• ×

05:15 مساءً , الأحد 25 يناير 2015

بعد عقد قرانها : الفنانة أفراح عصام تكشف سر زواجها من الملحن أحمد المك  

زيادة حجم الخط مسح إنقاص حجم الخط
 في حوار له طابع الفرح الجميل مع الفنانة الرائعة أفراح عصام والتي تحدثت بعد عقد قرانها من الملحن الاستاذ أحمد المك حيث كشفت الكثير من الأسرار والتفاصيل وقصة زواجها منه حيث تحدثت وقالت لم اتعرض لصدمة عاطفية ولم تكن لدي علاقات من قبل والاستاذ احمد المك فاز بقلب افراح عصام وذكرت من خلال حديثها بان احمد المك هو فارس احلامها الذي كانت تبحث عنه وهناك الكثيرون كان يريدون الارتباط والزواج من افراح ولكن اقول لهم انا انسانة بسيطة وزواجي من احمد المك ليس القصد منه جرح شعور الاخرين ، فقط زواجي من اجل استمراريتي في المجال الفني وهو شخص صاحب اخلاق عالية ورجل مهذب .

صحيفة الدار


image

image

بواسطة : admin
 83  50  90.9K
التعليقات ( 82 )

الترتيب بـ
الأحدث
الأقدم
الملائم
صفحة 1 من 2 صفحة     
  • #1
    10-13-2009 10:48 صباحًا أبو علي :
    يا ناس صديق الموج وحبيب نوره البركة فيكم
    • #1 - 1
      10-14-2009 11:10 مساءً الرباطابي :
      مبروك _________ لكن ياحبيب نوره وصديق الموج الفيكم اتعرفت شبكتونا رابطة رابطة يربطوكم للبخرات
    • #1 - 2
      10-14-2009 11:15 مساءً الرباطابي :
      حبيب نورة اها بعد كدا شوف درب نورتك سااااي ياخوي ( )
  • #2
    10-13-2009 12:19 مساءً خالد :
    احسن عزاء الجميع
  • #3
    10-13-2009 01:27 مساءً بنجوز :
    حرام بالله عليكم تفكير السودانيين لن ولم يتغير ولو بعد مليون سنة تلك عمك عمره في الخمسينات متزوج بت قدر بناتو دا شنو عليك الله ياخ ما خلاص بطلو التخلف دا بعدين تجيب كوم عيال وهو يكو جلكن يلا دوام الحال من المحال لا أمل في تفكير السوداننين
  • #4
    10-13-2009 01:28 مساءً مصطفى :
    هي لكن يا استاذة افراح عريـــــــــــــــــــسك مالو كبير كدا وشين
    ما كان اخير ليك صديـــــــــــــــــــــــــــــــق الموج
    على الاقل تقدفي معاو سااااااااااااااااااااااااااي في الدنيا الرايحة دي
    غايتو لكن
  • #5
    10-13-2009 01:41 مساءً هزبر :
    ياناس كولا - وود ابليس - والرحول - والوالي - والخال - وكتاس
    نقول ليكم انشاء الله البركه فيكم

    وربنا يصبركم لحدي رمضان الجاي

    والجاتكم في افراحكم سامحتكم
  • #6
    10-13-2009 01:58 مساءً جوبا :
    عليك الله اسع الراجل العجوز ده ما بخجل بالله البت دي مش قدر حفيتو.سبق وان عمل نفس الحكاية مع واحدة ثانية من نجوم الغد بس الله ما تماها.
    • #6 - 1
      11-17-2009 10:19 مساءً مشوكش :
      الجلكين دا ما لاقى غير التكتك الصغار دا لينا الله وعيشة السوق يا ود المك(؟)
    • #6 - 2
      12-06-2009 02:26 مساءً هشام مكي :

