• ×

04:19 صباحًا , الأربعاء 28 يناير 2015


تسابيح على النيل الأزرق من جديد - صور  

زيادة حجم الخط مسح إنقاص حجم الخط
 عادت المذيعة الشابة تسابيح مبارك خاطر للإطلالة من جديد على شاشة قناة النيل الأزرق الفضائية بعد فترة ليست بالقصيرة تعاونت خلالها مع قناة (زول) تعاوناً محدوداً عبر برنامج واحد بالإضافة لعملها باذاعة (مانقو) لتنشغل من بعد ذلك بمراسلة برنامج (صباح الخير ياعرب) الذي يبث على شاشة قناة (ام بي سي) الفضائية . عودة تسابيح للنيل الازرق في هذا التوقيت تحديداً وبعد فك تشفير القناة وزيادة ساعات البث تمثل فرصة جيدة لإستعادة اراضيها على (البلو نايل) وتقديم نفسها بشكل مختلف وعبر إطلالة مغايرة خاصة وأنها تمتاز بحضور طاغ وعفوية ومقدرة على ادارة دفة الحوارات بتلقائية وحيوية ، كما ان ملامحها (الفوتوجنيك) تجعلها من أكثر الوجوه التلفزيونية جاذبية .. صحيفة الدار

وتقدم المذيعة تسابيح برنامج حواء النيل على قناة النيل الأزرق:
image

image
 41  2  69.4K

التعليقات ( 41 )

الترتيب بـ
الأحدث
الأقدم
الملائم
  • #1
    04-08-2009 12:08 مساءً أبو عبدالله :



    ((( كما ان ملامحها (الفوتوجنيك) تجعلها من أكثر الوجوه التلفزيونية جاذبية ... )))

    يا حليل عزة السودان الزمان
    • #1 - 1
      08-27-2009 05:05 مساءً سجى :
      اي وحده بتقول انها شينه حااااااااااااااااااااااقده وماعندها موضوع البيت عسل واي بيت بحصل فيهو مشاكل وبجد هي ورشا اضافه جميله في النيل الازرق وانا بحيهم لانهم اضافو نكهه جميله ع البرامج وبطلو الغيره يابنات ياشينات
  • #2
    04-08-2009 12:13 مساءً أبوقرجة :
    حضور طاغ .. تلقائية وعفوية .. وكمان ملامح ( فوتوجينيك ) ؟؟؟؟؟؟؟؟؟؟؟؟!!!!

