النيلين .. بوابة شاملة

تفاصيل الإعلان

جديد الأخبار

 

  تفاصيل




جديد الصور

الأخبار
منوعات
طالبات جامعة الخرطوم يتظاهرن من أجل التي شيرت
طالبات جامعة الخرطوم يتظاهرن من أجل التي شيرت
04-02-2009 09:58 AM
حقاً تحرسوا ولا يجيك ، حقك تلاوي وتقلعوا .. بهذه العبارة ارتفعت اصوات بعض طالبات جامعه الخرطوم أمس بالهتاف وهن يتجولن حول الجامعة معترضات على قرارات الحرس الجامعي بمنع الطالبات من إرتداء (التي شيرتات) التي تعتبر من الملابس التي منعت في لائحة قوانين الجامعة . وذكرت بعض الطالبات ان مظاهرتهن ايضا اعتراضاً على قرار منع الطالبات من الدخول الي الحرم الجامعي بعد الساعة السادسة مساء ، فضلا عما وصفنه بالمعاملة القاسية التي قلن ان الطالبات يواجهنها من ( المرابطات) . واكتملت تظاهرة الطالبات بـ(ركن نقاش) رفعت فيه الشعارات المعارضة للقرارات في مبادرة من الطالبات والتي تقول (من حقي ان اتعلم دون تمييز ، ومن حقي ان تحفظ كرامتي داخل الجامعة ، ومن حقي الدخول الي جامعتي). من جهتها إستنكرت رئيسة إتحاد طلاب جامعة الخرطوم السابقة ولاء صلاح القرارات ووصفتها بانها غير موضوعية ، مؤكدة ان الجامعة مؤسسة تعليمية وليست تربوية تحدد للطلاب ما يرتدونه من ازياء ، ووصفت الطلاب بانهم ناضجين لا يحدد لهم احد ما يفعلون. وقالت رئيسة الاتحاد ان تحديد زمن بقاء الطالبات في الجامعة يعيق طالبات الداخليات في المذاكرة والاستفادة من المكتبات ، وبحسب صحيفة حكايات قدمت قائمة بأسماء طالبات من مختلف كليات مجمع الوسط يعارضن القرار اتفقن على رفع مذكرة لمدير الجامعة .

وظائف النيلين ..سجل سيرتك الذاتية واحصل على وظيفتك من هنا .. مئات الوظائف في إنتظارك


أعلن في النيلين
 

تعليقات 60 | إهداء 6 | زيارات 46365



خدمات المحتوى


صفحة 1 من 3123>
التعليقات
#16902 Saudi Arabia [أبو عبد الله]
1.00/5 (2 صوت)

04-02-2009 10:17 AM
من حقنا نحن الرجال أن لا تبلوس تي شيرت لأنكم سوف تثيروننا ونحن لانرضى الإثارة


وبعد الإثارة سوف تكون أمور لا يحمد عقباها من أغتصاب و.....


أرجو من أولياء الأمور أن ينتبهو لبناتهم ويأمروهم بالحجاب الشرعي لأن المسؤولية عامة وأطلب من شرطة أمن المجتمع أن تمنع هذا التبرج والسفور لأننا كلنا في سفينة إن لم نمنع هؤلاء المتبرجات من السفور والتبرج كأننا تركناهم يخرقوا المركب وإذا خرقت المركت سوف تغرق ونحن جميعاً سوف نغرق والسودان سوف يدمر


إن الأمم الأخلاق ما بقيت *** فإن هم ذهبت أخلاقهم ذهبوا



اللهم أهدنا وأهدي شبابنا وفتياتنا ونساءنا وأن لا تؤاخنا بما فعل السفاء منا



#16903 Sudan [مدثر موسي]
1.88/5 (4 صوت)

04-02-2009 10:22 AM
إحتاج.. أو مظاهرة.. دى كلام فارغ.. يا جماعة الجماعة عبارة عن فساد.. فساد.. أقولها بكل صراحة وأنا أتمنى أن يحضروا كل أولياء الأمور إلى الجامعة ليروا ما يقومون بهم بناتهم .. أنا أضم صوتي للحرس الجامعي بشدة وأقول لهم الرجاء منكم التشديد..التشديد..التشديد.. وديل بنات مراهقات وصابعات وما عندهم مسؤولية.. ويريدون أي شئ على هواهم ونقول لهم نحنا دولة إسلامية وعندنا عادات وتقاليد لا نسمح بالتعدي عليها ( قال.. تي شيرت.. قال)
مدثر موسي
جامعة الخرطوم