      انت يا افراح ما عايشتي زواج الصحفية (لبني) التي تزوجت الصحفي عبدالرحمن مختار وكان عمر ه ( 80) سنة وعمرها (40) نتقريبا سنو واحدة وغادر الحياة والبركة فيييييييييييييييييييييييييييييييييييييييييييييييييييييييييييييييك
  • #7
    10-13-2009 02:39 مساءً shakoor :
    بختك ياود المك..مبروك العصفورة
    • #7 - 1
      12-15-2009 06:13 صباحًا العربجي :
      يا جماعة انتظروا دوركم بعد سنتين العندو نصيب بلقاهو . وإلى ذلك الحين العاقبة عندكم في الافرااااااح ..
  • #8
    10-13-2009 04:00 مساءً سمنة :
    انامن شفتة ودالمك دة فاتح خشمو الكبير دة عرفتو ما مخليها
    ربنا يعوضنا الجايات اكتر من الرايحات0
    يا ودالمك اكان تعرس من الفنانات الجاهزات والقدرك
  • #9
    10-13-2009 04:04 مساءً wali :
    ربنا يوفقكم والف مبروك، بلاش التعليقات السخيفه دى
  • #10
    10-13-2009 04:10 مساءً محمد حامد بخيت محمد :
    يا أخونا حرام عليكم نحن الكبار ما نفكر فى عرسه تانى
    • #10 - 1
      11-09-2009 11:45 صباحًا عبد الغفور :
      يعني الواحد ما يتزوج وياخدلك زوجة تانية صغيرة تدلعوا في آخر عمرو 00 طيب ياشباب اتزوجو بالصغار والسوق مليان على اضانو بالبنات 00 اقول خلى العريس في حالو ما دام البنية راضيه بيهو شدوا حيلكم ياشباب الزمن ده زمن من هم فوق الاربعين والخمسين انتو اتفرجو ونحن ن
  • #11
    10-13-2009 04:23 مساءً سمنة :
    يعنى رمضان القادم انشاء اللة الصيام يكون بالنهار وبالليل000اللة يعطشك يا ود المك زى ما عطشتنا.
  • #12
    10-13-2009 04:45 مساءً ود الفارس :
    يا ناس جدة البركة فيكم وفينا
    بعد دة النيل الازرق شيلوها وريحونا وخلونا نبكي الماضي
    يِــــــــــــــــــا محمد ابراهيم ااصبري
  • #13
    10-13-2009 04:47 مساءً هشام :
    ياحليلكم يا اخواني ناس ياسر وهيثم ,وربنا يعوضكم ويعوضنا هو صاحب العوض
    وربنا يديكم الفي مرادكم واااااااااااااااااااااه حليلي انا
  • #14
    10-13-2009 05:07 مساءً fox :
    بس الواحد ما ينمر ليهو فى واحده يجى واحد زى قطعة الشيطان اها ما العرس دا خليناهو لناس ودالمك على الطلاق اكان اتعوض الله و ابقى ملحن انشوف ودا لمك دا بطير وين....
  • #15
    10-13-2009 05:13 مساءً محمد الجموعى :
    الف مبروك لاحمد وافراح وعقبال البكارى انشا الله وربنا يسعدكم كمان وكمان
  • #16
    10-13-2009 05:36 مساءً عبدالرحمن الشيخ :
    لازم يتزوجها واحد زي ده ما عندو غيره عشان تطنطت كل يوم من حفله لي حفله والله العظيم واحده زي افراح ما بتزوجها اصلو زي دي لازم تتزوج من الوسط الفني عشان تاخذ راحتها للاخر
  • #17
    10-13-2009 05:45 مساءً برير قريب الله :
    ها ود المك دا شنو البتسوي فيهو دا كلما نشوف لينا كتكوت تجي انت يا ود المك تشوت ،،،،، انحنا نمشي وين يا افراح يعني هسي نمسح صورك الشايلنها وحايمين بيها دي ولا شنو
  • #18
    10-13-2009 06:28 مساءً بدرالدين :
    اين ومتي يكون العزاء يا ناس نجوم الغد
  • #19
    10-13-2009 06:45 مساءً ايمن دفع الله :
    ما دام تزوج علي سنة الله و رسوله برضاها و رضي اهلها تاني مافي زول عندو بيهم شغلة اللهم الا مبرووووك وهو و الله راجل لان الفاسدين كثر
  • #20
    10-13-2009 07:05 مساءً محمد موسي الصديق :
    علي الطلااااااااااااااااااااااق البركة فيك شنوووو مشوارك الفني مشوارك دا ما امكن اي زول اخليك تواصلي فيهو والله بكره تجيب ليك 4 اطفال وتترملي .... ياخي ما تخجل يا ود المك حرست نجوم الغد كرهتنا البنات من عافيه حسن ورماز واخير لقيت المسكينة دي البتفش لمواصلة عملها الفني ....
  • #21
    10-13-2009 07:29 مساءً Sudanese man :
    والله يا ود المك البت مبرووووووووووكة عليك...
    لكن عليك الله عيب لي حنان بلوبلو...

