النيلين .. بوابة شاملة

تفاصيل الإعلان

جديد الأخبار

 

  تفاصيل




جديد الصور

الأخبار
منوعات
السودانيون بخير .. فيديو الراعي السوداني ينتشر عبر محطات فضائية عربية ومكافاة 20000 ريال ، ساعد بالبحث عن الراعي وانشر هذ الخبر
السودانيون بخير .. فيديو الراعي السوداني ينتشر عبر محطات فضائية عربية ومكافاة 20000 ريال ، ساعد بالبحث عن الراعي وانشر هذ الخبر
السودانيون بخير .. فيديو الراعي السوداني ينتشر عبر محطات فضائية عربية ومكافاة 20000 ريال ، ساعد بالبحث عن الراعي وانشر هذ الخبر
سعوديون يكرمون الراعي السوداني
02-12-2014 12:01 AM
المكافأة من مؤسسة الشيخ حمد الحصيني بالدمام المملكة العربية السعودية ، وهناك مناشدة من الشيخ ابراهيم الدويش أعلنها من خلال قناة الرسالة الفضائية بعد بث مقطع الفيديو والتعليق عليه تعليقاً جميلاً ويرجو الشيخ الدويش من الذي صور الفيديو أو من يعرف الراعي بالإتصال به ليسلم الهدية لراعي الأغنام السوداني الذي جعل السودانيين والأمة الإسلامية يفرحون فرحاً عظيماً وتم تداول الفيديو بصورة واسعة عبر الإنترنت وقنوات فضائية.

أو الإتصال بحساب برنامج (جدد) عبر حساب تويتر https://twitter.com/JaddedProgramTV

الراعي السوداني


وكان موقع النيلين قد نشر يوم الإثنين الخبر التالي عن الراعي
(تداول نشطاء على مواقع التواصل الاجتماعي "تويتر" فيديو يظهر راعي أغنام سوداني بالمملكة العربية السعودية ، وقف بالقرب منه شباب في البر يقودون سيارة وطلبوا منه إعطاءهم نعجة وقالوا له : لا أحد يراك ، فكان رده لهم : الله يراني ، وهو يحاسبني ، وقاموا بعرض مبلغ 200 ريال ، فكان رد الراعي لهم : لو إنطبقت السماء والأرض لن أعطيكم نعجة ، لأنها ليست ملكي ، حتى لو أعطيتموني 200 الف ريال . وقال الراعي : أنا مرتاح نفسياً لأني أكل حلال .)
معتصم السر: النيلين

مواضيع متعلقة بفيديو الراعي السوداني

فضيحة مدوية لقناة الشروق الفضائية
"مصور"فيديو الراعي السوداني الشيخ عادل المحلاوي يقول: الراعي السوداني لايزال بالسعودية.. وتصويره كان السبت الماضي



"الرفاعي": الراعي السوداني في السعودية وسيستلم مكافأته خلال أيام


الشاعر السعودي غانم بن جراد يمدح الراعي السوداني بقصيدة: عز الله أنه شريف وشيخ ومربي


الراعي السوداني يواصل الإبهار ويرفض الجائزة السعودية


بالفيديو .. شباب سعوديون يختبرون أمانة راعي غنم سوداني ، طلبوا منه اعطاءهم نعجة دون علم صاحبها.. ويقول: "عذاب الله عسير"




وظائف النيلين ..سجل سيرتك الذاتية واحصل على وظيفتك من هنا .. مئات الوظائف في إنتظارك


أعلن في النيلين
 

تعليقات 45 | إهداء 2 | زيارات 24381



خدمات المحتوى


صفحة 1 من 212>
التعليقات
#191831 [حلو]
2.13/5 (12 صوت)

02-12-2014 12:39 AM
خلاص حيقدونا قد بالراجل دا
هسي بعد ياخد المكافأت والهدايا دي يرجع السودان يسكن الطائف ويقعد يتكلم في السياسه ونلقاه مع الكيزان
عشان كده خلوه في حالو


ردود على حلو
[عثمان العمدة] 02-12-2014 12:57 AM
إحترم نفسك ... نحن شعب عظيم ... أنت و أمثالك من بغاث
الطير من يقللون شأننا أيها النكرة الأبله ...
هذا الراعى البسط الطاهر النقى الأمين فخر لنا نحن معشر
السودانيين داخل و خارج السودان ... و حقا لنا أن نفتخر به ..
أمثالك لا يريدون للسودان شيئا جميلا و أهل الخليج يعرفون
قدر الشعب السودانى و يحبونه ... حتى الملوك و الأمراء يصدحون
بحبهم للسودانيين .... أيها الحاقد إختشى على دمك و أخجل ..
فوق فوق سودانا فوق

Saudi Arabia [كامل علقم] 02-12-2014 05:33 AM
ياحلو تسمح لي اقول ليك انت خارج الشبكة وقلبك غير نظيف ياخي انت زعلان من الامانة ام في قلبك سواد ياخي اما انطق بخير او اصمت لاتعلق قبل ان تفكر بالامس رددنا عليك وانت تتمادي في المشاترة والله هذا الكلام الذي انطلق من فم هذا الانسان البسيط انتهي منذ عهد الصحابة والتابعين ويجب ان يكون درس يدرس في المدارس لانه انطلق بعفوية دون ان يعلم قائله ان الله سينشره عبر الفضاء الفسيح ليسمعه القاصي والداني ويعوضه به كل هذا الخير ويثيبه عن امانته اضعاف من الرزق لكن امثالك لايفقهون قولا الله يهديك بس

