سياسية

تكهنات بترشح الشاعر والطبيب معز عمر بخيت لرئاسة الجمهورية


سرت تكهنات بترشح الشاعر والطبيب بروفيسور معز عمر بخيت لرئاسة الجمهورية السودانية في الانتخابات القادمة، وذلك في أعقاب رئاسته للجنة التمهيدية للحركة السودانية للتغيير. وأوضح البروفيسور معز لموقع النيلين أن شعارهم هو: (تغيير لوطن جديد ) وأن حركتهم لها فروع في جميع أنحاء السودان وستعقد مؤتمرها العام في نهاية مارس القادم ومن ثم تحدد مرشحها لرئاسة الجمهورية.
وعن رؤية الحركة أوضح بأنها تقوم على تحقيق دولة مدنية أساسها العلم والابتكار والحضارة والثقافة والفنون والاقتصاد القوي الخالي من الفساد تنهض بالوطن وتحقق الرفاهية لشعبه.

وأن رسالتهم بأن يصبح السودان دولة واحدة تسع الجميع باختلاف توجهاتهم ليكون على مصاف الدول المتطورة على جميع الآفاق السياسية والاقتصادية والاجتماعية والثقافية من أجل إرساء دولة المستقبل، دولة القانون والمؤسسات والديمقراطية وحقوق الإنسان، دولة الحريات، ودولة مجتمع المعرفة والتعاون والتضامن والتسامح، دولة العدل والمساواة حيث لا مكان فيها لإقصاء الآخر وتهميشه، ولا مجال للتعصّب والتطرف والكراهية.

وعن التوجهات الاستراتيجية:
1. تحقيق التميز من حيث الجودة في كل مرافق الدولة الخدمية والسيادية؛
2. التركيز على بناء القدرات لدى الجيل الجديد من الشباب وتأهيلهم لقيادة الوطن؛
3. القضاء على الفساد في كل المرافق؛
تحقيق التنمية المستدامة مع زيادة وتنويع مصادر الدخل من أجل بناء اقتصاد قوي؛
تمكين المرأة؛
إقامة علاقات متوازنة مع المجتمع الدولي تراعي المصالح المشتركة وتدعمها.

الأهداف:
تهدف الخطة الاستراتيجية إلى تحقيق عشرة أهداف رئيسية، تمثل شعار البرنامج التنفيذي للخطة وهو (صباحات روعة):

ص = صحة للجميع

ب = بيت للجميع

ا = أكل للجميع

ح = حرية للجميع

ا = أمن للجميع

ت = تعليم للجميع

ر = رفاهية

و = وحدة

ع = عدل

ة = تنمية

وأضاف البروفيسور معز بأن لديهم موقع تحت الإنشاء سيتم به وضع الإستراتيجيات الخاصة بتحقيق هذه الأهداف وبقية أوراق العمل


‫104 تعليقات

  1. والله الحاكم يابروف ليس يكتب الاغاني
    الحاكم ان يكون حمش وياكل النار وأغبش

  2. ياسيادة الرئيس البروف / معز عمر ولا رئاستك دي إلا تكون في مملكة الحب – يعني الشعب ده تأكلوا قصيدة وتشربوا قصيدة – واكتر المؤيدين من النساء والشباب بالتوفيق – غايتو اضف لي سيرتك الذاتية مرشح لرئاسة الجمهورية – يعني بروف / وشاعر / ومرشح سابق لرئاسة الجمهورية – اسي كدة اجيبوا ليك رتبة من وين 😎

  3. مع احترامى للعبقرى البروف الشاعر الدكتور معز عمر بخيت …
    ولكن الدولة وسياستها ليست اسطر من الشعر تجيد تنظيمه وقافيته …. الحكم اكبر من تكون صباحات روعة ,….

    يابروف انا عارف انك حتقراء كلامى ده …. الحكم اكبر من كده بكتير … وتوجهاتك جميلة جدا … اتمنى منك تشارك الانقاذ الحكم واتمنى من القائمين بأمر المؤتمر الوطنى السعى لانضمامك لهم … ولكن ان تحكم السودان اجمع … فدا صعب وصعب جدا كمان …

    يابروف …. عبقريتك نادرة فى الزمن ده … وفنك مع عبقريتك خلوك انسان فريد … عايزك مشارك فى الحكم وليس حاكم …

  4. والله أنا أويد ترشيح هذا البروف ، واعتقد انه آن الاوان للسودان يحكمه رجل من يحمل شهادات عليا وله عقل ورؤية ثاقبة .

  5. البروف المعز
    الآن لديك أبداعات فى المجالات التى تخصصت فيها ومواهب شعرية وفنية عالية ولديك معجبين ,, أخشى إذا حشرت نفسك فى السياسية تفقد الجميع ..

    1. والله يابروف مع ثقتنا في وطنيتك ارى ان تبتعد عن هذا الاتجاه لما علمناه عنك من مؤهلات….ففضلا ابتعد عن السياسه ودروبها وكل مايؤدي اليها
      انت رجل علم العالم كله يعرف ذلك ومن اكتشافاتك العلميه الناجحه للانسانيه.جمعاء …فما لك وتلك الجنازه لاروح فيها
      واخشى ايضا في اسؤا الفروض ان يغتالوك تصفيه
      ياخي شوف علمك دا وشاعريتك هذا السودان اصبح جنازه لاروح فيه…لا ..ولن…ولم يتخلوا عن الحكم فلا يقدر عليهم الا الذي اتى بهم(( رب العزه تبارك وتعالى)) وهذا قدرنا وهو قادر بهم وعليهم فقد قلنا من قبل (( ان كان خلاصنا منهم بيد ابليس والشيطان فمرحب واهلا بابليس )) لا يابروف لا تفعلها

  6. هههههههههههههههه

    دي بلد زي العراق كلو يوم مشكلة وانت زول حساس ورقيق وكدا

  7. مالو لو حكم زي المعز او غيره نحن ما حكمنا نميري 16 سنة سنة وعمر البشير الان 20 سنة … شنو يا ناس الجبهة خلاص بس حقتكم انتو وبس فعلا السودان محتاج لرؤية جديدة واشوف هذا التنظيم مجرد بداية والمشوار طويل يا بروف وبالتوفيق

  8. أعتقد أن إفساح المجال للقيادات الوطنية الشابةالتي تتحلى بروح الوطنية وبرامج التغيير والإصلاح أفضل بكثير من تلك الديناصورات التي تأبى أن تفنى، التي دمرتنا وجعلتنا نتشتت في جميع أنحاء العالم وبلادنا ذاخرة بالخيرات التي تكفيها وتكفي العالم كله، ولكن أين مع مثل هؤلاء الديناصروات لا خير فيها جميعهم يجب أن يذهبوا إلى مذبلة التاريخ، وليخجلوا من أنفسهم، إلى متى يستمروا في تحطيمنا؟؟؟؟
    هذه الأجيال القديمة يجب أن تفسح المجال للأجيال الشابة عسى ولعل أن يكون فيها خيراً للمواطن السوداني الذي عانى كثيراً، ويجب أن نتذكر أن نهضة دول مثل ماليزيا والصين كان أساسه الاهتمام بالإنسان وليس معاداته أو الاهتمام بحزب دون غيره.

