كوش نيوز .. أخبار السودان بين يديك

أمجد حمزة :أنا مثير للجدل فعلاً لأني (زول ما عادي)!!. .. لهذا السبب (….) أضع كاميرات مراقبة على بوابة منزلي! ..قريباً ستكون هناك كلاب بوليسية



شارك الموضوع :
[JUSTIFY]أمجد حمزة من الشعراء الشباب الذين برزت أسماؤهم في الآونة الأخيرة، ومن الشباب الذين وُجِّهت إليهم سياط النقد من قبل العديد من الكتاب والصحفيين، بعد أغنياته التي تم وصفها بـ(الهابطة)؛ بينما أطلق عليه بعضهم الكثير من الألقاب وفي مقدمتها (المفرخ الأول للأغنيات الهابطة في السودان)، لكن الفتى استمرّ في طرح أغنياته الغريبة دون الالتفات لتلك الأصوات، بالإضافة إلى ذلك بتصريحاته المتعددة حول اختلاف لونيته ومقولته المستمرة: (أنا ما في شاعر غيري في الساحة الفنية)، تلك العبارة التي جلبت له الكثير من المشكلات والحروب. (فلاشات) بحثت عن أمجد حمزة وأجلسته على كرسي ساخن، ليجيبها عن الكثير من الأسئلة التي تدور في أذهان الكثيرين.

*في البدء أنت شاعر مثير للجدل إن صح التعبير، ما سرّ ذلك؟

أنا تخطيت مرحلة الشاعر وأصبحت محترفاً، وحالي مثل حال سيدي بيه المحترف بصفوف الفرقة الهلالية، وأصبحت ناظماً وصانعاً للأغنيات، وسابقاً كنت أكتب كلاماً عادياً، لكن اليوم اختلف الوضع، وأنا مثير للجدل فعلاً لأني (زول ما عادي)!!.
* البعض يصفك بأنك ترزي أغنيات ليس إلا.. ما تعليقك؟

أنا أحترم الترزية، ولا تهمني المسميات لأنني مقتنع ماذا أكون!.

* صرحت من قبل بأنك تبيع أغنياتك مقابل 2000 دولار، هل ما يزال الرقم هو ذات الرقم، أم شهد ارتفاعاً في الفترة الأخيرة؟

رد بسرعة: أنا أتأثر بالبنك المركزي والدولي.. لذلك من الطبيعي أن يزيد الرقم، وأنا أيضاً لي منصرفاتي، وأهتم بنفسي جداً، ولا أرتدي إلا (الملابس الماركة)!!.

* تواجه حملات نقد عنيفة لما تكتب كيف تتعامل معها؟

ضحك ساخراً ثم أجاب: أنا لا أهتم بما يكتب عنّي وكل إنسان بتكلم عني بـ(ينفخ في قربة مقدودة)، ويا ريت بعد يخلص من القربة دي يجيبها لي عشان أعملها دلوكة لي إنصاف مدني!!.

*مطرب ندمت على التعاون معه؟

أحرص على اختيار من أتعامل معه لكي لا أندم بعد ذلك.

* أمجد لا أحد ينفي الموهبة الفطرية التي تتمع بها.. لماذا لم تسعَ لتوظيفها في إنتاج أغنيات ذات قيمة ووزن؟

صمت قليلاً ليجيب قائلاً: أغنياتي كلها ذات قيمة حتى التي خلقت ردود فعل مضادة، لأن إثارة الجدل في حد ذاتها تعتبر قيمة!.
* طه سليمان يريد أن يترشح لرئاسة الجمهورية، ما رأيك وبصراحة؟
كل زول يتمنى الحاجة الفي نفسه!.

* (جناي البريدو).. هل صحيح أن طه سليمان اقتلعها من إنصاف مدني؟

على العكس، العمل كتبته خصيصاً لطه، وكان سبباً في نجاحها وانتشارها، ولو رددتها إنصاف مدني لما حققت كل هذا النجاح.

* من هم أعداء أمجد حمزة؟

ما في زول يقدر يقول إنو عدو لي.. أنا أمتلك جمهوراً شرساً، وأي شاعر أو فنان يقرب منّي بسوء يعرض نفسو للخطر!!.

* شاعر تعتبره مثلك الأعلى؟

أنا لا أحب إلا غناء أمجد حمزة.. وما عندي مثل أعلى.. فقط أحب أغنيات جلال حمدون، رغم أنه لا يستطيع منافستي!!.

*ما هذه النرجسية والغرور، الذي يبدو واضحاً من خلال إجاباتك؟

دي حقيقة ما غرور ولا أستحي من قول ذلك.

* من من المطربين تتمنى التعامل معه؟

أنا أساساً ما فضل لي زول… كلهم اشتغلت معاهم.. وبيتنا من زيارات الفنانين بقى زي اتحاد المهن الموسيقية!!.

* أمجد.. ما هي حقيقة كاميرات المراقبة التي تضعها أمام بوابة منزلك تخوفاً من المتطفلين؟

نعم عندي كاميرات مراقبة.. وحارس شخصي.. وقريباً ستكون هناك كلاب بوليسية!!