Saudi Arabia [ابو احمد] 02-12-2014 06:04 AM
بالله عيلك انت مش انسان قلبك اسود ...ما علاقة الكلام عن الامانة بكسن الطايف ..ومخالطة الكيزان ... اوزن كلامك وخلي تعليقك على مستوى الحدث ...دايما لاتجعل المواضيع تطلع عن دائرة الموضوع .. لانو المفروض تفرح وتتفاعل مع موقف هذا المسكين .... ثم ثانيا شنو يهني 20الف ريال عشان يمشي يسكن في الطائف ...
الله يكون في عونك وعن الضباب المغطي عيونك



الجعلي

Saudi Arabia [بلال] 02-12-2014 06:19 AM
بصراحة ما لقيت غير الكلمة دي عشان اوصف بيها انت (حاااااااقد)

Saudi Arabia [مصطفى ابوحجير] 02-12-2014 06:54 AM
دى الردود التعرفوها
امثالك هو الذى دمر السودان و شعبه
حسبى الله و نعم الوكيل حتى حاجة بسيطه ذى فى حق السودان ماعاجباكم
:
:
يديك العافية اخى عثمان العمدة

Sudan [احمد ابراهيم] 02-12-2014 06:55 AM
الله يغرفك ياعولاك ( حلو ) انت اسوي انسان فمن ساء الظن ساءات اعماله وهذا الرجل الراعي ماله ذنب غير انو خاف الله وتما تصويره انه يستاهل جنة من جنان الله

Saudi Arabia [فارس] 02-12-2014 06:57 AM
انت خليك مع البنات والحريم دا ياهو البتفهم فيهو

[سلابي] 02-12-2014 07:02 AM
يا حلو ، خليك حلو .. ما تبقى زي زولاً غشيم جايط الكلام من أولو .. يرضيك إيه نان يا حلو ؟ ماف حاجة ترضيك ؟ حتى لو قولة هلو ؟ كايس الدواس و الناس دوام و الراعي كان سوالو عيب تلقاك أكيد بتبهدلوا .. و كان سوا زي فعلوا الجميل طوالي جاري تهمِّلوا ؟ .. هوي يا حلو ! الدنيا ما بتجي بي كلام أحلاهو مر زي حنضلوا .. مالك يا زول ؟ خليك حلو .. كافي البلا إسمك حلو لكن حلاتك يا حلو .. حمضاني عدماني الطعم شيتاً عديل ما بنحملوا

Sudan [محمد] 02-12-2014 07:19 AM
مثلك ببساطة لايرد عليه لانك ببساطة مثال للسذاجة والجهل

[انا السودان] 02-12-2014 07:35 AM
بأي يد كتبت يامن تسمي نفسك حلو وانت لااعلم سامحك الله وغفر لك ولنا ولسيدي الراعي الذي منه اعاد لنا درس الحبيب المصطفي صلي الله عليه وسلم واصحابه
اكتب الي سيدي الراعي وقول ليه انت سيدي بارك الله فيك وتعلم منه كيف تكتب وانك حلو القلب وحلو اللسان وحلو العشرة

Sudan [mohamed abugroon] 02-12-2014 07:40 AM
انت مالك ومال الامانة والشرف والرجولة ، اجسن تتكلم في الحاجة البتعرفها ، شوف الممثلات والفنانات وين يا ناقص

Saudi Arabia [ابوعفان] 02-12-2014 07:57 AM
انت حاقد ومريض نفسيا -اعرض نفسك علي طبيب احسن ليك .

[شمارات كول] 02-12-2014 08:03 AM
مؤسف حقا ماقلته الرجل شهدة بامانته السماوات والارض التى استشهد بها امثال هذا الرجل الذين لا يضيعون الامانة قليليين فى زمننا هذا تعرف لماذا يااخى لانه طغى عليه امثالك

Qatar [عابد] 02-12-2014 08:04 AM
الناس معادن مهما كانت اغراءات الدنيا لن تتغير

Qatar [الخال] 02-12-2014 08:09 AM
الحلو دا واحد ....

Saudi Arabia [طه] 02-12-2014 08:40 AM
ياخى خاف الله اهو الزيك دا البدمر سمعتنا التي اصلا تدمرت بامثالك مادخل السياسة في هذا الموضوع الرجل بسيط وفقير ربنا اكرمو

Saudi Arabia [سوداني] 02-12-2014 08:49 AM
الحلو
يا خنيث الرجال كل برميل وسخ من امثال بما فيه ينضحو

[علي بلة] 02-12-2014 08:53 AM
يا شباب حلو ده مفتكر إنو بالكمبيوتر ممكن يقول أي حاجة ويكتب أي كلام بدون ما زول يعرفه. أنا متخصص في الكمبيوتر وممكن أكشف ليكم شخصيته الحقيقية والجهاز اللي مستخدمه سواء كان كمبيوتر شخصي في بيت أو محل انترنت وتكون مصيبته مصيبة لو بيستخدم موبايل مسجل بي اسمه الحقيقي. أها يا حلو أحسن ليك تمسك لسانك لأنك مستجد في التكنلوجيا ومفتكر الموضوع برطعة ساي.

