• ×

07:11 صباحًا , الأربعاء 28 يناير 2015


مجلس الشيوخ الأمريكي يحث (سلفاكير) على نقل النفط بالشاحنات  

زيادة حجم الخط مسح إنقاص حجم الخط
 
حث وفد أعضاء مجلس الشيوخ الأميركي رئيس حكومة جنوب السودان الفريق " سلفاكير ميارديت " على البدء فى نقل نفط الجنوب بواسطة الشاحنات إلى الأسواق العالمية عن طريق إثيوبيا بدلا من إنتظار الخرطوم للوفاء بالتزاماتها بشأن إتفاقيات النفط الموقعة بين البلدين .
وحمل أعضاء مجلس الشيوخ الذين زاروا " جوبا " الأسبوع الفائت برئاسة السناتور " ستيف بيرس " من (نيو مكسيكو) رسالة تطالب " سلفاكير " بنقل النفط بالشاحنات فوراً، واصفين خطوة الخرطوم بإيقاف ضخ النفط بأنها " لا تعني شيئا ". وأكد عضو مجلس الشيوخ السناتور " ستيف بيرس " فى تصريحات لتلفزيون جنوب السودان يوم (الاثنين) أن حكومة الرئيس " أوباما " ستدعم المبادرة الجديدة البديلة لشحن النفط بواسطة الشاحنات إلى الأسواق العالمية من أجل الحصول على كمية كبيرة من الإيرادات لاقتصاد دولة الجنوب ، متسائلا : (كيف تعاني دولة الجنوب اقتصاديا برغم وجود الموارد الضخمة).

المجهرالسياسي
 25  0  5.5K

التعليقات ( 26 )