#16907 Qatar [ســــوداني]
1.88/5 (4 صوت)

04-02-2009 10:33 AM


يا ستــار يا ساتر العيب أرحمنا وألطف بنا

والله انا خايف بكره يقولن عايزات يدخلن الجامعة بالبكيني


#16908 Sudan [ود ابوزيد]
2.00/5 (4 صوت)

04-02-2009 10:35 AM
بطلو حركات يابنات واحتشموا التشيرتات دي البسوها في بيوتكم نحن شعب محترم ودايرين نكون محترمين


#16910 Saudi Arabia [حــســن الــســجـان]
2.00/5 (4 صوت)

04-02-2009 10:40 AM
وعــجــبـي الـبــنـات فـي بـلاد أخـــري يـمــنـعـن مــن دخـول الـجـامـعـات لانــهــن مــحـــجـبـات وفـي وطـنـي يـرغــبـن فـي إظـهـار زيــنــتـهــن سـبـحـان الـلـه


#16911 Sudan [العباس]
1.75/5 (3 صوت)

04-02-2009 10:41 AM
القرار مائه مائه ظاهره الملابس التى يطلق عليه التى شيرت والبوطى والطونيك وكثير من اسماء الملابس الفاضحه مثل اديني حقنه وكشف رقم وحتي الاولد بقت الحكايه جايطه ماتعرف الولد من البت وين السروال وين التوب وينالعبايه والعبايه دي موضوع تاني ..................ياريد القرار يطبق بسرع وقت بزي الموحد لكل الجامعت


#16920 United Arab Emirates [أيمن مصطفي - العفاض- أبوظبي]
1.88/5 (5 صوت)

04-02-2009 11:17 AM
والله دا قرار صائب مية المية

والله سبب البلاوي النازلة علينا في السودان كلو بي سبب التخلع والتكشف والتعري للبنات

ياريت القرار دا يتطبق في الاهلية بؤرة الفساد وبقية الجامعات التي أصبحت مجمع للعاريات


اللهم أسترنا وأستر بناتنا



ودام السودان بالخير والرخاء والعفة


ردود على أيمن مصطفي - العفاض- أبوظبي
United Arab Emirates [عفاف الصادق بابكر] 04-02-2009 12:04 PM
انا معاك يا إيمن مصطفي يجب ان يعم القرار كل الجامعات حتى لا تدخل بناتنا في قاعدة الشواز - وأبشر لانك من العفاض

بت العفافيض - دبي


#16921 Sudan [مدثر ود عطبرة]
1.00/5 (2 صوت)

04-02-2009 11:18 AM
اعتقد انها خطوة ممتازة من الحرس الجامعى يجب ان يعمم قرار مماثل يشمل كل الجامعات والكليات ودور العلم لانها للتحصيل العلمى وليست لعرض الازياء وعلى اولياء الامور متابعة بناتهن واعتقد ان ما حصل من مظاهرات من قلة من اللاتى يردن العبث بشاعر الطلاب ولايمثلن غير انفسهن لاينبغى ان يؤثر على تطبيق قرار الاغلبية من المحتشمات اللاتى انما خرجن من اسرهن للعلم والتحصيل . شكرا للمرابطات


#16936 Saudi Arabia [النصيح حديدو]
3.22/5 (6 صوت)

04-02-2009 12:25 PM
أرجو ان تسود مثل هذه القرارات ايضا بعض فئات المجتمع السوداني، حتى يعود للشارع احترامه وحرمته \"أن الله يعزع بالسلطان ما لا يزع بالقرآن\"


#16937 Saudi Arabia [Abuelmegdad]
2.00/5 (4 صوت)