  9. ممتاز … وخلينا نساعدك في ترشيح حكومتك :
    الموسيقار محمد الأمين رئيساً للوزراء
    محمود عبد العزيز وزيراً للصحة
    صلاح مصطفى وزيراً للشئون الدينية
    جمال فرفور وزيراً للشباب والرياضة
    أبو عركي البخيت وزيراً للعمل
    عبد الكريم الكابلي وزيراً للتربية والتعليم
    وندى القلعة وزيراً للخارجية ( )

  10. اهنئكم أولا
    وأتمني أن تقبلوني عضوا بالحركة لنبني معا سوداننا الجديد

  11. والله يا جماعه بكل اختصار انا اقول ليكم انو ما جا رئيس زي البشير قبل كدا ولا اصلا حيجي اذا فقدنا بشيرنا دا ان علي اهل السودان الشرفاء السلام علي كل حال انا واحد من الناس الحيدافعو عن الرئيس البشير بكل الوسائل ربنا يحميك يا بطل يا حمش

  12. ما أعرفه أن البروف متخصص في البحوث المعملية وما شابهها
    وقضى فترة طويلة خارج الوطن منكب على دراساته وأبحاثه
    بالمناسبة هل تنازل البروف عن الجنسية السويدية ولا حيكون … مزدوج

  13. حقيقي ممكن أقبل بيك وزير ثقافة (بجـد) لكن،،،، ما تبالغ،،،:confused:

  14. والله يا جماعة انا ما قادر اتخيل رئيس غير البشير ولا بنقبل بغيره الا الموت ياخذه منا شهامه رجوله تحسسنا الصدق معه انسان بسيط تقوما تجيبوا لينا منظراتي يطيح بالامه معز يحمل اكثر من جواز غير السوداني عمل خارج الوطن الوطن درسه البشير عرقه ودمه جال به الوطن الى ان صار رئيس خلونا في حالنا وانا شاكك في اتجاهه شيوعي

  15. يا فارس دى قائمة حزب البهجة والمسرة ولا ايه الله يرحم عوض دكام كان ممكن يكون زير داخلية

  16. والله ما قصرت يا فارس يديك العافية دا الرد عليهم ،،، والله يا خوانا مافى حل غير انو البشير يستمر فى موقعوا فاتحدوا يا شباب خلف البشير و خلو عندكم بعد نظر

  17. نقول اصحى يانايم وحد الدائم
    وكان القصة كلام خشم كان المحجوب رحمه الله وصلنا السماء وهناك فرق بين الشعر وملاح ام رقيقة وسلالالالالالامتكم

  18. الله يوفقك يا بروف السودان فعلاً محتاج لإمثالك أن يحكموه ويساهموا في وضع الأسس السليمة,التداول السلمي للسلطة وليس أمثال الديناصورات الحلافين بالطلاق والزور لأن السودان يريد أن يحكمه رجل حكيم يعرف مصلحة بلاده وشعبة وبذل الغالي والنفيس في سبيل تحقيقه لشعبه وليس مجرد أحمق يتباري بالإحاديث الجوفاء الذي لا تسمن ولا تغني من جوع,
    ثانياً أي بلد في العالم يحتاج لرأس ذو فكر ثاقب وليس كما نري دائماً 000000والله يوفقك.

  19. والله يا بروف نحترم مشاعرك وأرآءك مثلما نحترمك كأنسان شاعر رقيق وطبيب مخضرم بيده بلسم الحياة لسكان الأسرة البيضاء ، لكن السياسة صدقنى لا تتماشى معك وأخشى أن تذهب برصيدك الشعبى والوطنى 0
    فيما يخص الشخصيات أعتقد أن السودان لن يجد رئيساً كالبشير قريباً ، البشير ده موديل فريد ، أصلى وليس سكنهاند ، أتصور أن كل شخص لديه رؤية وطنية وأفكار ثورية وتقدمية وتطلعية عليه أن يساعد البشير لا أن يقفذ فوقه 0

  20. مالو يابروف ناس الانقاذ الان بشعراهم ,,,,وكمان نعمل لينا جبهة الشعراء ونمشي الدوحة او القاهرة وممكن نفتح لينا مكتب في اسرائيل تريحك من التلتلة دي :lool: :lool:

  21. أهداف رائعة يابروف و بتوصلنا للصورة الزاهية التى نحلم أن يكون عليها السودان.
    لكن بصراحة الفرقة الموجودة الأن على الساحة متدربة أكثر و متمرسة أكثر و الأقدار على تحقيق ذلك في هذة المرحلة. و بعدين نشكل ما نشكل من مجموعات.

  22. كلٌ لماهو ميسرٌ له . البروف معز شاعر رقيق وطبيب مرموق قضى معظم عمره خارج السودان للدراسة وعلى حسب علمي هو حالياً يعمل بمملكة البحرين ، البروف لم يعايش السياسية السودانية والتقلبات السياسية في السودان وهو اضعف من ان يناطح فطاحلة السياسية داخل السودان ناهيك عن خارجه ، نحن نحترم البروف في مجاله الذي عرف به وهو الطب وايضاً المجال الذي برع فيه وهو الشعر ومن حقه ان يترشح لرئاسة الجمهورية زي اي مواطن ولكن الخوف ان يصبح كالغراب الذي حاول ان يقلد الطاووس في مشيته فلا استطاع ان يمشي كالطاووس ولا استطاع ان يرجع الي مشيته الاصليه .:lool: :lool: :lool:

  23. والله يالبشير هانت الزلابية لدرجة ناس المعز دايرين يورثوك بالحياة …البشير ده مالو عيبو شنو

  24. يا بروف لك التحية فانت وجه مشرف للبلاد
    لكن التغيير فى الوقت الحالى غير مرحب به لان البلاد تمر بحالة من التذبذب من عدة جبهات منها قضية دارفور والمحكمة الدولية تمس سيادة السودان
    ولك كل الاحترام

  25. يابروف خليك في الطب والشعر ومع ناس زول والناس الحلوين وخلي السياسة لناس البشير

  26. لايقه الرئاسة عليك ولكن!!!
    اذا نظرت نظرة فاحصه للاقاليم السودانية ستجد ان المؤتمر الوطني قد تمكن تماما من المساكين ولا اعتقد ان هنالك !!!!!!!!!!!!!!!!!!

