• ×

03:26 صباحًا , الأحد 1 فبراير 2015


العثور على (3) طائرات في " حوش " منزل بأم درمان  

زيادة حجم الخط مسح إنقاص حجم الخط
 
داهمت شرطة أم درمان امس منزلاً بضاحية الفتيحاب جنوبي المدينة وعثرت على (3) طائرات رابضة داخل " الحوش " .

وقالت مصادر أن الشرطة تتبعت معلومات حتى عثرت على المنزل " المطار " وضبطت داخله (3) طائرات صغيرة ألقت القبض على صاحب المنزل ووضعت حراسة شرطية على الطائرات .

وقيدت الشرطة بلاغاً بالواقعة بقسم " أبو سعد " امس ، وتجري تحرياتها مع صاحب المنزل عن ملابسات حصوله على الطائرات .

صحيفة حكايات
ع.ش
بواسطة : admin
 36  1  11.9K

التعليقات ( 41 )

الترتيب بـ
الأحدث
الأقدم
الملائم
  • #1
    06-08-2013 10:50 صباحًا المــــ2013ــــر :
    الخبر دا اكيد ولا مفبرك؟؟
    • #1 - 1
      06-09-2013 07:04 صباحًا نظامي :
      أقول ليك يا المحامي 69( جو ) كانت وين ؟؟؟؟ أقول ليك وما تزعل ههههههههههههه.
      قوم صب الشاي لي عمك.
  • #2
    06-08-2013 10:50 صباحًا إيريسون :
    مافي اي مشكلة وناس الامن عندهم عذر ويمكن الطائرات جات بليل وطافية الانوار . وناس بوليس الحركة ماشافوها يا اخوانا.
    • #2 - 1
      06-08-2013 01:30 مساءً نظامي :
      إنت شغال في السويد عربجي؟؟؟؟ وسائل المراقبة الجوية:-
      +الرادار+المنظار+العين المجردة.