United Arab Emirates [الزنديق] 02-12-2014 09:18 AM
يا مر
و الله الفيديو دا أنا جاني من مواطن إماراتي
و هو متداول مش داخل السعودية بس

يعني حتى الناس من غير السودانين اشادو بأمانة الراجل

عليك الله حسي نحن مشو المفروض نكرم الراجل دا
شوف بلحظة صدق نقل شنو عن السودانين

يا مر
الزول دا مفخرة للسودان و السودانين
و انت زول مخجل
الله لا طلعك برة السودان لانو الزيك دا كان باع ليهم الخروف بتمرة و جاب لينا الفضيحة

ما عندي حاجة اقول ليك
إلا الله يهديك

Saudi Arabia [أشرف] 02-12-2014 09:57 AM
الأخ حلو .. علي ما يبدو من كلاامك إنك متغااظ من حكاية الراعي دي ... لييييه الله أعلم .. وبعدين إنت مالك ومالو يسكن الطائف ولا كاب الجدااد ..حااسدو إنت ولا شنو .. لكن بيني وبينك كلنا حسدناهو لكن علي أمانتو وإيمانو .. مش علي المكافأة زيك .. ربنا يهديك وينظف قلبك

Sudan [الارباب] 02-12-2014 12:58 PM
اتمني من وزارة الاتصالات الاتحاديه ان توجه بتتبع المدعو حلو .... ويطبق عليه اقصي مواد القانون الجناي ويراقب في كتاباته . ويل اهلي البفتخير بيهم وصت شعوب الدنيا (كل المغتربين )ربنا يحفظكم ويغطي عليكم من اولاد الحرام واكل الحرام وانشاء الله تجوا عايدين بالسلامه لوطنكم واهلكم

[عبد الله احمد خير السيد] 02-12-2014 01:21 PM
اتق الله يا حلو هذا الراعى كان خير سفير للسودان على مستوى العالم فقد تناولته الفضائيات فقط لامانته لامانته لامانته لامانته يا حلو

Saudi Arabia [جعفر النميري] 02-12-2014 01:39 PM
إنت الظاهر عليك حاقد ونخشى أن تكون (نكرة).

[ahmad] 02-12-2014 04:09 PM
هههههههههههههههههههههه والله الله يستر

[ود الجريف] 02-12-2014 06:27 PM
يا اخوانا الحلو حقو تسمى نفسك (الشيـــن)لانو تعليقاتو كلها ما هى حلوة انت يا اما مجنون ولا حاقد وفاشل علشان كدا بتحقد على المجتمع فى كل كبيرة وصقيرة اتقى الله ياخ

Sudan [حلو] 02-12-2014 09:36 PM
ههههههههه القال بتبعني دا ضحكني انت قايل الموضوع بالسهوله دي ,وحتى لو افتضرنا انك لقيتني اها حتعمل لي شنو تشرك لي في الميدان خخخخخخخ وحتى لو افتضرنا انك زول مسؤول او ماسك ليك منصب ممكن يسمح ليك انك تتبعني اها التهم الموجه لي شنو اني علقت في النيلين ههههههههه قوم لف يا ولد شكلك لسه ما كملت طفولتك
لو اصلنا كده كان المعلقين في موقع الراكوبه كلهم اعتقلوهم

[محمدخضرصديق] 02-13-2014 02:52 AM
بالله شوف الزول البليد دا زول خارج البلد متغرب وشغال راعي الدخل الكيزان شنوا

Qatar [الخال] 02-13-2014 07:39 AM
الحلو انت عيان ولا طاشم .. 20 الف امجاد ما بتجيبا ليو اصحي يا بريش

Saudi Arabia [ابو ريان] 02-13-2014 10:53 AM
‎ الله يشفيك ويعافيك ويبعد عنك شيطان الغل والحقد والحسد
أنظر الى ما يقوله الناس :::

((((عادل قرموطي هبة بريس
تداول آلا الفايسبوكيون العرب شريطا مدته دقيقتين و نصف ‏إلتقط بكاميرا خفية يوثق لنقاش دار بين أحد المواطنين ‏الخليجيين و راعي غنم سوداني يبدو أنه يشتغل عن أحد ‏الأشخاص في إحدى دول الخليج، وحسب ما ظهر في ‏الشريط فإن شخصين كانا على مثن سيارة حاولا إمتحان أحد ‏الرعاة و تصوير ردة فعله، وذلك بمطالبته ببيع إحدى رؤوس ‏الغنم التي يرعاها دون أن يخبر صاحبها بالأمر، الشيء الذي ‏رفضه الراعي بشدة رغم الإغراء ات التي قدمت له من قبل ‏هذين الشخصين‎.‎
وقد ظل الراعي متمسكا بموقفه، ورفض بيع رأس من القطيع ‏الذي يرعاه رغم إلحاح مخاطبه، وفي كل مرة يقترح عليه ‏هذا الأخير حلا ليقنعه ببيع معزة من الغنم التي يرعاها، كان ‏الراعي يذكره بيوم الحساب و يؤكد له على أنه يخشى الله ‏رب العالمين، وعندما أخبره بأن لا أحد يراه وأن بإمكانه ‏إعطاءه معزة و إخبار صاحبها بأنها فُقِدت، أجاب الراعي ‏بكل ثقة في النفس “الله شايفني‎”.‎
الشريط الذي نشرته كبريات الصفحات العربية لقي آلاف ‏الإعجابات، و نوه كل المعلقون عليه بأمانة الراعي المذكور ‏و بخوفه من الله عز وجل، كما أكد بعضهم على أن ما يتمتع ‏به هذا الأخير من أخلاق حميدة أصبحت مفقودة في زمن ‏يعيش على خيانة الأمانة و الصراع حول المال، مشيرين إلى ‏أن الامانه والصدق هى من صفات المؤمن والمؤمن لا يقاس ‏بجنسيته ولو كان فى الدنيا من يصون الامانه ويتحرى ‏الصدق لزالت الالام والمصائب عنا جميعا‎.‎