  27. كفاية عليك خالص تقول اشعار في البشير ، اقترح عليك ان ترشح نفسك رئيس لنادي وخليك زي ناس صلاح وجمال وبلاش مطاولة صح رحم الله رجل عرف قدر نفسه :lool:

  28. ممكن تبقى رئيس الشعراء فى السودان

    آخر الزمان حصل قريت فى التاريخ انه فى شاعر بقى رئيس او زعيم قبيلة

  29. 😮 عمر البشير ما ليه بديل وزيه مافي مثيل

    هاك الرئاسه ححححححححححححححححح حندوكك

  30. حلوة منك يا بت البلد ..

    بس أنا كلامي ما جابوه .. الكنترول ما عجبو كلامي ..

  31. بسم الله الرحمن الرحيم
    اولا د/ المعز مؤهل لحكومة السودان من جميع النواحي اذا نظرنا بالمعطيات رجل علم لا يشق له غبار وعلى الذين يتطاولون عليه اقول لهم انه ليس بحاجة للحكم انه رجل ذو مكانة مرموقة في الخارج واستطاع ان يصنعها بنفسه لا بالاحزاب والبندقة ولذلك كفاية تطبيل للجلادين الذين بسبهم صرنا مسخرة في الخارج وحين ما نعود يستقبلونا بدافترهم لجمع المال لبناء المدن خاصتهم في ماليزيا وكلكم نظر .

  32. بروف المعز ليس في حاجة الى تزكيه من احد ولكن السياسه لها رجالاتها والبروف لم نسمع عنه انه كان في يوم من الايام سياسيا نحن نحبه ونحترمه ولكن في مجاله وتحضرني هنا حكايه حصلت في مدينتى ، ترشح احدهم لمجلس الشعب ايام نميري وكان لاعب كرة شهير جدا ومحبوب جدا في المدينه ولكنه سقط في الانتخابات وفي احدي الجلسات قال : انا والله ماعارف الناس ديل ما صوتوا لي ليه ؟ فاجابه احد اصدقائه : يا اخي انا ذاتي ما صوتا ليك ؟ فقال له : ليه ؟ فقال صديقه : انا صحيح معجب بيك وبحبك لكن كلاعب كورة وبس وبعدين قول لي انت حتمشي مجلس الشعب تسوي شنو ؟ تلعب لينا كورة مع النواب ولا بس ترفع ايدك تقول موافقون ؟ يا اخي نحنا زي ما بنشجعك في الكورة برضو عندنا ناس بنشجعم في الانتخابات عشان كده كل واحد يلزم محله الهو بعرفو .:lool: :lool: :lool:

  33. بصراحة يا بروف (صباحات روعة) دي ما خطة بتحل مشاكل السودان الحالية وخصوصاً حرف الباء وحرف الراء ماشايف انها مستحيلة في بلد حتى حرف التاء وحرف الصاد فيهو ما للجميع .:lool: :lool: :lool:

  34. والله يا بروف بنحترمك شديد بس احسن تبعد عن السياسة وخليك مع الحناكيش حلوين وخلي الغبش في حالهم :lool: :lool: :lool: :lool: :confused: :confused: :confused:

  35. اولا انا بقول لكل الاخوة القالو للبروف انه يخليه في الطب وغيره مقولة جميلة جدا وبتنبع من انسان واضح عليه بصورة جلية انة انسان لم يتعلم من الدنيا اي شئ والعلم اساس كل شئ اما السياسة فالسياسة الصحيحة تقوم علي اساس ابناء السودان المتهغلمين ونحن نريد جيلا متعلما يغير اتجاة البلد وان يقضي علي ظاهرة التخلف الفكري التي اصابت المجتمع السوداني في الاونة الاخيرة واذا كان الطبيب الذي اخترع علاج مرض النوم لايصلح ان يكون زعيما فمن لها وشكرا لكل الاخوة اصحاب الافكار المطروحة وهم اما منتفعين ومنفعتهم ناشئة عن التصاقهم بالعائل الجاهل او انهم انفسهم مصابين بمرض الجهل وغياب الوعي الفكري فشفاهم اللة والعلم يرفه بيتا لاعماد له فمابلك ان العلم لايرفع دولة كالسودان ولا دايرننا بعد مااستوردنا دكاترة ومهندسين من برة نستورد مغفلين عشان يكفو مع المغفلين المحليين مرحلة التنمية وشفاكم اللة وعافاكم

  36. قرات التعليقات على هذا الموضوع وكم تحسرت وتألمت على هذا الشعب اليائس البائس الشعب السودانى وانا على ثقة ان هؤلاء الذين يطالبون ببقاء البشير فى السلطة هم العنصريون المنافقون المنتفعون وحدهم الذين يقتاتون ويمصون دماء هذا الشعب المسكين . وأسأل لماذا بقاء البشير فى السلطة رجاء عددوا لى الاسباب والانجازات بعيدا عن شوارع الزلط. وقارنوا هذه الانجازات مجازا . مع انتاج البترول وعائداته وفترة حكم العشرين سنة ومدى معاناة هذا الشعب . والشعب الذى اقصده هنا ليس انتم يا مالكى الكومبويترات وخطوط ال DSL كان خط فى البيت يا ترى ماذا عن مال فاتورته . وان كان خط مكتب الحكومة فماذا وماذا . وحقيقة الشعب السودانى اصبح شعب منافق ودجال شعب ميت القلب كل همه لقمة العيش . كيف هذا هو السؤال الذى توقفوا ان يسألو لأنفسهم . واكل الحرام هذا المغلف بديباجة الدين الاسلامى احسب انه ظهر جليا فى مجتمعاتنا من فساد اخلاقى تسنامى اجتاح كل الامة لا ينكره الا مكابر من شعبنا المنافق .لذا اسال الله ان يستبدلكم بقوم غيركم لا يكونوا امثالكم . 😡 😡 😡 😡
    (وحتى لا نشمل الجميع نقول الا من رحم ربى) .

