• ×

03:30 صباحًا , السبت 28 فبراير 2015


ترباس : حنان بلوبلو ثروة قومية يجب الحفاظ عليها ومنعها من الهجرة  

زيادة حجم الخط مسح إنقاص حجم الخط
 قال الفنان كمال ترباس ان المطربة حنان بلوبلو تعد بمثابة ثروة قومية يجب الحفاظ عليها ، مشيراً الي ان قرار هجرتها يجب ان يكون محل اهتمام الجميع ، مؤكداً ان بلوبلو ليس فنانة فقط انما هي انسانة اجتمعت فيها كل الصفات النبيلة . لافتاً الانتباه الي اعمالها الانسانية التي تقوم بها بعيداً عن العين . وقال ترباس في حديثه : يجب ان نعلم ماهي الاسباب التي جعلت حنان تفكر بالهجرة ، حتى نقوم بحلها ونمنعها من الهجرة ، حتى لانفقد اول فنانة أدخلت فن الاستعراض . وبحسب صحيفة فنون ختم ترباس حديثه بتوجيه رسالة الي الدكتور عبد القادر سالم طالب من خلالها الجلوس مع الفنانة حنان بلوبلو بوصفها احد اعضاء الاتحاد لمعرفة اسباب التي دعتها الي نية الهجرة .
بواسطة : admin
 16  0  2.7K

التعليقات ( 16 )

الترتيب بـ
الأحدث
الأقدم
الملائم
  • #1
    06-06-2010 10:58 صباحًا shosho :
    هسى ترباس راضى عنها بعد شوية بقبل عليها !!!! و خليها يمكن تابت و ماشة الحرم تكفر و تكسب بعض الحسنات ...
  • #2
    06-06-2010 11:12 صباحًا ذكــــرى إنسان :
    ثــــروة قومــــية ..؟؟!!

    تكون مناجم ذهب من البترديه انت ونحن ماعارفين؟

    ولا ثروة قومية علشان قدمت الفن الاستعراضي زي مابتقول حضرتك؟

    انا اصلا شايف انت وهي يدوكم تزكره one way وتتوكلو علشان مامحتاجين ثروات قومية حسب مواصفاتك..

    مافاضل الا انك تقول حنان بلوبلو هذه نهر النيل ولو هاجرت السودان حيعطش..

