• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

لي يعني بعمل العريس كدا ماالعرس مرة واحده في الحياة خلي العروس تفرح بي ليلتها بعدين هي بترقص قدام الرجل ماكلهم حريم ونسوان وبنات والعروس تعبت في تعليم الرقيص ودفع مال كتير عشان تتعلم يجي يقول ليها ما ترقصي والله زول معقد بعدين من اولها مشاكل مع النسية كدا الحياة حتكون كلها مشاكل ودي بتها برضو من اولها ماداير النسيبه تتدخل في حيتها اها لو حصلت مشكلة حتمشي وين ما حتمشي لي لي بيت ابوها وامها بعدين دا كوم ود كوم تاني هي العروس اكيد حتكون اتقفت مع العريس قي قصة الرقيص تاني يقول مارترقص
بعدين احلا شئ في العرس ياهو رقيص العروس دا

الاخت صاحبت التعليق (مي) كل عام وانتي والجميع بخير بمناسبة العام الهجري الجديد
الفرحة مطلوبة في يوم الزواج ولاكن بصورة اكثر تعقل فلا يمكن ان تظهر العروس جسدها حتى ولو لا يوجد رجل واحد وذلك لعدة اسباب اهمها الحسد وثانيها التصوير بالجوال او اي شي لا يمكن رويته في هذه الايام ادعو لكي ولكل بنات بلدنا بالستر وربنا يكملهم كلهم بعقلهم

الناس فى شنو والحسانية فى شنو ، خلونا نخلص من رقصة اوكامبو ،بعدين شوفو المواضيع دى --

مبرووووووووووووووووك شغلو نضيف بلا عرس بلا كلام فاضي ... وماتقولي لي ماكلهم بنات البنات ديل ماعندهم موبايلات بتصور اشان بكره القي صور مرتو في النت والموبايلات ...

دا كلااااااااااااااااام صح

يا مي بقول ليك لابسة ملابس شبه عارية فيما علا صفير الحضور يعني الدعوى كانت مفتوحة للرجال !!!! وبعدين أنصحك (بعدما تلقي ليك راجل) ما تعملي كذا لأنه عيب

الدين بقى عندك عقد يا صاحبة التعليق الاول؟ اصلا شئ جايبنا ورا غير كلام الحريم البلا طعم ده ما فى

عافي منك والله

وانت يامي تفرح علي حساب كشف جسدها؟؟؟

دي الفلهمة بتاعتكم

الله يهديك

الله اعلم يا اخ ساتي تلقا ليها عريس بي حالتا دي..
الناس بتتكلم في الستره ..
الله المستعان..

الله يكملك بي عقلك أختي مي

نسأل الله لك الهداية

السلام عليكم - انا برد على تعليق مي عايز اسئلك سؤال يا مي انتي بترضي في عرسك او عرس بنتك عندما تقومين بعرض رقيصك وفي ملابس شبه عارية امام كاميرات الجوالات المخبأ عند البنات والنساء المعزومات في المناسبة - وتنتشر في الجوالات وعالم النت هل ترضي بذالك ؟؟؟؟؟؟؟؟؟؟ يامي الزمن اتغير خالص زمان وقبل هذه الامكانيات الحديثة مافي جوالات وكاميرات تصور دون ان يعرف احد ورقيص العروس داخل البيت وفي وسط النساء وعريسها فقط دون توصيل هذا المشهد خارج البيت عادي مافيها حاجه - بس تعالي شوفي حسي ايه الحاصل والعريس ليه حق يغضب ويرفض وهو غير معقد زي ما قلتي انتي حسب فهمك الحكاية حفظ وستر الحال وماتنسي نحن سودانيين مش خواجات ----- حسبيها بالعقل وليس بالمظاهر - الله يهديكم يا بنات الزمن ديل

this is good decision

بالغتي يا ميو
حسي البيعرسك منو بطريقتك دي يا ميو

يا ناس صحيفة حكايات

حكاية رمى يمين الطلاق دي شنو؟؟؟
تعبير غريب المفروض يكون معناه \"حلف طلاق\"
ولا رايكم شنو؟