  • #22
    10-13-2009 07:41 مساءً وليد الملا :


    فعلها أحمد المك كما فعلها ماذنبي مع الهلال .

    العزاء للأخوه : صديق الزين وأشرف جادالله وأبو عبيدة سكسك وعيسى البله

    عنكوف .
    • #22 - 1
      10-17-2009 06:05 مساءً عيساوي :
      احسن الله عزاء الجميع اخوى وليد الملا والله فقد خلاص بطلنا نشوف قناة النيل الازرق بس تانى قناة المجد وأقرأ بس والتعازى موصوله للاخوه حسن الرمادى وكيجا وربنا يخلف ليكم ببنيه حليونه تانى يارب :confu
  • #23
    10-13-2009 08:25 مساءً ابوخالد :
    الف مبروك مع العلم ان احمد حامد الملقب نفسه بالمك لاغيا اسمه والده لعب بالمريخ مع سليمان ابوداود وفتحي فرج الله يعني يكبر البنت افراح باكثر من ثلاثين عاما وهذا اول زواج له وتعلم التلحين قبل سنين بسيطة وبالصفة اما افراح يمنية الاب والام تسكن بالديوم الشرقية بالتحديد المايقوم الخرطوم وهي صغيرة جدا ولكن السؤال والا بلاش كدي احسن
  • #24
    10-13-2009 08:25 مساءً عجباو :
    والله وحدو بينا الباوحونا وراحو وشالو من وادينا بهجتو وافراحو
    ربنا يعوضنا فيك يا افراح الشعب الراجل الكبير المابختشي دا
    نلقاها منك لا من محمد سليمان ما كان تعرس من القدرك ناس اسرار وامال النور ديل فيهم شوك
  • #25
    10-13-2009 09:01 مساءً ابو كلام :
    عمنا دا ما يخجل شوية ويعرس القدرو ويخلي لينا الشباب
  • #26
    10-13-2009 09:03 مساءً hatem :
    عليك الله ياعميان دى ماقدر بناتك بعد حنبقا شعرا ومحلنين ونلقط الحمام والله يعوضنا انشا الله ماتنفعك تخش عليك بالساحق والماحق
  • #27
    10-13-2009 09:22 مساءً محمدعبدالله(الشايقي) :
    اولا الف الف مبروك الاستاذة افراح والاستاذ احمد المك هنيئا لك بالجميلة افراح واتمني لكم حياة زوجية وفنية سعيدة مع دوام التقدم والنجاح
  • #28
    10-13-2009 09:39 مساءً معتز لندن :
    الاستعجاااااااااااااااااااااااااااال ليك شنو كان تصبري انتى دما مكانتك انتى مكانك فوووووووووووووووووووووووووووووق حتكونى متأسفة طول حياتك مع عمك ودالمك وهو مابيخجل دا شنو دا كان تخلينا نعود من الغربة الله يخرب بيت لندن وناس لندن الواحد كان جاى على امل بس نقول الجايات بعد الطلاق كتااار
    • #28 - 1
      04-22-2010 02:56 مساءً كامل مبارك :
      ود المك شال النوار ..... وشتت ...الله يستر ل رماز من عمك السر قدور
  • #29
    10-13-2009 09:51 مساءً محمد عباس :
    كل شى قسمة ونصيب
  • #30
    10-13-2009 09:52 مساءً ود العمده :
    ربنا يسعده والله يجازي الكان السبب ويصبر الناس بجدة واحسن تمسحوها من جوالتكم لانها بقت في زمة راجل ويا ودالمك انشاء لله تنستر معها وماتقيف في نص المشوار دي اصيله دايره ليها زول دمو حار وقدره
  • #31
    10-13-2009 10:55 مساءً ابو محمد :
    مبروك وبيت مال وعيال