    ياجماعة إنتو البت دي مالكم شغالين بيها كتير .. ما تخلوها في حالها ...
    • #2 - 1
      04-08-2009 04:28 مساءً خطاب :
      (الفوتو) عرفنا معناها( جنيك) ترجموها لي عشان اقبض بيها الجو
  • #3
    04-08-2009 12:27 مساءً aborayya :
    مذيعة تفتقر للاتكيكيت..احيانا تشك في انه بلها..لديها احيانا طريقة بلدي خالص..فاكرة نفسها شبيهة لهيفا وهبي..وتحاول التشبة بها ف اللوك
  • #4
    04-08-2009 12:52 مساءً ابو وعد :
    اكثر الوجوه التلفزيونية جاذبية هل جاذبية الوجه؟ ام جاذبية تقافية تجعل المشاهد مشدوداً للثقافة العالية ؟ ام الجاذبية في ادارة الحوارات و كيفية استنطاق الضيف و استفزازه لاخراج ما بداخلها ام ماذذذذذذذذذذا ارجو من يضيغ خبرا او من يحب ان يشيد بشئ ان يضغ القارئ او المتلقي في ذهنه فهو بالتأكيد اكثر فطنة و خلونا من الحكي الفاضي و الدعاية و الاعلان من غير مقابل.
  • #5
    04-08-2009 01:17 مساءً أبوقرجة :
    زي روضة الحاج كدة يعني ؟!
  • #6
    04-08-2009 01:28 مساءً النصيح حديدو :
    يا \"أبو قرجة\" ما تلوم المفتونيين بالبنيه دي !! ....لمن تشوف حال مذيعات ومذيعي تلفزيون السودان وتقارن بهذه االمذيعة يحق لينا أن تقول : الطشاش في بلاد العمى .... شوف !!!!!!!!!!!!!
  • #7
    04-08-2009 01:47 مساءً عباس محمد على :
    والله صراحة رائعة وانيقة ومرتبة وجذابة وفعلا وجه تلفزيونى وجدير بالاطلاله
  • #8
    04-08-2009 01:53 مساءً محمد :
    والله البت أموووووووووورة وعسل خلوها فى حالها
    • #8 - 1
      08-08-2009 11:40 صباحًا اسماء :
      ياناس ياعالم ياهوى خلو الناس فى حالةبجى يوم والكلام البتقولو فى الناس حيتقال فيكم وانا عارفة مابترضو فى روحكم
    • #8 - 2
      01-22-2011 03:07 صباحًا عبدالله عابدين :
      انا شخصيا معجب باسلوبها اكثر رغم جمالها الفتان بس تقلل من الميكاب وللامام
  • #9
    04-08-2009 02:01 مساءً عوض :
    عيب كده يا جماعة انتو بتأذوها وبتأذوا اهلها وذويها بهذا الكلام الفاضي والماليهو داعي دا والمسلم من سلم المسلمون من لسانه ويده ، يعني كل واحد يخليها في مكان اخته ، هل ترضون في اخواتكم اي كلمة ، والله بصراحة انا استغرب في ناس يحاولون جرح مشاعر بنت او فتاة ليها اصل وفصل وانسانة بنت ناس، الكلام دا عيب على ود البلد ، وبعدين الناس العايزين يتكلموا ويجرحوا مشاعر الآخرين ، روحوا واتكلموا في البنات الممكن يتقال فيهن زي الكلام دا، ايش عرفكم ان اختكم تسابيح هذه طيبة وبنت بلد وأهلها ناس ناس حارة وفي الكرم روش عديل وهي على خلق ودين وانسانة تحمل في جنباتها كل الحب والود لكل سوداني وهي في النهاية سودانية وبنت بلد ولو استغاثت بأي واحد فيكم في اي مكان سوف يهب لمساعدتها ، الحمد لله هي ما محتاجة لمساعدة احد ، يا جماع لا تجرحوا شعور الآخرين ، واذا كانت هي جميلة فالجمال نعمة من الله ، ومالوا والله جميل ويحب الجمال. انا لست قريبها لكن لا يعجبني هذا الكلام ولا حتى في اي سودانية ، الأنترنت هذا صفحة مفتوحة للبعيد والقريب وللداني والقاصي ويجب ان لا يكتب ويعلق فيه شخص باي كلام إلا ما يرضى الله ورسوله.
    والشئ البتقولوه دا انا مستعد اكاتلكم عليه ، سامعين ولا ما سامعين.
  • #10
    04-08-2009 02:04 مساءً alsnjak :
    والله اكتر واحدة جذابة فى النيل الازرق دا رشا الرشيد فنانة بمعنى الكلمة شنو تسابيح تسابيح تسابيح البلد دى مافيها تماسيح ولا شنو كما ذكر فى الماضى
  • #11
    04-08-2009 02:12 مساءً رفعت :
    حقيقة الطشاش في بلد العمي شوووووووف والبنية دي انا اسمح منها
  • #12
    04-08-2009 02:20 مساءً أبو فوفو :
    نيابة عن المذية المتميزة دائما تسابيح خاطر اسوق الشكر اجزله لمن كتب عنها مدحا او قدحا . فمن كتب عنها مدحا فقد احق الحق وأعطاها ما تستحقه لما تبذله من مجهود وافر لبث الوعي الثقافي والعلمي والإجتماعي في أوساط المجتمع السوداني والعربي والمسلم الذي تابع بإهتمام البرامج الحواريه والثقافيه التي تقدمها تلك المذيعة المتميزه. وكذلك الشكر أجزله لمن نال منها قدحا فقد استبدل سيئاتها بحسناته . وما اردت الذهاب اليه هنا في هذه العجالة أن التميز في الأداء والإتقان والمهنية العالية التي تتمتع بها تلك الشابة السودانية الأصل والملامح والطباع ليست بغريبة عليها فهي ابنة الإذاعي المبدع والمتميز على مر الزمن مبارك علي خاطر وكما يعرف الجميع أن مبارك خاطر لم يدخل في مكان الا وترك بصمته المميزه فيه ، ابتداءا بالأذاعة القومية والتلفزيون القومي وكذلك التلفزيونات الإقليميه . فبدلا من النقد الهدام الذي اعتاد على ممارسته الكثير من رواد هذا المنتدى يجب ان يكون النقد بناءا بما يعدل من مسيرة هؤلاء الشباب حتي ينتجوا لنا ما نستطيع ان نباهي به الأمم الأخري. بالتأكيد سوف يظن الكثيرون ممن يرتادون منتدى النيلين الثقافي ان على معرفة بتسابيح او بوالدها ولكن أقول لهم لا تجتهدوا كثيرا فليست لي بهم معرفة شخصيه ولكنني اعرفهم تماما من خلال اعمالهم واسهاماتهم البناءة في برامج المنوعات والبرامج الثقافية والإخباريه . سيرى الي الأمام ايتها الأذاعية المميزة دون الألتفات الي الوراء وحتي لا تقعي فريسة للنقد الهدام الذي كان سببا في ضياع الكير من المواهب في المجتمع السوداني سواء كانت ثقافيه، فنيه أو اجتماعيه. سيري ابتي الفاضله وعين الله ترعاك .
  • #13
    04-08-2009 03:20 مساءً شبك :
    كما ان ملامحها (الفوتوجنيك) تجعلها من أكثر الوجوه التلفزيونية جاذبية !!!!!

