جرائم وحوادث

تطليق زوجة ظلت عذراء لـ (5) سنوات من زواجها


أمرت المحكمة الشرعية بالخرطوم بحري برئاسة مولانا صديق منور بتطليق زوجة طلقة بائنة للضرر على خلفية دعوى قدمتها ضد زوجها متهمة إياه بعدم القدرة على ممارسة الحياة الزوجية.

وكانت الشاكية قد أفادت في أقوالها أمام المحكمة بأن زوجها يعاني من علة ولا ينام معها في الفراش. وقررت المحكمة إخضاع الزوجين للكشف الطبي، وامتثلت الزوجة لقرار القاضي بينما رفض الزوج الخضوع للكشف. وأفاد قرار الطبيب بأن الزوجة لاتزال عذراء رغم إنقضاء خمسة أعوام على الزواج.

صحيفة حكايات
ع.ش


تعليق واحد

  1. والله مرا بت رجال حفظك الله حاجه صعبة كونو انك متزوجة وتصبري كل هذة الفترة ومحافظة علي عزريتك . والله انا لو حظرت المشهد وحضرت الحكم طوالي اتقدم لخطبة هذة المرا الحرة الاصيلة . وفي هذة الحالات يكون الزوج متزوج فقط عشان المجتمع ولا يمانع بان تزني زوجته لانه يعلم انه لايستطيع وفي قصص يدفعون نسائهم للغلط لقضاء حاجتها والخلفة من شخص اخر ويظهر هو في المجتمع بانه راجل وخلف . ولاكن بنات الناس لايخلطن الحرام بالحلال .

  2. يا سلااام عليك يا بت يا اصيله وين زيك تاني وعجبتيني بالجد ويا ريت ناس النييلين ديل يساعدوني بمعلومات عنها عشان اتقدم ليها طوالي . بت رجال صح وصلوني ليها يا ناس.

  3. [SIZE=5]صراحة بت تمام، وستجد ألف واحد يتقدم للزواج منها، أنا ذاتي لو ما (ممكون شديد) كنت ح أشوف عنوانها بي أي طريقة. في واحدات كدا أزواجهن قايمين بالواجب وزيادة، لكن برضو هن (ما مقصرات !!)، نسأل الله الستر في الدنيا والآِخرة.[/SIZE]

  4. [SIZE=4]المساكين ديل يقولوا ليك ما تشوف لينا عنوانا عشان نعرسها
    يا زول لو جادي عايز تعرس شوف ليك واحدة من اهلك ولا واحدة ساكنة جنبك
    ناس ما عندها موضوع
    قال شوف ليك عنوانا قال
    الواحد تلقاه مفلس ويفتش للعرس
    شعب عاطفي جدا[/SIZE]

  5. إحتمال الرجل مريض ومحتاج للمساعده
    لكن أغلبية الرجال يستحون ويخافون كلام الناس
    والزواج أصبح لبعض الناس واجهه لتفادي يازول مالك ماعرسته
    ويدور اللغز والهمس ونظرات الشك،وبعض الرجال يتزوجون وهم
    لا يعرفون معني الحياه الزوجيه بحكم عدم تجاربهم في فترة شبابهم
    يفترض دخول الشباب في دورات توعيه للجنسين قبل الزواج
    وتكون ملزمه مع العقد،لتنويرهم بمعني الحياه الزوجيه وتبعاتها من مشرفين
    إجتماعيين وإخصائيين نفسيين وتوعيه دينيه كيفية التعامل مع فيما يخص الزوجين
    من تربية الأبناء تربيه خاليه من العقد والمشاكل النفسيه وحسن التعامل مع الزوجه
    والزوج حتي نتفادي الطلاقات والقتل وتشريد الأطفال وخلق مجتمع نظيف خالي
    من التفكك الأسري .

  6. ياجماعة القصة دي ملفقة … هي صبرت عليه خمسة سنين .. ما فضحتوا . طيب الجد شنو عشان تفضحوا علي مستوي العالم.. قصة للجبنة وبس

  7. العاوز يتزوجها عنوانها موجود المحكمة الشرعية بالخرطوم بحري يعني تمش للباشكاتب ويعطيك إسمها واهلها

    ولكن طبعا دي أصبحت مقننة الماقادر لا يقرب لها

  8. قديماً قيل:
    إذا شاب رأس المرء أو قل ماله

    فليس له في ودهن نصيب

    يردن ثراء المال حيث علمنه

    وشرخ الشباب عندهن عجيب

    كثير من النساء يظل ينقصهن الكثير مع ازواجهن ولكن يصبرن بسبب غناهم ويقضين جزء من حياتهن في ترف يعوضهن عن كثير مما فاتهن .. ولكن إذا أدبرت الدنيا عن أحد أؤلئك الازواج الاغنياء فنجد ان زوجاتهم يدبرن ايضاً عنهم إلا من رحم الله.. أنا أفتكر القضية فيها جوانب أخرى لا نريد ان ننقب اكثر من كده لأن البيوت أسرار … وما أوردته أوردته حتى لا نظلم أحد لأنه ربما تكون هناك أمور خفية وحيثيات لا نعلمهاهي من دواعي هذه القضية الاجتماعية .. فالنكف عن تناولها إلا بما يرضي الله ورسوله ومن باب تبصير المجتمع وتوعيته .. تمنياتي للجميع بحياة سعيدة

  9. يا عاشق الأرانب، ليه بتستنكر علي الناس يتزوجوا بنت ما بيعرفوها ؟ ما هو انتي خليت الجنس البشري كله ووقعت الأرانب !! بعدين شكلك انت طاشي شبكة وما فهمت الناس ليه بتقول عايزة تعرس البت دي. انت بتقول الواحد يشوف واحدة من أهله أو ساكنه جنبو ! تقصد عشان بتكون معروفة كويس ليهو ولي أهله، بس دا ما كفاية وياما تحت السواهي دواهي !! لكن البنت دي أثبتت بيان بالعمل أنها أضمن من اي واحدة مهما كان صلة قرابة الزول أو معرفته بيها. فهمت ولاّ أكتبها ليك !!

  10. كلكم كضابين انتو زاااااااااااااتكم يمكن زى راجلها …….كلكم عاوزييين كشف قبل الزوااااااااااج…حتى لا يتكرر الخطأ…

  11. شعب مكبوت اي موضوع فيهو جنس تلقي التعاليق زي معلقات سوق عكاظ؟! لكن امشي شوف مواضيع الشيخ عبد الحي يوسف زول بيكتب حرف فيها مافي؟!

  12. [SIZE=5]الراجل ده خلي يجيني؛
    عندنا (كهربجي) مظبوط؛ بيشتغل دفرة، وعمرة،
    وبيلمع البطارية الجديدة!!![/SIZE]