Follow us Youtube Rss Twitter Facebook
قديم 10-14-2003, 10:27 PM   #1
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Cool اغانى الامبراطور محمد وردى توثيق

ء



الاستاذ محمد عثمان وردى هذا الامبراطور العملاق فنان افريقيا الاول
محمد وردى الانسان الفنان الذى عطر سماء الفن السودانى باروع واجمل الالحان وبانتقائه اعزب الكلمات لشعراء مخضرمين وكبار امثال

الدوش ـ الحردلو ـ الحلنقى ــ صلاح احمد ابراهيم وغيرهم

لهم التحيه جميعاً بقدر ماقدموه لنا


ونحاول بقدر المستطاع توثيق اغانى هذا العملاق وما بالضروره تكون الاغنيه مكتمله الجود بالموجود ويلا ياشباب يدكم معانا ياحلوين وايد على ايد (.......)
وانا ابدا ليكم باغنية (((( الطير المهاجر )))) للشاعر صلاح احمد ابراهيم




غريب ..
وحيد في غربتو
حيران
يكفكف دمعتو
حزنان
يغالب لوعتو
ويتمنى
بس لي أوبتو
طال بيه الحنين
فاض بيه الشجن
واقف يردد
من زمن

بالله ياالطير المهاجر للوطن
زمن الخريف
تطير باسراع
ماتضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن

فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام
على
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد


حاشيه
طبعاً من المحتمل انو الاغانى تكون فيها اخطاء فى الحفظ او الترتيب
لكن الطير المهاجر دى سليمه 100%

واكرر ياشباب انشاءالله لو حافظ مقطع واحد ماتبخلوا علينا بيو

وايد على ايد تجدع بعيد


التفعيل اهم شى
التوقيع
ياربى دا يكون من شنو ؟

التعديل الأخير تم بواسطة بدون عنوان ; 08-01-2004 الساعة 01:40 PM
بدون عنوان غير متصل   رد مع اقتباس
قديم 10-14-2003, 10:34 PM   #2
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
[RAM]http://home.real.com/?[/RAM]

شغلوا السماعات ياشبيبه
التوقيع
ياربى دا يكون من شنو ؟

التعديل الأخير تم بواسطة بدون عنوان ; 10-14-2003 الساعة 10:40 PM
بدون عنوان غير متصل   رد مع اقتباس
قديم 10-14-2003, 10:44 PM   #3
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Cool

الظاهر الريل بلير فيو مشكله



اديس ابابا
صبرت طبعاً دى من الاغانى الكلماتها ساهله وسلسه


صبرت
واستنيت كتير اتمنى
أمني نفسي واقول
بكرة الجنة
ومن بعيد ياما
من جوا قلب بدعيلك معاي
نتهنى
عطشتي قلبي
وكل يوم تتجملي
أديني كلمة وسامحيني
وطَوّلي
ما تخجلي
يالسمحة قولي
استعجلي
خلاص كبرت وليك 19سنة
عمر الزهور
عمر الغرام
عمر المنى
اتمنى يوم تجمعنا
جنات حبنا
تبقي الأميرة والبطيع قلبي أنا

ماتقولي لي
مالي ومال الحب أنا
نار الهوى الوقادة
والشوق والضنا
وحلاوة الأحلام
وآمال الهنا
إيه يجمعن غير ال 19 سنة ايه يجمعن ايه يجمعن غير التسعتاشر سنه
التوقيع
ياربى دا يكون من شنو ؟

التعديل الأخير تم بواسطة بدون عنوان ; 08-20-2004 الساعة 08:57 PM
بدون عنوان غير متصل   رد مع اقتباس
قديم 10-14-2003, 10:57 PM   #4
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Cool

نور العين على مااعتقد شاعره اسماعيل حسن

قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والأنغام والعود في ايدي
بحكيلو حكايتي ويعيد ترديدي
واشكيلو همسة أو عذب نشيدي
ياما الأوتار تفضحني من ريدي
يا نور العين
يا نور العين انت وينك وين


يلا ياشباب تفاعل شويه
التوقيع
ياربى دا يكون من شنو ؟

التعديل الأخير تم بواسطة بدون عنوان ; 10-14-2003 الساعة 10:59 PM
بدون عنوان غير متصل   رد مع اقتباس
قديم 10-14-2003, 11:52 PM   #5
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Cool

********************************فى حضرة جلالك يطيب الجلوس********************************
******************************** ********مهذب امامك يكون الكلام****************************************


ادونا مقاطع ذى دى ياشباب
التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 10-15-2003, 12:04 AM   #6
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
جميله ومستحيله

مره اسرح ومرة افرح ومرة تقلبنى القرايه !!!