    بس علمها عندما تغني ان تتفاعل معى الغناء والجمهور مش تغني جامده زي ابو الهول خليها تشاهد زميلتها منار كيف بتتجاوب مع الغناء والمشاهدين
  • #32
    10-14-2009 12:14 صباحًا احمد :
    الله يستر علي ريماز مرغني ما يكون حنكا سر قدور
  • #33
    10-14-2009 12:16 صباحًا الممسوخ :
    وارغو كان الهلال براهو الحارقو المك السودان كلو حارقو ههههههههههههههههه
  • #34
    10-14-2009 01:27 صباحًا khalid :
    ااااه منك داء شنو
  • #35
    10-14-2009 07:57 صباحًا ادريس ابويس :
    الناس دى ما فارغه ابسط الكلام ربنا يسعدكم.
    لكن هو كبير وهى يمنيه اديتو الموضوع ابعاد و دى من الفراق قولوا خيرا او اصمتوا و اتركو الخلق للخالق.
    شفو مشاكل المويه الكهربا القفه ولا كلكم شيلوكم ليها.........
  • #36
    10-14-2009 08:03 صباحًا ابو عمر :
    اقسم بالله كان عندنا النية بس القسمة وعيون تطيب وعيون تغيب وعيون هويتها .... الشيخ الطيب
  • #37
    10-14-2009 08:42 صباحًا ودالعيلفون :
    براة وسرقت المصيبة ما كان تعرسي السر قدور ما كاسرة فيهو ضلعة برضو يعني السنة الجاية المك ده بخليك في اغاني ولا السر قدور دقس بعدين المشكلة في باركر صديق هو يتحمل ذنبك علمك الغناء وظهرتي لي ناس المك

    يا ناس المشكلة مادية بحتة لا جمال ولا شباب ولا رقة في المك يعني حايكون المقبال شنو الفلووووووووووووووووووووووووس

