• ×

07:06 مساءً , السبت 31 يناير 2015


إبنة وزير الدفاع السوداني : صداقات المصلحة تستفزني  

زيادة حجم الخط مسح إنقاص حجم الخط
 الإسم : آمنة عبد الرحيم محمد حسين .. أدرس بجامعة الخرطوم كلية العلوم الادارية .. ماذا عن هواياتك ؟ .. الكتابة والسباحة .. بمن تأثرت ؟ .. تأثرت بوالدي
متى تبكي آمنة ؟
عندما اشعر بالظلم دموعي تنهمر
أشياء تستفزك ؟ صداقة المصلحة والبعض يريد ان يصادقني لأنني ابنة وزير الدفاع
كيف تتغلبين على الصعوبات ؟ اتغلب على الصعوبات بالتفكير والثقة بالنفس
الحب ماذا يعني لك ؟ حالياً الحب لايعني لي شيئاً
فنان تستمعين له ؟ كاظم الساهر
رأيك في شباب اليوم ؟ شباب اليوم شباب صاحب افكار متطورة وطموح زيادة عن اللزوم
ياترى ماهي مواصفات فارس أحلامك ؟
الدين والاخلاق اهم شي
دولة تتمنين زيارتها ؟ تركيا
حدث هز وجدانك ؟ وفاة عمي
ثلاث باقات من الورود لمن تهديها ؟ الاولى الي اسرتي والثانية لصديقاتي والثالثة لرئيس الجمهورية
كلمة ختام ماذا تقولين فيها ؟ الشكر لكم وصحيفة الدار تعجبني واتمنى لكم مزيداً من النجاحات .

حوار منقول من صحيفة الدار
بواسطة : admin
 28  0  32.8K

التعليقات ( 28 )

الترتيب بـ
الأحدث
الأقدم
الملائم
  • #1
    06-30-2009 12:04 مساءً عزالدين سيد وديدي :
    الأبنة آمنة بنت الوزير لقد لاحظت التناقض في حديثك
    ان هوايتك السباحة والكتابة وأنك تأثرتي بوالدك وتمنيت زيارة تركيا فكنت اتمنى تكون هوايتك قراءة الكتب الاسلامية وان تتأثري بقدوتنا الحبيب المصطفى وان لو تمنيتي زيارة بيت الله الحرام
    وفنانك المفضل كاظم الساهر وفارس احلامك ذو خلق ودين كيف يستقيم هذا الحديث فأرجو ان تراجعي نفسك في ما ورد واعلمي ان قصدي الاصلاح وليس الانتقاد

    هذا وصلوا على الحبيب المصطفى وكفى
    • #1 - 1
      06-30-2009 01:01 مساءً واحد ساكت :
      ولا يهمك يامونه يابت الوزير الناس دي كلها حاقده وبس كلامك طالع من خشمك زي العسل.
  • #2
    06-30-2009 12:11 مساءً رندا :
    اسي احنا نستفيد شنو من اللقاء دا مالنا بيها بت وزير الدفاع ولا رئيس الجمهورية شوفوا المشاكل الفي البلد دي احسن
  • #3
    06-30-2009 12:21 مساءً jimi :
    الإسم؟:: حليمة محمد أحمد الأغبش.
    بمن تأثرتي؟ :: جدي الأغبش.
    متى تبكي؟:: كل يوم
    أشياء تستفزك؟: الفريك لما يتفلسفوا ويختوا فيهو قدحة توم ،،، أصلي ما بدوروا
    كيف تتغلبين علي الصعوبات؟:: متوكلة على الله
    الحب ماذا يعني لك؟:: بتقصد الحبهان نحن بنقولو الهبهان وفعلاً هان هوان اليمة والتابى
    فنان تستمعين له؟:: فاسكيل شاسكون دا فنان الفريق عندنا هنا وبيعوضنا عن رادي أم درمان.
    ايه رأيك في شباب اليوم؟:: الحناكيش حسب ما سمعت منفصمين (منفصمين يعني شنو؟) والغبش حزينة عشانهم ومن دواعي بكاي كل يوم.
    مواصفات فارس أحلامك؟:: شريف.
    دولة تتمنين زيارتها؟:: الخرتوم.
    حدث هز وجدانك؟:: وفاة كلتوم الداية (هي ما قانونية وكمان بتطهر بس في البلد)
    ثلاث باقات من الورد؟: قول تلات سعفات واحدة لحاجة أمونة البتبيع القفاف والتانية لحبوبة خديجة البتضفر البروش والتالتة لعريسي اربطا ليهو في إيدو.
    .
    • #3 - 1
      06-30-2009 01:14 مساءً waleid :
      hahahahahaha Jimi klamak 100%
  • #4
    06-30-2009 12:24 مساءً معاوية :
    يعنى هى ناقصة يانس النيلين الله يهدى المحرر
  • #5
    06-30-2009 01:05 مساءً ezoo :
    الاخوة اصحاب التعاليق اعلاه
    السلام عليكم