يا جميله
ومستحيله
انت دايما زى سحابه
الريح تعجّل بى رحيلها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عليّ
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت
وعليْ رحالى
لمداين فوق عيونك يا محالى
ريّحينى
أسُتْرى حالى
فرحينى
عيونى فى الدمعات وحيله
أنا لا الصبر قادر عَلَىْ
ولا عندى حيله
حدّثت عنك نجمة جارة
وزرعت اسمك
حارة حارة
فى مناديل العذارى
فى مشاوير الحيارى
فى لحى الأشجار كتبتو
نحتو فى صم الحجارة
وبحت للشمس البتقدل
فى مدارها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَى
ولا عندى حيلة
وانتِ منك لا بداية
عرفت لسّه ولا نهاية
مرة أسرح
ومرة أفرح
ومرة تغلبنى القراية
ولّمن أكتبلك وداعاً
قلبى ينزف فى الدواية
يا صبيّة
الريح ورايا
خلي من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر على
ولا عندى حيلة
التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 10-15-2003, 06:51 PM   #7
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
اغنية وطنا اخذتها من بوست كلمات فى حب الوطن

وطنا البإسمك كتبنا ورطنا
أحبك
أحبك مكانك صميم الفؤاد
وباسمك اغنى
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى
وتشّرف غناى

بحضرة جلالك
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك


.





الاستعانه بصديق الخيار الاول

لقد استعنت بصديق لمد يد العون

دعم ( فنى ) مجموعه من الاغانى للامبراطور ( وردى )

ونا فى انتظار هذا الصديق

واذا ما جاء مافى خيارات


بس نترقب


لكن اكيد بجى
التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-29-2004 الساعة 04:13 PM
بدون عنوان غير متصل   رد مع اقتباس
قديم 10-15-2003, 06:57 PM   #8
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
.

الم اقل لكم انه سوف ياتى

وجاء ومعه مالذ وطاب

لك التحيه يا ( ...... )


وهذه اول الثمار ( مسكين البدا يامل )

لك الشكر ياهذا
لك الشكر
شكر
شكراً




مسكين البدا يأمل
أملو يغلبو تحقيقه
والعاشقة جفا المعشوق
الليلة وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك و بي وراك
جارت عليهو وخانتو ظروفو
فقد صبرو شرد نومو
لهيب الشوق خنق جوفو
نحول جسمو شحوب لونو
براك أحسن تعال شوفو
مسكين .. مسكين

براي السويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وبقو فراجة
مسكين .. مسكين



جمــــــــــال الدنيا


بشوف في شخصك أحلامي
ودنيا تفيض بأنغامي
وسحر الدنيا في عيونك يبعد عني أوهامي
بشوف الكون جميل وبديع
مر أيامي يبقى ربيع
احب الدنيا لي حبك
ويسعد حبك أيامي
رياض وزهور على خديك
بديعة بتخلب الأنظار
تزيد فوقا جمالا فيك
معالم كلها اسرار
تخلي الدنيا في عيوني
جمال وكمال بيتجدد
أمل بسام بيحدوني
اغني اليك واتودد
ولحني الغالي اهدي اليك
وانبت للوجود أزهار

ياحبيبي الدنيا ما احلاها
بديعة وحلوة بين ايديك
فهل أيامي تنساها
إذا ما غبت عن عينيك
هويتك صرت ولهانك
عشقت الدنيا دي علشانك
كتير جددت ذكراها
كتير غنيت من شوقي إليك


وغدا نواصل
التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:44 PM
بدون عنوان غير متصل   رد مع اقتباس
قديم 10-15-2003, 07:07 PM   #9
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
بناديها للشاعر العملاق عمر الطيب الدوش

بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا




بعد ايه للشاعر اسماعيل حسن

بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه

انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما بقسو عليك

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك


التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:25 PM
بدون عنوان غير متصل   رد مع اقتباس
قديم 10-15-2003, 07:18 PM   #10
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
الود


