02-26-2013 08:57 AM
أفاد مصدر مقرب من الفنان الراحل محمود عبد العزيز وعبر سيرته العطرة لاعمال الخير التي كان يقوم بها دون من ولا أذى ودون ان يعرف الناس والمحتاجون الذين يساعدهم فـي الخفاء شخصيته الحقيقية حتى من أقرب الأقربين إليه ، والذين تفاجأوا بعد وفاته بكل تلك الأعمال الخيرية التي كان يقوم بها .
وكشف المصدر أن الراحل طلب منه ان يساعده فـي إيجاد (21) منزلا وسوف يقوم بدفع قيمة الإيجار فوراً .
وعندما ساله عن سبب ذلك والعدد المهول من المنازل ، أجابه بأنه يريد ان يساعد بعض طالبات الأقاليم من الذين لا يجدن مأوى لهن لكي يواصلن تعليمهن الجامعي بالخرطوم وعددهن كبير وأنه على إستعداد لتحمل تلك النفقات ومساعدتهن في ذلك ، ولهذا يحتاج لهذا العدد الكبير من المنازل .
ويواصل المصدر إفادته وقال إتصلت بعدد من سماسرة العقارات بمدينة بحري وقد قاموا بتجهيز المنازل وتم سداد قيمة الإيجارات فـي نفس اليوم .
صحيفة الدار
انطلاقة جديدة لصحيفة كورة سودانية
شبكة محررين محترفين
الحقيقة شعارنا .. الصدق
والموضوعية سبيلنا
www.koorasudan.net
أعلن في النيلين
ماذا قدم لاطفال المايقوما الذين هم ضحايا وناتج شرعى للاستماع لاغانيه ... الطالبات الجامعيات لو لم تكن لهن المقدرة للسكن والقراءة بالخرطوم لما ارسلوهن اهاليهن ... خايف بكرة يظهر واحد يقول ليك كان متكفل بدار العجزة والمسنين ... واخر يقول ليك بناء ليهو جامع او حتى جاب فرشو.... انتو عاوزين تورونا المسطول ده من كبار المحسنين .... دى حاجات اخفاها هو فى حياته لو اصلو عملها ولم يقول انشروها بعد مماتى عشان تذكروا بيها الملائكة...للميت الرحمة فقط
ردود على ابو الهول
[محمد طيفور الزيدابي] 02-26-2013 10:49 AM
اتوجدت دار المايقوما قبل ان يبدأ محمود الغناء , قل خيرا أو فاصمت الراجل ربنا يرحمو ويغفر ليه وفي النهاية هو سوداني ما سمعنا بيه سرق أو أكل حق ناس زي ما بيعملو كبار المسؤولين . ودا شي بينو وبين ربو لا انا ولا انت ما بنعرف مافي النفوس , يكفيه تماما حب الملايين لإنسانيته أولا , ماذا قدمت انت يا أبا الهول لكتكتب عن محمود؟
[اريج الهادي] 02-26-2013 01:52 PM
فعلا زي ما قلت يا ابو الهول محمود كان زول مدمن مخدرات . لكن امس النيل الازرق عرضت برنامج عن محمود اسمه قالو عن محمود لو كان شفته ما كان قلت كلامك ده البرنامج اتكلموا فيه شيوخ كبار عن محمود وكيف انه تاب توبة نصوحة نرجو له القبول عند المولي عز وجل وأول مرة قالو زار فيها النبي عليه افضل السلام قعد يرجف لمن المعاهو سندو وطلعو بره ولمن طلعو بره لقو هدومه كلها مبلبلة بالعرق والدموع سألوه مالك قال ليهم اصلو ما كنت قايل الرسول الكريم ح يسمح لي اشوفه واسلم عليه من العملتو . ألهم أرحم محمود وتقبله عندك انك سميع مجيب وبعدين يا ابو الهول رسولنا الكريم أمرنا بأن نذكر محاسن موتانا، ربنا يهديك ويرفع عنك ذكرك لمساوئ الموتي وما تتكلم كعب في زول مات