    كاتب الموضوع ما عندو موضوع ...

    خلاص كملت المواضيع في البلد وبقيتو في تسابيح وما عارف منو ... هااا ناس اشغلو نفسكم بحاجة تفيد البلد ... وبطلو الشغل الما فيهو فايدة ... تسابيح إذا ناجحة بتنفع نفسها وبس ... وإذا كان غير ذلك ... فليس لنا أي مصلحة من هذه التراهات التي لا تسمن ولا تغني من جوع ...

    حاجة تحير ....

  • #14
    04-08-2009 03:29 مساءً النصيح حديدو :
    يا \"أبو فوفو\" أنت أعقل من الناس ديل كلهم الفي المنتدى (بمزح معاك) واحترم لرأيك
    ولكن بمناسبة عقلك دا وكتابتك الهادئة دي اسمحي لي ان احكي نكته:
    كان في الحي بت جميله لا يستطيع احد ان يقف امامها ويكلمها ... وكان اخوها \"نجم الدين\" مع شلة الحي (صاحبهم) وصدف يوماً أن تغيب اخوها من الشله ... فرأ الشباب ان هذه فرصة ليذهبوا الى بيت الجميلة ليسألوا عن اخوها ولما تفتح الباب يشوفوها ويستطيع احدهم ان كلمها نيابة عنهم ... فاختاروا لهذه المهمة اعقل واهدأ واحد في المجموعة لهذه المهمة .. فذهبوا وطرق اخونا العاقل الباب علها تفتح الباب ويسألها عن نجم الدين .. وفعلاً فتحت الباب واطلت بكل جمالها والشله متخفية وانبهر اخونا الهادئ بهذا الجمال وتلعثم وقالت مخاطبة اياها : نعم ماذا تريد؟ قال : لها دين النجم موجود؟ قالت له : غير موجود ... فرد عليها : لمن يجئ نقولو ليهو منو؟
  • #15
    04-08-2009 05:35 مساءً ahmed :
    يااخونا الكلام عنها وعلي سماحتة مغارنة بي بنات بلدي الهم اشنة بنات علي البسيطة ماتقولوا لي حرام عليك بلاش عواطف شينات وشينات
  • #16
    04-08-2009 05:40 مساءً السمح :
    والله عاجبانا فيك خلقة الله .. انشاء الله بايارات البلد كلهن بسماحتك عشان يتكايتن يعرسوهن والبورة تطير لييييييييه غادي.

    ما سالناك لسه معرسة ولا مخطوبة ولا شنو ولا شنو ...

    المكسر
  • #17
    04-08-2009 06:44 مساءً mahgoub :
    بعض الذين جعلوا هيفاء وهبى غدوة لهم فى تعليقاتهم ألم تستحوا ؟؟؟
    تسابيح سودانية إساءتها تعنى إساءة أختك وزوجتك وأمك وجميع قريباتك
    لأن هؤلاء أكيد دمهم ليس دم هيفاء وهبى..إلا إن لم تكن سودانى
    أفتكر المعلومة وصلت
    أخى الكريم أكتب وعلق بعقلك ولا تتهور
    أنتقد كما يحلو لك لكن بطريقة منطقية
    إقرأ تعليق أبو فوفو فهو نموذج للعقلاء