أعيشهْا معاكَ لو تعْرف

دموع البهجَهْ والأفراح

أعيشهْا معاكَ واتأسّف

على الماضى اللّى ولَّىَ وراح

على الفُرْقَهْ الزمان طويل

على الصبر الّى عِشْنَاهو

مع طُول الألم والليل

زمان كُنّا بنَشيل الوُّد

ونَدِّى الوُّد

وفى عينينا كان يكْبَر

حناناً زاد

وفات الحدَ

زمان ما عِشْنَا فى غُرْبَهْ

ولا قاسينا نِتْوحّد

وهسَّع

رُحْنا نتْوجّع

نعيش بالحسرَهْ نتأسّف

على الماضى اللِّي ما بِرْجَع

أحبَّك

لا الزمن حوّلْنى عن حُبّك

ولا الحسرَهْ

وخوفى عليكَ يمْنَعْنى

وطول الإلفَهْ والعُشْرَهْ

وشوقى الليك من طوَّل

لسّه معاي

ولى بُكْرَهْ





الهوى الاول الجيل عبد المنعم


أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها

اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر

شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه

تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

[ALIGN=CENTER][B][FONT=Arial][SIZE=5][COLOR=orangered]

التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:27 PM
بدون عنوان غير متصل   رد مع اقتباس
قديم 10-15-2003, 09:02 PM   #11
الوحيد
عضو جيّد
 
الصورة الرمزية الوحيد
 
تاريخ التسجيل: Jun 2003
الإقامة: السعودية
المشاركات: 1,063
التحية ليك يا بدون عنوان وللمبدع الأسطورة وردي ويلا في إنتظار بقية الدرر الباقية وإنشاء الله نديك حاجه كدا المره الجايه
التوقيع
الوحيد
الوحيد غير متصل   رد مع اقتباس
قديم 10-16-2003, 02:47 AM   #12
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
اخى الوحيد السلام عليكم وفى انتظارك ياحبيب

حاف من الله على قلبى

خاف من الله على قلبي
من غرامك خاف
زرعت الشوك على دربو
وياما في هواكم شاف قلبي

سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي

خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي

يا قلبي انسى وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي



القمر بوبا

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراف فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
الدميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دوا اصو ماهو مغشوش
كترو الساكبينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل



انا عارفك يافؤادى


عارفك يا فؤادي
طال عذابك وا سهادي
وا شقاي انا وا عذابي

لم تمر النسمة بالليل
من ديارم تشفي العليل
فيها قصة حبي النبيل
فيها ريدك وريدك جميل

يا نسايم احكي الغرام
ودي ليهم مني السلام
قولي ليهم طال الخصام
قل نومي وعز المنام

وين واشوفك وين يا ضنين
بس فراقك ليه بالسنين
لو عرفت حبيبك أمين
مابتخونو وتهجر حنيني

ياما بعدك شفت الألم
قل نومي وصبري انعدم
شفت دموعي وراك صارو دم
كل ما شدتو معاك انهدم
كلمة وحدة سقتني الألم




التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:28 PM
بدون عنوان غير متصل   رد مع اقتباس
قديم 10-16-2003, 03:04 AM   #13
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
نواصل ياحلوين

اسفاااااى

وا أسفاي ..
وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي

بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاكل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي




احبك احبك

أحلى فصول العمر حنانك
أجمل حتة لقيتَ مكانك
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك

معاك معاني حياتي بتبدا
وافتح باباً ياما انسدَّ
بشوف العالم ربوة جميلة
عليها نسيم الصبح مخدّة
وبيني وبين النهر عشانك
عشرة بتبدا
وبين عينية وخد الوردة
تبقى مودة
أصالح روحي
تبرا جروحي
ابشر باسمك اهلل أغني
أقيف اتحدى

أديتيني مشاعر حية
عوضتيني الزمن الماضي
زمن الجرح الأكبر مني
وقاسي علية
وبيك صادفني ولقى عنواني
رزاز الفرح الخلَّى الجية
أريت صادفني حنانك بدري
لو لاقيتك بدري شوية