[محمد مطر] 02-26-2013 02:07 PM
اتقي الله ياابو الهول حرام عليك الكلام ده انت بس بتمسك فى حاجات وتخلي حاجات خاف الله
كفاية سكن ناس محتاجة انت عملتها ؟؟
وتاني شى انت بتعلم بالغبيب امكن قدم لاطفال المايقوما بعدين الخير مابس قالوا البعمل لاطفال المايقوما خلاص عمل كل الخير
وربنا كريم بقبل عمل العباد
وربنا يرحمه ويدخله فسيح جناته واذكروا محاسن موتاكم وانت عارف نفسك تموت على شنو على معصية ولاكفر
اتفي الله
[سوداني] 02-26-2013 05:50 PM
جهل غريب ياابو الهول...صحي انت ابو الهول حجر من غير احساس وشعور...بالله البنات حملوا سفاحا لانهم كانو بسمعو اغاني محمود؟؟؟ دا كلام مابخش الراس اصلا...وقبل مامحمود يظهر المايقوما ماكان فيها اطفال؟؟ بعدين الخير القدموا محمود معروووف عند كل الناس حتي في حياته واهتمامه بالطلبه موجود وتشهد عليهو جامعة النيلين لما قدم ليهم شيكات بالملايين عشان مصاريف الطلبه المحتاجين...بعدين ياخ لا تجوز للميت الا الرحمة وليه بتتكلم عنو بالسوء وهو بين يدين ربو...لكن اقول ليك حاجة انت ح تموت زي محمود ان شاءالله ربنا يسلط عليك الينشهشو في سيرتك بعد ماتموت زي مابتنهش سيرتو هسه
[اورزان] 02-26-2013 06:24 PM
ابو الهول ......راجع سيرة الصحابي الجليل ثعلبة .....كن بخير
[ALI] 02-27-2013 12:19 AM
يا ابو الهول ليس من سمع كمن رأى، انا شخصيا كنت استمع لمحمود كفنان ومعجب به جدا مشيت ليهو عشان حفل طلابي رفض يشيل قروش قال لي انتو طلبة قلت ليهو ياخي نحن عندنا امكانية ندفع قال لي حتى ولو، بعد ذلك عرفت عنهو حاجات كتيرة تتعلق بالشهامة بتاعة السودانيين، البقت مفقودة عند كتير من السودانيين، مرة جاء بليل في بورتسودان راجع من حفلة لقى الشماشة نائمين في الشارع، مشى اشتري الرغيف في الفرن كلو والطعمية الموجودة في المطاعم وعملها سندوتشان واجبر فرقتو انها تحشي السندوتشات وبقى بمشي يصحي الشماشة من النوم واديهم السندوتشات، وكتير كتير، انت لو بتعرف محمود كنت قلت عنو اكتر من الناس دي، لكن شكلك مريض وحاسد،نعم محمود ليس له ليس له لحية ولا عمامة كهؤلاء لكنه انت نفسك قدمت شنو للناس، اني نفسيا اجد نفسي مرتاح لطلة محمود اكتر من طلتهم، أكاذيبهم، خوفهم من الناس اكتر من الله، شوف عوائلهم وبناتهم عاملات كيف، الواحد تلقاهو في كل مناسبة يبادر بنصح الناس وينسى نفسه.. انت محتاج علاج يا ابو الهول ..
يستأجر لبنات طالبات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سؤال يحتاج لإجابة.!!!