  37. احلموووو هو الحلم بى فلوس
    انا كمان حاسى نفسى ممكن اكون رئيس الاتحاد العام لكره القدم او رئيس نادى الهلال :crazy: :crazy: :crazy: :crazy:

  38. ممكن يترشح لمسابقة الاناقة والوجاهة لكن رئيس مرة واحدة دى قوية دى:cool:

  39. البشير الرئيس ..
    سلفاكير نائب الرئيس ..
    علي عثمان نائي الرئيس
    خليل عايز نائب الرئيس ..
    مناوي كبير مساعدي الرئيس ..
    مصطفى إسماعيل مساعد الرئيس ..
    عبد الواحد جايب معاه إسرائيل واسطة وعايز إبقى رئيس ..
    ونافع مساعد الرئيس .. الخ ؟!

    والمهدي ونقد والمرغني والترابي .. الخ واقفين في خط التماس وبيدعوا ليل صباح عشان خرابيط أوكامبو تنجح ؟!؟!؟!؟

    وأخيرا البروف الشاعر أبو الرومانسية المعز عايز إترشح للرئيس …

  40. البروف الانسان معز عمر بخيت شخصية معروفة فى مجال البحث العلمى ولة اعظم
    اختراع طبى بالاضافة الى انة شاعر محنك اما السياسة فلا اظن انها حكر على احد
    فى العالم المتطور. فى السودان ظل الحكم فى ايدى العسكر قرابة الاربعين عام
    وثلاثة عشر عاما فى ايدى احزاب تقليدية معروفة للجميع لا توجد اى تكهونات فى من سيكون رئيس فالامر محسوم فى الوقت الراهن اتمنى للشعب المزيد من المعرفة
    والادراك فى اختيار من يحكم اما ان يترشح امثال المعز عمر بخيت فهو دليل عافية

  41. والله يابروف لانشك فى مقدرتك العلمية ولكن هل تظن ان حكم السودان كقصائد الشعر فالسودان مستهدف منذ سنوات وقبل الانقاذ ولكن لان الانقاذ فجرت طاقات هذا البلد فظهر الكيد الواضح للبلاد وتذكر بان هناك مثل الترابى والصادق المهدى قاعدين ليك شوكة حوت
    اخيراً البشير هو ريسنا وتاج راسنا والله يخلية لينا يارب ومادايرين غيرة رغم احترامنا ليك يابروف وارجو ان ننظرالى وحدة السودان

  42. دايرنك تكون لينا منارة للادب والذوق الراقى لكى نحلق معك فى هذا الفضاء الرحب

    وكفى .:D

  43. يا بروف انت انسان رقيق وشفاف وجميل ولكن لا تنفع ان تصير رئيس جمهورية السودان وذلك لاسباب كثيرة. اولا انا احترم حزب المؤتمر الوطنى الذى يؤثر ولا يتاثر الا قليلا وهذه قمة الحنكة السياسية هؤلاء يعرفون ويعشقون السياسة كما يعرفون ويعشقون انفسهم وانظر الى السودان اليوم وما يتمتع به من دبلوماسية سياسية وشعبية واقتصادية وغيرها. السودان اصبح يكسر قرارات الامم المتحدة واصبح يملى اقترحاته على الجامعة العربية والاتحاد الافريقى. نحن حقيقة نعيش ايام العزة. هل تستطيع ان تصنع عزة اكثر من ذلك لاهل السودان؟ ولكن اقترح عليك ان تشارك مسيرة الوطن بتنظيم المنتديات الثقافية والليالى الشعرية والدورات المدرسية او يمكنك ان تصير وزيرا للثقافة والاعلام ان شئت وان اتيحت لك الفرصة اوشى من هذا القبيل.

  44. اولا السلام عليكم
    ثانيا يبدو من الردود السابقة ان الناس ما تحبش التغيير
    ثالثا انت مؤهل لهذا المنصب
    رابعا انت اكثر وجاهة من الرؤساء الحكموا البلد دى و النواب كمان
    خامسا اتمني لك التوفيق

  45. اولاً بعد التحية ارسلت تعليق بالأمس ولم ينشر أن دل ذلك إنما يدل على الديكتاتورية الخرقاء لأن رأى اتجاه معز رأى معاكس لأ سباب كثيرة ولا رايكم شنو يالقائمين على امر هذا الموقع:eek: 😮 😮

    رد إداري: يجب ان لا يحتوى التعليق على إساءة.

  46. الرئاسة عايزة كياسة من نوع آخر بعيد عن المعامل والابحاث والرومانسيات الجديدة ، وشاهدتك مرات على فضائيات وانت تكاد تذوب في نفسك من فرط حساسية الجو ورومانسياته فاذا كنت بهذه الحساسية هل تقوى عل خشونة السياسية ؟ انا لا اعتقد ذلك ، فدعك منها ، واستغرب لبعض تعليقات بني جنسي انك وجيه او وسيم وستكون او ل رئيس سوداني فارجو يا بروف تشتري للجماعة ديل نظارة يشوفوا بيها كويس ، 😉 😉 😉 😉

  47. البروف لوكان عندو وطنية كان جلس اشتغل فى بلدو وبوضع جواز سفرة البحرينى فى جيبو وكان لسان حالة يقول شوفو جوازى البحرينى وين جوازك السودانى والله مابشرفك بره ونحن اهل عازة جوزانا عاجبنا وسودانيتنا عاجبانا والماعجبو مايرجع البلد .
    الافضل ان ترشح نفسك فى نادى فروسية والله نادى رياضى زى اخونا صلاح ادريس

  48. يا اختي رنا حسين والله زولكم ده ما فيه حبة وجاهة والظاهر يا اختي عمرك اقل من 20 سنة فبنعذرك وانتي عايشة في البحرين بلد الجمال مش معقول نظرك يخونك :lool: :lool: :lool:

  49. والله مالمشكله انو شاعر ولا انو دكتور مصطفي اسماعيل دكتور وقوش مهندس لكن الزول ده مابيعرف سياسه واري انو ده ما الوقت المناسب للتغيير ولو ختينا البشير حتجوط………..للمعلقين ماضروري عشان الزول يكون وطني يكون ضد البشير والبشير ذاتو ما عاوزه الا مجبور حوار الفكي علي الصلاة راجعو لقا اليوم في الجزيرة