#191840 [suliman]
5.00/5 (8 صوت)

02-12-2014 04:52 AM
الراجل ده شكلو قريب الممثل القدير ودالمهدي الفادني الشبه سبحان الله وحتي الصوت .


#191842 Saudi Arabia [aymeen]
5.00/5 (3 صوت)

02-12-2014 05:14 AM
كعادة شياطين الانس ...المدعو حلو ..انت ماتسوي نعال هذا الرجل الامين ..هو لايعرف غير مكأفاة رب العالمين الذي يراه ...وحتي من قرروا اعطائه مكافأة لايعرفون مكانه ...اذا مؤمن بالله فاتقيه في قولك


#191844 [كلام قصير]
3.00/5 (7 صوت)

02-12-2014 05:27 AM
الحلو ... ياخوي اي موضوع مثمر وله فيهو رفع قيم إلا وتلقاك داخل اشتر ومعاكس الناس وتعليقاتك خالف تعرف

احسن الظن بالناس ، واذا عندك شيء فيهو فايدة او قول حكيم قله واذا ظن سيء وشتارة فالصمت اجمل من التعليق

واحس في تعليقاتك شماته لاولاد العرب وترسبات في نفسك سالبه لذلك تاتي تعليقاتك مليئة بالشماته وسوء الظن والشك

مثل هذا الراى والله فخر للسودان وفخراً لنفسه ورفع مكانتنا كسودانيين عالية وعبّر بتربية اصيلة ورفع راسه ورأس كل سوداني

الفيدو معبر جداً ورسالة جاءت صدفة لمعرفة معدن التربية الاصيلة . والحمد لله تمثل بها هذا الراى الذي بامانته ضرب احسن الامثال لامة كاملة

لا ننكر ان هناك شواذ في المجتمع ولكن الامة لا زالت بخير
لكن السؤال مادام تعليقاتك السالبة هذه
لو كنت مكانه هل تبيع النعجة ام المراح كله .


#191847 [ابونونات]
5.00/5 (5 صوت)

02-12-2014 06:01 AM
نشيد بأمانة هذا الرجل ونتمنى ان تنفعه امانته عند ربه
الاخ عثمان العمدة نشكر لك غيرتك على الشعب السودانى ولكنك عصرت حبيبنا الحلو الذى نتوقع منه دائما التعليق المشاتر ( يرجع السودان ويسكن الطائف) والله 20 الف دى يا حلو زقلونا ما تسكنك . نسال الله ان يبارك له فيها ويرزقه 20 مليون (ريا ل)


#191856 Qatar [بريق الماس]
4.50/5 (7 صوت)

02-12-2014 07:03 AM
(قالت إحداهما يا أبت استأجره إن خير من استأجرت القوي الأمين) القصص 26
وهذه الآية الكريمة جاءت ضمن قصة موسى عليه السلام مع صاحب مدين ـ في سورة القصص ـ، والذي كان عاجزاً عن طلب الماء فخرجت ابنتاه للسقيا، تدلل على القوة في تحمل العمل والامانة..
كانت هذه الآية شعارا نسمعه في الماضي لكن هذا الراعي يطبقه لأنه ليس شعار سياسيا انما اخلاق مستمدة من عقيدة راسخة...


#191857 Saudi Arabia [النصيح حديدو]
4.00/5 (3 صوت)

02-12-2014 07:06 AM
ليس لدي تعليق على هذه الواقعة لأن هذا الموقف اكبر من التعليق واكبر من المدح فجزاه عند الله وحده. لكن
ردي على الحلو الذي ممسخ هذا الموقع يا جماعة لكل شئ آفة ، اتفقنا أنو آفة موقع النيلين هو الحلو فمن يعرف آفة التلفزيون يضع الاسم هنا............... و.............. وآفة حكومة البشير كان.......... وآفة الفنانين ............. وآفة رجال الاعمال............... وآفةالبرامج............. وآفة السياسة........... الصحافة............. وآفات لاحصر لها ومدعون لاحصر لهم ومنافقون لا حصر لهم ومنتفعون لا حصر لهم يرجى إيراد أمثلة، انا غايتو ضربت مثل بالحلو..

