ما في ولد بيصل مع البت مراحل بعيدة ما لم تكن هي التي منحته الضوء الاخضر !!
02-26-2013 09:03 AM
سألنى صديق قائلا : لماذا لاتكتب عن فنان بحري الذي تم القبض عليه برفقة اخرين في قعدة منحرفة ؟؟
إجابتى باختصار ان مثل هذا الراجل (الما راجل) لا يستحق التعليق على افعاله ..وكفى !!
* الاسر يجب ان تمنع الابناء من دخول الوسط الفني الذي يحفل بالسقوط والانحلال والتردي الاخلاقي !!
* الفنان محمد الجزار اشاد بصوت الفنانة افراح عصام !!
* الجزار دافع عن اشادته هذه بقوله ان افراح لم تكتشف صوتها الا من خلال الاغنية التي قدمها (هو) و(هى) في شكل دويتو !!
* بمنطق الجزار هذا فان افراح لم تصبح فنانة الا بعد ان غنت مع الجزار !!
* يبدو ان الجزار يقصد افراح اخرى بخلاف افراح عصام المعروفة والمشهورة بضعف الصوت والمقدرات الفنية !!
* المجاملة في الوسط الفني هي التي اوصلت الوسط الفني لهذه الدرجة الرفيعة من السوء والتواضع !!
* في الشتاء وصل سعر (لوح التلج) الى عشرة جنيهات !!
* وفي الصيف يصل سعر لوح التلج الى (24)جنيه!!
* وبما ان ذلك كذلك نحن نفكر في (تخزين التلج) منذ الان !!
* ياريت والله لو كان التلج بتخزن !!
* شخصيا عندي رغبة اخزن تلج السنة دي !!
* بتذكر رمضان الفات جيت محل التلج وقلت لبائع التلج داير لي (ربع لوح) بكم ؟؟
* قال لى الربع بسبعة جنيه !!
*قلت ليهو (تلجك ده) عاملو بموية صحة ولاشنو !!
* ربع لوح بسبعة جنيه وبعد ده كلو (الكسير) مني أنا والعياذ بالله !!
* اول مرة في حياتي اشوف لي (جزار) بيكسر (تلج) !!
* اذا صح ان حفل الفنان محمود تاور قد فشل فان العيب فينا وليس في محمود تاور !!
* العيب فينا لاننا لم نذهب للاستمتاع وهو برئ من العيب !!
* ولذلك نقول ( نحن فشلنا في حضور حفل محمود تاور ولا نقول ان حفل محمود تاور فشل ) والفرق واضح !!
* ويا الله مطرة !!!
* الفتاة التي وزنها (70) كيلو بتلبس ملابس فتاة وزنها (35) كيلو والبت الوزنها (90) كيلو بتلبس ملابس بت وزنها (50) كيلو !!
* لاحظ وستجده كما هو في الشارع العام !!
* انا ماعارف البنات ديل بضيقنها على رقبتن كده ليه !!
* الفتاة عندما تمنح الولد ثغرة عليها ان لا تزعل من تصرفاته بعد ذلك !!
* ما في ولد بيصل مع البت مراحل بعيدة ما لم تكن هي التي منحته الضوء الاخضر !!
* ودي قصة طويلة ساعود لها بالتفصيل حتى يعرف الناس حقيقة الذين يدعون البراءة !!
* الذي لا يكون مخلصا في عبادة الله قبل (سبع سنوات) ليس بالضرورة ان يكون على ما هو عليه حتى الان !!
* التوبة يمكن ان تحدث في (كسر) من الثانية !!
* لا تنزعج عزيزي القارئ فسنتحدث لاحقا عن ثغرات البنات او ما يسمى بالضوء الاخضر !!
* وزنقة زنقة وبيت بيت غير ناس (الكلاكلة) ما حبيت !!
* لا اعرف ما هي مميزات (الحمام المغربي) !!