من غير ميعاد


من غير ميعاد
واللقيا أجمل في الحقيقة بلا اتظار
صحّيتي في نفسي الوجود
ورجّعتي لعيوني النهار
كل الطيوب الحلوة يا مولاتي والجيد الرقيق
واللفتة والخصل اللي نامت فوق تسابيح الغريق
وخطاك والهدب المكحل وفتنة التوب الأنيق
في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
صحّيتي في نفسي الوجود
ورجّعتي لعيوني النهار
لو مرة بعدك يا زمان الغربة تجمعنا الصدف
أنا كيف اعود من طيبة أول نظرة للدار منكسف
وا ضيعة الوتر اللي ما غنيت معاهو ولا عزف
من صدفة عابرة بلا سلام قلبي الغريق في الهم نزف
ياريتني ما شفتك ربيع ولا كان يلازمني الأسف
صحّيتي في نفسي الوجود
ورجّعتي لعيوني النهار
ضاع الكلام ماتت حروف اللقيا قبال اهمسا
والله ما غابت محاسنك لحظة لا الجرح اتنسى
للّيلة ما وشوش نشيد في روضو وما غرد مسا
للّيلة ما سافر عبير في الطيب يغازل نرجسة
للّيلة يا حبي الكبير في حرقة لافيني الأسى
صحّيتي في نفسي الوجود
ورجّعتي لعيوني النهار






ارحل

قلت أرحل ..
أسوق خطواتي من زولاً نسى الإلفة
أهون ليل
أسافر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد آيات
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى



التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:30 PM
بدون عنوان غير متصل   رد مع اقتباس
قديم 10-16-2003, 03:09 AM   #14
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Cool

ياراجيانى

يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني

لمّ سحابة تلاقي سحابة
وتنزل منها دمعة عشاني
لمّ تلاقي مسافر عايد
تمشي وتسألي عن عنواني
وانا عنواني عيونك انتي
وأي مكان تمشيهو مكاني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني

ياالفرهدتي فرح جواية
أنا جملتك بألواني
أنا علمتك تاخدي المعنى
من إحساسي وتدي معاني
أنا سافرت عشانك انتي
وسبت البلد الما ناسياني
كم حاولت أصارحك ياما
إلا العزة بقت مانعاني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني

إستنيني ولو حاولت تصدي حناني
إستنيني ولو حاولت تصدي حنيني
ياما حتشقي ماظن تلقي
حِنيّن زيي يريدك تاني
ألأيام وانا قربك انتي
مهما تطول محسوبة ثواني
إنتي جمالك ياهو جمالي
وانتي زهورك من ريحاني
الأفراح بعرف ميعادا
وأي زمان تلقيهو زماني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني




بينى وبينك والايام

بيني وبينك والأيام
قصة حب طويلة
شيدناها بالآمال
والعشرة النبيلة

قصة حب رواهها للأيام حناني
نبع الريد سقاها واخضرت أماني
جار قلبك نساها
كيف..
في أيام قليلة

كانت في خيالي ألحان في شعوري
أسرار المحنة بتعذب ضميري
حلفتك بربك
آه ..
لو في الصيف تزوري

إن طالت ليالي وان جارت علينا
برضنا نحن .. أنحن روح وحدة بقينا
ومن قول العواذل
سيبك ..
سيبك ما علينا

فيما الناس تفرق تمنعنا التلاقي
جمر البين يحرق ويزيد في اشتياقي
يا مسافر مشرق
وين ..
أيام صبحي ليها




مابنساك مابنساك

لو بالصبا أبيتيني
ولو بالنار صليتيني
أنا لا ...
ما بنساك

لو حاولت تهجرني
أو تنساني من تاني
ترجع يوم تجد حبك
بدد شكي وأحزاني
بدل همي في الدنيا
وعاد بالفرحة ألحاني
أنا لأ..
ما بنساك

لو تعرفني إني أمين
أنا ريدك براعيهُ
قلبي الراجي ليك سنين
ما ممكن تجازيهُ
أكان راجيك وبيتألم
وكيف إن كنت ناسيهُ
أنا لا ..
ما بنساك

لو تابعت دقاتو
ما كل يوم بيتبسم
لو جربت آهاتو
ما بتقدر براك تحلم
لو حسيت بأناتو
وطول أيامو بيتظلم
كنت رجعت صافيت
ونسيتو الدموع والهم
أنا لا ..
ما بنساك

