رياضية

الارباب صلاح ادريس يكتب همس الضفاف ويطالب جمال الوالي بإطلاق سراح البرنس وعلاء الدين للهلال حتي يشاركوا مع الفريق في المجموعات الافريقية


[JUSTIFY]كدت أن اكتب مناشداً أخي الحبيب بلا حدود الدكاترة جمال الوالي ليفك أسر لاعبي المريخ و نجمي الهلال هيثمونة و علولو ليلحقا بهلالهم و هو يخوض معركة شرسة باسم السودان في مجموعات البطولة الافرقية الاولى للأندية.
و النجماً خبيران و عاليا الكعوب و عارفا الدروب و مسموح لهما بالمشاركة إذ لم يشاركا مع المريخ و المعركة بإسم الوطن.
لم أخش أن يقول لي أخي الحبيب بلا حدود الدكاترة جمال:- طيب لمن إنت حلت بيننا و بين الدعيع نحن كنا عاوزنو لى كاس السودان و لى كنا لاعبين باسم العرضة جنوب و لا فداسي؟؟ ما أديتنا ليهو مالك؟؟ و هو ذاتو كان مطلق سراح و عامل معانا إتفاق و عامل لينا إقرار. عقت إنتقالو و جيتو لينا ليه؟؟
كنت سأرد على أخي الحبيب بلا حدود الدكاترة جمال بأن أهلي شندي كانت أمامه الكنفدرالية فيرد علي أخي الحبيب بلا حدود الدكاترة جمال الوالي متسألاً:- يعني لو ما كدة كنت أديتنا ليهو؟؟
و أجيبه بسرعة متناهية:- طبعا فيسألني عليك الله جد؟ فأقول له:- طبعا فيسألني:- متأكد من طبعا دي؟؟ فأقول بقوة و أنا أداري ضحكة خجولة بابتسامة خافتة:- نع ع ع ع م فيقول في دهشة و إنكار واضحين .. : يا رااااجل !!!!

ياسين الشيخ _ الخرطوم

النيلين[/JUSTIFY]


تعليق واحد

  1. السيد ادريس الهلال ليس فيحاجة في هيثومتك وعلولتك الذين ضربا حب الجماهير الهلالي لهما عرض الحائط ولما تم تسجيلهما للند اللدود المريخ كان جماهير الهلال معتصما لاثناء الامين البرير من قرارشطب الثنايء الا انهما بادرا واسرعا للتسجيل اننا نعلم جيد ادريس انك كنت بجانب النجمين وهذا موقف لابد نشكرك له ول72كن فيما ذهبت اليه في مقالك وبطريقة الجوكنق ان جمهور الهلال لديها زاكرة قوية وتوثق لما يليها من حاجات….. ولك العتبي حتي ترضي

  2. حرام عليك يا صلاح ادريس لسه هيثم وعلاء الدين يوسف فيهم امل يلعبوا كورة الناس ديل في العقد الخامس يعني الاربعينات والكورة بتاعت الاولاد الصغار يعني العشرينات واقل
    ارحمهم الله يرحمك
    وبالمناسبة اقول ليك انت دخلت عالم كرة القدم بالغلط
    يا شوف ليك حاجة تانية غير الكرة
    من يوم دخلت عالم كرة القدم في السودان الله العظيم افسدته وعملت على اشعال النيران بين الهلال والمريخ
    اللذين كانا اكثر من شقيفقين
    ولو عاوز تفاصيل ممكن اقول ليك وانت ادرى بها مني
    ياخي شوف ليك خضار ولا فجل بيعوا احسن ليك والجماعة قالو حتى في التجارة فاشل

  3. لا يحق لهما المشاركة افريقيا هذا العام مع الهلال لانهما كانا مشاركان افريقيا هذا العام مع المريخ وقانون الكاف يمنع ذلك

  4. الزول دا عيااان شوفو ليه علاج
    بلا هيثم بلا علولو ّ يا اخوي فكنا من خلقتك دي، الهلال اكبر منك بكتير، امشي ارعي بي قيدك في اهلي شندي وللا مع الدكتور بتاعك!

  5. هيثمونا .. عللونا .. صلحونا .. جمولي .. على اشكالها تقع الخفافيش

  6. بالله دا كلام الريس السابق ياخي انت قمة في الاستهتار والسبهلليه الله ارحم الطيب عبدالله زعيم امة الهلال

  7. الصندى الخرطوم وبحرى وام درمان لهم قيم واخلاق خاصة ويجب عدم الزج بهم فى معترك الكرة السودانية الفاسد …

    وليس كل من لعب فى الهلال او المريخ مؤهل للعب فى الصندى ويجب ان تنطبق على من اراد ان يمارس نشاطه الكروى بعد التقاعد مع اى من اضلاع مثلث الصندى الثلاثه ان يمتلك مؤهلات خاصة غير موجودة فى الهلال ولا المريخ

  8. المدعوا اللميض البربري (فكه-او فشه) غبينتوا وكرهوا في صلاح ادريس بان شطب هيثم وعلاءالدين وظن بهذه الطريه انه ضرب صلاح ادريس والحقيقه ان المدعوا اللميض البربري قد اضر بجميع الهلالاب من مشجعهم حتي رئس النادي الحالي لاننا لا زلنا متاثرين بهذا الخطاء حتي الان و لهذا يعد المدعوا اللميض البربري من اسواء رؤاساء الهلال الذين تعاقبوا في هذا المنصب لان المدعوا اللميض البربري هو سبب بداية انهيار فريق الهلال وجماهيره

  9. [B][FONT=Simplified Arabic][SIZE=4]السلام عليكم ورحمة الله وبركاته ) اول حاجه فك نفسك من السعودية التى اطلت بها الاقامة هذه المره فى زول فى السعودية يورينا الحاصل شنو رجل اعمال ما يقدر يجى بلدو ؟؟؟؟؟؟؟ وبعدين دكاترة ده برضو فى الاخبار عامل عمله كبيرة لمان الصحافة كتبت بالتفصيل صادرو العدد . الزول يعنى لو كان فى السعوديه كان بكون مجاورك . وانتو الاثنيين (عدلا) فى الزواج وفى خراب الكرة السودانية من دخلتو فى ادارة الكرة لم يجنى السودان ثمرة بل العكس تدهور مريع , وهو بلا هيثمونه وعلولو ديل الضيع الكرة شنو واين هم الان ولماذا السنه الماضيه ما عملو حاجة فى المريخ افريقيا والان ماذا يفعل بالمريخ اصبح عكننه لهم ارحمنا انت ودكاترة وهيثومتك لان الهلال به رجال وادارة راشدة مش انتو الذين تعملو لهم وهم ينفذو اتقى الله وخليهم يشتغلو لاننا نامل منهم الكثير وانشاءالله الهلال الى الامام افريقيا بدونهم وبعيد عنكم والله المستعان[/SIZE][/FONT][/B]

  10. أطنك فاكر نفسل رئيس نادي الهلال الحالي (أصحى من النوم) لا هيم ولا علاء الدين مكانهم الهلال، بل بالعكس ارتحنا من خميرة العكننة (هيثم) وكذلك إرتحنا من مخالفات (علاءالدين).

    احسن تسجلهم في أهلي شندي.