• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

بس فالح في الحاجات دي ما يشوف الناس بتاكل كيف وتكابد في المعيشة اززززاي

والله مافهمت من الخبر دا اي حاجة كيف يعني انهي (أنهى عقد قرآن ) ومكرر مرتين انهى انهى ماعارفين هل ناقل الخبر يحب يمدح ولا يذم .

ما اخز ليه رقصة؟ ولا داخرها للاهاى؟

ياسمير رئسنا فالح فى كل شء وربنا يحفظه ويخلية لينا وينصره على اعداء السودان

(وسير سير يالبشير) واللة يحفظك من كل شر

يا خوانا والله البشير ده حيرنا..مرة رقيص ومره عرضة ..والله مافي رئيس اساء للسودان وشعب السودان زي البشير ياخوانا الرئيس مفروض يكون غدوة لشعبو وقور وعفيف اليد واللسان نحنا رئيسنا يرقص ب.....استغفر الله العظيم من كل ذنب عظيم اصلو مابيشوف ابو الحسن حسني مباركلما يطلع في التلفزيون بيكون وقور كيف والله لو زعلان منو تحترمهو والا كلامو قمة الاحترام والعفة في الالفاظ لن نحنا لا رئيسنا ينعل ويسب الناس معاهو نافع ويرقص بطريقة استفزازية.... انت بتحكم شعب حضارته 7 الف قبل الميلاد مش غواني في شارع الهرم والله لمن اشوف ناس افورقي وزناوي قلبي يتقطع ولما اشوف ملك الاردن والاسد وعبد العزيز بوتفليقة وزين العابدين ودبي اتحسر

أخي العزيز/ جادي وبقية الأخوان الأعزاء

السلام عليكم ورحمة الله وبركاته

حقيقة الرئيس البشير حير العالم كله، لأنه الرئيس الوحيد في العالم الذي يمشي في الأسواق بين مواطنيه وحده! ويرقص معهم دون حاجز!!، وبصلي بينهم في المسجد دون حرس!!! وذلك كله نحسبه توكلا وتواضعاً لله رب العالمين.

ولكن في نفس الوقت هو إرهابي في نظر الحاقدين والمستكبريت في الأرض؟!!!!

أخي العزيز بغض النظر عن الانتماء السياسي بل ومع الاحتفاظ والتعصب له يجب أن نفخر بهذا الرئيس لأنه يحمل الطباع والأخلاق السودانية المتميزة والفريدة على مستوى العالم وهذا يكفي للإشادة به في هذا المجال.

مع خالص تحياتي وتقديري لكم جميعاً.

أخوكم
الفاتح الأمين عوض الله
مكة المكرمة - الملكة العربية السعودية.

من الآداب التي توارثناها نحن غالبية شعب السودان ، هي أن نلتزم قواعد السلوك الرصين و نحن نتحدث عن رجل بقامة رئيس البلد ، مهما بلغت إختلافاتنا معه أو عليه .
نعم هو ليس ملاكا منزلا ً و لا نبي حتى يكون منزها من الزلل. إنما كونه رئيسا لبلادنا ، فهذا خط علينا الوقوف قبل إجتيازه .
و حتى المعارضة لها أصول و قواعد فمن شاء فليتبعها و هي حق متاح لكن بأصول .
أما من يشير في تعليقه بعدم فهمه (أنهى) و كيف يكون ذلك ، فالمسألة لا تحتاج درس عصر . يعني الموضوع كان مقدمة تعارف تسبق الخطوبة أو (الدوارة) و لكن وجود الرجل و إقتراحه عليهم بأن يكون الأمر زواج مباشرة ، و هو ما يسهل على أهل العروسين مشقة المطاولات المحتملة نحواً من قولة خير و خطوبة و بعدها عقد و دخلة و مراسيم . فالرجل أنهى كل هذه البروتوكولات في تلك الجلسة .
فهمت يا أخوي و الآ أعيد ؟

أخي العزيز/ جادي وبقية الأخوان الأعزاء

السلام عليكم ورحمة الله وبركاته

حقيقة الرئيس البشير حير العالم كله، لأنه الرئيس الوحيد في العالم الذي يمشي في الأسواق بين مواطنيه وحده! ويرقص معهم دون حاجز!!، وبصلي بينهم في المسجد دون حرس!!! وذلك كله نحسبه توكلا وتواضعاً لله رب العالمي

أخوكم
الفاتح الأمين عوض الله
مكة المكرمة - الملكة العربية السعودية.