  50. لكن يا المعز بالغت عديل كده ,,,,,, رئيس حته واحدة ,,, لكن برضو ما فارقة وشكلها حتشهد الساحة السودانيه شخصيات جديدة حتمثل السودان مثلاً :
    1/ نادر خضر : مندوب السودان الدائم للامم المتحدة
    2/ نانسي عجاج : سفيرة السودان بهولندا
    3/ حنان بلوبلو : وزيرة الشئون الانسانية
    3/ التجاني حاج موسي : الامين العام لحزب المسرة (الحاكم)

    وعشان خاطري شوف لي معاك اي حاجه إنشا الله سفير في مدغشقر او جزر الكناري او ام طرقاً عراض , ما فارقه ,, سنه واحده اكون نفسي ويستضيفوني في كم قناة اتكلم عن ;(الامبريالية العاطفية وعلاقتها بالجدليه القائمة مع رجال الدين حول اعتماد حكومة الخرطوم (عيد الفلنتاين) عيد رسمي ) واجازة 3 يوم وحافز عيد للموظفين :confused:

  51. في تعليق على الخبر المنشور هنا بموقع النيلين قرأت تحليلاً منطقياً لمسألة ترشح البروف لرئاسة الجمهورية للكاتبة سناء خالد بسودانيزاونلاين

    رابط التعليق
    http://www.sudaneseonline.com/cgi-bin/sdb/2bb.cgi?seq=msg&board=190&msg=1234793003&rn=1

    مبدئيا سينال دكتور معز صوتي -ان قدر لي التصويت- للأسباب التالية (بدون ترتيب للأولوية)

    1ـ أنه طبيب .. مما يقوي احتمالات اهتمامه بالصحة و استيعاب مشاكلها و احتياجاتها و بالتالي ايجاد حلول حقيقية لها.
    2ـ أنه متعلم .. مما يؤكد ادراكه لأهمية التعليم و بالتالي يقوي احتمالات اهتمامه بهذا المجال, و كونه متعلم تعليم عال فهذا يقلل من احتمالات وجود العقد التي تصيب أنصاف المتعلمين تجاه المنشآت التعليمية بالذات العليا منها.. و التي أدت الى تدمير التعليم الأساسي و العالي في السودان!
    3ـ أنه باحث و هذا يعني أن له قدر ة جيدة على التحليل و التدقيق.. ومواجهة العقبات و ايجاد الحلول Troubleshooting
    4- أنه والد.. فلا شك أنه يدرك أهمية توفير الأمان للأسرة.. و الأطفال على وجه الخصوص.
    5ـ أنه وجه بارز للاعلام و متعود على الأضواء و أديب.مما يشير الى أنه قد يكون قائدا دبلوماسيا… يجيد مخاطبة الآخرين خاصة الدول الأخرى و الاعلام الخارجي… فترنا بصراحة من طبيز الساسة السودانيين و الغباء و الحماقة التي تتميز بها معظم تصريحاتهم!
    6ـ للرجل علاقات جيدة بالعالم العربي و هو جزء من محيطنا الذي لا مصلحة لنا في استعدائه!
    7ـ لديه ارضية تصلح لنمو علاقات جيدة مع الدول الأوروبية و ربما الغرب بصفة عامة و الذي لا مصلحة لنا أيضا في استعدائه!
    8ـ كونه عاش في الغرب (السويد) و كونه درس هناك..يقوي احتمالات أن يكون شخص متفتح… قادر على استيعاب الآخر المختلف فكريا و دينيا…. و مدرك لأهمية رفع سقف حرية المواطن
    9ـ سعيه للقاء قادة الحركة الشعبية في القاهرة هو مؤشر على رغبته في خلق علاقات مودة و احترام مع مواطن جنوب السودان ..و عن نفسي أتمنى أن يكون ذلك تمهيدا لوضع يد على يد لبناء سودان واحد غير مجزأ
    10ـ أعتقد أنه في وضع مادي جيد… (شبعان) و أعتقد أن هذا سيقلل من احتمالات أن يكون همه الأول هو نهب ثروات البلاد … خصوصا و أن وضعه المادي (الذي أحسبه جيدا)..هو نتيجة جهد و عرق حقيقيين… ليس بثري حرب… فأثرياء الحروب لا يشبعون… و ليس وريث طائفية .. فورثة الطائفية لديهم اعتقاد أن الشعب السوداني و ما يملكه… هو (تركة) يحق لهم المطالبة بها و وضعها تحت أقدامهم كلما تسلموا زمام القيادة!!

    __________________________________________

    هناك أشياء تقصر عنها معرفتي … ربما لقلة اطلاعي و متابعتي .. مثل مدى اجتهاد الدكتور معز في مد يده اتجاه انسان غرب و شرق السودان.. و مدى عنايته بالعمق الأفريقي..فأفريقيا هي أساسنا الذي ان لم نستند عليه و نقويه. يصبح السودان نبات طفيلي بجذور واهية..غير قادر على الصمود أمام أهون ريح!!

    سيواجه الدكتور عقبات ليس أقلها أنه (شمالي) و هناك الكثيرون الذين يعولون على الجذور العرقية للرئيس القادم… أكثر من تعويلهم على مقدراته القيادية..! أقصد القيادة للتنمية الحقيقية..و ليس القيادة في ساحات القتال!

  52. شئ طبيعى أن يترشح اى مواطن لمنصب رئيس الجمهورية . لكن اعـتقـد بأن الشاعـر الدكتور / معـز بخيت حايكون مفـيد للـسودان اكثر لو واصل العطاء فى مجاله وخاصة انه موهوب وإذا دخل معمة السياسة فسوف نخسره و يقل عطاءه بمشاكل السياسة . وعلى كل حال هو لديه الكفاءة فليجرب حظـه ليه لا .