      ----------
      خليك في مجالسة المرضى وحاجة ما بتعرفه ما تتفلسف فيها
    • #2 - 2
      06-08-2013 02:06 مساءً Joe ! :
      انت يا الــ [نظامي] لو[إيريسون] عربجى انت تطلع حمار العربجى
      فلسفتك بتاعة +الرادار+المنظار+العين المجردة.كانت وين لمن الطيارات
      ضربت العاصمة و بورتسودان عدة مرات ورد وزير دفاعك كان: (الطائرات
      جات بليل وطافية الانوار),وانت كمان جاى تعلق و طافئ انوارك ولو ما متابع طولة اللسان فى شنو ؟؟؟؟
    • #2 - 3
      06-08-2013 03:02 مساءً الكومندان :
      عافيت منك يا joe وريتو والله ،، ناس ماعارفا أي شي وتتفاصح ساكت ،، الزي ديل بسبب جهالتهم دي الكيزان قعدوا 24 سنة .
    • #2 - 4
      06-08-2013 03:43 مساءً سوداني :
      جبتا لي روحك الكلام ساي يانظامي وكت انتا مامتابع تصريحات وزير دفاعك انو الطيارات جات بالليل طافية نور بتتفاصح مالك؟؟
    • #2 - 5
      06-08-2013 10:54 مساءً السوداني الاصيل :
      والله حلوه يا ايرسون هذه للذكياء فقط مش للحمير العامله فاهمه والله لوقلت ليهو اسمم بالانجليزي شنو يكون ماعارفم ويقعدو يزلو ويتكرو في الناس وهو كان نظامي مالو قاعد في السعوديه هارب من ابوكرشولا ولاشنو --لا لا ده نظامي تجار شنطة
    • #2 - 6
      06-09-2013 07:00 صباحًا نظامي :
      من إسمك يدل على أنك كلب أخوالك الخواجات يا مجالس الكلاب والعجزة وتغير البامبرز ( يخسٍٍٍٍٍٍٍٍٍٍٍسسسسسسسسسسسسسسسسسسسسسسسسسسسسسي )والواحد فيكم يجي نازل السودان يغش الناس كأنه بروف ، يا كناس طز فيك. ولو الجماعة لموا فيك في السودان بقعدوك في القزازة لمن تعرف حاجة.
    • #2 - 7
      06-09-2013 08:54 صباحًا ابو وضاح :
      اذا كان نظامي رد عليكم رد بسيط نبحتم فيه ذي الكلاب الضاله ..........الكيزان احتلونا 24 سنه عشان امثالكم من المعارضه التافه التي لاتفرق بين معارضه النظام ومعارضه الوطن ........لاول مره اشوف معارضه خناجرها المسمومه لييست ضد الحاكم وحاشيته ولكنها مغروسه في خاصره قواته المسلحه بتثبيط الهمم وقتل الوطنيه والاشاعه والتخذيل ...الطابور الخامس والسادس والعاشر امثالكم يا عديمي الوطنيه والاخلاق واعزي ذلك للجهل والجهاله والتجهيل....ايها الشيوعيين العلمانيين جربناكم حينما هتفتم حاسم حاسم يا ابو ابو القاسم وداخل اسوار جامعه الخرطوم وحينما اممتم كل المصالح وذبحتمم الخدمه المدنيه .....ليس لكم تاريخ حتي تتكلموا عن الاخلاق والوطنيه ......
  • #3
    06-08-2013 10:57 صباحًا محسن محي الدين محمد خير :
    يا أخوانا البيحصل في السودان ده شنو -معقول طائرات عديل كده - وجات كيف - والله المفروض التحقيق يكون علنا وأمام كل الخلق حتي يعرف الجميع بالصورة والصوت من هم أعداء البلاد .
    وفعلا شر البلية ما يضحك.
    • #3 - 1
      06-09-2013 12:21 صباحًا كان زمان :
      ياناس انتو مصدقين انو دي طائرات لالالالالا دي طائرات حلويات المولد
  • #4
    06-08-2013 10:58 صباحًا عجيب :