اولاً اتقي الله في كلامك واحسبو صاح قبل تقولو لانك انت شخصياً ما مقتنع بيه يا ود مكه
ياخوي كلامك ده كلام حلم والعقد ده خالصي بال وجها البلد واصحاب النفوذ والمال فقط وخليه اجي (انهي ) عقد في الاسكان او غرب الحارات او في الجخيس او الاسكان الشعبي الجديد الناس مقامات ياولدي نوم نومك في السعودية وشوف تجديد اقامتك احسن ليك وحل مشاكلك مع كفيلك اقصد سيدك

بسم الله الرحمن الرحيم00 للذين يتكلمون عن الرئيس البشير بدون ادب او موضوعيه الرقص الذي تتحدث عنه والذي لم تراه او تعرفه هو ارث سوداني في كل ارجا السودان ودلاله وتعبير عن الحماسه 00 والبشير رجل متدين وافضل وانزه من حكم السودان وجزاه الله عنا خيرا00

اصيل يا بشبش

والله يا اخوانا انا لا انتمي الي اي حزب لكن والله احسن من البشير ده والله ما حكم ولا حايحكم لانو متبع التقاليد والله التواضع العند البشير والله ما عند رئيس دولة تانية نحن هسي برة شايفين كيف الناس بتصرفوا كيف والله نحن في الامارات والله مدير الشركة بعمل ليك فيها سيد الناس خلي الشيوخ وما ادراك وهلم لكن والله البشير ارجل واحد غصبا عن كل الحاقدين ووالله لو البشير ده قال هسي نخش الحرب والله بنخش معاهو لانو والله مافي زول زيو واسلوا نفسكم سؤال واحد لو هسي البشير قدم استقالتو تفتكروا منو الجدير بان يكون في مكانو بعد مارفع اسم السودان والله عاليا وخلانا نقول نحن سودانين بملية الخشم انشاء الله ربنا يحفظو لينا هذا الرجل الصالح والرجل المؤمن والمتواضع وربنا يحفظ السودان ونحن فداك يا اسد العرب ولا تخف

,والله الدنيا دى فيها حاجات تجنن. كمال حسن بخيت زول شيوعى قضى عمروا كله داشر وحائر بين حزب البعث تنكر لاهله اهل زوجته بت الصول نصر
ودعى الرئيس عمر البشير وجمال الوالى وكل المذكورين اعلاه من اصحاب الشأن يا ترى ليش كمال تنكر لاهل زوجته ولم يستدعى منهم احدا؟

دا عمل خير وبسسسسسسسسسسسسسسسسسسسسسسس

rajel wallah rajel wafog alrojal fe zeyada

بسم الله الرحمن الرحيم
بصراحة دا ما موضوع يشرف,, ولا,,, يفرح هذا الموقع
مع فائق احترامي للجميع