    الأخ الذى كتب الطشاش فى بلد العمى شوف ..العمى ديل فيهم أهلنا وأهلك أليس كذلك؟؟
    تمعن جيداً فيما خطت يداك...
    • #17 - 1
      04-12-2009 05:29 مساءً أبو فوفو :
      جزيل شكري وتقديري أخي الفاضل محجوب انار الله عقلك وثبت خطاك واتمنى ان ارى الجميع في هذا المنتدي الجميل ناهجين لنفس الطريق الهادف والنقد البناء الذي يمكن من خلاله ان نبني شبابا ونعدل اوضاعا نريد لها ان تكون انموذجا يحتذى كما هو الحال في كثير من العادات وال
    • #17 - 2
      06-01-2009 12:40 مساءً ابوعبدالله :
      ربنا اهديك يا اختي وينور بصيرتك ولا تسمع كلام امك اسمعي كلام العقل والا تسمعي كلام الجمهور فيهم العاقل وفيهم الغبي وفيهم البضحك عليك وفيهم الفارغ وفيهم همو المغزلة وفيهم السفيه الجمال ما كل شي وما صح الا الصحيح ابوك الباقي ليك
  • #18
    04-08-2009 07:33 مساءً محمد فاروق :
    اللهم اهدي شبابنا وشباب المسلم وردهم إليك رداً جميلاً


    اللهم احفظ نسائنا من التبرج و والسفور


    وأنصح وأذكّر جميع الأخوات بهذا الحديث الصحيح ، الذي رواه مسلم في صحيحه عن النبي

    صلى الله عليه وسلم أنه قال : (... ونساء كاسيات عاريات مائلات مميلات رؤوسهن كأسنمة

    البخت المائلة لا يدخلن الجنة ولا يجدن ريحها ) وهذا وعيد عظيم يجب الحذر مما دل عليه .

    وربنا يهدي الجميع
  • #19
    04-08-2009 09:01 مساءً نهى :
    الف الف الف مبروووووووووووووووك عودتك للنيل الازرق فقدناك كتير فأنتِ اضافة حقيقية للاعلام السودانى
  • #20
    04-08-2009 10:16 مساءً Eyhab :
    يارفعت
    الماشاف البحر تخلعو الترعه. سماحه شنو؟( )
  • #21
    04-09-2009 08:08 صباحًا اوبوملاذ :
    بصراحة سبوحة جميلة واية تعليق غير ذلك حقد واكثرهم متزوجين حريم زى الغنم وبعاشيم وبنت الناس محترمة ورايقة ومثقفة وانت يابو رية ( ابوبطيخ ) بطل حسد والله يحفظفها وهى احلى من صاحبات الجيوب الانفية فى قناة الشروق
  • #22
    04-09-2009 09:15 صباحًا جمال الطيب :
    الى إدارة الموقع ... مشكورين على مجهوداتكم الكبيرة في هذا الموقع ... ولكنكم أحيانا تنزل مواضيع لا فائدة منها ... مش كده وبس بل ربما عاد لكم وذر كل من قدح أو أساءة وجرح أنسانا بعينة .. هذا الموضوع ماهي الفائدة منه؟؟؟؟ لا تتيحو الفرصة لفئة لا تحسن التعامل مع هذه الوسيلة (النت) أطرحوا مواضيع يستفيد منها كل أنسان .. لان قيمة الموضوع تعكس قيمة الموقع.
  • #23
    04-09-2009 09:23 صباحًا shash :
    عفو تعف نساؤكم فى المحرم
  • #24
    04-09-2009 09:46 صباحًا لبرينسى :
    ناس فاضيه ما عندها موضوع
  • #25
    04-09-2009 10:42 صباحًا omerabdalftahmdoy :
    سماحة جمل الطين!!!!!!!!!!!!!!!والله انتوا ماعندكم موضوع(اتزكروا اصلا كانت متوقفة ليه؟)حسبنا الله ونعم الوكيل
  • #26
    04-09-2009 10:58 صباحًا سودانى غيور :
    اتق الله فى حق الغير نسال الله ان تتحجب اذا خافت المراة من جمالها ان تكون فتنة.
  • #27
    04-09-2009 12:57 مساءً mohsen :
    والله مهذبة و جميلة حضور قوي علي الشاشة لايهمنا و لكن من ناحية فنية أعلامية ، لاتملك مؤهلات الاعلامية بالمعني الصحيح لهذه المهنة
  • #28
    04-09-2009 06:27 مساءً بوقرجة :
    حلوة .. حلوة .. نكتتك يالنصيح حديدو