    بيني وبينكم انتو حاسدين وخاينين ساكت

    ما تخلوها تقول زي ما عايزة ولا عشان انتو ما اولاد وزراء

    بعدين ياخ ماتمشو لي جريدة الدار دي ما تعملو معاها لقاء في زول حاميكم
  • #6
    06-30-2009 01:16 مساءً الفصيح :
    ها ها ها بالله بنت هادم العمارات وقاتل الجماعات
  • #7
    06-30-2009 02:11 مساءً bykooo :
    ميمونة بنت الوزير ((وزير الدفاع )) ياترى تركب سيارة موديلها شنو ؟
  • #8
    06-30-2009 02:35 مساءً الجزولي :
    ياخوان من المفترض ان تعامل الناس عادي والله ماشايف فرق بين اختي امنة بت الوزير وكلتوم بت الخفير وبعدين شنو التخلف والله ياامنة لك الود والتقدير بالرغم نت ان ابوك احالني الصالح العام وشتت اسرتي لكن دا كوم وداك كوم اتمني لك وله التوفيق
  • #9
    06-30-2009 02:47 مساءً شمشه :
    والله العظيم ثلاثه ودا قسم اسال منو يوم القيامه انا لصيق جدا باسرة الوزير عبد الرحيم والله هذا الرجل في قمة النزاهه والنظافه راجل سوداني اصيل والدليل علي كلامي انو ولدو الكبير يعمل موظف في شركة يتقاضي مرتب شهري بالله عليكم في ولد وزير الزمن دا شغال موظف اتحداكم اكيد كان حيكون عندو مجموعه بتاعت شركات
    بالله عليكم لا تتهموا الناس في شرفهم
  • #10
    06-30-2009 03:02 مساءً سودانى :
    اصل الموضوع كده انو البت دى بايره ومافى زول عارف عن ناس الوزير حاجه عشان كده عايزين يطلعو ليها اى موضوع عشان الناس تعرف انو الوزير عندو بت واسمها امنه بس لببيتقدم للعرس ماينسى يعزمنا
  • #11
    06-30-2009 03:17 مساءً مضروب الدنيا :
    ناس حاقدين ساكت ليه تعملوا تعليقات زى دى . لو ماعاجبكم أبقوا ولاد وزراء . بعدين دى البيئة والمجتمع العايشة فيهو وكل زول يعبر من خلال مجتمعة زى حليمة الأغبش . يعنى إنتوا مابترضوا الإ يكون فنانها ضجة إزعاج أو شروم بحة ووجبتها فتة فول . هسع أكان قبلت تصاحبكم كنتوا غيرتوا تعليقاتكم ...
  • #12
    06-30-2009 03:27 مساءً سوداني مقيم في إيران :
    بنت سواق الرئيس تتحدث عن فتى أحلمها واصفة إياه بالدين والاخلاق اهم شي).....
    فمن بنى مبنى جامعة الرباط الذي نعرف قصته جميعاً؟

    سؤال تاني: من سلب أموال المعاشيين في القوات المسلحة وبنى أبراج وزارة الدفاع المعروفة؟ وحسب علمي هذا أكبر خطأ لأنه لا يمكن أن تجمع كل ضباط القوات المسلحة في ثلاثة أبراج فقط، لأنه 3 صواريخ يوم الأحد الصباح من أي إسبوع كفيلة بالقضاء على الجيش السوداني.

    رجاءاً أرجو عدم حذف هذه المشاركة يا ناس النيلين

    والأـسئلة كثيرة
  • #13
    06-30-2009 03:56 مساءً عبدالصمد :
    يا اخ ( الجزولى ) يعنى ابوها احالك الصالح العام وشتت اسرتك كما تقول وبرضو تتمنى له التوفيق . تمنى له الهدايه ياخى . الدعاء والتمنى بالتوفيق للذى يصلح ويعمل الخير .
  • #14
    06-30-2009 04:05 مساءً عزو :
    السلام عليكم
    انا اعتقد انو اى زول حر فى شخصيتو ,,, انتو هنا جايين تعلقو ولا جايين
    عشان تفرغو زهجكم
    او صاحب التعليق رقم 6 كلامك فى محلو احييك والله
  • #15
    06-30-2009 04:32 مساءً عبدالله :
    امنة بت الوزير بت سودانية عادية اتمني لها النجاح واكثر شئ عجبني في ردودها رفضها القاطع لصداقات المصلحه تمنية ان يكون فنانها المفضل سوداني
    وفارس احلامها من الغبش ديل ولا مانع مما ذكرت عشان نحس انه ما في فرغ بيننا وبين الوزراء الا التكليف والمسؤليه