حنك عشان يحبه الشعب و ينصره بتحنكني انا يا ود البشير

رسالة الى المدعو جادو يا اخى حرام عليك تصف رئيس دولتك بالطريقة المزرية دى اولا البشير سواء كان رئيس او غفير هو من عامة الشعب السودانى خرج من صلب الشعب السودانى يعنى تثقف وتشرب بعادات وتقاليد اولاد الناس الريال يا عزيزى لا تقارنه بالرئيس المصرى اليوم الرئيس المصرى اذا اراد ان يذهب من بيته لمكتبه او الى اى مكان قوة الحراسة والامن الذى ترافقه يمكن يكون قدر لواء كامل فى الجيش دة حتى مرات يتنقل داخل القاهرة بالهليكوبتر عموما لا تدخلونا فى مقارنات رضيت ام ابيت فالبشير ود بلد يمارس حياته بصورة طبيعية زيه وزى اى واحد من افراد الشعب لا غرته وظيفة ولا جاه ولا سلطان واحسن نخلى الريال فى حاله فمهامه وهمومه اكبر من هذه السفاسف

والله كان رقــــــــــص وللا عرض ارجل منو يدوه البحــــــــــــــــر .. بعدين ما يرقص في زول طـــــــــــلبو شئ

السيد ناشر الخبر هسع انا مواطن عادي ومواطن من الدرجه الميه كمان ولمن اجي اعرس حاعزم الرئيس واتحداك لو خلوني خشيت القصر ساكت وانا وانت عايشين

والله البشير ليه حق فى كل البيعمله لان الشعب طيب و غلبان و بينسى سريع نسى بيوت الاشباح و شهداء رمضان و شعارت الجبهة الخادعة و احاديث الثعلب المكار الترابى و شباب السودان المشتت فى كل بقاع الارض و الوضع الاخلاقى للشابات و حدث ولا حرج لنهب المال العام و شـلة الحرامية التى تتحكم فى رقاب الناس و المنافقين و المطبلين .هل هذا هو السودان الذى نطمح اليه ؟

samir enta menna wala men al jeraan
bashier allh y3afek

والله البشير أرجل سودانى , وأطيب ,وأشجع , وانبل , ماسمعت عنه الاالرجاله الحقه ,, والماعاجبو يقع البحر

والله يااااااااااشباب البشير ده الرصين والناس البدافعوعنو ديل معاو

يااااااا عمر ياااااااا ود البشير انااااااا سوداااااااانى مقطوع فى الغربة عيز ارجع السسسسسسسودان وما معى حق التزكرة عاااااايز ك تساعدنى او كل اهل السودان

يااخى الرئيس البشير دائما بعقد للعرسان فى اى بلد كردفان دارفور والنيل الازرق
ماتخليكم حاقدين والحقد ياكل قلوبكم الزول دا استلم السلطه فى زمن السودان معرض للضياع وهسى البلد فىها تنميه بعدين لو الواحد من دارفور مايبقى ذى دا لانو الفى دارفور من تنميه ماعندنا نحن فى بلدنا بعدين فى قرية فى الشمال فى الجيلى اسمها الوادى الابيض ديل المصفاه بالحيطه مولعين بالشمعه وحامدين شاكرين وياخى ناس الشماليه ديل ناسه لسع بشربو مويه من الجدول والبحر جنبهم الواحد لو حاقد يحقد على نفسه لانو مامشارك فى الحياه السياسيه والله لو الواحد هسع ادو السلطه دى وقالو ليهو احكم يعقد يعديها بوفيهات بس وعندك الناس الدخلو السلطه من حركه شعبيه واحركات دارفور ورينى عملو شنو ياخى ديلك حكام دارفور كلهم من المنطقه وحكام الجنوب كلهم من مناطقهم ياخى العقليه السودانية المتمرده دايما تمثل المؤامره وهم من يحيكون المؤامرات لهذا البلد الذى كل ماخرج الى النور ادخلوه الى الظلام ياخى بتين البترول طلع عشان الناس تموت بالشكل دا ياخى ملعون ابو دا بترول بسوى كل هذه المشاكل وربنا يهدى الجميع

الاكثر تفاعلاً/ق/ش

الاكثر إهداءً/ق/ش

الاكثر مشاهدةً/ق

الاكثر مشاهدةً/ق/ش

الاكثر تفاعلاً/ش

الاكثر إهداءً/ش

الاكثر مشاهدةً/ش

الاكثر تفاعلاً/ق