شقيق الفنان الراحل محمود عبد العزيز يكشف عن الحديث الذي دار بين الراحل واللاعب علاء الدين يوسف وكان سبباً في انتقاله للمريخ

كشف الأستاذ مامون عبد العزيز شقيق الفنان الراحل محمود عبد العزيز عن الحديث الذي دار بين الفنان الراحل ولاعب وسط المريخ الحالي علاء الدين يوسف.

وكتب مامون عبد العزيز علي صفحته الرسمية عبر موقع التواصل الاجتماعي فيسبوك الحديث الذي دار بين الراحل ولاعب المريخ وذلك عقب الإنتصار الذي حققه المريخ في مباراته الأخيرة امام عزام التنزاني, المعروف أن الراحل محمود عبد العزيز يعتبر من كبار مشجعي المريخ ولم يخفي حبه للمريخ.

وكتب مامون ما يلي:

علاء الدين يوسف قدم مباراة كبيره . لعب ما بين المحور والمساك وكان صخرة دفاع متينة . ما دفعني بالا شاده لعلاء الدين يوسف . تزكرت زياره للكابتن علاء لراحل محمود عبد العزيز في منزلنا بالمزاد أيام كان في صفوف فرقة الهلال وانا كنت موجود لحظتها . ودارت ونسه بين محمود وعلاء الدين . وفجأة سأل محمود علاء الدين : يا كابتن عاوزنك ترجع المريخ تاني رأيك شنو . ولو عندك اي مشاكل مع إدارة المريخ انا بحلها وهسه لو عاوز اتصل علي جمال الوالي بتصل ليك عليهو بس أنت وافق ومافي اي مشكله . علاء الدين رد لمحمود وقال ليهو : والله يا جان انا ما عندي اي مشكله وشهر 12 قرب موسم التسجيلات والشطب وانا بوريك التفاصيل أول بأول . وقد كان . وانتقل علاء الدين يوسف وهيثم مصطفي لصفوف المريخ . وبعد خروج كابتن علاء الدين من الصالون قدمتو انا لحدي الشارع . وجيت راجع لمحمود قال لي : خلاص ولدنا ورجع لينا . الا رحم القامه محمود عبد العزيز واسكنه فسيح جناته . ولك التحيه كابتن علاء الدين يوسف . والف الف مبروك الكتيبه الانتحارية . وزي ما قلت الجاي صعب . وعاوز مجهود وحرارة قلب .

ياسين الشيخ _ الخرطوم

النيلين