04-02-2009 12:36 PM
ردا على كلام رئيسة الاتحاد السابقة أن الجامعة للتعليم وليست للتربية.. هذا الكلام لأناس جايين متربيين في المراحل السابقة وليست هنالك حاجة لتربيتهم مرة أخرى لكن ما نلحظه في جامعة الخرطوم بالذات و الجامعات المختلطة الأخرى أن البنات الجايات متربيات من المراحل السابقة ومن بيوتهن للأسف تفسدهن الجامعة ويصبحن في حاجة ماسة للتربية مرة أخرى.. للأسف البنات لا يبالين ولا تخيفهن تساقطات العديد منهن.. وعلى إدارة الجامعة وحرسها الهمام الضرب بيد من حديد على كل من تسول لها نفسها كسر هذا القرار.. يجب أن تحموا عروض بناتنا وأخواتنا والله سائلكم لا محالة عن هذا الأمر.. أما حديثي لبناتنا فأقرن يا بنات.. أقرن فإن الجامعات لم تقام إلا للتعليم وليس للمنظرة ونشر الأنوثة وإشباع الغرائز .. وارفقن بأنفسكن و بأخواتكن.. فقد قال النبي صلى الله عليه وسلم رفقا بالقوارير وقال إن العين لتزني وزناؤها النظر ...الخ وقال إذا ما خرجت المراة استشرفها الشيطان.. وقال من تعطرت وخرجت حتى يجد الرجال من عطرها فهي زانية حتى تعود.. اللهم احفظ أعراض السودانيين وبنات السودانيين وجنبنا كل الشرور ما ظهر منها وما بطن.


#16939 Sudan [ريم]
1.75/5 (4 صوت)

04-02-2009 12:43 PM
شايفة التعاليق كلها شباب اولا انا لست محجبة حجاب كامل لكن محترمة نفسي في لبسي والحمدلله ... بس انا كفتاة اوافق هذا الرأي بجد الجامعات والشارع العام اصبح مهزلة للقيم السودانية والبنات اصبحو لا حياء لهم ولا يبالين باي شي والواحدة بتكون مبسوطة لما يكون ضهرها فاتح بسبب التيشيرت القصير وما خفي اعظم ... ياريت النظام العام يمنع هذا الانحلال وياريت الجامعات توحد اللبس .. ابليس هو اول من دعا الى التكشف فكيف تكون سنته حضارة ... يارب احفظنا


ردود على ريم
Saudi Arabia [هاشم سلمان ودأم سنيطة] 04-02-2009 11:07 PM
احيك ياريم أنت أصيلة وياليت كل البنات يحزوا حزوك والأخت البتقول الجامعة للتعليم وليست التربية بفول ليها القم مابذيل بلم البنات دى عاوزات فرمطة من جديد والائى يلبس الضيق المحزق يعتبرن أن الشباب يتبسطوا منهن وسوف يخطبوهن وللكن العكس يلعبون بهن ويقضوا نزواته


#16945 Saudi Arabia [waeldino]
1.00/5 (2 صوت)

04-02-2009 01:10 PM
قرار حلو خالص والله اذا عملو رحس للشوارع برضو كويس في كل راس شارع حرس واي واحدة كاشفه ظهرها يدوها ظعطه في ظهرها


#16951 United Arab Emirates [أبوعلي]
2.00/5 (3 صوت)

04-02-2009 01:32 PM
ياريت والله لو اصبح الزي الجامعى موحد للطلاب بمنطال اسود وقميص ابيض مع رطة عنق للطلاب مع وضع شعار الجامعة علي صدر الطالب وبنطال ازرق وبالطو عنابى مع قميص زهرى ورطة عنق للطالبات مع وضع شعار الجامعة على الصدر والله يحب المحسنين.


#16965 Sudan [الزعيم]
1.00/5 (2 صوت)

04-02-2009 03:27 PM
الناس فى شنو؟ وديل فى شنو؟والله ماعندهن موضوع


#16968 Sudan [محمد ابوقصيصه]
1.75/5 (4 صوت)

04-02-2009 03:59 PM
يا بنات هوووى انقرعن وارعن فى قيدكن انتو بس دايرات سبب عشان تهيجن وتعملن شغب

فى مثل بيقول اكان داير تظهر البس احمر وبنات التى شيرتات ديل دايرات يظهرن ساكت

كدى اى واحده فيكن وهى مارقه على الجامعه تسأل ابوها ولا اخوها هل اللبس اللابساهو ده محترم ولا لاه واخدو بي نصيحتم وانا متاكد انو مافى حد بيرضى لبناتو يكونن ما محترمات