    لا حولا اصلو عايز يفك ازمة المواصلات
    • #4 - 1
      06-08-2013 05:29 مساءً ياسين مبارك :
      ممكن صاحب البيت حداد وبشتري الحديد الخردة فالواجب اول شيء نسال ناس الخطوط السودانية ممكن اكون باعوا ليه خردة 3 طائرات من العدد الكبير من الطائرات التي سقطت العام الماضي
      كسرة:
      بالمناسبة الطائرات عندها لوحات ورقم شاسي ولا ماعندها ؟
  • #5
    06-08-2013 11:02 صباحًا ZZZ :
    بيت مطار وفيهو 3 طيارات؟؟؟؟؟ صغيره بمعنى قاصرات؟؟؟؟ ولا طيارات جدجد دى؟؟؟؟ الخبر ماااااا واضح
  • #6
    06-08-2013 11:05 صباحًا حلو :
    فيلم هندي
  • #7
    06-08-2013 11:09 صباحًا سودانى :
    معقول طائرات نقول كلاشنكوف
    .
    .
    .
    .
    معقول طائرات كلاشنكوف معقولة
    لاحدشاف ولاحدسمع صوت طائرة من الجيران
    ولاشاف حمام طائر
    ياجماعة ارحمونا شوية
  • #8
    06-08-2013 11:21 صباحًا توتا :
    ثلث طائرات في حوش ده كلام شنو ياحكومتا الرشيدة والله معني كده مافي امان نحنا في ام روابة قاصرين ووالينا عنده عزر ماقادر يحمينا كمان الخرطوم مالا
  • #9
    06-08-2013 11:28 صباحًا طلالكووو :
    فى اعتقلدى الشخصى انها طائرات الاطفال ابو رموووت دي و هناك طبعا لسه فى ناس ما وصلو المرحلة دي و بكونو بلغو الشرطة و الشرطة برضو ما فاهمين حاجة
  • #10
    06-08-2013 11:38 صباحًا ابوبكر :
    والله حاجه عجيبة طيارات ولا طيارة واحده جات كيف وين الناس ووين الحكومة برضه تقولوا بتقدروا علي الجنوب
    • #10 - 1
      06-08-2013 11:35 مساءً عبود حمزة :
      الطائرات دي جات بالليل و انوارها كانت طافية تماما لذا لم يروها ناس الامن..
  • #11
    06-08-2013 11:39 صباحًا حامد ربه :
    طيارات عديييل ..اكيد خطأ مطبعي ..ولا نكتة ....
  • #12
    06-08-2013 11:39 صباحًا mukh Mafi :
    هههههههههههههههه
    هو اصله جابوها في شولات ولا كيف ؟؟
    ولا ركبوها قطعة قطعة داخل الحوش ؟؟ ولا يمكن الناس فاكرنها لعبات عادية؟؟ ولا يكون وزارة الدفاعاستعملت المراقبة بالنظر وماشفاتها لم نزلت واندست وبعدين الحوش دا قدر شنو يكون فيه مدرج هبوط واقلاع
  • #13
    06-08-2013 11:51 صباحًا 1956 :
    يجب مساءلت ومحاسبة كل من وزيري الدفاع والداخليه عن هذه الفوضي الأمنيه ......والله ياربي تكون الطائرات بتاعت رش حقت المتعافي جابه لأخيه برضو يجب محاسبته أيضا .
  • #14
    06-08-2013 12:00 مساءً makki :
    والله أنا خايف بكرة واحد يمتلك دبابة ويدعي بملكيتهاويقول عندو مستندات,والزول ده بيتو في المطار واللمطار في بيتو؟
    • #14 - 1
      06-08-2013 12:17 مساءً ابو احمد :
      يا اخوانا الطائرات عباره عن مشروع تخرج لمجموعه من الطلبه فى احدى كليات الهندسه وهى بعلم السلطات لكن اعلامنا ربنا يرحمو يلفح طرف الكلام وزيد من عندو !!!
  • #15
    06-08-2013 12:03 مساءً ابو احمد :