    الله يحرق ابو القروش الخلتنا نضيع زهرة شبابنا
  • #38
    10-14-2009 10:22 صباحًا matarh :
    احمد المك يستاهل لانه اكتشفها وقدمها لنجوم الغد يعنى هو السبب فى ظهورها للوهم البكتبوا فى الكلام الفارغ وبلاش شماتة خليكم فى هلال مريخ وشداد ومازدا
  • #39
    10-14-2009 05:50 مساءً ابن نهر النيل :
    الف مبروك
    ان شاء الله تكون مك فعلن معها وتنستر ويكفيك عين الحاسدين والحاقدين
  • #40
    10-15-2009 07:14 مساءً ود ابو عريش :
    الله يجازي الكان السبب
    نمشي وين نحن
    عيب لي - منار صديق - عافية حسن - اسرار بابكر -
    الله يوفقكم .
  • #41
    10-15-2009 07:41 مساءً توتة :
    غرتك الفلوس ( دا كان عندو فلوس ) .. ما هاماك شناتو لكن يا ويلك من الله لمن يجن بناتو
  • #42
    10-15-2009 11:02 مساءً أبوبكر خضر :
    ماقالت تزوجته للاستمرار فى الفن الله يسعد سعيد بسعيده
    • #42 - 1
      10-17-2009 08:48 صباحًا abusamek :
      مبروك للعروسين بيت مال وعيال احمد حامد أو المك كما يحلو ان يلقب نفسه من اولاد الخرطوم ثلاثه وبالمناسبة الفتره التي قضاها المك في المريخ 6شهور فقط ولعب جزء من شوط واحد وزامل ابوداوود وجادالله خير السيد وبشرى وهبة وهو اصغر منهم سنا ويبلغ من العمر 59سنة
  • #43
    10-17-2009 09:42 صباحًا مونتي رغلو :
    هووووووووووووووي هااااااااااااا كدى اقيفو لي هي الاولي ولا قبلها في واحده تاني ؟
    ان بقت الاولي حلال علي
    لكن يمين الله كان التانيه وقعت وما سمت وذي ما قالو الجماعه الرزهم محروق ديل عرستو عشان القروش شكلها عايزه تتخارج من حي السجانه الكلو حديد واسمنت ده هههههه
  • #44
    10-17-2009 02:22 مساءً أبو همام :
    ما لكم يا حاقدين الراجل عرس (( بي حقو وسعر السوق)) وربنا يهنيه إن شاء الله ...!!!
    وبالنسبة لي شناتو... قالو الراجل ما يعيبو غير جيبو..؟
    سلاااااااااااااام
  • #45
    10-17-2009 03:02 مساءً مضروب الدنيا :
    تسرية على كل من تشوكش أهدى هذه القصية من مكتبة هيئة حلمنتيش العليا :
    في الليلة ديك
    القصة ذاتها بقت عليك
    يا عبدو وأدوك الشريط
    يوم قولنا ليك
    أنضم معاها وكلّمها
    لكن أبيت تسمع كلامنا
    بقيت لميض
    وقلتَ.. أحسن أكون زولا تقيل
    أنا ما جميل
    باكر بعد باكر
    بكهربها ليك بي نظرة كتيل
    وبقيت تقيل
    لامن سقوك موية الغسيل
    يوم جيت تنطط زي زمان
    وتباري بقعور الشجر
    كايس كراسي الخيزران ..
    وقعدتَ يا زينة الرجال
    كهربجي قال
    رفعوا الستار
    والبت تجي و تمشي و تلف
    مرات تقيف
    ومعاها كان زولاً حريف
    والوقفة كان وقفة ولف
    صاحبنا بالاحساس عرف
    وسألتَ والناس كلّموك
    ملعون أبوك دنيا أم قدد
    بقت البقت
    ووقعتَ في شارع الزلط
    تبكي وتجعّر
    والعيون اتورّمت
    يد القميص.. ضهر القميص.. كم القميص
    حتى الفنيلة اتشرّطت
    يا عبدو عيب
    قوم يلا صلي على الحبيب
    الواطه صبحت داير ننوم
    يا أخوانّا لأ أنا عايز أموت أقع البحر
    يا عبدو عيب
    الدنيا حر .. والموية بتسخّن عليك
    ثلاثة ساعات في الطريق
    وزولنا قاعد يسب ويكيل
    ودموعو سايلات بالكفوف
    وشرايطو تلمع في الكتوف
    بقى فيلسوف
    شي كلام عن الدنيا أم قدود
    وعلاقة بين يوم السبت وعين الحسود
    ومقارنات بين الجمال
    والجهل وسوء الإختيار
    قال شينة قال ...!
    قال شينة قلنا كلام صحيح
    وخطيبها زاتو ولد قبيح
    بس ياخي قوم
    الواطة صبحت .. دايرين ننوم
    قام تاني جاب سيرة البحر
    وقام تااااااااااااااااااني جاب سيرة البحر

    بالمناسبة أنا مكتول ف مونيكا لذلك أرجو عدم الإقتراب والتملس
    • #45 - 1
      01-23-2010 11:36 صباحًا هنادي :
      افراح ماحلوة بس جزابة ومافي داعي للبكي بالصمت دة ربنا اجعلة خلف وسلف
  • #46
    10-17-2009 05:55 مساءً عيساوي :
    احسن الله عزاء الجميع أخوى وليد الملا وربنا يصبرك ويصبر الاخ حسن الرمادى وكيجا وكل محبى أفراح
  • #47
    10-20-2009 11:38 صباحًا ابورفيدة :
    معقولة المك مما معرس قبل كدة وعمرة فوق ال50 افراح عاوز عريس وبس ولا عاوزة شهرة وفلوس واللة مسكينة افراح امكن زوجها بالرجالة والناس الباكيين يبكو بس
  • #48
    10-20-2009 11:49 صباحًا الرحال :
    والله يا افراح نقول شنو لكن الحياة قسمة ونصيب احمد المك استاذ نعم لكن انت شي غيييييييييييييييييييييييييييييييييييييييييييير وبصراحة ما مناسب معااااااااااااااااااااااااااااااااااااك لانك انت تحفة وكثير من يتمناك ويبذل فيك الغالي والنفيس ولكن انت استعجلتي وفى العجلة الندامة وربنا يسعدك ويهنيك وما اظن ذلك وتقبلي حبي وعشقي لك وبانتظار طلاقك منو وانا جاهز نرجو التواصل على العنوان
    • #48 - 1
      10-21-2009 03:02 مساءً اليم :
      سيري وعين الله ترعاك
  • #49
    10-21-2009 01:31 مساءً غربة :
    انــــــــــــــــــــــا لى الله ونـــــــــــا اليهــــــــــــــــــــــى راجعـــــــــــــون الواحــد
    اتغــــــــــــــــــــرب عشـــــــــــــــان المــــــــــــــم قرـــــــــــــــوش واجـــــــى
    اعرســـــــــــ اجــــــــــي زى البـــــــــاقى ليهـــــــــو اسبوع وامـــــــــــــوت
    اختــــــــــــــفة لا نحــــــــــــــنا نلـــــــــم فى بلـــــــــــــح الشــــــــام ولا هو الــم
    فـــــى غنـــــــب اليمــــن
    اهـــــــــــا يا مي عز الدين الدور عليك اعملى حســــــــابك من محمد سليمان
  • #50
    10-22-2009 09:48 صباحًا امين محمد المصطفى :
    بسم الله الرحمن الرحيم
    الف الف مبروك للاستاذ احمد المك بمناسبة زواجة من افراح ----اتمنى من الاخوة الذين يعلقون تعليقات بدائية ان يتنحو عنها واحد يقول ملعون ابو القروش انت ماتعمل قروش فى واحد منعك--وبعدين ان الانسان مسير فى بعض الامور من ربنا سبحانه وتعالى --سؤال مامعنى القسمة
    ج/اختيار ربانى
    والتحية للمشوكشين
  • #51
    10-22-2009 12:51 مساءً منتصر :
    والله حرااااااااااااااااااااااااااااااااااااااااااااااااااام
  • #52
    10-24-2009 11:14 صباحًا ابو مصعب :
    الصابر يعرس لية مرة رآجل ,, قايتو انا صابر 0 كلها كم ,,,,, ووقف حمار الشيخ فى العقبة