.
* يقولون إنك تتعامل مع كل الفنانين إلا ندى القلعة لأنك تخاف أن تسحب البساط من تحت قدميك؟

أنا تعاملت مع القلعة من خلال 60 عملاً.. ولا أحد يمكنه سحب البساط من تحت أقدامي، لأنني أقف على (سيراميك)!!.

* بصراحة هل صنعت فناناً من خلال أغنياتك أم أن الفنانين هم الذين صنعوك؟

أغنياتي مكملة للفنان.. وهي إضافة حقيقية لأي فنان في مشواره الفني وفي سيرته الذاتية!.

* أمجد بكل صراحة ما هي حقيقة الخلافات بين أولاد الصادق وشكر الله وطه سليمان؟

نعم هناك خلافات حادة، وأنا حاولت إصلاح الحال وتهدئة النفوس ولكني والله فشلت.

*يردد البعض أن سبب قلة ظهورك على الفضائيات يعود لأنك تخجل من تقديم منتوجك من الأغنيات (الهابطة).. هل هذا صحيح؟

بالعكس.. أنا الذي أرفض الاستضافات، وبصراحة لأنني كذلك أطلب أرقاماً خرافية من أجل الاستضافة. أنا ظهرت مرة على قناة النيل الأزرق الفضائية لمدة (6) دقائق فقط، مقابل مبلغ خرافي (اعفوني من ذكره هنا)!!.

صحيفة السوداني
حوار : تفاؤل العامري
ت.إ[/JUSTIFY]

شارك الموضوع :

29 التعليقات

إنتقل إلى نموذج التعليقات

      1. 1

        [SIZE=5]قلت لي عندك حرفة تاني غير نجر الاغاني الهابطة ألا وهي صناعة الدلاليك للغنايات؟؟ أما انت راجل دلوكة صحيح.[/SIZE]

        الرد
      2. 2

        خلاص يا إسماعيل حسن ؟ واللا الحلنقي ؟ والا التيجاني حاج موسى “

        الرد
      3. 3

        شخص فارغ اتي في زمن فارغ .
        حليكم يا ناس الحلنقي واسماعيل حسن وبقية القعد الفريد

        الرد
      4. 4

        [SIZE=4]نســــــــــــــــــــخ
        [B]أنا مثير للجدل فعلاً لأني (زول ما عادي)!!.[/B]

        يا للتوااااضع !!

        ماهذه النرجسية أيها الشاب؟ لمـــــــــــــــاذا ؟ ؟

        هل خلقت من غير طينة البشر ؟
        هل مثلك مثل بلقيس ؟ من أم جنية وأب إنسي ؟
        هل ولدت كما ولد شمسون ؟
        هل خرقت الأرض وبلغت الجبال طولا ؟

        تواضع فمن تواضع لله رفعه !![/SIZE]

        الرد
      5. 5

        آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ …
        كبرت لقيتنا سبنا البلد
        لكن بنجى راجعين ونتلاقى

        الرد
      6. 6

        الزول ده البيفقع المرارة جيوووووه لى امحطوا سوطين ….

        الرد
      7. 7

        ياخي فاكييييها في روحك جنس فكة

        الرد
      8. 8

        ماتكتبه ليس شعرا بل شعير .. والشعير تأكله الجمير .. حتي الحمير تأبي أن تأكل شعرك أقصد شعيرك .. يا زارع الشعير الهابط .. يا هابط

        الرد
      9. 9

        والله ماك غلطان الغلط على الفاضى المباريك ده وكمان مسوي معاك لقاءات قال ظهور بمبلغ خرافى قال قوم نوم شغله تقضها ماعندك!!!!

        الرد
      10. 10

        والله الزول الوشو طوييييل زي الحصان دة
        لو جريتوا لي ميدان ابو جنزير وجلتوا قدام الناس مالوا

        الرد
      11. 11

        طبعا ماردا عن الكاميراء الخاتيها قدام خشم الباب كان تبقي مرة وتوري الناس مركبها لي

        الرد
      12. 12

        هههههههههه قال شاعر قال شاعر بي شنو دا اكيد يكون مريض نفسي

        الرد
      13. 13

        الجهل مصيبة

        الرد
      14. 14

        نموذج لزمن الانحطاط وتردى الذوق العام

        الرد
      15. 15

        انت ما مثير للجدل انت مثير للاشمئزاز

        الرد
      16. 16

        والله الواحد ماعارف يعلق يقول شنو ، بس فعلا نحن في زمن الإنحطاط عشان يجي صعلوق زي أمجد حمزة دا يستفذنا كدا