ليه مليون حق عريس الهنا دة هو من اصلوا وافق على الرقص ليه قيلها حا ترقص ليه لوحده ولا فاكرها حا ترقص بى عباية قبل كدة ما شاف ولا سمع كل الحكاية ما نظموها وخلوها ترقص امام الملأ (؟) (؟)

يا أهلنا ويا أخواننا ما تخافوا الله ده شنو البتسو فيهو ده ، انتو بتخافوا من كاميرات الموبايلات والفضيحة وما بتخافوا من الله العالم بكل شي .
رقيص العروس هذا تقليد قديم بعيد عن الاخلاق السودانية الاصيلة والدين ، غايتو نحن في اهلنا ما عندنا مثل هذه الترهات والعادات السيئة ، وحتى انا لما اتزوجت لم اقم بهذه الطقوس جميعها لاننا نبغي بالزواج التقرب لله بالعفة وتكوين الاسرة ، لا نبغي الفساد والافساد وفعل المنكرات .
على الجميع العمل حسب ما تملية نخوتنا ورجولنتا وسودانيتا واخلاقنا السمحة المستمدة من ديننا الحنيف .

يا اخوانا لو واحد صور العروس بكاميرة جوال(صور مكان التعري) ممكن تكون فضيحة ولو بعد 20 عاماً
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ

عادة الرقيص هذه من العادات الضاره والهدامه التى يجب محاربتها ومحاصرتها إجتماعياً وسلوكياً وحتى قانونياً لأنها لا تتماشى مع المعتقد ولاتشبه مجتمعنا المحافظ الذى ينظر للمراءة كدرة رقيقة لا سلعة تجارية سهلة التداول ، وهذه العادة من الظواهر الهدامة التى تندرج فى إطار عادات أفراح الزواج وإن كانت لا تغطى كل أرجاء المجتمع السودانى العريض فرغم محدوديتها إلا أنها خطرة ربما مستقبلاً ستساهم فى خراب الكثير من البيوت الجديدة خاصة والأن هنالك تكنلوجيا رقمية متوفره لدى العامة ممثله فى الهواتف الرقمية الحديثة وكمرات الفيديو التى تحمل فى الجيب كالهواتف المحمولة والتى يمكنها التصوير وبدقة وحتى الدبلجة الفورية للجسم الملتقط وكل ذلك دون أن يعلمه سوى حاملها ، هذا الشاب الذى نبارك له من القلب زواجه الميمون إنه شاب مدرك تماماً لروح العصر وربما أيضاً ذو إلتزام دينى وأخلاقى لذلك قدم مبادئه على مجاملة النسيبة الجاهله فله منا الإحترام والمباركه ونتمنى له حياة سعيدة فى مشواره الجديد ونسأل الله أن يهدى عروسه ويجعلها من الثابتات 0

والله يا اخوان موضوع رقيص العروس من العادات المتخلفه هل سمعتم انو الصحابيات كانو برقصو في عرسم دي الواحده ما كانت بتقدر ترفع عينا في عين راجلا من شدة الحياء .... لكن الزمن دا البت ما عندها اي حياء وبترد وبتناقش راجلا كمان (نسوان الزمن العجيب) وانتي يا اخت مي انا بس بدعو انو ربنا ينور بصيرتك عشان الجهل دا مصيبه والله

بنات ما فاهمات خالص بس نفسى اعرف البنت بتستفيد شنو وهى بترقص

ياخوانا انا مستغرب في الحاصل ده ...بس حلاص بقت علي رقيص العروس يعني متشوفو البنات المطلوقات في شوارع الحرطوم يجن جاريات باشارة واحدة ...شوفو المحدرات البقت في كل شارع شوفو البنات وشراب الشيشة بشراهة ..امشو مصر وماليزيا وشوفو فلل وعمارات اععضاء حكومتكم...تجي تقولي رقيص عروس