مهما جُرت صديتني
بدون أسباب وبكيتني
على درب الهوى والشوق
براي يا ناس خليتني
أداري دموعي من الناس
وأقول يا ريتني يا ريتني
نعود من تاني نتلاقي
وآه لو مرة صافيتني
أنا لا ..
ما بنساك
التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-29-2004 الساعة 04:25 PM
بدون عنوان غير متصل   رد مع اقتباس
قديم 10-16-2003, 03:18 AM   #15
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
نواصل يااحباب

الصوره

توعدنا وتبخل بالصورة
يا غنوتنا
يا بهجتنا
ويا مسا عيونا المبهورة
ما نحن بطبعنا ناس طيبين
غلطاتك عندنا مغفورة

يا نسمة في عز الصيف هبت
يا روح الروح
يا آمالا
إن جيت تطلبنا بضي العين
مابنقدر نحن نقول
لا لا
العين مابتعلا على الحاجب
وعزيز الروح مابتعالا
لو نحن بكينا على الصورة
سامح دمعتنا المعذورة
ما نحن بطبعنا ناس طيبين
غلطاتك عندنا مغفورة

الكلمة الحلوة الفي قلبك
وحياتك ماتعاند قولا
خلينا نصابح بيها العيد
نرحل لعوالم مجهولة
لو نحن مقامك ماقدرو
أعذارك عندنا مقبولة

روعة سحر الأسطورة
يا سمحتنا الما بنطولة
لو نحن مقامك ماقدرو
أعذارك عندنا مقبولة

بنحبك نحن وما قادرين
أبدا عن حبك نتخلا
نتخلا عن الوجه البشبه
ضي القمرة الناعس طلا
كل الآمال الل يخليك
ويحرسك من عين الناس الله





امير الحــــــــسن

من صحابك ومن قرايبك
يا حبيبي بغير عليك
كلو من قال ياحبيبي
افتكرتو يشير اليك
وأي عاشق لو تغنى
قلت لازم شاف عينيك
يا أمير

كنت تايه في بحور الشوق
وامواج الحنان
قلبك انت وحبك انت
جابني لي شاطي الأمان
والمحبة يا حبيبة
أقوى من بدر التمام
يا أمير

ياأمير الحسن لو تسمح ظروفك
كل ساعة
كل لحظة
كل يوم محتاج أشوفك
وين يا أمير

يحسدوني الناس في حبي
كم عذول روج اشاعة
انت يا رب المحاسن
والبراءة والوداعة
بإشارة من جفونك
قلبي قال سمعا وطاعة
يا أمير





التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:32 PM
بدون عنوان غير متصل   رد مع اقتباس
قديم 10-16-2003, 03:30 AM   #16
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272


لك التحيه ايها المبدع ومتعك الله بالصحه






والقمر بوبا عليك تقيل بوبا

التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 10-16-2003, 03:37 AM   #17
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
نواصل
شن بتقولوا

شن بتقولو
في الفرح المعذب سيدو
في الريد المضيع زولو
شن بتقولو

شن بتقولو في السال
دمعو يبكي قديلو
في الشايل هموم الناس
همو العندو غالبو يشيلو
في الما راضي بالحرمان
ولا راضي الحنان يمشيلو
شن بتقولو

ياما قالو
نية الزول دليل أعمالو
والعايز يفوز بحبيبو
مرات مابتتم آمالو
والبتفاءل يلقى الريد
مالو الريد بعاكس حالو
شن بتقولو
في دنيانا
نحن نعيش ما همانا
ولم تفوتنا لحظة جميلة
أجمل لحظة تستنانا
الحباب نشيل نديهم
أجمل ريدة ماهمانا
شن بتقولو





لو بهمسه

آه لو بهمسة
لو ببسمة قول احبك
لو بنظرة
نظرة حتى عابرة قول احبك
لو بتحلم في منامك قول احبك
لو ترسل لي سلامك قول احبك
يا حبيبي
آه يا حبيبي

كل كلمة من شفايفك أحلى غنوة
كل نظرة من عيونك فيها سلوى
كل نسمة من ديارك فيها نجوى
وكل همسة يا حبيبي عندي حلوة
يا حبيبي
آه يا حبيبي

يا حبيبي عمري كلو اهديتو لحبك
يا حبيبي انت عارف والغرام يشهدلو ربك
يا بدوري في الظلام والظلام يحجبلي دربك
آه .. ناري بعدك
والحنان والجنة قربك
يا حبيبي والزهور الحلوة تتفتح في قلبك
انت عارف أنا يا روحي بحبك