  53. نعم من حق أي سوداني الترشح لمنصب رئاسة الجمهورية وذلك حق كفله الدستور ومن حق أي مواطن التعبير و خلافه لذلك لا قضاضة في أي يرشح الدكتور الخلوق الإنسان المعز لنفسه لرئاسة الجمهورية السودان.
    ولكنني اتحفظ عليه شخصياً وذلك لأن في حال فوزه فإننا سوف نفقد دكتور خلوق وإنسان تحتاجه حقوانا الطبية.
    مع شكري

  54. يارنا حسين الظاهر عليك عندك جوع فكرى وناس البحرين بقولو مابشبة السودانيين مالم السودانيين سحاحير والله بخوفو الظاهر انك من جزر الكنارى يابت الناس نحن نفسنا عاجبانا وجنسيتنا عاجبانا وفخويرن بيها ومابعجبنا بحرينى والله غيرو ومافى زول قدامنا الا الرسول (ص) والصحابة .
    وبقولو لينا برضو مابتشبهو السودانيين لكن مابنفرح بنزعل ( ولو ماكنت من زى ديل وماساتى واذلى ) يابت ديل اهل الحاره وجمال الشيل

  55. للأسباب الي ساقتها الأخت سناء خالد وللأسباب أخرى كثيرة تتعلق بشخصية البروف المتميزة والمنفتحة على العالم أجد أنه الأنسب لقيادة السودان وفق التغيير الذي يطرحه فنحن بحاجة لبناء دولة تسعى لتنمية الإنسان السوداني بنهج علمي وحضاري.
    كما أننا لا نرغب فب أن نكون (غبش) للأبد وبلدنا غنيةبكل مصادر الثروة التي تحقق الرفاهية وهي الآن ضائعة بسبب الفساد المستشري منذ أن تولت الحكومات الطائفية والعسكرية والعقالئدية امور الحكم. آن الآوان لشباب متعلم وواعي أن يقود التغيير ويجعل الوطن جميلاً في الجوهر والمظهر.
    الذين ينعمون بثروة البلد الآن هم أصلاً كانوا يعتبرون انفسهم من الغبش وأتوا للسلطة وأصبحوا من النواعم وتمددت كروشهم بمال أهلهم وذويهم وتركوهم يرفلون في الجوع والفقر وبلدنا تتخبط في كل المناحي.

    دعواتنا للبروف ومن معه بالتوفيق

  56. يا ابومحمد أنت تتهمني بجوع فكري وتتهم الدكتور بعدم الوطنية ثم بجواز بحريني. أحس بأن لديك حقد من نوع خاص ضد الكتور .

    هذا لا يهم لكن المهم أن ما قدمه د. معز للوطن لا حصر له وأنا أعرف الكثيرين من أبناء السودان الذين نالوا شهادات الدكتوراة تحت اشرافه وأنه أوجد للسودانيين عشرات المنح للدراسة والكثير من فرص العمل لهم بأوروبا وبالخليج وحتى بالسودان عبر معارفه هناك وكل هذا في حد ذاته صدقة جارية.

    وقد تحدث باسم السودان وانجز علمياً باكتشافاته العظيمة وثقافياً بمشاركاته الفعالة في المهرجانات الثقافية ورفع رأس الوطن عالياً في أكبر المحافل العلمية والثقافية العالمية. هذا غير عمله في منظمات الصداقة التي أنشأت القرى النموذجية في منطقة بارا ومناطق أخرى مما لا يتحدث عنه حتى لا يفقد أجره.وأتمنى ان يفعل الجميع مثله بدلاً من محاربته هكذا دون دليل بل ظلماً وبهتاناً. وأكون سعيدة لو ذكرت لي بعض ما قدمته أنت شخصياً لوطنك من انجازات قبل أن تتهم الآخرين بعدم الوطنية.

    أما الوجاهة فهو سيدها دون شك. أنا لا اقول السودانيين سحاحيير لكننا شعب معروف بعدم الوجاهة والأناقة بين بقية الشعوب جميعها ومن الفترض أن نحسن من مظهرنا لا أن نتباهى بعدم اكتراثنا وعدم اهتمامنا بشكلنا العام.

    ولك الود منقبل ومن بعد

  57. معليش امكن قريت الخبر متأخر .. لكن بكل صراحة اتفأجات لانو حكم أو حكومة السودان مابنفع فيها رئيس زى معز عمر بخيت .. لانو زول حنكوش وناعم وبتاع لمسات أخيرة وبس، والسودان داير زول خشن وقوى شخصية ومهاب يعنى زى البشير وكده … فمعليش يابروف أرجو أن تتراجع عن قرارك وبسرعة جدا مع كل احترامى لك ……

  58. أرجع بلدك يادكتور وساهم في تطوير طب الأعصاب الذي تخصصت فيه , وخلي الرئاسة لحبيبنا بشبش

  59. دا اخر شئ ممكن يحصل ياهو دا الفضل د. معز يمسك الحكومة دا لو مافي زول ناجر ليها واحديمسكة

  60. بسم الله والصلاة والسلام على رسول الله – ياجماعة الخير الحكاية شنو أي واحد قرأ طب بعدها عايز يكون رئيس البلد د خليل د مصطفى إسماعيل د مجذوب الخليفة د معز بخيت بالله خليتو لينا شنو احنا القرينا علوم سياسية واعلام وعلاقات عامة ولغات والله اغتربت وشغال شغلة تقول للسياسة يلعن أبوك . طيب من الأول مكلفين الدولة مبالغ طائلة ليش ، إنتو عارفين أنه الواحد لقايت ما يبقى دكتور بيكلف الدولة حوالي 90 ألف دولار . ,وأخيرا أقولكم أنا لكم نذير إذا ذهب البشير السودان حا يطير .

  61. سناء دى شكلها طمعانة تبقى وزيرة والا حاجة طالما البلد رئيسها د معز الزى سناء ديل ممكن يكونوا وزراء اهى فى النهاية خربانة خربانة فى الحالة دى عايزة اكون وزيرة خارجية بس عشان اتفسح| والف العلم باجوووووووووووو 😉 😉

  62. والله بروف معز يستحق رئاسة السودان وهو الأصلح لها.. يعني الأطباء غير مكفول ليهم قيادة البلد؟ ولا لازم يحكمونا عساكر؟؟ ما هو جربنا كل الناس وفشلنا.. البشير حاكمنا 21 سنة والنتيجة شنو؟ كبري وسد في 21 سنة؟؟ والباقي ضياع وتشرد وفساد في كل المجالات.. نؤيد أمثال الرائع البروف فهو قوي الشخصية متوازن ومحبوب وصاحب رؤية.. وفقك الله يا بروف ولا تلتفت لترهات الحاقدين

  63. يا ريـس نحـن معاك وسـير سـير يالمعـز وعـشان خاطـر إهـتمامـك بالفـنانـة المـبدعـة شـروف ابو الناس حا اديك صوتى .

  64. يا ابوصلاح مهازل تكتب بالزين وليس الذال.. أرايت الفرق بينك وبين البروفيسر الشاعر الأديب.. حقيقي مهازل

    يا ريت الإدارة ما تحجب هذا التعقيب كما حجبت السابق والذي لم يحمل سوى الإحترام وكما قال أحد الأخوان هنا معظم الإشادات بالدكتور لا تدرج

  65. البلد ليس محتاجة ليحكمها شاعر وكان للشعر يوجد من هم اكفاءة من البروف والبلد محتاجة لانسان يخاف الله ويكون عندو غيرة ووطنية ويعمل بالولاية حسب ما امر الله سبحانه وتعالى وامر الحبيب المصطفى صلى الله عليه وعلى آله وسلم وليس يطلب الولاية حبا في السلطة او إرضاءا لحزب او جماعة غير محتاجين ليحكمنا شاعر يسهر الليالي يناجي القمر والنجوم ويتسامر هكذا حال الشعراء البلد ساءات احوالها كثيرا من جميع النواحي اقتصاديا واجتماعيا واخلاقيا وفي انحدار شديد وفي سورة الشعراء: (وَالشُّعَرَاء يَتَّبِعُهُمُ الْغَاوُونَ* أَلَمْ تَرَ أَنَّهُمْ فِي كُلِّ وَادٍ يَهِيمُونَ* وَأَنَّهُمْ يَقُولُونَ مَا لَا يَفْعَلُونَ) والبروف كونه شاعراواديبا ليس احق يا رنا حسين عشان يصبح رئيسا للبلد ;(

  66. يارنا الأسبق وليس السابق ودا الفرق بين ابوصلاح ومجموعة الرئيس المرتقب:mad:

  67. أكمل الآية يا ود الناس لأن البروف يوجد في الإستثناء الوارد بها (إِلاَّ الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانتَصَرُوا مِن بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ)

    ونحن لا نقول أنه أحق بالرئاسة لأنه شاعر أو اديب بل لأن له برنامج مقنع يقوم على العلم والمثابرة والطموح.. برنامج جديد ومختلف وقد فشل كل الساسة من قبله فلماذا لا يحكمنا طبيب كما فعل مهاتير بماليزيا وشاعر كسنغور بالإضافة لكونه عالم ومثقف وشرفنا كثيراً في كل المجالات

  68. للأسف ليس الأمر كذلك يا aburida
    السابق تشمل السابق مباشرة وما من قبله

    فيحق لنا القول إن النميري هو الرئيس السوداني السابق أو الأسبق

    وصيغة (الأسبق) هي للتفضيل فقط

    ودا أيضاً الفرق بين ابوصلاح ومجموعة الرئيس المرتقب البروف الشاعر الأديب

    تحياتي واحترامي لك

  69. حكومه هى ولا مستشفى والله السودان حكايتو عجيبه أى زول إظهر إعلاميا يرشح نفسو كفايه كيجاب ولو فى ترشيح لشخص مستنير يترشح واحد من إتنين البروفسور كمال أبوسن والعلم السودانى دكتور كامل إدريس ولو عاوزين واحد مامشهور من عامة الشعب أنا جاهز وتحكى طرفه فى عهد مايو بعد أن وزع نميرى حقائب على وزاريه على أبناء الجنوب بأن أحد أبناء الجنوب جدع قدح المونه وجاء لنميرى وقال ليهو عاوز وزاره فسألو نميرى وزارة شنو فرد عليهو إنشاء الله وزارة تلعبو كوره ده والسلام خير ختام ( الرئيس المرتقب – – عادل أحمد القنداتى )

  70. ياريت والله لو بقى الرئيس امدرمانى انا برشحو وبقوه البروف المعز مابعرفو ولكن اكفينى انو امدرمانى من امدرمان القديمة يعنى ناس امبده والثورات الجوى دى ماتبعنا انشاء الهل يارب العالم تحكم السودان وصوتى اسع معاك ومعاك فى حملتك الانتخابية وبجيب ليك اصوات عده تريحنا من عروب سلام ديل همهم الاول والاخير يجو الخرطوم ويبنو بيوت ويرتاح من قاعد الارض والخلا
    تعيش امدرمان القديمة وكل ابناءها وسير سير يامعز سيرسير:lool: :lool: :lool: :lool:

  71. ألف الف مبروك يا دكتور التكريم الذي قرأته على موقع النيلين في الأخبار

    https://alnilin.com/news.php?action=show&id=11382

    أنت فخرنا ورمز عزتنا دائماً .. ويا ريت التكريم يصدر من أهل بلدك وأن تلتفت الحكومة لمثل هذه الإنجازات وتتبناها لأن العلوم والبحوث هي السبيل الوحيد لتقدم الأمم

  72. يا اخت رنا حسين انتي ذكرتي الاتي ( أكمل الآية يا ود الناس لأن البروف يوجد في الإستثناء الوارد بها (إِلاَّ الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانتَصَرُوا مِن بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ) والسؤال هل الدكتور امن وعمل الصالحات وذكر الله كثيرا لان الاستثناء بقول إلا الذين امنو وعملو الصالحات و>كروا الله كثيرا وانتصرو من بعد ماظلموا وسيعلم الذين ظلموا اي منقلب ينقلبون ولكن ترشيح لاخ Zool الدكتور كامل ادريس نعم الترشيح والله المستعان

  73. اولا نحي البرف معز وبعدين الرسائة لاتتناسب معاهو ابدا لاسباب
    اولا انو هو زول مغترب وبعيد عن ارض الوطن
    ثانيا بعيد عن الساحة السياسية

  74. مع احترامي للعالم الجليل بروف المعز….

    لكنه بعيد عن الوطن والواقع السوداني…..

    من غير المقبول أن يأتي شخص بعيد عن الوطن في إجازة ويقول أريد

    الترشح لرئاسة الجمهورية…..

    المرشح لازم يكون لصيق بالبلد والشعب……

    وكل التحايا للبروف المعز ووفقه الله للمساهمة في نهضة البلاد والأمة…..

  75. والله ياجماعه السودان داير ليهو رئيس اقتصادي مارئيس سياسي نحن مالنا ومال المشاكل نحن دايرين بلدنا دي تكون احسن بلد في العالم ايوا هي صح ماحتكون بلد عظمي او بلد قويه ولكن علي الاقل انو نحن مانكون من دول العالم الثالث عشان كده نحن مادايرين سياسه عشان السياسه دي ماحتودينا الا لورا ووالله انا ما مع الدكتور معز لانو الدكتور ما من نوع الناس اللي يمكن يحققوا لينا الامان وفي نفس الوقت مامع السياسه فبجد ياجماعه انا شايف انو احسن قرار للسودان انو يمسكوا الدكتور ده ووالله هو حيتبهدل لكن بس امالنا فيهو كبيلا انو يرجع لينا احترامنا للعالم وانشالله يكون قدر المسوليه بما انو انا برضوا مااظن انو ممكن يعمل حاجه نحن دايرين رئيس اقتصادي قوي ما دكتور اقتصادي ولا دايرين سياسي قوي ولا شنو ياجماعه

  76. أتفق تماما مع 6a6a في قوله (فبجد ياجماعه انا شايف انو احسن قرار للسودان انو يمسكوا الدكتور ده ووالله هو حيتبهدل لكن بس امالنا فيهو كبيرة انو يرجع لينا احترامنا للعالم).
    الدكتور إنسان جميل ورائع ومتوازن ومحبوب جداً وله علاقات واسعة حتخلي السودان بلد جاذب ومتصالح مع الجميع وصالح للحياة الكريمة.