ردود على سودانية
[زول نصيحه] 02-26-2013 12:33 PM
فيها شنو ياسودانية مااسرح بالك بعيد الطلاب اقوي علي التحمل والمعاناه ممكن يسكن مع عزاب من اهله لكن البنت حساسه وثاني خلو النيه سليمه بنات عايزات يتعلمن عشان يعينن اهلهن في المعيشه كم من بنت تربي اسره وتعول ايتام خلو النيه سليمه وربنا يجعل كل عمل انسان في ميزان حسناته وانت من بنات حواء مفروض الكلام ده يعجبك ويسرك وبدون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الغيور علي بنات البلد والسودانيات جميعاً(زول نصيحه)
[محمد طيفور الزيدابي] 02-26-2013 12:40 PM
يا سودانية الفي راسو صـمثينغ برااااهو دانسينغ
[ممكون و صابر] 02-26-2013 12:51 PM
( أذكروا محاسن موتاكم)صارت سيفا إرهابيا لكل من سولت نفسه للتصدي للمظاهر الفاسدة التي صاحبت و ما ذالت تحدث لتأليه المرحوم
ثانيا أين المفاسد أو أي ذم للمرحوم في تعليقي
ربما يكون الذم في خاطرك الطيب
مالكم كيف تحكمون
[محمد طيفور الزيدابي] 02-26-2013 12:51 PM
الفي راسو سمثينغ براهو دانسينغ
[jehan] 02-26-2013 12:54 PM
الاجابه الوحيده اننا اصبحبنا مهوسين جنسيا وكل صرخه او مساعده نحسبها للجنس فقط زى ما انت معتقده
ربما انك من الخرطوم ومع اسرتك وما عندك ادنى فكره عن معاناه بنات الاقليم فى الخرطوم وكيف الواحده تشقى حتى تجد فرصه فى واحده من داخليات الصنوق القومى المفروض هو لدعم الطلاب للاسف اصبح الطلاب هم الذين يدعمون الصندوق
فكرو ايجابى ياعالم ما كل شئ الغرض منه الجنس
[علي شاش] 02-26-2013 01:05 PM
نيتك سودا ياسودانية ,, ولو هو عاوز اعمل الفي بالك ما محتاج يستاجر كل تلك البيوت ممكن اقيف قدام اي جامعة ويعبي عربيتو طالبات ,, استغفري ربك الراجل مات ربنا ارحمو ويغفر ليهو
[سوداني] 02-26-2013 06:04 PM
سودانية تعليقك دا هو البحتاج لي وقفة وسؤال؟؟ مالو لو سكن البنات؟؟ علي الاقل البنات هو الاحوج الشباب بجازف وبمشي اي مكان مابتجيهو عوجة لكن البت لو مالقت سكن بتمشي وين؟؟ لكن اقول لك حاجة الله يعينك اذا تفكيرك كدا
الراجل مات وربنا يرحمو. والخير العملو يمكن والله اعلم يدخلو الجنة قبل ناس كتار نحن فاكرين انهم رجال دين وووووو. بس لو الناس شافت كمية الخلق الشيعوهو وعظمة الحاجة مفروض يسكتو. محمود في النهاية انسان وكونو يغني ده ارحم من حاجات كتيرة بيعملها اي زول عادي ما مشهور. ادعو له بالرحمة وخلو الحساب للخالق
ردود على واحد
[سودانى] 02-26-2013 03:23 PM
الاخوه الاعزاء مافى داعى لهذا الكلام محمود عبد العزيز الان فى زمة الله والكل يعلم ان الله وحده هو الذى يعلم احوال العباد فى الاخره الرجاء من الاخوه المعلقين اذاكان لديهم عتب على الاعلام اذا حصل تقصير او تطبيل ان الا يذكرو الاموات الذين تركوا هذة الدنيا الفانية ولندعهم لرب رحيم بهم ان شاء غفر لهم وان شاء عذبهم ( فال الرسول الكريم اذكرو محاسن موتاكم )(صلى ) مافى داعى ومانقول الا ان نقول اللهم ارحمهم واغفر لهم وارحمنا اذا ماصرنا الى ماصارو اليه .
عليه الرحمة والسكينة وعلى جميع موتى المسلمين ... هذا هو عين الخير والتصدق .. عمل الخير في الخفاء هو أعلى درجة ... ولم يتحدث الحوت عن أعماله الخيرة والطيبة ...جزاه الله خيراً وأحسن إليه وأنزله منزل صدق بين الصديقين والشهداء... وهذه الأعمال هي الآن في ميزان حسناته والله لا يضيع أجر من أحسن عملاً ...والله عبدالعزيز الله يرحمه ويغفر له إنسان بكل ما تعني هذه الكلمة اللهم أغفر له وأرحمه واغسله بالماء والثلج والبرد وأحسن اليه كما أحسن لعبادك وأكرم مثواه وأنت ولي ذلك والقادر عليه ... وأذكروا حسنات أمواتكم
تاني رجعنا للموضوع دا
كدا في الاول شوفوا لينا الدخل من الغناء حرام ولا حلال وهل يجوز التصدق به وهل له اجر ..