    وبعدين حظك يا صـــــــــــــــــــــــــــــــــابر
  • #53
    10-25-2009 10:56 مساءً greenman :
    حليلكم ياناس سركو و كوكو قال أسالوه.. و اهو الجواب بان من عنوانو
  • #54
    10-25-2009 11:00 مساءً blackman :
    افراح الله اصبرك على ابـــــــــــــــــــو صلعـــــــــــــــــــــــــــــــه
  • #55
    10-28-2009 11:47 صباحًا heba :
    قسمه ونصيب
    وبعدين ورتكم السبب شنو؟
  • #56
    10-30-2009 06:41 مساءً kushite :
    المحبين والمتيمين عليهم بالصبر وبدعاء مجنون ليلى:
    دَعَوتُ إِلَهي دَعوَةً مـــــــا جَهِلتَها وَرَبّي بِما تَخفى الصُدورُ بَصيرُ
    لَإِن كانَ يُهدى بَردَ أَنيابِهــا العُلا لِأَفقَرَ مِنّي إِنَّني لَفَقيرُ
    فَقَد شاعَتِ الأَخبارُ أَن قَد تَزَوَّجَت فَهَل يَأتِيَنّي بِالطَلاقِ بَشيرُ
  • #57
    10-31-2009 10:25 مساءً ود الجزيرة :
    انا ما عارف ابدا من وين بس عايز اقول حاجة مهمة حينما توافق واحدة بالزواج من رجل في سن والدها ننظر الي بورتها وانت في كتير من المهوسين بك يعني عندك سوق طالما وافقتي علي انسان كبير في العمر اذن في مشكلة كبيرة بعدين العرس عندنا نحن مرة واحدة زي ما الدنيا مرة واحدة وانا اتنبا بعدم الاستمرارية وربنا يكذي الشينة
  • #58
    11-01-2009 11:57 صباحًا خال باشـــرى :
    الف مبروووووووووووووووووووووك وعقبال
  • #59
    11-02-2009 11:08 مساءً Aboalaraby :
    Congratulation ahmed nd afrah
  • #60
    11-04-2009 08:45 مساءً سودانى شمالى :
    بالجد شىء غريب كيف الواحده بتتزوج راجل عجوز؟و الشباب متواجد؟ والله انا محتار، كيف تحلو الحياة مع هوءلاء العجزه المسنين؟ لو قلنا السبب الفلووووووووس ولو قلنا ملحن ده سبب واه وضعيف ، لكن نرجع نقول دقستى يا الما اتريستى.
أكثر