خوفي منك
خوفي تنساني وتنسى الليالي
يا حبيبي انا خايف ياما بعدك انسى حالي
آه ..
أبقى تايه والغرام يصبح حكاية
والأماني الحلوة دي الكانت بداية
أبقى اشواق تفضل ليكي في النهاية
آه يا حبيبي





التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:33 PM
بدون عنوان غير متصل   رد مع اقتباس
قديم 10-16-2003, 03:40 AM   #18
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Cool

الليله ياسمرا

الليلة ياسمرا
يا سمارة الليلة يا سمرا

أنا بحكي ليكي
وانتي لي تحكي
كيف اقسم ليكي
وانتي ليه تبكي
وليه الزعل
أطري الأمل

لونك بديع
وطبعك وديع
وخدك يفوق
زهر الربيع
وكيف الوصال
خلي الدلال

ديمة الجميل
وشوفتو القليل
ياحليل حليل
ليالي الهنا
وين العهود
عهد الخلود

الليلة يا سمرا
يا سمارا الليلة يا سمرا





الحبيب

الحبيب قلبو طيب
العواذل ضللو
يا حبايب اسألو
لو تناساني وتبدل
بغرامي ذكرو

أسألوهو ليه نساني
حتى من كلمة ملام
ليه يخاصمني وعيونو
كلموني بالغرام
خبروهو باشتياقي
لو يحن ينسى الخصام
بعيونو حلفو
لم يحلف صدقو
انا عارف قلبو طيب
العواذل ضللو

أسألوهو ليه يخاصم
والسعادة بين ايدينا
ذكروه بالليالي الأولى
أيام التقينا
كلموهو قولو ليهو
في غيابو كم شقينا
بحياتو حلفو
لم يحلف صدقو
انا عارف قلبو طيب
العواذل ضللو
التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 10-16-2003, 03:44 AM   #19
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
مافى اى تفاعل من الشباب

اغنيه حماسيه وطنيه

اليوم نرفع راية استقلالنا

اليوم نرفع راية استقلالنا
ويسطر التاريخ مولد شعبنا
يا إخوتي غنو لنا اليوم

يا نيلنا ..
يا أرضنا الخضراء يا حقل السنا
يا مهد أجدادي ويا كنزي العزيز المقتنا
يا إخوتي غنو لنا اليوم

كرري ..
كرري تحدث عن رجال كلأسود الضارية
خاضو اللهيب وشتتو كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
يا إخوتي غنو لنا اليوم

وليذكر التارخ أبطلا لنا
عبد اللطيف وصحبهو
غرسو النواة الطاهرة
ونفوسهم فاضت حماسا كالبحار الزاخرة
من أجلنا سادو المنون
ولمثل هذا اليوم كانوا يعملون
غنو لهم يا إخوتي ولتحيا ذكرى التاريخ
يا إخوتي غنو لنا اليوم

إني أنا السودان أرض السؤدد هذه يدي
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها
وسأكون أول مقتدي
يا إخوتي غنو لنا اليوم
التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 10-16-2003, 03:53 AM   #20
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
فرحـة

أبـو أمنـة حامـد

بين الريد والهوى ..عشنا أيامنا سوى
ما قاسينا النوى
ما أحلاك يا هوى ..الهم راح وانطوى
عش ريدتنا استوى
بين ايديه هنايا .. في عينيه منايا
حققنا أحلامنا
والعاشق عقبالو
بيني وبينو حكاية ..أصلو ماليها نهاية
وأحلام دنياية
لو شفتوهو معاية ..خطو الحالم آية
يروي محاسنو رواية
كم ضوت دنياية ..نور دربي براية
حققنا أحلامنا
والعاشق عقبالو
أنا بحبو اكتر ..ياما هواي بيكبر
ياما مشاعري بتسكر
حبو النامي الأخضر ..راعيناهو أزهر
في قلبينا ونوّر
والعذال كدناهم ..في لحظة نسيناهم
حققنا أحلامنا
والعاشق عقبالو
الأحباب شافونا ..بالأفراح لاقونا
هنونا وهنونا
حبيناهم حبونا ..غنو معانا وشاركونا
بالأحلام منونا
يا عشاق عقبالكم .. قولولنا هنيالكم
حققنا أحلامنا
والعاشق عقبالو
قالو بتحبو
قتا ليهم مالو
ايدو علي ايدي الهنا مشينالو
حققنا أحلامنا
والعاشق عقبالو