    والله من زمن ما ضحكت زي كده .. إنشاء الله إكون عندنا 100 تسابيح عشان نبتهج ونسمع نكت حلوة زي دي ....
  • #29
    04-11-2009 03:05 مساءً sudan :
    والله انا لقى فك طريقة الا اعرسك واريح البشرية منك
  • #30
    04-13-2009 12:28 صباحًا MNBA :
    she is uglllllllllllllllllllllllllly.....................
  • #31
    04-13-2009 09:09 صباحًا هناء من دبي :
    مرحبا بعودة تسابيح للنيل الازرق الذي فاض فرحا بعودة وجه محبوب للمشاهدين، والله يا سبوحة كل السمعتو عنك من مشاكل اسرية ما صدقتها او قولي حسيت انها في ناس عاملين لها تكبير وتلوين لاغراض في نفسهم ، سيري يا عسل وعين الله ترعاك بس نصيحتي ليك تتسلحي بالمزيد من العلم والثقافة.
  • #32
    04-15-2009 10:45 مساءً moaaz :
    يا من تسيئون الي الناس تذكروا قول الله سبحانه وتعالي .
    إن السمع والبصر والفواد كل آولئك كان عنه مسئولا . صدق الله العظيم
    اما قول الرسول فهائكم فخذوه وإن شئتم فاتركوه..
    وهل يكب الناس يوم في النار يوم القيامه إلا حصائد السنتهم.
    صدق رسول الله صلي الله عليه وسلم
  • #33
    04-16-2009 06:39 صباحًا باســـــــــــــــــل :
    سبوحة من يوم ما فتي النيل انا خليت السودان بالجد حبيتك في الشاشة ياريت تسكتي الامة دي وتظهري بجدارة لو بعرسيني بكرة بجي
  • #34
    05-07-2009 02:52 مساءً زول نصيحه :
    البت عذاب عدييييييييييييل يا ربي سعيد الحظ دا منو ؟ حتكون من نصيبو ان شاء الله انا(اقدلي سكتي الخشامه وانزلي في العوازل كي).
  • #35
    06-16-2009 07:44 مساءً TBG :
    والله الواحد يأسف لبعض التعليقات من بعض الشباب، يعني مافي داعي للتجريح، أعتقد أن من لديه نقد ذا فائدة فليقله أو ليصمت مع تحياتي للجميع.
  • #36
    06-26-2009 02:07 مساءً ابوعبيدةاحمد - ودالعباس :
    يعني كلامكم دا كله عن تسابيح وشكركم واعجابكم بها وكانكم تتحدثون عن شخصية تاريخية ذات اثر اجتماعي وانساني - وانا لااريد الاسائة اليها بقدر مااساء اليها الاخرون ولكن ادعوكم فقط لسماع والدها مبارك عنها وكم هو غاضب عنها - ومن المعروف عننا نحن السودانيون لما يقولوا ليك الزول ده ابوه ماعافي عنه 0 فالذي لايرضي والده كيف يرضي عنه الاخرون ودعكم من الاخرون كيف يرضي عنه الله عز وجل كما قال رسولنا الكريم رضي الله في رضي الوا لدين - فباختصار كده هي زولة مارقة من الملة كيف يدخلوها التلفزيون وذلك بشهادة والدها ( من خشمه لي اضاني )
  • #37
    07-06-2009 11:49 صباحًا tdwh :
    ظهور المراة ومتبرجة حرااااااااااااااام شرعا
  • #38
    07-19-2009 03:30 مساءً جواد :
    البيتفصح ده وبيقول ابوها وما ابوها عافي وما عافي معي احترامي الشديد لتسابيح ابوها راجل متخلف لانه كلامه كله سمعناه انا كنت متخيل حيقول كلام وحش طلع كلام عادي اتضح من خلاله اساس القضيخ خلافه وحقده على والدتها الزوجه السابقه وكلام كله ما عنده اساس وغير متنطقي سافرت وما قالت لي مسافره ياخي تقول ليه شنوي نحن ما عارفين حاجه فانا بعتقد رجل من خلال الاعلام يقول كلام فى بته بالصوره البايخه دي ومالماعندها معني رجل غير مسؤول فبالتالي ما كان بيجيب خبره ولا بيصرف عليها فمن المؤكد مثل هذا الشخف لا تستشيره عند السفر خلاص حبكت انو ابوها بعد ما اشتهرت وعايزه تسافر ياخي اتلمي
  • #39
    08-15-2009 10:12 صباحًا الفلاتى :
    الله يسالك هى والله رشا الرشيد؟ حلاه وحمار بفتح الحا. انا لو من حسن فضل المولى كل يوم اصلى ركعتين شكر عشان عندى مزيعه زى رشا. بكاى مش؟
  • #40
    12-23-2009 06:57 مساءً منوية :
    ربنا يوفقك يا عسل وديل حاسدين غرام وقاصدين خصام
  • #41
    02-11-2010 08:53 مساءً الركز :
    ليه النيل الازرق مافيها وجوه سمراء يعني ناس سمر حلوين مافي