الترتيب بـ
الأحدث
الأقدم
الملائم
  • #1
    01-16-2013 11:40 صباحًا ابو احمد :
    وبعدين يصدروه من اثيوبيا عن طريق اي ميناء
    • #1 - 1
      01-17-2013 09:38 صباحًا نقه :
      خير الكلام ما قل ودل اوفيت وكفيت يا ابواحمد.
  • #2
    01-16-2013 11:49 صباحًا Sudani Sai :
    رأي أعضاء مجلس الشيوخ ده ذكرني رأي البصيرة أم حمد لأنه تكلفة الترحيل عالية جداً حتكون ولا ننسى أن الطرق غير معبدة مما يستوجب إستخدام شاحنة ذات حمولة أقل وغايتو الفهم قسم زي ما بقولو
  • #3
    01-16-2013 11:52 صباحًا فيصل عزالدين محمد :
    [font=Simplified Arabic]ألا يعلم هذا العضو الجاهل أن النقل بالشاحنات يكون في المرتبة الثانية بعد النقل الجوي من ناحية التكلفة؟ وكم من الشاحنات يحتاجها الجنوب لتنفيذ هذا الاقتراح العجيب؟ وأين الطرق التي ستسير عليها هذه الأساطيل؟ أرى أن مجموعة ستيف بيرس هذه تخطط لنصدير هذا الكم الهائل من الشاحنات الأمريكية لدولة الجنوب في سبيل تحقيق مصالح شخصية لهم ولمن يقف من ورائهم. ولو اعتمد الجنوبيون على مثل هذه الهرطقات لماتوا جوعا!! أيضا ألا يعلم هذا الجاهل أن أثيوبيا نفسها ليس لها موانيء على البحر؟ وسؤال اخير .. ألا يعلم الجنوبيون أن هؤلاء اليهود ينظرون الى مصالحهم فقط ولايبالون بمعاناة الجنوبيون أو غيرهم في سبيل تحقيق مصالحهم.[/FONT]
    • #3 - 1
      01-16-2013 12:29 مساءً زعيط :
      مخسرنهم الدنيا والاخره وذلك هو الخسران المبين والعياذ بالله وهم اغبياء لا يفقهون شيئا بس همهم كله ينفزوا اجنده الغرب ولا يراعوا لمصلحه بلدهم ومواطنيهم والحافز الاول الكراهيه للاسلام والكيد للشماليين وخليهم يصروا ويخموا
  • #4
    01-16-2013 11:52 صباحًا الشكاك :
    أنا عندي أحسن يشيلوهو بالجرادل ههههههه
    • #4 - 1
      01-16-2013 12:58 مساءً ههههاي :
      وعلى ضهور الحمير
    • #4 - 2
      01-16-2013 02:44 مساءً آينشتين :
      فكرة الجرادل كويسة، وعشان تكون سريعة وفعالة، مفروض يجيبوا ناس يقيفوا صف وكل زول يناول الجردل للتاني,
  • #5
    01-16-2013 11:55 صباحًا ودابوعبيدة :
    غباء مقرون بحقد على الشمال وهو كمن يريد ري حواشته أو مزرعته الكبيرة التي يهددها العطش والجفاف بالجوز (والجوز يعرفه الجميع)
    • #5 - 1
      01-16-2013 01:53 مساءً نتشه :
      ونحن ما حاقدين علي الجنوبيين يعني ؟
  • #6
    01-16-2013 11:56 صباحًا العطبراوي :
    تعاني وستظل تعاني وهذه حكمة الله - ان ترى النعمة ولا تكاد تسخدمها فلعمري هذا عقاب في الدنيا لهم ولاسيادهم فادعموهم فقد قال عز وجل
    ( إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُوا إِلَى جَهَنَّمَ يُحْشَرُونَ )صدق الله العظيم
    • #6 - 1
      01-16-2013 12:22 مساءً mohsen khair :
      نعم يا عطبراوي
      كالعير في الصحراء بقتلها الظمأ والماء فوق ظهورها محمول
    • #6 - 2
      01-16-2013 12:51 مساءً فارس :
      بترولهم وهم احرار يشحنوه بالشاحنات او بالطائرات انتم مالكم ومالهم
      مش انتم من اعطاهم حق الانفصال لماذا البكاء على اللبن المسكوب
      تسوي بإيدك يغلب اجاويدك
      ههههههههههههههههههههههههههههههههه
    • #6 - 3
      01-16-2013 01:54 مساءً نتشه :
      والحاصل فينا دا ما عقاب من ربنا (أوعك تقول إبتلاء)....
  • #7
    01-16-2013 12:34 مساءً علي شاش :
    خبر اضحك والله...
    دا دليل على انا الحكومة الامريكية لاتعرف شي عن السودان وتعتمد على الاعلام في قرراتها على السودان
    • #7 - 1
      01-16-2013 01:55 مساءً نتشه :
      وكت أمريكا ما بتعرف شئ عن السودان ليه بشبش منبطح ليهم كدا وبنفذ ليهم أوامرهم ؟؟؟؟؟
  • #8
    01-16-2013 02:24 مساءً النل الطويل الملولو :