        الرد
      17. 17

        السلام عليكم
        والله ياشباب نحنا الوضع الوصلنا ليهو من تردى فى اى حاجة من الدين وحتى الكورة خلانا منحططين جدا
        ياخى ان عندكم نصيحة للراجل قولوها وان ماعندكم كفو عليكم السنتكم
        غيبة نميمة بهتان اتهامات قبيحة وواحد يقول ليك لقيتنا خلينا البلد
        قال تعالى( وما يلفظ من قول الا لديه رقيب عتيد) يحصى ويكتب ولا يفارقنا لحظة يا ا ا أخوان بالله عليكم نترك القبيح من القول ولا يزين لنا الشيطان أعمالنا ويكون حاله يوم القيامة ( ( وقال الشيطان لما قضي الأمر إن الله وعدكم وعد الحق ووعدتكم فأخلفتكم وما كان لي عليكم من سلطان إلا أن دعوتكم فاستجبتم لي فلا تلوموني ولوموا أنفسكم ما أنا بمصرخكم وما أنتم بمصرخي إني كفرت بما أشركتموني من قبل إن الظالمين لهم عذاب أليم)
        ياشباب نتوب ونستغفر ونتناصح
        حالنا مابسر
        والموت قريييييييييييييييييييييب وكل مانشوف موت دايما نفكر اانو دورنا بعييييييد
        ونسأل الله العافية والهداية لنا ولكم
        وصلى الله على حبيبنا وسيدنا وشفيعنا ونبينا وقدوتنا عليه افضل الصلاة والسلام

        الرد
      18. 18

        [B][SIZE=3]أقتباس *وأهتم بنفسي جداً، ولا أرتدي إلا (الملابس الماركة)!!.*لابس فنلة خضراء وماسك مايك أنا قايلوا لاعب فى المنتخب السعودى[/SIZE][/B]

        الرد
      19. 19

        يبدوا أن هذا المغرور المنفوخ هو نفسه قربة مقدودة / وشايف نفسو اكثر من اللازم ، وهذا دليل قاطع على انه ناقص ( في حتة ) والظاهر ان هذا الجاهل تنقصه اشياء كثيرة وما قادر يلم فيها وما ح يلم فيها طول ما تفكيره بهذه الضحالة وقلة العلم .

        الرد
      20. 20

        والله انت ما غلطان ومن حقك تعمل وتقول اكتر من كده لانه البلد بقي ما فيه سيد زما عنده وجيع …. ده شعر شنو ده والاستضافك هنا هو الغلطان يا بتاع الدلوكه .

        الرد
      21. 21

        >ه شنو الود الخايس ده , ده جا من وين ؟ قطعا ح ينزل للهاوبة بسرعة البرق.

        الرد
      22. 22

        [SIZE=4][COLOR=#0005FF][B] لو عندي سًلطة الشافع ده كان اديتو كفين
        هذا زمانك يامهازل فامرحي ,,,,,[/B][/COLOR][/SIZE]

        الرد
      23. 23

        يا ناس الحسد ليكم شنو الراجل شاعر و الفنانين واقفين طابور عشا أغنياتو و الجمهور مالي الصالات عشان يسمع أغنياتو من ندى و غير ندى
        طيب لو أغنياتو ما عندها جمهور أكيد الفنانين ما كانو دفعو الملايين من أجلها ( الغلط ما منو الغلط من الجمهور البيسمع للغناء الهبط ) بس المهم ناس الضرايب يكونوا قرأوا هذا الكلام

        الرد
      24. 24

        والله من غنيت النسوان حقت جناي البريدو عرفتو الزول مااااشادي حيلو

        الرد
      25. 25

        ياخى أرجووووووك بدفع ليك مليار جنيه- طبعا” غير جائزه البرنامج – بس عشان تمشى تمثلنا فى شاعر المليون .

        الرد
      26. 26

        [SIZE=7][B]قال تعالى:(ولا تمش فلى الارض مرحا انك لن تخرق الارض ولن تبلغ الجبال طولا)[/B][/SIZE]

        الرد
      27. 27

        الود ده من بنات مدنى؟
        التحية لمدنى مدنى الجميلة.

        الرد
      28. 28

        [FONT=Times New Roman][SIZE=6][B]والله ردودك ردودشماسي ما شاعر – قلتو لي اسمو منو ؟؟؟؟؟ ( أمجد حمزة ) ؟؟؟؟؟؟ اول مرة نسمع بيهو واكتر من 22 سوداني سالتهم قالو ما سمعو بيهو ؟؟؟؟؟ يا جماعة دا المؤخر السودان …. مافي حوش كدا يلمو فيهو ال…………ديل ؟؟؟؟
        طه سليمان داير يترشح رئيس و الود الاسمو مين دا ما مقتنع بي زول لا شعراء لا فنانين لا ……….. اااااااخ يا قلبي الضغط جايي جايي عشنا وشفنا وسمعنا الله يكذب الشينة [/B]
        [/FONT][/SIZE]

        الرد
      29. 29

        ياناس النيلين ارجوكم
        بلاش تعملوا للناس الهايفة راس وقعر
        شنو المهزلة العاملة الزول ده ..يعني مافي زول راجع الحوار ده ولا ده استخفاف بعول الناس المحترمة والأكيد لما فتحت الموقع ده ما متوقعه انو يكون في شي بهذه الرداءه.. ولا نسميهو شنو .. لكن ده بالجد آخر الزمن

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.