منوعات

اشهر بائعة شاي بالشهداء تقول: احب حكومة الانقاذ لهذا السبب

2014/01/07

[JUSTIFY]قديماً قيل ان المهنة شرف والصنعة إتقان ولذلك كانت الحاجة فاطمة مبدعة ومتقنه في عملها وصنعت لنفسها تاريخ كبير حمل عنوان عشرة سنوات من الكفاح والنضال في مهنتها الشريفة كبائعة شاي تعد اليوم الاشهر من بين زميلاتها في مجال بيع الشاي بحي الشهداء..تحدثت لنا الحاجة فاطمة وقالت انها ظلت لمدة عشرة سنوات تقدم في الشاي والقهوة والنعناع وغيره من المكيفات لزبائنها …وقالت انها صنعت لنفسها زبائن لا تستطيع اليد ان تحصيهم ومن بينهم مشاهير الفن والرياضة وغيرهم وعلي راسهم الاستاذ حاتم حسن الدابي شاعر الطمبور والذي قالت في حقه انه انسان بمعني الكلمة وقالت بانه ظل يداوم علي شرب القهوة من محلها العامر بحي الشهداء…وتحدثت الحاجة فاطمة عن دور ست الشاي وقالت بانها مهنة تتطلب الصبر والإحترام حتي يتم تبادل الإحترام بينها وبين زبائنها…وقالت انها ظلت طوال هذه الفترة تاتي لعملها من الصباح الباكر حتي تستطيع ان ترمي (الزلابيه او اللقيمات) لان الناس في الشهداء إعتادو علي شرب الشاي بالزلابية سواء ان كان بالصباح او المساء..وذكرت بانها مبسوطة جداً من عملها هذا ودائماً ما تقول (مستورة والحمدلله) ..وعندما سألناها عن إرتفاع أسعار الشاي والسكر والبن وهل تآثر عملها عن سابقه؟؟؟قالت زمان الشغل كان كويس بس هسي برضو كويس والحمدلله…وسألنها عن ادوات عملها والطاولة الجميلة التي تبيع فيها؟؟قالت انا احب حكومة الإنقاذ لانها ما قصرت معاي وزمان عبدالرحمن الخضر اداني الصندوق الجميل ده عن طريق ناس المحلية الذين قالوا لي (ده هدية من والي الخرطوم)….كما ذكرت حاجة فاطمة انها ظلت تربي اولادها من هذه المهنة الشريفة..وقالت الناس البجو يشربو عندي ديل كلهم محترمين والناس بتقيف معاي والسودان لسه بخير والحمد لله….وعن المواقف الطريفة التي مرت بها تحكي الحاجة فاطمة وهي تضحك حيث قالت (مرة كدة السكر ارتفع وكان الرطل بجنيه ونص وفجاة بقي بجنيهين وكنا بنبيع الشاي قبل الزيادة بخمسين قرش وبعد الزيادة بقينا بنبيعو بي جنيه ..قام جاني واحد شرب شاي وبعد انتهي اداني خمسين قرش فقمتا قلتا ليهو كباية الشاي بقت بجنيه يابن العم قام قال لي ليه يعني؟؟قلتا ليهو لانو السكر زاد وبدل جنيه بقي بجنيه ونص..قام عاين لي وقال لي انا ذنبي شنو الخمسمية كلها تحسبها في كباية الشاي بتاعتي انا بس وقالت ما كان مني الي ضحكت بشدة وقلتا ليهو عشان كلامك ده انا ما دايره منك ولا قرش ولا تعريفه وهو زاتو بقي يضحك وحلف الا اشيل منو القروش)

ياسين الشيخ _ الخرطوم
النيلين[/JUSTIFY]

مواضيع مهمة

ركوب الخيل لا يناسب الجميع؟     أيهما أصعب تربية الأولاد أم البنات؟      جسر الأسنان

هل تعقيم اليدين مفيد؟              الكركم والالتهابات             أفضل زيوت ترطيب البشرة

2014/01/07

تعليق واحد

  1. ياسلام يا حجة ربنا يكتر من الزيك لانو الزمن دة صعب تلقى زول بحمد ربنا انشالله ربنا يبارك ليك في رزقك

    رد

  2. [SIZE=5]لك التحية أيتها الشريفة ولكل زميلاتك في المهنة ولكل من أجبرتها الحياة للبحث عن رزقها ولم يتركها البعض في حالها وهم لا يبحثون عن الظرف الذي أخرجها .

    ليتنا ندع كل محلوق لخالقه .[/SIZE]

    رد

  3. انقاذ شنو يا حجه ؟ عشان ادوك صندوق عايزة تجملى لينا البعاتى … دة المضيعنا النظرة الضيقه من باب المصلحه الشخصيه البحته

    رد