    كلا غريب بالجد..
  • #3
    06-06-2010 11:26 صباحًا ود الدخري :
    امد الله في عمرك يا كيمو
    حب لكل الفانين علي كل اعمارهم ومستوياته الفنية وقبولك لهم
    اعطاك حب ان لم اقل كل السودانين فهم كثر واصل في طريقك
    اما حنو فهي
    لاتستحق منا كل ذلكولا تستحق حب السودانين لانها ببساطة ناكرة
    ولكي ودي
  • #4
    06-06-2010 11:32 صباحًا ودالنيل :
    هو بالله حنان بلوبلو دي لي هسع بتغني ؟؟ نحن نسمع فيها منذ الثمانينات ما كفاها غنى اخير تعتزل او تهاجر ..
    بعدين ترباس انت مالك ومال بلوبلو .. دي تاني مابتاكل عيش مع ندى القلعة وايمان لندن ومونيكا .. نصيحتي ليك ياترباس ابعد عن الفنانات وشوف طريقك وين مش تعمل لي فيها حنين ووفي ومخلص ؟؟ اشطر منك في
  • #5
    06-06-2010 11:40 صباحًا ابو اسراء :
    يا كمال ترباس انت فنان كبير وتعرف ما هي الثروة القومية . حنان بلوبلو لا تملك اي مقومات مطربة و صوتها غير مجاز وممنوعة من الفضائيات السودانية لانها اصلا لم تكن ولا يمكن ان تكون مطربة خليك من ان تكون ثروة قومية .لو انت تعتبرها كذلك . اذا ما هو تقيمك لي مني الخير وعائش الفلاتية وحواء الطقطاقة . لا تقيم فنان بحكم علاقتك الشخصية به بل قيمه باعماله ومكانتة الفنية في الوسط السوداني . وحنان بلوبلو عندما قررت تترك السودان خير ما فعلت لانها تعرف بان الزوق السوداني لا يجامل ولا يرحم ومن تريد ان تكون مطربة ان تجتهد وتتعب وتتثقف وتدرس الفن ويجاز صوتها و تكون لها قاعدة فنية تعتمد عليها وتدفعها الي الامام .هل تعرف يا ترباس اغنية واحده لي حنان بلوبلو مجازة ومسجلة باسمها .
  • #6
    06-06-2010 11:46 صباحًا نبيل :
    قشة ما تعتر ليكي ..... ثروة شنو بالله دي نقمة على الوطن تمشي ما ترجع
    دي مفترض يدوها قروش عشان تطلع قال ثروة قال ؟؟؟؟ لله في خلقة شؤون
  • #7
    06-06-2010 12:14 مساءً عصام الدين :
    فالتذهب إلى أي مكان تشاء غير مأسوف عليها يا ترباس ما هذا الذي تقوله واحدة ما عايزاكم إنتوا عايزنها ؟؟؟؟؟ بالله عليكم يا ناس إتفرجوا وقال كمان :- وبحسب صحيفة فنون ختم ترباس حديثه بتوجيه رسالة الي الدكتور عبد القادر سالم طالب من خلالها الجلوس مع الفنانة حنان بلوبلو ...
    بالله عليكم يا ناس خلونا من حنان بلوبلو ( خلوها تسافر دون رجعة ) وما فائدتها ؟؟؟؟؟؟؟؟؟؟؟؟؟؟؟؟؟؟؟؟؟
  • #8
    06-06-2010 12:21 مساءً ترهاقا :
    ياريت أنت كمان تلحقه
  • #9
    06-06-2010 01:33 مساءً ابو عادل :
    يا ريتها تركب قطر عجيب وتكون انت السواق عشان تصل قبلها
  • #10
    06-06-2010 04:12 مساءً alropy :
    سلامة نظرك يا ترباس ده شنو كسير التلتج ده حنان بلوبلو ثروه وله جروه .. اين الفن يا ترباس هاك المصالح ده . .
  • #11
    06-06-2010 04:53 مساءً حسن عبداللطيف :
    الثروات القومية فى الطب والهندسة والادارة .. هاجرت من زمان ... ومافى زول قال حاجة ... تقوم تقول (حنان بلوبلو) ارحمنا بسكوتك افضل لنا ولك ولها .. ما ناقصين هم ... يا سى ترباس خلاص عزبتنا
  • #12
    06-06-2010 08:42 مساءً سوداني :
    يعني افضل من اناث الابل البتهرب لمصر
  • #13
    06-06-2010 10:11 مساءً ابو عبدالرحيم :
    سبحان الله . والله كل يوم نسمع كلام عجيب وما خفى اعظم . ترباس وكل الفناننين صغيرهم وكبيرهم . ما عدا حنان النيل ومحمد النصرى فى قطار فى اعلا مرتفعات الهملايا وسايقه ...................... بسرعة 180 كلم فى الساعة والنتيجة معروفة . ما لين القنوات تنظير وفى ارض الواقع مافى اى حاجة ملموسة ( الفنانين و السياسين ولعبية الكورة وادارى الاندية ) اليسمعكم يقول نحن احسن بلد فى العالم . ارحمونا
  • #14
    06-06-2010 11:35 مساءً بوب م 2009 :
    التعليم نعمة يا ترباس وصحيح متربس
  • #15
    06-07-2010 09:51 صباحًا أبو علا :
    حنان بلوبلو اصوله حبشية وترباس له جذور حبشية وابنة ترباس رنا درست معانا. وكنا بنقول ليها بتشبهي الحبش بتقول اصلا انا جذوري حبشية.
    ويا نقاص ترباس عفوا كمال ترباس ، تربس الله وجهك في النار والله العظيم ولاهي ولا انت بعيدين كل البعد عن الفن السوداني الاصيل، لذا نطلب منكم شئ واحد ياترباس بان تتركو الفن وانت ياترباس كمان اترك التكبر الفاضي حقك دا.
  • #16
    06-07-2010 12:20 مساءً الجزولي59 :
    يبدو لي كمال ترباس مابعرف معني ثروة قومية
    جلست اوسافرت (حمادة مع السلامة)