والله البنات والشباب او الرجال الذين يؤيدون هذن العادة اقول عليهم متخلفين ومتخلفين بشهادة ايه يعني رقيص عروس وليه العروس ترقص للناس هو اتزوجها لتفسه ولا للناس ؟ بعدين انتوا الدين وين وديتوه خلاص نسيتوا الحلال والحرام . اذا واحدة رقصت بملابس تكاد ترى ملابسها الداخلية امام جمع من البنات واصحاب العريس ايه المانع بعدين تكون ماشة في البيت امام الجميع بقميص النوم الشفاف الذي يرى ما تحته .
وهل تصدقون اني تزوجت ولم اقوم حتى بوضع الحناء ولم يسمع صوت زغاريد او غناء كما اني لم اعمل صبحية ولن يدخل الى مكان النساء غير ناس البيت والاقارب من العائلة ؟ فماذا نقصني .. لا شيء بل كنت احترم اشد الاحترام من النساء والرجال وكانت النساء يتعجبن من شخص فرض رغبته على الجميع واثبت قوة الشخصية للجميع .
ومع هذا وذاك لم تتضايق زوجتي بل جاء ذلك وفق رغبتها وعدم تكشفها اما حتى النساء .
يقولون ان هناك صحوة دينية طيب ماذا يعني هذا الذي تفعلونه يا اهل السودان
اتقوا الله في محارمكم .. والله الراجل بفعلته دي اكتسب حاجات كثيرة منها عدم ترك اي فرصة للام تتدخل في حياتهم تخيلوا لو انها نجحت في في فرض رأيها وسطوتها هل ستترك هذا التصرف كلا فانها سوف تفعلها في كل الحالات الاخرى وتخرب بيتهم ..
ثانيا والاهم عرفت الزوجة مدى غيرة زوجها عليها وعدم رغبته ان يرى منها ماهو محرم للغير ..
لاكنه اخطأ في ان يضع الام والعروس بين خيارين قبل ان يرمي يمين طلاقه هذه ، اما الرقص او الفراق .. وهنا اقول للاخ الذي يتساءل عن رمي اليمين اقول هذا التعبير لا غبار عليه فحتى العلماء يقولون وقع الطلاق ورمى برأيه ورمى هنا معناها اظهرها وهي ليست بيمين لان اليمين هي اللف بالله فقط .

ياسر سعد الجعلى ولا اسم على اسم وبعدين العريس كان يرجع بعد يومين تلاته

كل زول حر في تصرفاتو .... والله يهدي الجميع

لأ يا أخت ريما للحرية حدود
في حكاية أردت أن أشارك فيها الأخوان وآمل أن لا يكون فيها ما يخدش الحياء ... كان في عرس في حلتنا وطبعاً العروس رقصت وفنجطت وبعدين وقعت (يعني جابت قون) ولكن للأسف في وقعتها بانت ملابسها الداخلية واضحة وعرف جميع الحاضرون لونها وبعد الزواج بفترة طويلة كلما مرت العروس في الشاريع ترى الغمزات والهمزات واللمزات والضحكات بل وأحياناً العبارات من بتاعين الشمار وساكنو أركان الشوارع تطارد هذه البنت حتى زوجها لم يسلم مما سبب لهم تعب وقلق شديد حتى اختفوا من الحارة وما عادوا يحضرون إلا متخفين ...
شفتي يا أخت ريما وأخت مي ليه السترة زينة !!!!!
وسامحوني ولكم وافر الود والتحية

رقيص عروس طبعا عادة سودانية و ليست دنيية
طيب لماذا وافق العريس في الاول مروض يستحمل نتيجة تصروفاته
و هو عارف الرقيص بكون كيف
طيب يا جماعة ما شوفت فستان الزفاف بكون كيف كلو عريان
العريس غلطان من اولها مشاكل يعني كل يوم حايكون في مشكلة و طبعا لا يمكن ان يمنع امها من الحضور الي بيت ابنتها
ياعريس الهنا ارجي الراجيك مع النسيبة

الاكثر تفاعلاً/ق/ش

الاكثر إهداءً/ق/ش

الاكثر مشاهدةً/ق

الاكثر مشاهدةً/ق/ش

الاكثر تفاعلاً/ش

الاكثر إهداءً/ش

الاكثر مشاهدةً/ش

الاكثر تفاعلاً/ق