ولكن يبقى امثال هذا السودان الرائع اضواء في آخر النفق


#191863 Sudan [ابومحمد]
5.00/5 (4 صوت)

02-12-2014 07:26 AM
لقد دمعت عيناي حسرةً و انا اقرأ هذا الخبر لان امانة هذا الرجل صارت نادرة لدرجة الاحتفاء بها والاصل في الامر ان تكون الامة كلها مثل هذا الراعي الامين. اين نحن الآن؟؟؟؟؟؟؟


#191869 [عﻻء احمد]
5.00/5 (3 صوت)

02-12-2014 07:39 AM
خمسة معادلات مسببة ازمة للسودان
1/المتمردين
2 /الفساد و الواسطة
3/العنصرية ) انا ود عرب و انت عب (
قال تعالى يايها الناس إنا خلقناكم من ذكر و انثى و جعلناكم شعوبا و قبائل لتعارفوا إن اكرمكم عند الله اتقاكم إن الله عليم خبير
قال رسول الله صلى الله عليه و سلم في خطبة الوداع ﻻ فضل لعربي على عجمي وﻻ لعجمي على عربي (
4/جيل الشباب اضاع الصﻻة و الاخﻻق و تابع المحرمات
)اعتذراي للمتقي ربه منهم (
باذن الله ديل ممكن ممكن ممكن يلقو ليهم حل
لكن المعادلة الخامسة شبه مستحيل يكون ليها حل
5/واحد بعلق في النيلين اسمو الحلو
الله يعينا و يصبرنا


#191873 Lebanon [أبو أمنية]
5.00/5 (2 صوت)

02-12-2014 07:54 AM
جزاهم الله خيراً على هذه المكافأة لهذا الرجل الفاضل فهو يستحق و مثل هذه المكافأت تشجع الناس على الأمانة ..


ردود على أبو أمنية
Sudan [مصعب] 02-12-2014 09:35 PM
فعلاً والله


#191875 Qatar [عابد]
5.00/5 (4 صوت)

02-12-2014 07:59 AM
[SIZE=4]الى الامس كانت نسبة المشاهدة للفديو رقم قياسي ربما ينال جائزة لنسبة كثرة المشاهدة له . اولا نتمنى تكريمه من قبل الدولة ممثلة في السفارة بالمملكة ( قصة ابن عمر والراعي :

ذكر هذه القصة ابن الجوزي رحمه الله في صفة الصفوة ( 2 / 188 )

قال نافع : خرجت مع ابن عمر في بعض نواحي المدينة ومعه أصحاب له فوضعوا سفرة فمر بهم راع

فقال له عبد الله : هلم يا راعي فأصب من هذه السفرة.

فقال : إني صائم

فقال له عبد الله : في مثل هذا اليوم الشديد حره وأنت في هذه الشعاب في آثار هذه الغنم وبين الجبال ترعى هذه الغنم وأنت صائم

فقال الراعي : أبادر أيامي الخالية فعجب ابن عمر

وقال : هل لك أن تبيعنا شاة من غنمك نجتزرها ونطعمك من لحمها ما تقطر عليه وتعطيك ثمنها

قال : إنها ليست لي إنها لمولاي

قال : فما عسيت أن يقول لك مولاك إن قلت أكلها الذئب ...؟ !

فمضى الراعي وهو رافع إصبعه إلى السماء وهو يقول فأين الله ؟؟؟

قال : فلم يزل ابن عمر يقول : قال : الراعي فأين الله

فما عدا أن قدم المدينة فبعث إلى سيده فاشترى منه الراعي والغنم فأعتق الراعي ووهب له الغنم رحمه الله

صفة الصفوة ( 2 / 188)[/size]


#191884 [ممكون و صابر]
4.88/5 (6 صوت)

02-12-2014 08:24 AM
هل تصدقوا يا صحاب خبر هذا الراعي البسيط عند الناس القريب من الله هو الخبر المفرح الوحيد الذي أقرأه ربما طيلة العشر السنوات الماضية ومنذ نشره أداوم على مشاهدته عدة مرات يوميا بعد ان حملته على جهازي
أسأل الله الغنى الكريم أن يفرحه دنيا و آخرة كما أفرحنا حفظه الله و أكرمه


#191891 Saudi Arabia [عبدالحميد]
5.00/5 (2 صوت)

02-12-2014 08:39 AM
شكراً له أنه أصدق دعاية للشخصية السودانية التي بدأت سمعتها تضمحل بالخليج


#191897 Sudan [احلا من الحلو]
4.50/5 (3 صوت)

02-12-2014 08:47 AM
بسم الله الرحمن الرحيم
من يتقي الله يجعل له مخرجا ويرزقه من حيث لايحتسب
ان صبر هذا الاخ ونزاهته وامانته وتقواه لربه هي من قادت هولاء الشباب الى هذه الفيافي البعيدة حتى يعلم كل الناس ان هنالك من يخاف ربه سرا وعلانية فهو ردعليهم بكل ثقة وثبات لارهبة فكافاءه الله من فوق سبع سموات
نسأل الله ان يبارك له في رزقه واهله
بعيدا هن المهاترات هذه قيمة انسانية لاتوجد في عالمنا اليوم حتى عند من يتحدثون باسم الدين فتجدهم يخلطون الحلال بالحرام
فكم انت عظيم يارويعي الغنم لقد ترجمت قيمة اسلامية وطبقتها كماوردت في السيرة النبوية فلك الله لقد رفعت رأسناواعطيتنا درسا لوعرضت كلماتك هذه على منب الجمعة لكانت خطبة كافية
اتمنى ان تكون خطبة الجمعة بعد غدا في كل مساجد السودان عن امانة هذا الاخ الذى لانعرف اسمه ولكن يكفيه ان مؤمن يخاف الله في زمن ضاعت فيه الامانة


#191898 Sudan [احلا من الحلو]
5.00/5 (1 صوت)