    اعلامنا لا يكلف نفسه للبحث عن الحقيقه ودائما يهول الامور !! الطائرات عباره عن طائرات صغيرة وهى نموزج لطائرات بدون طيار وهى مشروع تخرج لمجموعه من طلاب الهندسه فى احدى الجامعات السودانيه والسلطات على علم بها . نتمنى من اعلامنا المحترم السعى لتأكيد المعلومه .
  • #16
    06-08-2013 12:04 مساءً abas :
    لك الله ياوطني السودان ففي كل المحافل اصبحنا لا نسوي اي شئ مع الشعوب مهازل اصبحت في السودان والحكومه تتفرج وعبدالرحيم ينفي ونافع يتوعد وكلها اكذوبات طائرات موجوده داخل بيت دي بلد وين دا ياجماعة
    • #16 - 1
      06-08-2013 12:52 مساءً دحدوح :
      أنا عندي معلومة عن الطائرات
      هي طائرات رش مبيدات عن جايين أسراب جراد من إسرائيل
  • #17
    06-08-2013 12:27 مساءً ابو الغالى المختار :
    لا لا دى بس المامعقوله ...اكيييييد Madein ALftehb
  • #18
    06-08-2013 12:41 مساءً Abu Roaa :
    المواطن ده واحد من احتمالين
    1- انه كان قرن كبير في الطيران المدني ونزلوه المعاش وكان مافي سيولة بدل مكافاة نهاية الخدمة و حقوقه ادوه 3 طيارات
    2- اودي الطيارات(بدون طيار) بتاعت مصنع الصافات (بتطلع تجربة طيران ليلي وتقع في حوشه ) وناس المصنع ما بكوسوها مادام خط الانتاج شغال ....
    والله خبر زي ليفة السلك لا بتلاك لا بتبلع
    • #18 - 1
      06-08-2013 01:37 مساءً tariq idris :
      هههههه ضحكتني والله أضحك الله سنك .. حقا لقد صنعت يومي يا رجل
    • #18 - 2
      06-08-2013 04:44 مساءً اورزان :
      اضحك الله سنك
  • #19
    06-08-2013 12:44 مساءً Nureldin :
    فلم سئى الاخراج- معقولة طائرات فى منزل
  • #20
    06-08-2013 12:52 مساءً عبدالله ضوينا :
    ياخوانا الخبر دا معقول ولا كاتبه مسطول؟ يمكن شاف باعوضه ونحن في اول الخريف وضل طريقه بدل مايمشي ناس مكافحة البعوض مشي مركز ابو ابوسعدوفي النهايه كله حكومه ومكافحة لكن لو صح الخبر ياناس الجمارك نخن ماقادرين ندخل عربيه وقبل كده صادرتوا مني زهور طبيعية في مطار الخرطوم حسي الطيرات دي دخلت كيف ؟ وحسب الخبر يعني الطيارات صغيره ماعندها الوقود عابر القارات ومافي محطات وقود في الجو ولو تم تصنيعها داحل السودان ليه مانستحدمها ونطور المصنع بدل ما كل يوم والتاني فاقدين طياره بسبب قطع الغيار وبعدين ياناس مكافحة العربات رايكم شنو ؟ والله انا لو في محلكم ما اكافح ولا عربيه طيارت تدخل وتمنع العربات استغفر الله العظيم
  • #21
    06-08-2013 01:05 مساءً ahmed :
    الوضوع عاندي اصلها الطائرات تجميع يعني ركبوها هنا
  • #22
    06-08-2013 01:56 مساءً محمد النيل :
    ههههههههههه دى قصة خيالية ولا شنو والله عجائب الغرايب دى كمان جات ب وين وركت كيف اكيد فى الضلمة والنور مطفى وقت صلاة العشاء ولا يكون جات مع الغبار شائلا ذى اكياس النايلون وقامت ركت فى البيت المطار اللهم الطف بنا فان القوم نيام نيام
  • #23
    06-08-2013 02:41 مساءً حكايات تكسب الجولة :