ربنا يحفظنا ويحفظ بناتنا وبنات المسلمين من كل سوء


#16978 Qatar [الشامى الباشا]
2.00/5 (3 صوت)

04-02-2009 05:42 PM
طبعاً هن بيعتبروا انة دا انقص من حقوقهن لكن انا بقول ليهم دى قلت ادب وتفاهة لانو كلنا شفنا اللبس يعنى البنت تظهر كل جسمها وصدرها بصورة مفصلة ودا كلام عيب شديد يعنى انا مع هذا القرار مية المية ويجب تعميمة فى كل الجامعات والاماكن العامة لانو اذا كانوا فى ابهات ماعرفو يربو بناتم احسن الشارع يربي ليهم لانو كثير من الاباء والامهات بالذات اصبحو يعتبرون ان ذلك اللبس الفاضح والتافة نوع من الحضارة والمدنية وطبعاً دا جهل وغباء ، لذلك مية المية ودا كلام صاح يعنى بالواضح البنات ديل دايرين يكونو مطلوقات كدا بلا رقيب او حسيب ، لانو الجامعه مفروض تكون مصدر وعى وقدوة للمحتمع لكن بناتنا بالعكس يتأثروا بالسواقط من المجتمع سبحان الله ، والله الجامعات بل ان تكون للعلم والتعلم اصبحت منتزهات وانا شخصياً لو عندى بنت ممكن 90% امنعها من الجامعه لانو احسن تكون بنت مهذبة ومامتعلمة ممما تكون متعلمة ولكنها فقدت كثيراً من الاخلاقيات الكريمة ، وانا شايف احسن يفصلوا جامعات البنات من الاولاد نهائياً فى كل الجامعات . وانا شخصياً دارس قانون وعامل ماجستير فى القانون عشان ما فى واحد من المتصفحين يقول فاقد الشئ لايعطية فهمتو . وانا متخرج سنة 2000 وزمنا والله رغم انو الفترة قريبة لكن كان البنات لبسهم مهذب وراقى وجميل جداً رغم بعض الفلتات . عكس اليوم


#16988 Saudi Arabia [الدباسي]
2.00/5 (4 صوت)

04-02-2009 08:03 PM
ياء اخوات اهلكم في انتظاركم للوظيفة بعد التعليم وهم دافعين دم قلوبهم لكي تتعلمن وليس لتعملن عارضات ازياء داخل حرم الجامعات بعيداً عنهم ......
كفاية ثقافة وعدن لاصلكن ؟؟؟؟؟


#16993 Saudi Arabia [الكـــــــــــلس]
1.00/5 (2 صوت)

04-02-2009 09:34 PM
والله يا حليل حـــــــــريم وبنـــــــــوت زمان الســــــــــتره والعــــــــفه كاســــياهن .... لكن ناس قريعتي راحت ديـــــل الله يكون في عونن والله حبـــــــــــوبتي زمــــــــان وصتـــني قالت لي البــــــــــــت افجخه بصـــــــله قبـــــــال ما تبـــــــقي اصــــــله .. بس انا بقــــــــول ليها الاصــــــــله ياتا يا حبوبه ديـــــل بقن تنــــــــين


#16994 Sudan [اسامه محمدعمر]
2.00/5 (3 صوت)

04-02-2009 09:37 PM
مهما كنت ناضجة فى النهاية انت بنت مسلمة ويجب عليكى بان تنقادى الى توجيهات الجامعة لان ادارة جامعتك هى الادرة بمصلحتك اذا كنتى مسلمة حقا اما اذا كنتى تريدين تتبعى الشيطان والهواء فهذا ليس مكانه اسال الله ان يهديكن اخواتى الطلبات وانتن قدوة لغيركن اطيعن الله ورسوله ص


#16998 Sudan [نهى]
1.32/5 (5 صوت)

04-02-2009 10:24 PM
والله مفروض نحنا نعمل مظاهرات تنادى بمنع اللبس الفاضح والكاشف والضيق الفى الجامعات لان الجامعة مكان للدراسة مش للبس والقعاد للساعة ستة وعشرة بلا سبب فى الجامعةلكن يا جماعة الاخطر والماعرفينو اهل البنات ديل المرسلنهم من اخر البلد للقرايةاقول ليهم بس تعالوا براكم واقيفوا جنب الداخلية وشوفوا بناتكم الرسلتوهم للقراية هاك يا عربات ومرقات بالمساء والله شوف عينى البنات جنب الداخلية قبل مواعيد الليت كل واحدة نازلة من عربيةشكل والكلام دا قريب الساعة تسعة مساء وقال شنو ؟يقروا قال!!!!!!!!!!!!