02-12-2014 08:48 AM
بسم الله الرحمن الرحيم
من يتقي الله يجعل له مخرجا ويرزقه من حيث لايحتسب
ان صبر هذا الاخ ونزاهته وامانته وتقواه لربه هي من قادت هولاء الشباب الى هذه الفيافي البعيدة حتى يعلم كل الناس ان هنالك من يخاف ربه سرا وعلانية فهو ردعليهم بكل ثقة وثبات لارهبة فكافاءه الله من فوق سبع سموات
نسأل الله ان يبارك له في رزقه واهله
بعيدا هن المهاترات هذه قيمة انسانية لاتوجد في عالمنا اليوم حتى عند من يتحدثون باسم الدين فتجدهم يخلطون الحلال بالحرام
فكم انت عظيم يارويعي الغنم لقد ترجمت قيمة اسلامية وطبقتها كماوردت في السيرة النبوية فلك الله لقد رفعت رأسناواعطيتنا درسا لوعرضت كلماتك هذه على منب الجمعة لكانت خطبة كافية
اتمنى ان تكون خطبة الجمعة بعد غدا في كل مساجد السودان عن امانة هذا الاخ الذى لانعرف اسمه ولكن يكفيه ان مؤمن يخاف الله في زمن ضاعت فيه الامانة


#191901 [الامانة لله]
5.00/5 (2 صوت)

02-12-2014 08:53 AM
الشهيد يغفر له كل ذنب إلا الدين أو الأمانة ، فإذا كان يوم القيامة قيل له : أد عن أمانتك ، أو أد الأمانة ، فيقول : يا رب ذهبت الدنيا فمن أين أؤديها ، فينطلق به إلى الهاوية ، فإذا أمانته في قعرها ، فهوى فيها ليأخذها ، فإذا أخذها ليخرجها زلت من يده وهوى خلفها فلا تزال تزل من يده ويهوى خلفها في الهاوية
الراوي: - المحدث: الإمام أحمد - المصدر: مسائل أحمد رواية عبدالله - الصفحة أو الرقم: 2/841
خلاصة حكم المحدث: إسناده جيد


#191908 [الامانة]
5.00/5 (2 صوت)

02-12-2014 09:11 AM
إنَّ الأَمانةَ نزَلتْ في جَذْرِ قُلوبِ الرِّجالِ ، ثمَّ نزَلَ القُرآنُ ، فعلِمُوا من القُرآنِ ، وعلِمُوا من السنَّةِ ، يَنامُ الرجُلُ النَّوْمَةَ فتُقبَضُ الأَمانةُ من قلْبِهِ فيَظَلُّ أثَرُها مِثلَ الوَكْتِ ، ثمَّ يَنامُ النوْمَةَ فتُقبَضُ الأَمانةُ من قلْبِهِ فيَظلُّ أثَرُها مِثلَ الْمَجْلِ كجَمْرٍ دَحْرَجْتَهُ على رِجلِكَ فنَفِطَ ، فتَراهُ مُنْتَبِرًا وليٍْسَ فيه شيءٌ فيُصبِحُ الناسُ يَتبايَعُونَ لا يَكادُ أحدٌ يُؤدِّي الأَمانةَ حتى يُقالَ : إنَّ في بَنِي فُلانٍ رجلًا أمينًا ! حتى يُقالَ لِلرَّجُلِ : ما أجْلَدَهُ ؟ ما أظْرَفَهُ ؟ ما أعْقَلَهُ ؟ وما في قلْبِهِ حبَّةُ خرْدَلٍ من إِيمانٍ
الراوي: حذيفة بن اليمان المحدث: الألباني - المصدر: صحيح الجامع - الصفحة أو الرقم: 1584
خلاصة حكم المحدث: صحيح


#191914 Saudi Arabia [ودالياس]
4.50/5 (3 صوت)

02-12-2014 09:44 AM
يا حلو الرد عليك خسارة لكن فقط أحب أن أحذرك من دعاء الناس عليك ربما يستجيب الله لأحد هذه الأدعية فتخسر الدنيا والآخرة للمرة الثانية أحذرك وإتقى الله لو كنت تعرفه


#191915 Saudi Arabia [mukh Mafi]
5.00/5 (6 صوت)

02-12-2014 09:44 AM
لا احد يشاهد هذا الفديو ولا يعتز به او يهتز بدنه او يقشر جسمه من هذه الكلمات البليغة والقوية والصادقة ,,هذا الاخ الصادق مع نفسه ومع ربه اصبح مضرب مثل و انموذجا ليتعلم منه الكثيرين ..
تم تداول لفديو بطريقة واسعة في اوساط كثيرة تويتر ومواقع صحفية واعلامية وخاصة بعد ان اذاعته قناة الرسالة ,,
وفي موقع سعودي مشهور ( سبق) والذي تعود النيلين ان ينقل منه بعض الاخبار تم نشر الفديو وكثير من التعليقات الجميلة علية الا اني اصبت بحزن عميق وكدت يغمى علي حين قرأت الموضوع ووجدت فيه كيف هو الاجحاف وكيف هي المحاولة من تقليل شان السودانين ..
حين يكون الامر تشنيعا وتريقة وتقليل شأن واحتقار وازدراء يكتبون .. سوداني فعل كذا . وسوداني ينطق كذا .. وشوفوا السوداني كيف اتهبل .. وشوفوا كيف السوداني يحكي .. او مقاطع فديو تقليد للسودانين بصورة اسخف من السخف حتى القنوات لم تعتقنا من هذا التشنيع .. وكلكم رأيتم ناصر القصبي كيف كان يكرر كلمة آآي بسبب او بدون سبب في الاعمال الدرامية التي كانت تحوي على جزء يخص السوداني ..