    هسع تلقى ناس حكايات دايرين يموتوا من الضحك
    طبعا الليلة من صباح الرحمن تكون كملت من المكتبات.
    انا اول مالقيت المصدر في نهايتو جريدة حكايات عرفته انو دا خبر ماجادي، معروف عن مثل هذه الصحف عدم الجدية
    .
    .
    .
    .
    .
    .
    .
    .
    .
    آها الليلة اكلوكم تسالي وفول.
  • #24
    06-08-2013 03:10 مساءً agrab :
    دى طيارات جبتها انا للاولاد عشان يلعبوا بيها فى الحوش بعدين ناس الامن الايام دى شغالين اوفرتايم اى حاجة طايرة انشا الله ضبانة حايقبضوها
  • #25
    06-08-2013 03:34 مساءً Madani :
    يخرب عقولكم كلكم ما عارفين الطائرات دة جات وقت صلاة العشا لمان كان وزير الدفاع بيصلي العشا
    • #25 - 1
      06-09-2013 01:09 صباحًا عابر :
      انتو شكلكم كلكم شايتين ظفارى ساى
      الطيرات دى بتاعات استطلاع .. يعنى من غير طيار .. لو متذكرين فى وحده وقعت فى امدرمان قبال كم شهر فوق مستوصف وجابوها فى التلفزون والناس قعدت تهترش زى هترشتكم دى
      طول الطيارة بكون متر ونص وحجمها ما بفوت الخمسه كيلو
      والفديو ده بوضح ليكم الحاصل شنو
      http://www.youtube.com/watch?v=E_P4guK--7g
  • #26
    06-08-2013 03:49 مساءً wad nabag :
    اسعد الله صباحكم ومسائكم فلقد ضحكت اليوم ضحكا لم اضحكه منذ سنوات طويله !!التعليقات علي خبر وجود طائرات في حوش بالفتيحاب برهنت علي ان الشعب السوداني ابن نكته ودمه خفيف فعلا !! واكد لي شخصيا بان الامن بدأ يعمل بكفائه!! وان اقرب الاحتمالات للتصديق مشروع تخرج لاحدي كليات الهندسه والطيارات صغيره بدون طيار !!والله يكضب الشينه !! مع الاعتذار لحمار العربجي وصاحب الحمار عربجي السويد!! عمكم ودنبق.
  • #27
    06-08-2013 03:55 مساءً ابوشوك :
    ياجماعة طائرات الخبر بقول
    وهى الجريده مسمية حكيات
    يبقى حكايات فى حكايات
  • #28
    06-08-2013 04:23 مساءً sudani :
    سبحان الله ... الخبر غريب واغرب منه الطريقة التي تم تداوله بها
    اصبح الناس في السودان دون تثبت ينشرون ودون تثبت يقومون بالتعليق

