضايع ……………………………..