    قول شحنوه ووصلوه اثيوبيابعد جهد جهيد يالله يا امييين وهو خام طبعا" لو كرروه الشاحنه الواحده تطلع ليها 3 براميل اكبر شاحنه وهو لسع في اثيوبيا واثيوبيا ما عندها موانئ والحدود مقفوله مع ارتريا والصومال تاني يحاولوا يرجعوه عن طريق كينيا الاصلا" ما قادرين يمرروا انابيب ويرجعوا تاني بيه للجنوب خاب ظنكم ايها الحاقدين علي اهليهم اولا" ثم علي الشمال هم وامريكانهم يا حاقدين اليس منكم رجل رشيد والله ده متاجره بالكلام هذا مستحيل يا ايها الامريكان كم تحسبوها غلط بدل تكونوا وسطاء لمصلحة الجنوبيين وتقولوا ليهم ما ليكم غير حل واحد هو حلوا مشاكلكم مع الشمال ولا مفر تقعدوا تنظروا ليهم قال بالشاحنات قال .الله يخيبكم جميعا"
  • #9
    01-16-2013 02:24 مساءً ابو محمد :
    اياها البصيرة ام حمد زاتا..البترول ده وين يصفوهو اول قبل النقل؟
    واثيوبيا ماعندها ميناء وهي تعتمد علي موانئ السودان وجيبوتي
    بالحساب كده الناس ديل عايزين ليهم 2500 شاحنة لنقل 350 الف برميل
    يوميا,,,,,لاحظ يوميا دي,,,يعني لو الشاحنة يتمشي وترجع بنفس اليوم
    بعدين الطريق غير معبد ,,يعني الشاحنه عايزه ليها اسبوع ماشي واسبوع راجع
    يعني البهائم ديل عايزين ليهم 35000 شاحنة لضمان النقل اليومي
    يعني 3 مليار و500 مليون دولار قيمة الشاحنات
    ده غير وقود الشاحنات....السواقين ...ومريسة السواقين ..يوووووووووووووه
    اقولكم حاجة ,,,, اناس ديل الحقد عماهم ...
    • #9 - 1
      01-16-2013 07:45 مساءً هش :
      وهنا مربط الفرس .. الناس ديل جايين و عارفين عدد الشاحنات المطلوبة و عارفين القصة خسرانة مع الجنوب بس برضو جاهزين بي الفين و خمسمية شاحنة خردة توقفت عن العمل في اممريكا و جاهزين بي اسم الشركة الامريكية و المرة الجاية بيجو بي عقودهم ننقلو ليكم و لينا 78&#16
  • #10
    01-16-2013 02:28 مساءً ود جعل الحر :
    وليكن ولكن علي أعضاء مجلس الشيوخ هؤلاء "العباقرة" وفعلا امريكا مجرد نمور من ورق إذا كان مثل هؤلاء يفكرون لها " البصيرة أم حمد " أولا عليهم تعبيد الطرق أي بناء شارع أسفلت من ولاية البحيرات إلى أثيوبيا يمر عبر الهضبة الأثيوبية وتجهيز أطواف لحماية الشاحنات وإنشاء ميناء لتصدير النفط عبر اثيوبيا ، ده كله كلام فارغ وأعصروا الجماعة لمن يجيبوا الزيت ويقولوا الروووووووووووووب وآهو داك الطريق مفتوح خلي هؤلاء يحضروا شاحناتهم لتصدير النفط ،" لا يوجد أي بديل آخر غير الشمال والفورة بليون ؟؟؟؟؟؟؟؟؟؟؟؟؟؟ونقول لأعضاء مجلس الشيوخ أحسن بالطائرات من الشاحنات عشان يصل الأسواق العالمية بسرعة أكثر.أو يعبوه في براميل ويرموها في النيل ويلتقطوها في رشيد أو دمياط على البحر الأبيض " مش فكرة جميلة"
  • #11
    01-16-2013 02:40 مساءً عابد :
    اثيوبيا عندها معبر هل تمتلك ساحل - هل سلفاكير غفير للبترول لامركاهل هذه طريقة او ورقة ضغط لا نعارض تطوير العلاقات وترسيخها لكن ليس على حساب الوطن او شبر منه
  • #12
    01-16-2013 02:55 مساءً شلابيه :
    الظاهر مفتكرنها مريسه مش بترول لانها شبهم
  • #13
    01-16-2013 03:14 مساءً عبدالرؤوف :
    يبدو ان الرجل عندما لمس كمية الجهل فى جوبا خطرت بباله هذه الطرفة على اعتبار انه امام قوم لايفقهون قولا وقد صدق توقعه وهو يراهم يصفقون لحديته حتى كاد ان يقترح عليهم تصدير المنقة ب الدى اتش ال وطبعا فى الجنوب الخواجا كلامه دايما صح نسأل الله سلامة العقل .
  • #14
    01-16-2013 03:32 مساءً زول :
    خط الجنوب كينيامنبسا خبرو شنو؟؟ الشغلة واضحة دايرين ناس المؤتمر الوطنى يرخو شوية.دى الكرت الوحيد الفضل لو ناس الشمال خسروه يشربو ما يرؤا,والكلام واضح فكوا قطاع الشمال بترولكم يمشئ.
  • #15
    01-16-2013 04:09 مساءً د. محمد عثمان :
    سلام عليكم
    سؤال بالدارجي: الخواجات ديل ملاعين وللا مجانين؟... مماقمنا على وجه الأرض نسمع بأن الجنوب مرهون لدي الإنجليز بقنوان المناطق المقفولة، ثم الضرب على الميت ليقولوا له تخلص من قيودك، ثم أخيرا الضرب على القاب مع حمل الأمتعة شرقا وغربا. (منقو قل لا عاش من يفصلنا).
  • #16
    01-16-2013 04:22 مساءً المــــ2012ــــر :