قرأت الموضوع ووجدتهم كتبوا الاتي :
(سبق- الرياض: أعلن الشيخ الدكتور إبراهيم الدويش، عبر برنامجه "جدّد" على قناة "الرسالة"، مكافأة 20 ألف ريال لراعي أغنام إفريقي؛ بيّن مقطع على "اليوتيوب" حرصه على الأمانة ورفضه بيع أحد الأغنام التي يملكها كفيله مخافة الله.

وأوضح أن الهدية مقدمة من مؤسسة الشيخ حمد الحصيني، وطلب الشيخ من كل مَن يعرفه أن يتواصل مع البرنامج أو عبر حسابه في "تويتر".

وقال الشيخ "الدويش" تعليقا على المقطع: "يهتز بدنك وأنت تسمع مثل هذا المقطع، ما أحوجنا إلى أن نتعلّم الدرس من رويع الغنم، المسافة بين رويع الغنم وبين هامور أكل أموال الناس لا يعلم بها إلا الله - عزّ وجلّ".

وأضاف: "اليوم بعض الناس يأكل المليارات تلو المليارات ويأكل أموال الناس ويفسد على الناس حياتهم وينام قرير العين .. كأنه ما فعل محرّماً".

وانطلق برنامج "جدّد" في حلقته الأولى، مساء أمس الثلاثاء، على قناة "الرسالة" ويعرض أسبوعياً في العاشرة مساءً وهو من تقديم المذيع علي المطرودي.))

كان تعليقي كما هو ات
(جزاه الله خير واكفاه محن الزمان واعاده لاهله سالما معافى
ولكن لي ملاحظة احزنتني جدا
حين يكون الامر تقريعا وتشنيعا او تريقة بالمعنى الواضح على السودانين تكتبون شوف وايش سوا السوداني .. سوداني غشيم .. وسوداني كيف يتكلم وما الى ذلك من صفات اقرب للنعت بالذم من كونها صفات لاخوان في الدين ..والعروبة واما ان كان الامر يتعلق بصفة يفتخر بها اهل الارض ويفتخر بها كل سوداني تذهبون وتكتبون راعي افريقي او تستحون ان تكتبوا سوداني .. ام انه لايمكن ان يكون هذا الراعي البسيط الامين وبهذه القوة الايمانية سوداني ..حتى هذه استكثرتموها علي السودانيين
وعزة الله لا تعلمون اين الخير ومن الافضل .. وكم كنت اتمنى ان تكتب بالخط العريض سوداني يثبت اصله و كما عرفناهم ..))

لم هؤلاء البشر دائما يحقدون علينا ؟؟ لم كل مواطني الدول العربية ماعدا القليل ينظرون الينا بنظرة دونية وحين يكون الامر اكبر بكثير من فهمهم لاينسبونه الينا .. اي زمان هذا ياترى


ردود على mukh Mafi
Ukraine [ودالفحل] 02-12-2014 10:59 AM
اخي Mukh Mafi سلام الله عليك احترم رايك بس ناهيك عن نحنا افارقة نعم نحنا افارق ولا فرق بين عربيآ ولا عجميآ الا بالتقوي وقال سيدنا النبي صلي الله عليه وسلم انا افصح العرب بيد اني من قريش ونحنا كمان نحنا افصح العرب بيد اننا من افريقيا وكل من يحاول يقلل من شاننا هو رصيد لنا وانا واحد من الناس ما زورت السعودية بس عندي خلفية عنها نحترم الارض المباركة بس حكامها واهلها اعدا النجاح الشجرة المثمرة تقزف بالحجار ونرجع لقول الله بسحانه وتعالي{ وَإِذَا خَاطَبَهُمُ الْجَاهِلُونَ قَالُوا سَلَامًا }

Sudan [حياة أحمد] 02-12-2014 11:35 AM
الرد علىmu

يأخى مازعل نفسك لانه شوف زى الحلو بيقول شنو أنا ملاحظخ ليه ردوده دائماً بايخه التقول ماسودانى لان السودانى الصحى يحمل هذه الصفات :-
1- الشهامه
2- المرؤه
3- الشجاعه
4- الأمانه
5- الصدق
6- حب الخير للناس
وكثير وكثير أما الراعى والله مفخره للسودان لانه خاف الله وإنسان أمين وجد بخاف الله بحق وحقيقه لان الماده ما أغرته

[هاشم] 02-12-2014 02:06 PM
فتش عن مصر. وهيئ نفسك لأشرطة فيديو مضاده. وفي كل ما هو مسيئ للسودان والسودانيين فتش خلفه عن مصر - وكفى!