#16999 Saudi Arabia [هاشم سلمان ودأم سنيطة]
1.63/5 (4 صوت)

04-02-2009 10:58 PM
رحم الله د/مجذوب الخليفة عندما منع عمل المراة غى السوق وتوحيد الزى الجامعى قامت الدنيا ولم تقعد الأن الاتى تظاهرن بالجامعة هن يردن العرى والتفسخ والأنحلال واغراء الشباب واثارة غرائزهم حتى يقعوا فى الرزيلة جميعا قاتلهم الله الذين يؤيدوهن فى الظاهر والطابور الخامس بلاش فضائح وقلت ادب بابنات لاتسئن للجامعة التى خرجت الافزاز الذين حرروا السودان من المستعمر وانتن تردن بام الحرية والحضارة ان تهتكن الدين والأخلاق الحمبدة ومن هنا أقول لكل من تظاهرت من البنات للأسف غير مربية وساقطة فاليذهبن لى الجحيم ومن يقف خلفهن وأخيرا أحى الجامعة فى هذا القرار الصائب والأخوان بالحرس الحامعى لتنفيذه وياريت أن يوحد الزى الجامعى بين الجنسين ولا تكترسوا لتظاهرة هؤلاء المراهقات


#17003 Egypt [ليل ام در]
1.75/5 (4 صوت)

04-03-2009 01:06 AM
شباب كدى نهدء ونشوف الحاصل بالضط شنو ؟
انا بتمنى يا بناتنا والله انتو اخواتنا وكل شى ونحن ما بنرضى ليكم برضو ولا بنرضى فيكم وبنحبكم كلكم والله
ويعجبنى فيكم الاحترام
فوالله بأمانة حتت التبرج دى انا شخصيا ما موافق عليها اذا كنتو تقصدوهااا عشان تظهرن بعض المفاتن وكدة
بقول ليكم والله انتو لو الواحدة شافت نفسها هى عريانا او شبة عريانا ما اظن تفعل كدة لانو جد حتت العرى دى ما سليمة من ناحية ادب وزوق واخلاق يعنى
اتمنى والله تنظرو للحتة دى من غير نقاشات او افتعال مشاكل ونحن فى غنا عن اشياء زى دى اتمنى صوت العقل والحكمة يتسيدو الموفق

وشكرا ..........................

ليل ام در


#17006 Saudi Arabia [عزام عنتر]
1.75/5 (4 صوت)

04-03-2009 02:19 AM
اللهم أسترنا واستر ولايانا العيب مامنكن العيب من البيت البتطلعن منو بالتيشيرت أين الحياء ولا علم بدون حياء والتحية للحرس الجامعى سدد الله خطاه


#17011 China [خالد]
1.00/5 (2 صوت)

04-03-2009 05:43 AM
الحكاية دي ما تشيرت نحن ما قرينا الجامعة قبلكم .... ماتخموا الطلبة ساكت وروهم ان البحصل دا سياسة ..


#17012 Saudi Arabia [shams867]
1.38/5 (4 صوت)

04-03-2009 06:28 AM
ليع الهجوم الشديد ده على البنات من حقهم يلبسو الحاجه
البتعجبهم طالما اللبس ده طالعه بيهو من بيتها يبقى ابوها واخوها وامها
راضين ثم المشكلة مافيهم المشكلة في الاولاد استغفرالله الولد تشوفو من وراء تفتكرو بنت اها ديل اول حاجه نشوف ليهم حل بعدين نفكر في لبس البنات


صفحة 1 من 3123>
تقييم
2.00/10 (3804 صوت)

 

الاكثر تفاعلاً/ق/ش

الاكثر إهداءً/ق/ش

الاكثر مشاهدةً/ق

الاكثر مشاهدةً/ق/ش

الاكثر تفاعلاً/ش

الاكثر إهداءً/ش

الاكثر مشاهدةً/ش

الاكثر تفاعلاً/ق

Powered by Dimofinf cms Version 3.0.0
Copyright© Dimensions Of Information Inc.