    يا جماعة انتو ما فاهمين حاجة الناس ديل ناس امريكا زهجو من دا لانه لقيهو ما بفهم ومخو فى بنديقتو عشان كدا دايرين يجيبو من الاخر يعنى يا اخوى هوى يا تعمل اتفاقية مع ناس الشمال ديل يا شوف ليك صرفة فى بترولك .. يعنى امريكا لو دايرة تنقل بترول الجنوب من زمان ما كان نقلاتو .. ديل ناس بيفهمو دايرين يلف لما يفتر ويجيهم ذى الكلب راكع تحت رجلينهم
  • #17
    01-16-2013 04:28 مساءً الخنفساء :
    فكرة الجرادل والصف ممتازة بس المشكلة عندما تكون الجرادل مشغولة(ملئة بالمريسة والكنجومرو) حاليا الرجاء الانتظار والجنوبى مابيعرف انتظار
    • #17 - 1
      01-17-2013 11:28 صباحًا شاكووووووووووش :
      [size=4]انا عندي فكرة مجنونة جردل مريسة وجردل بترول....لكن المشكلة جردل المريسة لمن يكمل..اخونا علي حسب سكرتو يقوم يرجع بالجردلين عشان يعبيءجردل المريسة الفاضي.
      ...يعني باالعربي كده...ح يكون خطواط تنظيم في مكانه.
      [/SIZE
  • #18
    01-16-2013 04:49 مساءً ali :
    ما تنسوا أنهم من مجلس الشيوخ -- يعني مخرفين
  • #19
    01-16-2013 05:19 مساءً مجدي :
    لو يكتب الهندي هذا عن الهند لوجد قبولا من الصالحين لان الهند اكبر ديمقراطية
  • #20
    01-16-2013 06:23 مساءً mukh Mafi :
    الحاجة العجيبة لم يقولوا( من إنتظار الخرطوم للوفاء بالتزاماتها بشأن إتفاقيات النفط الموقعة بين البلدين .) وهو يعني الجنوب اوفى بالتزاماته ؟؟
    كلهم لايسالون ما الخلاف ولا يعرفونه ويقولون ان الخرطوم هي التي تعاكس ؟؟ هذا من الاعلام الموالي للصهيونية والذي باي طريقة يريد ان يشوه صورة السودان
    وهو معلنين لشنو ما يبدأوا ينقلوا طوالي عشان نحن نرجف ونخاف طز وستين طز .. والله ما حرمنا من شيء الا وابدلنا خير منه .. فقط علينا الصبر والعند الله اكثر مما عندهم وعشمنا في عوض الجاز اكتر من عشمنا في سلفاطير يوافق على فتح او نقل البترول بالانابيب
  • #21
    01-16-2013 08:58 مساءً ابوماب :
    كل البدائل للتصدير نفط الجنوب فاشلة ولا خيار للجنوب للتصدير نفطة الا عبر الشمال الى ان ينضب سوا رضا الجنوب والغرب ام لم يرضوا
  • #22
    01-16-2013 10:27 مساءً الزائط ما بنقدر :
    اكيد السيناتور الامريكى دا ما عارف انو اثيوبيا تصدر وتستورد عن طريق ميناء بورتسودان ؟؟؟؟؟؟؟؟؟؟
  • #23
    01-17-2013 02:28 صباحًا hatim :
    هذا الكلام هو مجرد تكتيك اتقويه موقف الجنوب فى التفلوض لسبيبن ان من اوقف تصدير البترول هو الجنوب وليس الشمال وان تكلفه نقل البترول يالبر تكلفنه عاليه جدا مما يحعل مردوده غير مجزئ ومن هنا ادعو حكومه السودان الا تلتفت لهذه الاقوال وان تمضى فى موقفها الرافض الا بعد فك الارتياط
    • #23 - 1
      01-17-2013 11:36 صباحًا abu abda :
      اعصر ال............. اسغفرالله العظيم.
  • #24
    01-17-2013 09:14 صباحًا عبدالماجد قنديل :
    كلام جماعـــة مجلس الشيوخ دا يذكرنا قول زوجـــة الملك فاروق ، حينما
    الناس متجهرين في صفوف طويلة ،وكان الخبـــز قـــد شح من البلد لعـدم
    وجود القمح ، سألت زوجــة الملك لماذا هـ1ه الطوابير والتجمهــر ؟
    فأجابوها أن هناك مشكلة أنعدام الخبر :: فقالت لهــم لماذا لايأكلون ( بقلاوه)
    أي باسطـــة ؟؟؟؟
    أذن بدل أن يسعى مجلس الشيوخ ويحاول أن يثني الجنوبيون من أيوائهم للحركات المتمردة ، وتنفيذ بنود أتفاقية التعاون الموقعة بين الطرفين ، وأيجاد منطقة
    عازلة وتنفيذ الترتيبات الأمنية ،يأتي مجلس الشيوخ بمقترحات لاجدوى لها
    وفي هــذا رسالةواضحـــة يجب أن يعيها الطرفان ،و هي أن مشاكل دولتي السودان لايمكن حلها بواسطة الوسطاء ، أمريكان والله فرتكان ، مشاكل الدوليتن تحل بواسطة أبنائها ، وعلى الجميع الرضوخ لصوت العقل لمصلحة الشعبين والبلدين وكفاكم تخلف وعنجهية ،،،
  • #25
    01-17-2013 09:37 صباحًا د محمد عبد القادر :
    امريكاالي الجحيم
  • #26
    01-18-2013 03:48 صباحًا المهدي احمد :
    واصفين خطوة الخرطوم بإيقاف ضخ النفط??
    اولا حقوا يعرف السيناتور انه الخرطوم مش هي الاوقفت ضخ النفط