* الحمام المغربي ده هل بيغير لون الزول وبخليهو يبقى زي الاخوة المغاربة ولا الفكرة شنو يا اولاد الحلال !!
* إحنا واولاد حلتنا نبحث عن (حمام تشادي) !!
* تشادي بـ(الخاء)!!
* قالوا ان مسلحين حاولوا اغتيال هيفاء وهبي ببيروت !!
* اظن وليس كل الظن أثم ان الفنان السوداني الملقب بهيفاء وهبي هو الذي دبر عملية الاغتيال الفاشلة هذه حتى يقبض الجو بعد قتل هيفاء !!
* فى السعودية اطلق مجهولون النار على منزل نجم الكرة السعودية محمد نور !!
* واضح ان شهر فبراير هو شهر القتل او الشروع في القتل والعياذ بالله !!
* اظرف حاجة انو لاعب المنتخب الغاني (بانتسيل) قد طعن زوجته بسكين في عينها لانها ناقشتة في الاخبار التي تناولتها الصحف فيما يتعلق بعلاقته مع النساء !!
* اول مرة اشوف لي زول بيطعن ليهو زول في عينو !!
* معقولة يا كابتن الجسم كلو مالقيت محل تغرز فيهو السكين الا العين ؟!!
* البطن دي مالها عيبها لي !!
*يا استاذة : فيك ريحة كده ما اوكي !!
و..و..!!
• اشتقت ليك !!
محمد الطيب الأمين - صحيفة فنون
انطلاقة جديدة لصحيفة كورة سودانية
شبكة محررين محترفين
الحقيقة شعارنا .. الصدق
والموضوعية سبيلنا
www.koorasudan.net
أعلن في النيلين
يا زول دي ما عشرة قطيعة عديييل كدة .. يعني زعلان من تدني الفن وهبوطه و ما زعلان من تقولكم على الناس بالافتراء عشان تشتهروا على حساب لحوم الناس و سيرتم..
ردود على أب جنقة
[الطائر الاسود] 02-26-2013 11:11 AM
خاف الله وبطل قطيعه يا راجل هوي
قلنالكم بابكر صديق ومحمد سليمان ودكتور الدرديرى والشفيع عبد العزيز هم اول المفسدين للشباب يعلمونهم الغناء والموسيقى والرقص ومن ثم يخرجون للمجتمع لأشاعة الفساد والمجون ويدخلون فى دوامة السكر والمخدرات والمخنثة . تبوا الى الله يا هؤلاء وارجعوا الى ربكم وانتم فى نهاية المطاف ورغم ان الاعمار والموت والحياة بأذن الله ولكن بهذه الطريقة ستكون عاقبتكم وخيمة عند المولى عز وجل . بلا نجوم الغد بلا افساد للشباب يا مفسدين للا خلاق .
حين يحاول البعض ان يقلد غيره ومحاولا تغمص شخصيتهم ياتي بنتيجة ليست في صالحه .. اخي الكاتب حاولت ان تقلد مشية الحمامة فلا طلتها ولا احتفظت بمشيتك وكنت شيء غير مفهوم ولا معنى له ..
تناول اكثر من قضية في موضوع واحد ليست بالامر الساهل حيث يجب ان يكون المختصر لكل جزئية كافي ان يوصل الفكرة للقاريء الا انك لم تنجح في ذلك .. فخير لك اعتمد سياسة الكتابة في موضوع واحد منفصل في كل مرة وصدقني ستنجح ..
قطعوا معاك ولا شنو والوداك تهابش شنو الشغل خاص جدا ياعمل بى الوسط الفنى هاهاهاهاهاهاهاهاهاهاهالكن ظابط
ياكافي البلا الرد كلو من ناس كفيلي وعامل تربية مواشي مافي غيركم مافي شغل ولاشنو بس قاعدين في النت عطااااالة شديدة
الرئيسية
محمد الطيب الأمين : أول مرة في حياتي أشوف لي (جزار) بيكسر (تلج) !!
7 | 
0 | 
4221