Saudi Arabia [mukh Mafi] 02-12-2014 04:14 PM
شكرا اخوتي على التعليق وللاخ ودالفحل اقول انا لم استعر من وصفنا افارقة حاشا وكلا وانا اعتز بافريقية قبل عروبتي .. واعتز باسلامي قبلهما .انا فقط احببت الاشارة الى انهم لا يحبون نسب الاشياء الجميلة الينا لاننا فقراء او بؤساء وسبحان الله تلاقي ال90% من الكتاب علمهم سودانيون او مازالوا يعلمونهم ..
ولا نقول غير حسنا الله ونعم الوكيل

Saudi Arabia [ساتى] 02-12-2014 06:53 PM
فعلا صدقت العرب الاجلاف ديل عندهم حقد غريب ضد السودانيين لو كان سودانى عمل اي عمل بطال طوالى يقولو الجنسيه سودانى ولمن يكون خبر كويس ويستحق زكر الجنسية يقوليك افريقى حسبنا الله ونعم الوكيل فيهم , ان الاعراب اشد كفرا ونفاقا


#191920 Sudan [غلبني كتر علي]
5.00/5 (2 صوت)

02-12-2014 09:50 AM
اها والله زي الراجل البسيط الكريم الامين دة دايرين امثالوا يترشحو لينا في الانتخابات الجاية
ياهو دة القوي الامين المقصود في المعني
قوي بايمانه وامين في اصله
والله والله والله خليتني اكون فخور واقول انا سوداااااااااااااني


#191923 United Kingdom [abu ali]
4.50/5 (2 صوت)

02-12-2014 09:57 AM
اهداء الي حركات دارفور قطاعي الطرق شوهتم صورة السودان والسودانيين


#191925 Saudi Arabia [دنخل]
5.00/5 (3 صوت)

02-12-2014 10:01 AM
هل تصدقون ياأخوتي الكرام بان الصحف السعودية استخسرت ان تكتب راعي سوداني بل كتبوا راعي افريقي ... مالكم كيف تحكمون؟؟؟ واقول لهم انا افريقي انا سوداني بلد الخير افريقي مكانك


ردود على دنخل
[هاشم] 02-12-2014 02:08 PM
أنت في السعودية. وتعلم أن جل أولئك المحررين والمصححين مصريين. فما عساك سوف تقرأ عن السودان!


#191926 Netherlands [ياحلاوة]
5.00/5 (3 صوت)

02-12-2014 10:04 AM
اتمنى ان يعرض هذا المشهد على نساء المسوليين فى الدولة كل صباح ومساء حتى يكفو عن دفع رجالهم من اكل الحرام وان يشاهده المسوليين كل يوم حتى يذكرو انفسهم ونسائهم بالحرام


#191935 Sudan [على عوض الله التوم]
5.00/5 (4 صوت)

02-12-2014 10:15 AM
أيها المدعو الحلو:
إنت كن تؤمن برسالة محمد عليه الصلاة والسلام فأذكرك بالآتي:

قال رسول الله صلى الله عليه وسلم:"من كان يؤمن بالله واليوم الآخر فليقل خيرا أو ليصمت"

وقال في معنى الحديث:"أكثر ما يدخل الناس النار، الأجوافان" وقال من ضمن لي ما بين فكية وفخذيه ضمنت له الجنة"

انا حقيقة ألحظ أن جميع تعليقاتك سلبية ولا تنطق خيرا قط... وهذا والله من الخطر العظيم...

وإنت كنت لست من أهل القبلة أقول لك ما قال الشاعر:
ولو أن كل كلب عوى ألقمته حجرا *** لأصبح الصخر مثقال بدينار

أسأل الله العظيم رب العرش العظيم بأسمائه الحسنى أن يرحنا منك ومن أمثالك....


ردود على على عوض الله التوم
Sudan [التنفارى] 02-13-2014 08:07 AM
لاتدعو على الحلو ولكن ادعو اليه بالهداية فلعل الله يجعل فيه خير ولايجوز الدعاء حتى على الكافر حتى تزهق روحه.


#191940 Sudan [محمد الفاضل]
4.50/5 (3 صوت)

02-12-2014 10:33 AM
اللهم انصر الاسلام والمسلمين والله شئ يهتز له الجسد وتدمع له العين اللهم ارزقنا واياه الجنه


ردود على محمد الفاضل
United Arab Emirates [محمد سعيد] 02-12-2014 10:59 AM
هذا الرجل قدم الشخصيه السودانيه الأصيله الا أنه لم يسلم من بعض الاصوات النشاز

United Arab Emirates [مشارك جديد] 02-12-2014 01:24 PM
اما من حقنا ان نتساءل لماذا تجرأ هؤلاء الاشخاص على الراعي
باي صفة فعلوا فعلتهم. هل هم الاتقياء ومن هو دونهم متهم حتي يثبت العكس.
من انتم؟ شرطة؟ ام متلاعبين واظهر الله تعالى على لعبكم الحق وفوق رؤوسكم وعلى اجهزتكم تحملونه على جهالة؟تخيل معي ان وافق هذا الراعي على عرضهم المغري ! ما كنتم فاعلين به؟
فالنتقي الله في انفسنا ونتعلم الدرس بشقيه وببعدين لا ببعد واحد


صفحة 1 من 212>
تقييم
4.48/10 (13 صوت)

 

الاكثر تفاعلاً/ق/ش

الاكثر إهداءً/ق/ش

الاكثر مشاهدةً/ق

الاكثر مشاهدةً/ق/ش

الاكثر تفاعلاً/ش

الاكثر إهداءً/ش

الاكثر مشاهدةً/ش

الاكثر تفاعلاً/ق

Powered by Dimofinf cms Version 3.0.0
Copyright© Dimensions Of Information Inc.