    متي يتم اصدار قانون يقوم بمحاسبة النشر الضار؟؟؟؟
    وليعلم الجميع ان الكلمة مسئولية وامانة
  • #29
    06-08-2013 05:08 مساءً radona :
    طائرات بطيار ام بدون طيار
    منشأ هذه الطائرات سودانية ام روسية
    البيوت في الفتيحاب مساحنها 300 متر بما فيها المباني التي عايها كيف ذلك
    هل هذه الطائرات تم تجميعها محليا ام جات طايرة وركت
    ارجوالاجابه لمعرفة الموضوع بالضبط
  • #30
    06-08-2013 06:47 مساءً ابوبكر :
    [الشعوب تحرق أنفسها لعزل رؤسائها ونحن نحرق أنفسنا ليبقى لنا ولاة أمرنا

    انتو عارفين ياجماعة ممكن في أي لحظة نكتشف جيش ومعسكر تدريب في قلب سوق الخرطوم في ميدان ابو جنزير انا عارف الزحمة والجوطة ديك مابراها فيها حاجه طالما اللمبي موجود علي قمة هرم الجيش تشوفوا العجب ولا العجب ذاته اعتزل السودان هاهاهاهاها
  • #31
    06-08-2013 07:56 مساءً ود عد :
    يا جماعة الخير إنتو مختلفين في شنو .. أقروا الخبر كويس..
    ( 3 ركشات رابضة داخل الحوش ) وسلامتكم
  • #32
    06-08-2013 09:31 مساءً د. محمد عثمان :
    سلام عليكم
    فعلا حكايات...وطبعا ده ظهر بعد استدعاء المجلس الوطني لوزيري العمل والزراعة بخصوص خبير وقاية النباتات... بعد ضربة سبتمبر 2001م ظهرت معلومات كثيفة عن هواية الطيران والتدريب على تسلق الفضاء وخاصة في أميريكا وبالأخص في ولاية فلوردا صاحبة الأعاصير...وكده مع التصادم في (الموقف الطولي) ده ممكن نقول مبروك لسودانير بعد سوداتل... مع الاعتذار للشركات..
  • #33
    06-08-2013 09:31 مساءً زول بفهم :
    يا اخوانا الخبر اكتر من عادي والطيارات دي ... وقبضوها ناس النظام العام ...امه مابتفهم ...
  • #34
    06-08-2013 09:47 مساءً abdown :
    يا ناس النيلين انتو قاصدين ثلاثه طيارات ولا ثلاثه طيور
  • #35
    06-08-2013 10:32 مساءً sohib :
    شباب مساءكم سعادة طائرات تجسس الطابور الخامس موجود في الخرطوم وموجود هنا ديل عملاء ضد وطنهم التحية والتجلا لقواتنا جهاز الامن والاستخبارات والشرطة بطلو تريقة عادي جدا الولايات المتحدة الامريكية بتدخل طورد ملغمة وبعدين انتو بدل ماتقعدو تتفاصحو كدا ومحسسنا انو انتو ما اولاد السودان البلد البسيط بي ناسو وامكانياتو ماتجو تحكمو البلد وتحموها بدل تقعدو تعارضو خلف شاشات
    • #35 - 1
      06-09-2013 02:43 صباحًا Elfheem :
      انت مصدق حكاية الطابور الخامس دي
      ولو الكلام دة صحيح هو الزول
      دة محتاج للطيارات عشان يتجسس
      ويكون داير يشغلها بالليل لضرب اهداف معينة مثلآ
      فقد سبقه ناس اسرائيل
      طورود ملغمة معناها شنو
      في غالب الاحوال بتكون من النوع الموجود في الحدائق
      لتسلية الاطفال (دي من عندي)
      الحوش دة قدر حوش با.....................ولاشنو
  • #36
    06-09-2013 12:16 صباحًا Elfheem :
    ههههههههه
  • #37
    06-09-2013 12:19 صباحًا زول مفتح :
    ياخوانا قالوا الطيارات دي قبضوها ناس النظام العام ههههههههه
  • #38
    06-09-2013 02:46 صباحًا ودالشفيع :
    والله دى تكون مصيبه وجهل لو تاس الشرطه بالجد مسكوا الزول ده ومعقوله الناس ما بتعرف الطياره البدون طيار انها نفس الطائرات الموجوده حاليا بس بدل البنى ادم عملوا طيار الى وده موجود من زمان ولايمكن ويستحيل الكلام الموجود فى الجرائد ده وبكره تشوفوا انو طلع كلام جرائد
  • #39
    06-09-2013 02:47 صباحًا Elfheem :
    يكون الزول دة مبتكر
    ويستحق التكريم
    بس لو سرقهم من التصنيع
    الحربي يكون بالغ
    • #39 - 1
      06-09-2013 09:12 صباحًا taybalasma :
      الناس قايمة و قاعدة على شنو فاكرين انو في يوم من الايام مرت حكومة على السودان و أحكمت أمنو ... بلد مفتوح مغلوب على أمرو و حافظو ربك لا أكثر و لا أقل و هسي الطيارات دي البدون طيار دي ممكن تقوم تدور و تصبح في بلد تاني ... دعونا من الفصاحة و الكلام الفارغ ... نحن في الحكم نسكت و لما نكون معارضة نتفاصح ... و كلنا رمم حكومة و معارضة و شعب لأنو فهمنا للحكم قاصر و خاطئ و حينما تتولى الحكومات دفة الحكم على مر العصور لا نلتلفت للانتاج و الاقتصاد بل نقعد ننتظر البتسوي الحكومة عشان كدا ما بنتقدم و محلنا كما هو ... احسن حاجة فينا اننا اتفقنا على خروج المستعمر بعدها لم نفعل شي يحسب لنا ... و هذا ما تتبجح به أحزاب السودان و وقتها لو كان حزب الشيطان متسيد لوجد من يعينه لأنو الهدف كان واضح هو خروج المستعمر من السودان و قد ابلوا حسن ... و بعد داك دخل المتمصلحين و الدعوة للوحدة مع مصر و السودان للسودانيين و بدأ وقتها الخلاف و عييييييييييييييييييك .... و الله مش تلقوا طيارات في حوش في الفتيحاب و الله تلقوا مطار حربي تحت سوق ليبيا ... لأنو الباعوا السودان كثيرين شعب و معارضة و حكومة سواء ... ما تتضاروا ورا الحكومة ساي و تتنزهوا و انتو اصلا لا شي و انا زيكم و منكم و ما كان ربك مهلك القرى بظلم و اهلها مصلحون . الله يصلح الجميع . و كفاكم فصاحة .
  • #40
    06-09-2013 06:49 صباحًا Sudani :
    كل شيء ممكن في عهد الإنقــاذ ما دام تفكير ناس نظامي كده اتوقعوا كلو شي
  • #41
    06-09-2013 09:50 مساءً د. محمد عثمان :
    سلام عليكم
    لم ينشر التعليق السابق... معليش يمكن صعب شوية لأنه ارتبط بالوزراء والبرلمان والخبراء... وكلكم مفهومية...
    لكن هناك سؤال: ألا تعلم صحيفة حكايات أن للشرطة مكتب صحفي؟