• ×

09:07 مساءً , الأحد 1 فبراير 2015


عقد قران كريمة الشهيد إبراهيم شمس الدين : الرئيس وكيل العروس وطه وكيلاً للعريس  

زيادة حجم الخط مسح إنقاص حجم الخط
 بمزرعة الحاج بشير محمد عيد بالجريف غرب ، تناول عدد كبير من وجهاء العاصمة وكبار المسؤولين بالدولة وأصدقاء الأسرة ، طعام الغداء بمناسبة عقد قران المهندس محمد حاج بشير على كريمة الشهيد ابراهيم شمس الدين والسيدة الأولى وداد بابكر حرم رئيس الجمهورية . ومساء ذات اليوم الجمعة تم عقد القران في التاسعة مساءاً بالمسرح الخارجي لمعرض الخرطوم الدولي . والعروس (فاطمة ابراهيم شمس الدين) طالبة جامعية تدرس اللغة الصينية ، ويعمل العريس محمد حاج بشير مهندساً وتخرج من الجامعة الإسلامية . وقد عقد القران على يد الشيخ احمد علي الإمام مستشار رئيس الجمهورية لشؤون التاصيل ، وكان وكيل العروس السيد الرئيس عمر البشير ، ووكيل العريس الاستاذ علي عثمان محمد طه ، نائب رئيس الجمهورية . وكان الحضور كبيراً يتقدمه من السادة والقادة السيدين الصادق المهدي ومحمد عثمان الميرغني . وعدد كبير من سفراء ورجالات السلك الدبلوماسي ، الي جانب الوزراء الاتحاديين والولائيين وقادة الحزب والدولة . وكان الحفل الكبير في صالتين منفصلتين في معرض الخرطوم الدولي ، وتخللته اناشيد دينية واغاني حقيبة شدى بها الفناون فرفور والبنا وفرقة الصحوة ، وبحسب صحيفة الوطن يذكر ان الجيرة بالجريف غرب هي التي ربطت منذ فترة طويلة بين الأسرتين الكبيرتين . جعله الله زواجا مباركاً وسعيداً ، وخالص التهاني للأسرتين الكريميتين ،وللسيدة الأولى ولفخامة رئيس الجمهورية والد الجميع .
بواسطة : admin
 23  2  33.1K

التعليقات ( 23 )

الترتيب بـ
الأحدث
الأقدم
الملائم
  • #1
    10-18-2009 10:26 صباحًا الرباطابي :
    كنا حضوراً في هذه المناسبة اذ تربطنا بالعريس المهندس محمد حاج بشير علاقة الزمالة حيث عملنا مع بعضنا البعض لفترة قاربت السنتان في ولاية الوحدة ضمن مشروع ثارجاث البترولي والتابع لشركة النيل الابيض للبترول.

    محمد رجل كريم واصيل ورباطابي على السكين...وفقه الله في هذه الزيجة المباركة بعون الله
    • #1 - 1
      10-19-2009 05:35 صباحًا مبارك :
      ألف مبروك للعروسين بيت مال و عيال ..........لا محسي لا جعلي لا شايقي لا ربطابي لاجنوبي زي ما قالوا بعض الشباب كلنا من تراب و حنرجع لتراب بس لو كل زول صف نيته وقال أننننننننننننننا سسسسسسسسسسسسسوداني بكل فخر
      صدقوني حنتقدم كثير والشعب السسسسسسس
  • #2
    10-18-2009 11:30 صباحًا abu alsaud :
    يا خي رباطابي ولا فكاكبي في زول سألك من جنسو هسع ما تخلوا القبلية دي وما لنا ومال جنس كلنا من ادم وادم من تراب وانت عارف لاجنس البنية شنواها هم فلاتة جد عن اب
  • #3
    10-18-2009 12:04 مساءً تبيدي :
    السلام عليكم والف الف مبروووووووووووووووووووووووك
    بيت مال وعيال صالحين باذن الله
  • #4
    10-18-2009 12:28 مساءً خالد :
    ده العرس والله جنس وكله حقو المولود الاول يسمو قرار جمهوري وكان بنت يسموها وزارة
  • #5
    10-18-2009 12:29 مساءً فؤاد السبكي :
    بارك الله فيهما ولهما وعليهما ووفقهماواسعدهما في مستقبل حياتهما .. ثم
    يا اخي ابو السعود .. وهل اذا افتخر الانسان باصله في ذلك عيب أو مذمة؟ فالرجل يصف العريس بالسكين اي بكل الصفات الجميلة التي يتحلى بها الرباطاب وليس في ذك عيب والمعنى ان محمد هذا اذا كان من أي قبيلة اخرى سوف يصفه الاخ بتلك الصفات الحميدة لان الصفات صفات محمد وليست صفات غيره فاذا كان محسيا لقال محسي على السكين ولو كان غيره لقال ذلك .. فلا داعي لاثارة النعرة التي أنت نفسك أتيت بها في قولك ان اهل العروس فلاته ابا عن جد وهل في ذلك مذمة؟؟ فالرجل حين اختار عروسه يعلم بها أكثر منك وهو بهذا يلغي الجهوية والقبلية ثم اضيف لك اضافة اخيرة واقول لك بان حاج بشير ليس رباطابي فهو عبادي ولكنه عاش في ارض الرباطاب واصبح جزء منهم..
  • #6
    10-18-2009 12:38 مساءً الرباطابي :
    يا ابو السعود

    وانت في زول سالك من جنس البنية شنو؟؟؟

    قلت فلاتة وجد عن أب!!!!

    وبعدين القبلية وين هنا؟

    ياخي اول زول بيقابلك بيسالك السؤال التقليدي..انت من وين؟ وجنسك شنو؟

    فيها قبلية دي!!!!!!!!!!!!
    و لا خلاص القبيلية بقت يتكلمو فيها للبيسوى وما يسواش





  • #7
    10-18-2009 12:48 مساءً الامير :
    حتى العرس دة ياكافى البلا سيسوه شنو يعنى يكون الوكلاء عمر البشير وعثمان طة. وين أهلهم واقاربهم وين والد العريس وين خال او عم العروس وين مازون وإمام مسجد الجريف
  • #8
    10-18-2009 02:32 مساءً احمد الدنقلاوي :
    الف الف مبروك للعروسين ومع تمنياتنا لهم بحياه زوجية سعيدة وبيت مال وعيال انشاءالله ، ياشباب خلو الحقد والاستهتار دا باركو ليهم وبس - وبعدين مافي فرق بين دا جنسو كدا ودا جنسو كدا كلنا من طين ومافي زول احسن من زول الكمال لله ونعم بالله ، على العموم اكرر التهنئه للعروسين وربنا يحفظكم انشاءالله من الحاقدين والحاسدين
  • #9
    10-18-2009 03:37 مساءً علي محمد :
    وما العيب في الرباطاب الذي جلب لهم هذا الهجوم
  • #10
    10-18-2009 03:56 مساءً kalid :
    تحياتي للعروسين بالمال والبنين يامحمد وفاطمه وربنا يحفظكم
  • #11
    10-18-2009 03:59 مساءً ادريس ابويس :
    مبروك للعروسيين و بيت مال وعيال ودايرين اول مولود ولد ويسمى ابراهيم...
    بقت فى الفتره الاخيره هنالك تعاليق من بعض الاخوه ربنا يصلح حالهم نتمنى ان تكون التعاليق مسئوله ولا تخدش احد فى اشيائه و الله يصلح الحال ...امين.
  • #12
    10-18-2009 05:02 مساءً سمنة :
    (ربا طابى على السكين) كيف يعنى؟
  • #13
    10-18-2009 05:23 مساءً عابد :
    اولا بارك الله لهما وجمع بينهما كل خير يا جماعة انتم مسحوريين نحن وصلنا لشيء غير مقبول نرجو من الجميع محاسبة النفس كلكم لادم وادم من تراب الموضوع خبر يعني يا تبارك يا تترك الخبر لا احد ينكر البطل الهمام القائد الفز العقيد ابراهيم شمس الدين ضحى بكل ما يملك وبعد وفاته لن نسمع بان لديه شركة ولا فلل هؤلاء واجب علينا ذكرهم بالخير --
  • #14
    10-18-2009 06:40 مساءً الربط :
    الرباطاب في واحد عندة راي فيهم الراجل يظهر ويقولها وتبقي قبيلة الرباطاب من اشرف القبائل مبروك العرس وبيت مال وعيال
  • #15
    10-18-2009 10:10 مساءً mohd :
    how chinese langauge -is it studying in sudan or in china !!!1
  • #16
    10-18-2009 10:19 مساءً بن جحران :
    بس نقول ألف مبروك وبيت مال وعيال ولا يهمنا من هو محمد

    لكن وين أبوه ، وين عمه ، طيب أخوه ، ونفس الحكاية علي البنت فاطمة
    ولى هذه السياسة الله يعلعنها
  • #17
    10-18-2009 10:58 مساءً hashim :
    For the record her dad was the most worth human god created
  • #18
    10-19-2009 12:16 صباحًا ود دار جعل :
    مبروك محمد الرباطاب قبيله عربيه عزيزه ما فيها كلام لاكن الكلام دا جابتو السياسه ابو السعود معزور ما عندو شك فى الرباطاب لاكن الشعب السودانى كره سيره الكيزان الملاعين رحم الله ابن العم الشهيد ابراهيم الذى تمت تصفيته من قبل ملاعين الجبهه
  • #19
    10-19-2009 04:50 صباحًا Husham :
    Mubrrrrrrrrrrrrrrok 1000
  • #20
    10-19-2009 06:17 صباحًا ودالبلد :
    الشعب السوداني حيستفيد بشنو من الزواج ده .دي حاجة بتخص الأسرتين وبعدين ايه حكاية السيدة الأولي د ي ومين العينها في المنصب ده وهل في لاسلام في حاجة اسمها السيدة الأولى. ياناس توبوا الى الله.الآف من السودانينين بتزوجوا وما في زول جايب خبرهم . لعن له لسلطة وفتنتها.قال السيدة لأولى قال. ياحليل الأزهري وعبدالله خليل وعبود والجيل المحترم من قادتنا .عمرهم ما فرضوا زوجاتهم على الحياةالعامة الى أن تركواالسلطة
  • #21
    10-26-2009 02:43 مساءً السودانييون :
    الله يرحم ابوها ,بس هو مهندس وين؟ والمال كم؟ وح يسكنوا وين؟ووين اهلهم واعمامها هي واخوالها؟ ولا عشان ربيبة الرئيس .الشباب السوداني يموت كمد




    المهندس ما لاقي شغل والاشتغل ما لاقي يعرس غايتو الرئيس ده مسئوليته كبيرة قدام ربنا
  • #22
    11-09-2009 02:43 مساءً سالم :
    أهنئ العروسين وأقول ليهم مبارك الزواج
    تانيا الرئيس عمر البشير رجل والرجال قليل ولو عندو زمن كان بحضر اى عرس يوجه ليه الدعوة ومرة كان فى عقد فى مسجد الشهيد بعد صلاة العصر وكان الرئيس موجود كاى واحد من المصلين ولما الامام اعلن انو هناك عقد زواج لم يذهب الرئيس بل حضر حتى نهاية مراسم العقد وانصرف دة زول ودناس مش كدة
  • #23
    11-16-2009 08:32 مساءً أبو أمامه :
    ايش دخل الرباطاب في هذا الزواج وطيب البنت مو جعليه يعني أول مره يحصل واحد رباطابي يتزوج من جعليه أو العكس