  77. أنا برضو داير إترشح على الأقل يفتحوا لى الطريق ويوقفوا باقى العربات وكمان آكل ببلاش …:eek: (؟)

  78. التحيه للبروف والشعب السوداني وانا واحد من النا س متهمس لترشح البروف لأ نو لأنو طموح ما مهم شاعر اوطبيب اوعندو جواز بحريني المهم سوداني وحاكامنا جايين من الغابه واي واحد فيكم كان بعبرو ولابشاورو يحكمكم مين
    وليه التعنّت انتو ما تجربو خسرانين حاجه كلو اربع سنين ولاّشنو ياصابرين
    عشريييييييييييييييييييييييييييييييييييييييييييييييييييييييييييييييييييييييييين سنه واناا هدي ليه 324 صوت نيا بة عن الاخوه المعا ي وبشكر الاخوه والاخوات اللي سبقوني بالترحيب والله بصيرتكم اشان تشوفو البروف ده كويس

    مبروك للسودان

  79. مجرد سؤال ليه مايكون المرشح لرئاسة الجمهورية من باقي الولايات . مثل الغرب , والشرق , والجنوب . انتو حتسلموها المسيح ولاشنو ، خلو الناس تتنفس :crazy:

  80. انت بس يا معلم اترشح وانا وقبيلتى كلها والله وما نقل عن 4الف صوت دا بس اللى انا ضامنهم بايدي ونصيحتى لكل الشعب السودانى امسكو فى الزول دا قووووووووووى

  81. احترام البروفسير فى شخصه وعلمه
    كيف يحكم السودان شخص يحمل الجواز البحرينى ؟
    مع ازدواج الجنسية الخليجية

  82. البروف عالم وشاعر وطبيب يتحلى بالمعرفة والثقافة والرؤى المتقدمة وله علاقات جيدة مع مراكز صنع القرار في العالم كما أن برنامجه يركز على بناء اقتصاد قوي وعلى تنمية المواطن السوداني وتوفير احتياجاته الاساسية

  83. والله دا فخر لينا كشعب سوداني انو يكون مننا دكاترة من أكبر دكاترة العالم.
    لاكن موضوع الرئاسة دااااااااا ما أعتقد ان الرئاسة الحالية حتفكها ليك بالانتخاب حتي لو كان الشعب كله بحبك؟
    عشان كده أتمني أنك تبعد عن الموضوع دا وتركز في انجازاتك الطبية والانسانية وتفكر في انجازات تخدم السودان افضل من رئاسة الجمهورية.
    ودا ما تقليل من شأن ابروفسور لاكن واثق من النظام الحالي ما حيزح من الحكم بأخو وأخوك؟؟؟؟
    وزي ما سمعنا انو البروفسور ضليع في علم المورثات يعني ممكن تخدم البلد والمواطن بعلمك أكتر مما تخدم برئاستك للجمهورية.

  84. كون الرجل يترشح دي بقت حاجة عادية و الله حقيقة اسع في واحد افريقي و بيبيع بطيخ في روسيا و مترشح في واحدة من الانتخابات في روسيا و الما مصدق يدخل موقع بي بي سي و بعدين كون الزول جنكوش دي كمان اكثر من عادية فالخليفة الراشد عمر بن عبدالعزيز قبل الخلافة كان ملابسه انعم من الحرير و يشتم عطره من بعد كذا و بعد الخلافة اخشن من الخيش ( ليس للمقارنة للشاهد فقط ) و بعدين كونه شاعر و مالو يكون الشاعر الطموح رقم اتنين

  85. نحن مالنا ومال كدة جن تعرف لية ولا يعرف ليك المهم نحن رئسنا بنعرفة وبيعرفنا وفي انة سوداني وكمان سوداني من قبيلة مافيها كلام جعلي والتانين ورا شوف الخشونة ودي اهم حاجة في الرجل الرسول (ص) لما لمس يد عامر قال هذة يد احبها الله ليها لانها خشنة واخشوشنوا فان النعمة لاتدوم .
    ياناس لاتوجعوا حنكم وتخرفوا لو في رئيس جعلي تاني غير عمر البشير اتوا بة ولو ماف بلاش احسن لينا بعدم توظيفنا دا مرتاحين لامشاكل لاحرب اصحوا اصحوا وصحوا الجمبكم.:confused: :confused: :confused: :confused:

  86. طبعا جربنا العسكر والمدرسين والمفكرين والمنظرين في حكم السودان خلونا برضو نجرب الشعراء على الاقل هم ناس رقيقين بس بجانب الرقة محتاجين منهم وصفة شعرية لامثال ناس مناوي وكل الناس الممكن يشيلو السلاح:cool:

  87. حزنت كثيراً لعدم ترشحك يا بروف.. كنا حقيقة منحناك صوتنا وسط هؤلاء المرشحين الذين لا يشرفون أحد ولا خير فيهم للبلد

  88. اسفة نبابة عن البنات السودانيات يابروف لكن الجايات اكتر من الريحات وخسارة تعليمك يادلوعة

  89. ضاعت على السودان فرصة عظيمة ليسير في طريق النهضة والتقدم والوحدة، و ليس من حل لمشاكل السودان غير أن يأتي رئيس في مقام الأستا العالم الشاعر الطبيب الإنسان بروف معز وصدقوني هو من سينقذ البشير من براثن الجنائية.
    الدلوعة بالغتي والله. البروف زي ما قال ليك ودكبوشية جعلي حر أكتر من البشير البديري وكان للرجالة مااااا بتعريفيهو ساكت بس على كل حال ده ما موضوعنا. بلدكم حيضيع مع البشير وانتو لسة مع الرجالة وما تلاها من عنصرة.

  90. اختصر رائي لست محايد ولا معارض وللاكن اقول الحق بسم الله الرحمن الرحيم (يتي الملك لمن يشاء ويخذ ممن يشاء ) (انما امره اذا اراده شياء انما يقول له كون فيكون