وبعدين فكونا من سيرة فنان تجيب المشاكل وخلوا الزول مع ربه فكلامكم محسن او انه كان وكان لن يبدل صحيفة اعماله ان سلبا او ايجابا ؟؟
ردود على mukh Mafi
[حمد الحمري] 02-26-2013 07:00 PM
[SIZE=5]الله يرحمه ويحسن اليه ويرحمنا اذا صرنا الى ما صار اليه الكل محتار في حب الناس لمحمود وانا اول ماشفت برنامج قناة النيل الازرق غيرت راي في محمود وحبه للنبي (ص) والراجل تاب توبة نصوحة على زمة المادح والراوي الشيخ/خالد الذي رافقه للحج وزيارة قبر الرسول(ص) نسأل الله له الرحمة والمغفرة وكفاية سمعنا صوته ينطق بالشهادة ويصلي علي النبي ويكررها عدة مرات[/size]
انا بنت من بنات محمود, انا من ولاية جنوب دارفور - نيالا - حى الامتداد وانا واحده من اللذين ساعدهم ابوى محمود , درست فى جامعة النيلين , كلية علوم الحاسوب واتخرجت فى عام 2011 , وكنت اسكن بحرى الشعبيه , ومعى زميلاتى عشرات الطالبات من جامعتى ومن جامعات اخرى , وكان المنزل مستأجره لنا الانسان محمودعبدالعزيز , ظروفنا كانت صعبه, لكن محمود ماقصر معانا نهائى حتى رسوم العام الدراسى كان بيدفعها لادارة الجامعه , ربنا يجعل هذا العمل الخيرى فى ميزان حسناته , محمود اذا تكلمت فى حقه عمرى كلو ما ح اقدر اوفيه حقه , كفايه انو بى سببو انا وكثير من زميلاتى اكملنا المرحله الجامعيه , وانا الان الحمد لله اشتغلت ويرجع السبب فى نجاحى, الله سبحانه وتعالى ثم محمودعبدالعزيز , انا بتكتب فى هذه الكلمات ودموعى جاريه زى المطر
الله ارحم محمود
لله ارحم محمود
لله ارحم محمود
لله ارحم محمود
لله ارحم محمود
لله ارحم محمود
لله ارحم محمود
ردود على بنت محمود
[الشافو خلو] 02-27-2013 07:40 AM
يا جماعة الخير هو أبو الهول دا لو ما أهبل صحيح يسمي نفسة على حجر قاعد في السهلة خريف وشتاء.
الله يرحمه لكن هذا الكلام المكتوب كلام الطير في الباقير
ما لازم الخبر تجيبو الدار واكيد منشور بي خط عرييييييييييييييض......... زول عمرو كلو ما بكون واعي الا لما يكون سكران ما علينا ربنا يرحمو لكن انا متأكد المصدر القال الكلام دا للدار داير بس يجيبو اسمو وصورتو في الجريده ما أكتر من كده
له الرحمة والمغفرة
ما صاحب وفاة الفنان محمود
نحسب انه من أولياء الله الصالحين لا خوف عليهم ولا هم يحزنون
اللهم اغفر له وارحمه بقدر ما اعطى
ياااابو الهول ...امشي دار المايقوما واسأل عن صدقات المرحوم عليهم...وبدل تلعن الظلام أوقد شمعة ...اذهب لدار المايقوما وأنت تحمل علبة حليب أطفال أو أي شئ عسى أن يحفظ لك ، وأنتم أيضا أيها القراء الأعزاء
وأنت يا " زمن يا بلد " ألم تكن رابعة العدوية مغنية ، وتابت وأصبحت من أعلام الزهد ؟
الله كفيل بعباده
ابا الهول فعلا انك ابو الهول ؟؟؟
هل تعلم ان امراءة دخلت النار بسبب قطة (( كديسة )) وان امراءة اخري بغية يعني (( عاهرة يعني زانية )) دخلت الجنة بسبب كلب عطشان
قال الله تعالي في محكم تنزيله (وقدمنا الي ما عملوا من عمل فجعلناه هباءا منثورا...............
الرئيسية
سر تأجير "الحوت" لـ (21) منزلاً بمدينة بحري
15 | 
0 | 
4621