    احب السودان
  • #16
    06-30-2009 04:35 مساءً سالم :
    (أشياء تستفزك ؟ صداقة المصلحة والبعض يريد ان يصادقني لأنني ابنة وزير الدفاع) وبمناسبة (صداقة المصلحة) وما أدراك ما المصلحة، ما علاقة عمك شقيق أبوك الذي توفي في حادث حركة بالسعودية والكشافة الجوية؟؟؟ ماذا يعرف عنها ولماذا تم عمل غرفة له بها وعليها صورته وإسمه ... وشهيد كمان!!! كم شخص من الحركة الكشفية عموما توفوا ومن الكشافة الجوية خصوصا وليس هناك من يذكر لهم طاريا؟؟

    قال مصلحة قال
  • #17
    06-30-2009 04:39 مساءً ابراهيم الامين الصديق علي :
    اخديها نصيحة مني لي وجه الله تعالي وصلي علي رسول الله صلي الله عليه وسلم ارجو ان لا تنتبهي الي الانتقادات وبالنسبة لي موضوع تعامل بعض الاشخاص ارجو ان تعاملي كل شخص وتاخديهو حسب فهمو لانو الدنيا ما بتستاهل دة كلو كل من عليها فان ودة حال الدنيا يابنت عمي والناس كل يوم بتفتش ليها في موضوع وحاجة اخيرة عايز اقولها ليك الصلااااااااااااااااااااااااااااااااااااااااااااااااااااااة مع فائق احترامي الشكري
  • #18
    06-30-2009 04:53 مساءً سودانى :
    والله بت فارس ونزيه والله يا امنه نعمه الوالد لاننا نعرفه تمام رجل فى قمة التواضع
  • #19
    06-30-2009 05:21 مساءً ابو سليمان - نوبي :
    تفابن كونج قالاقا ، كجبارن بتاني فاجوجا حدو تيقجلوا اكن دية دافي دنيالتوني
  • #20
    06-30-2009 05:50 مساءً ابومحمد :
    هو كمان ناس الدار ديل ما عندهم مواضيع املو بيها الصفحة ولاشنو
    ماذا نستفيد من تلك اللقاء وصداقات المصلحة بقت كتيرة ماشرط السلطة (بضم السين )اى واحد عندو الزمن دا قروش بعاين للناس الحولو عاوزين مصلحة منو
    بس بقول ليها ما تكونى هديتى باقات الورد لصديقات المصلحة هههههههههههه
  • #21
    06-30-2009 06:17 مساءً العريس :
    تحية وتقدير ليك يا امونه ربنا يحفظك ويوفقك
  • #22
    06-30-2009 07:31 مساءً علي محمد :
    الحب لايعني لك شيئا حاليا وبسمعي كاظم الساهر . دي كيف دي
  • #23
    06-30-2009 10:53 مساءً غزالى :
    البعض يريد ان يصادقنى لاننى ابنه وزير الدفاع(ده وهم شنو ده )
  • #24
    06-30-2009 11:35 مساءً عثمان محمد علي الطاهر :
    امنة بنت الوزير ابوك ده حيستقيل متين؟؟ هدم عمارة في قلب الخرطوم ولسه قاعد وخلي احداث الاثنين الاسود تحصل قدامه ولسه قاعد وخلى حركة العدل يصلو لغايت قلب الخرطوم ولسه قاعد .... باللهي كلمي ابوك انو في ادب سياسي اسمه الاستقاله في حالة الفشل.
  • #25
    07-01-2009 01:41 صباحًا معاويه الحاج :
    معقوله ! بت السيد وزير الدفاع ماشافت تركيا حتى الان ايه التقشف ده ....
  • #26
    07-01-2009 04:19 صباحًا Ehab :
    هو وزير السجم الدفاع عندنا فيهو راي لمن تعملو لقاء مع بنتو ....
    يعني نلقها من أبوها ولا من صحبو الرئيس.... الأول أفشل من
    التاني ....بغض النظر عن نزاهتو ولا لا...... الزول دا أفشل وزير ....كلام يليق بي وزير ما بعرف يقولو ....كفايه مغصه
  • #27
    07-01-2009 07:58 صباحًا sudani :
    الى الذين يحلفون بالله ثلاثة عن نزاهة الوزير وكل رجالات الدولة عليهم الصوم 3 ايام كفارة قبل ان يحاسبك الله على كلامك والمكان ليس مكان كشف المستور وحكاية ولده شغال موظف هذه ليس دلالة على النزاهة وسياتى يوم تكون ليست ابنة وزير انما مواطنة عادية
  • #28
    10-27-2010 10:06 صباحًا اسد الله :
    قالوا لو داير تعرف فاطمة فى البيت شوف محمد فى السوق
    هى بت ابوها عبد الرحيم محمد حسين ، يعنى عايزنها تكون كيف .
    قالت صداقة مصلحة ، شوف جنس دا .