يابلدى ياحبوب

عشانك بكاك الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين

يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين

يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين

يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين

يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية




جامعة الخرطوم تمنح وردى الدكتوره الفخريه






اقابلك

أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال



لا يوجد اى تفاعل يذكر من الاخوه
التوقيع
ياربى دا يكون من شنو ؟

التعديل الأخير تم بواسطة بدون عنوان ; 07-27-2004 الساعة 04:34 PM
بدون عنوان غير متصل   رد مع اقتباس
قديم 01-20-2004, 08:41 PM   #21
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
Question

يا احباب قلنا توثيق اغانى الاستاذ وردى ما دفن اغانى الاستاذ وردى
من جديد up فووووووووووق
التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 01-20-2004, 09:47 PM   #22
سودانى وجيه
عضو فعال
 
تاريخ التسجيل: Sep 2003
الإقامة: Sudan
المشاركات: 474
والله حكايه عجيبه بدون عنوان

مع انو وردى كوكاكولا رجل محبوب و عملاق فنى و هرم شامخ


حكـــــــــــــــــــــــــــايه عجيبه

و غريبــــــــــــــــــــــــــــــــــــه



لكن الصراحه انت ما قصرت تب معانا و مع الجماعا

اسمع
انت حاااافظ الاغانى دى ام انك اتيت بها من موقع على الانترنت ؟؟؟؟

والسلام انشاءالله يعم السودان
التوقيع
\زوووووووول (((وطنى)))) خااااااااالص/
سودانى وجيه غير متصل   رد مع اقتباس
قديم 01-27-2004, 01:10 PM   #23
moohhoom
عضو جديد
 
تاريخ التسجيل: Jan 2004
الإقامة: sudan
المشاركات: 1
شكر وتقدير وعرفان للجميل

[COLOR=blue]]
بسم الله الرحمن الرحيم


السلام عليك ورحمة الله وبركاته وبعد
لسانى يعجز عن التعبير فى الموسوعة القيمة التى قمت بها تجاه
الفنان الاول فى وطننا الحبيب السودان وفى قارتنا السمراء افريقيا
والشكر موصول من احباب رواد النيلين من ارض الحرمين السعودية
وتحديدا من الرياض .......
والشئ المطلوب منك نص اغنية الحزن القديم وسأكون شاكرا لك
وللمره الالف اشكرك
مع خالص تحياتى[/COLOR]
[/SIZE]
التوقيع
كليتون
moohhoom غير متصل   رد مع اقتباس
قديم 08-01-2004, 12:59 PM   #24
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
up


من جديد فوق

moohhoom سابحث لك عنها

سودانى وجيه الاجابه على سوالك ( مصدر الاغانى )

كماقلت انها جاتنى من صديق عزيز






ويامحاسن الصدف .. صدفه واجمل صدفه ..


صدفه

صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك
التوقيع
ياربى دا يكون من شنو ؟
بدون عنوان غير متصل   رد مع اقتباس
قديم 08-03-2004, 06:29 PM   #25
ابنعوف
عضو جديد
 
تاريخ التسجيل: Jun 2004
الإقامة: مقيم بالسعودية
المشاركات: 5
http://www.sudan2day.net/music/wardi/zat%20alshama.MP3
اغنية ذات الشامة

http://www.sudan2day.net/music/wardi/9udfa.MP3
اغنية صدفة

http://www.sudan2day.net/music/wardi/7aramt%20al7ub.MP3
حرمت الحب والريده

http://www.sudan2day.net/music/wardi...wa%20alyam.MP3
بيني وبينك والايام

http://www.sudan2day.net/music/wardi/almursal.MP3
المرسال

http://www.sudan2day.net/music/wardi...20algiyafa.MP3
الناس القيافة
التوقيع
مقمق
ابنعوف غير متصل   رد مع اقتباس
قديم 08-20-2004, 09:01 PM   #26
بدون عنوان
عضو فعال
 
الصورة الرمزية بدون عنوان
 
تاريخ التسجيل: Jun 2003
الإقامة: بلدى يا حبوب
المشاركات: 272
مشكور ياعزيزى بن عوف




غلطه

قاسىقلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه
التوقيع
ياربى دا يكون من شنو ؟
بدون عنوان غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:29 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker