Follow us Youtube Rss Twitter Facebook
قديم 08-20-2008, 10:52 PM   #91
الأمير
عضو جيّد
 
الصورة الرمزية الأمير
 
تاريخ التسجيل: Jun 2003
الإقامة: السعودية ـ الرياض
المشاركات: 790
شكراً bakir13

أهديك أغنية صديقي الأول بصوت الراحل مصطفى سيد أحمد


[rams]http://tabatpeople.com/songs/sudan/mustafa/sadeegi.ram[/rams]
التوقيع

سـودانـي الجــوة وجـــدانـي بـريـدو


الأمير غير متصل   رد مع اقتباس
قديم 09-03-2008, 09:43 PM   #92
الحارث
عضو جديد
 
تاريخ التسجيل: May 2008
المشاركات: 26
الله يديكم العافيه امتعتونا يا شباب اللهم ارحم فنان الاجيال ابوسامر
مصطفي سيداحمدالمقبول
التوقيع
وطني ولا ملى بطنى سكاتى ولا الكلام النى
الحارث غير متصل   رد مع اقتباس
قديم 09-08-2008, 01:21 PM   #93
ffadaylo
عضو فعال
 
تاريخ التسجيل: Sep 2003
الإقامة: saudi arabia
المشاركات: 400
http://www.sudani.ws/music/mustafasidahmed/

نهدي لكم أغنيات مصطفى سيد أحمد ( نسأل الله له الرحمة )من هذا الموقع الجميل
التوقيع
أنا التوب العشاري الباهي زيقو
فراج الرجال وكتين يضيقوا

التعديل الأخير تم بواسطة ffadaylo ; 09-08-2008 الساعة 02:19 PM
ffadaylo غير متصل   رد مع اقتباس
قديم 11-22-2008, 04:57 PM   #94
bakir13
عضو جيّد
 
تاريخ التسجيل: Nov 2003
المشاركات: 970
لك الشكر فاديالو
وأعدك بأن مصطفى لن يموت في داخلنا..... برغم الأسى... وبرغم السنين!!
التوقيع
نتلاقى نهرين من تسامي واشتهاء
أبداك من حيث انتهت عندك خواتم الإنتهاء!!
bakir13 غير متصل   رد مع اقتباس
قديم 06-09-2009, 10:33 PM   #95
bakir13
عضو جيّد
 
تاريخ التسجيل: Nov 2003
المشاركات: 970
this post up
التوقيع
نتلاقى نهرين من تسامي واشتهاء
أبداك من حيث انتهت عندك خواتم الإنتهاء!!
bakir13 غير متصل   رد مع اقتباس
قديم 06-15-2009, 03:08 PM   #96
محمد باركليز
عضو جديد
 
تاريخ التسجيل: Jun 2009
الإقامة: السودان
المشاركات: 4
وانا زى عوايد الشعر فارس

اخى الغالى عاشق الاسطوره الانسانيه احيي محبتك للاسطوره واريد ان اطلب منك اغنيه بعينها
الا وهى اغنيه
سبت الوداع
محمد باركليز غير متصل   رد مع اقتباس
قديم 06-15-2009, 03:18 PM   #97
محمد باركليز
عضو جديد
 
تاريخ التسجيل: Jun 2009
الإقامة: السودان
المشاركات: 4
مات اخر شعاع
وسقط فى جب الحياه الاولى فامدو له خيط
النجاه
مرثيه مصطفى على لسان حميد
مصابيح السماء التامن طشيش ..........................................


يا جاي مارق من دخول الغيث
شرايين التراب السايقة أوردة الوطن
قشرا اليباب ... نشرا العطش
كل ما سرت قطرات درب الرحمة...
في جوفو أرتعش حال الشجر
بال العصافير الخيالها مع الدغش
مشدوه متل خاطر طفل
من ضل برش راكوبة فوق حافة حجر
واقع سجر ...واقف بعد نقط المطر
ويستنشق إحساس السحاب
بين لهفة الطين والشمس
لمت وراء ضهر الجبال
في عبها المهتوك شفق
آخر رمش في الدنيا من جفن النهار
والليل ملقيلا الطرف
سعف النخيل مال منتعش
بال الطفل يرقد على ضهر الرعد
يجمع مصابيح السماء التامنة ويطش
لو يلقى راس رسن الزمن
ديك لحظة ما كانت تمش
شان يندهش
يتمطق الحلم البعد قرب يوافينا ابتعد
لو مدت إيد كان أنجبد
يا الدنيا بي ريحة الدعاش لو تنعرش
أو تنفرش تحت الفراشات بالبرد
فوقها الوعد صادق يمش
يا غادي منك فوت كلام الشوق
من القلب الخشم بابو البلد
شقيش مستف وحدتك
سايب بنات الحلة يا كمين ولد
تسترسل الأيام بحر
قبال يقالد القيف شرد
مالك رحيلك دون وداع زي الحرد ؟
رواسي راح والجو صلاح
كارب شراع
لا أنفر للريح لا أنفرد
لليلة شان نار الصراع
لهليبا بعدك ما برد
بدلت كيف سعة الوجود
بي ضيق لحد ؟
باغتنا ريح الفجعة ليل
فرنب في جوفنا
مرابنا الصبر شال سعن الجلد
صابنا الذهول
زي التكنو قبل دا ما فارقنا زول
قبل الرسول
ولة التقول
أول قلوب في الدنيا يغشاها القدر
بعدن تضيع منو الدروب
تطمبج الساحات حريق
يضوي الفريق المشتعل
كل الفريق شوقر وراك
يا جرحنا المابندمل
لا بان وراك شهد الغنا
ولحن الحناجر ما همل
صاقر خلايا أبو الدبر
يدبن حنايا نمل ... نمل
وين ماشي يا نبض الرحيق
سايب المشاعر ريق دقيق
تحت المغنين التفل
غنياتن الورطانة أو لوطانة
في الريق المقق
حتحت ورق في طين زبل
أوصاف على جسد الحبيبة بهق ... بهق
تحت احتمالها مرضرضة
زي لعبة ما استهوت طفل
يا نهنهات متكبرتة ودنانا يترنح دغل
أوطان بتتشايح عرق وإنسانا مجبور يشتغل
ما ضر من بعد الغرق
جوف الضحية إذا أنشرق
يا سيفي هوبي على الكتل
وين ماشي يا قمر الهناء
الكرمنا عن ساعة مرق
سايب لياليك لي نجوم
واقفات وجوم .. على فد رجل
فرع الغنا الميل هنا
على مين وراك حا يتكل
والشيل تقل
شعبا يشيلوا الشيلة في ..
لكن ظروفن هل تفي ؟
تحتاج جماعة من الرجال
الكنت فيها براك تقل
دارت فليتة من الحبال
الكان بقيلا فرد حبل
الخوف قلوبنا التشتهيك
تنشق من ذاتا وتنقفل
من بعد ما أتوحدنا فيك
ننفك قبائل وننكتل
من بعد ما أتوحدنا فيك
ننفك قبائل وننكتل
وين يا زمن ؟!
يا الدنيا بالطيبين تقل
وين الطبيبو أو المتل
قول يا خيالي وماك فسل
أطهر وزيزينا يعوم
في النيل مع الصير منشغل
ولة اليقوم يوم بعد يوم
يغسل دميمو عديل غسل
ولة الوطن قال ما بنوم
إلا الفجر يا ليل يهل
ماسك وضوهو من الغيوم
السالو سيل ساعة محل
كيف الدبارة ما العمل
لما القبيلة تشيل سيوفا السوق
تبيعا على عجل
تغشى المغارات الحشيش
تاخد بخور ودخان
ولفافات سطل
ورق المواثيق إنبهل
كاويق جريح
طارتبو ريح
كيمان مقنبرة للمديح
من غير ضريح
دارت من العهر الصريح
حلقات قمار تحت النخل
والخيل مجهزة للسباق
آخر النهار فوق السهل
لما الجدل يبقى الدجل
والأيدلوجيا هي البوليس كتال كتل
ليش البلاد ما تستباح
يوماتي كل ما الليل دخل
إشمعنا يا شوقنا الرحل
إشمعنا يا شوقنا الرحل
لو صدقت زرقة غناك
والبت نصيرة سنة محل
بنت الدهب بنيانا ما فات الركب
حزنت على الكيل الكرب
بعد الرجال سكنوا الترب
والدنيا غابة وسط حريق
تصبح كرب تنمسى ضيق
قامت نصيرة تحت تعب .. برت الفريق
يا أخواتي ستات البيوت
ناولني قوت قبال أموت
دور والمعاي ما فكو ريق
طبق الدهب بي مد دقيق
دهب الجبال صافي البريق
بي مد دقيق لو كان مريق
مطفية نيران التكل ... رغم الدخان
والحلة زي المافي زول ... رغم البطان
عين الشمس زي التقول
مدشوشة أو محمرة من حرقة غضب
والليل دخل كبت الفريق
قنعت نصيرة من البلد
قنعت نصيرة من الدقيق
كشحت على كوشة الدهب
وجات راجعة بي نفس الطريق
لا رحمة غير الموت قبل
لمت عيالا على عجل
أنشهدت واستغفروا
وقفلت على روحا الجبل
كانت نصيرة بتفتكر
جوف الجبال أولابا من عيشة الوبال
أولابا من جرس الرجال
ساعة يصيب الحال خلل
والبال مو يا
كم من نصيرة اتريحت وأصبح براك
رغم الفشل والاستياء
من مسخرة هادي الحياة
بي إيد تدهده في الأجل
بي إيد تجهجه للجراح
بي إيدين تفتح للدروب
والسايقة لابد يوم تصل
يسلم حشاك تبرد غبينتك ولوعتك
طول الأزل
ويا روعتك لمن تجادل دمعتك
دايما تكون .. فوق العيون
مرحيبه بالداخل عليك
من دنيتك
عبيت مواعين الصباح
ببياض ضميرك ونيتك
بعرق جبينك وبنيتك
بالشمس ماروق الرجال
وادي الجناين غنيتك
ما كان رحيلك غير دليل
للجاي ماسك سكتك
يا المصطفى الراجح حباب
كل المدائن بكتك
يا شدو عصفورنا البسيط
كل الخلوق إتوكتك
إن ما بتبيت فوق السبيط
طول مسافة ركتك
ما خوفك صياد غتيت
لا الريح قدر يوم سكتك
عذرا ... إذا حال الوطن
بالجاتو ذات ليل بكتك
بإيدينا سايقين الزمان
ماسكين خيوطو الفكتك
يا زول يا صاح زمن الغلط
تنزف في دمك يوم في يوم
لا انصر وشك لا عبس
أيش يعنى لو سالن نقط
من كل عابر نقطة بس
يصبح شرايين الزمن
تبقى الشوارع أوردة
وجسد البلد عافية عريس
زينة عروس ... والنيل رحط
هزة صحابة بي غناك
خلي الزمن طربان يميس
نوم في كتفو القرمصيص
والكون صاحبن وانبسط
شهي المدائن تنتفض
ما تمتعض
لحدي ما آخر فصيلة من المرابين تنقرض
موكب زفافك للأرض
شهداء الوجود تنقلي ليك
محتفية بيك شوقا ربط
مركب عبر عاتي البحار
شايل خبار الهاربين
كان البشارة لكل شط
علت ابتسامتك حين هبط
مامن جواز بينات يديك
لامن ربط عملة وشنط
نية رسول إنسان فقط
ما بينا بيناتن ربط
بأسمى مبدأ وأقوى خط
ظل مطمئن
نحن الوراك ما جانا عشقك من فراغ
لا نحن غنيناك عبط
الدم رطن في يومنا داك
ماك البقصر يا وطن
وما فينا قطعا
نحن ليك ما خنا قط
قدامنا زول خطالنا خط
ختالنا قول ما منو نط
يا بلد فوق اللميليس لا تهم
لا بتميد الأرض تحتك
لا مغنيك ينهزم
مد ليك نغمو المخالف نغمة الخانو النظم
يشطب الباعو المشاعر
ويرسم الإحساس رسم
في زمن كاتم كتم
ولة تدخل زي نسيمة
زي شعاع قمرة ونجيمة
أي بيت من غير تدق
لا في إمضاء رقيب غريب
لا تراويس لا ختم
غنوة من بق المغني
في القلوب بالفال تبق
تحرق السقط التدني
وبي تأني
تمشي تفتح للدروب
المارقة منك وداخلة مني
المارقة منك وداخلة في
الداخلة فيك ومارقة مني
من بعد دا ولا يهم
المغني مع قضيتو
يقضوا أيام في القسم
كلما تنبح كلاب كلما انكشح العذاب
كلما طفح السباب كلما عانى الجسم
كلما غروه سم
كلما كان المغني كالمعاني يبتسم
على التجني ... كانوا جني
شديد بصيرة وملتزم
سديد بصيرة وملتزم
ويا المغني الماندم
يوجد غنوتو وينعدم
خاتم المغنين يا ختم
يا مصطفى الصلاة والسلام
الحب عليك يبراك وسم
يكسيك هدم ... يكفيك اسم
النخلة طالت ..
والسبيقة بعد دا لي شنو؟ التنهدم
قول للبلاد
الطلوحت عينيها في دمع السواد
قول ليها ما غنى الأسف تتأسفي
لا حض نمو على الحداد تتكتفي
عاد عودو ما ودع شهيد
البال دوام في شهيد جديد
لأيام جداد لما العوالم تكتفي
وينهض جوادها المنكفي
ذات مرة ما عرف السأم
لما البلاد صادها الوخم
صارا المبغض دغما النغم
في سجنو يتطرطق ألم
ينسف مطاميس الوهم
بي سن قلم
كل القواميس الوهم
جافا المداد
لما الأماسي بقن رماد
خرم الزمن بي غادي قاد
وإندق في الخازوق سهم
دودر نويرات الفريق
قربن بعد كانن بعاد
كورك لنا وما كنا في :
- وين السيوف ؟!
في السوق أخدنابا السطل
هايصين كتر والخيل حفي
كورك لنا :
قبل المصابيح تنطفي وينزل سواد
اتفقدوا الخيل والعتاد
اتمنعوا الدرب العديل
أتصحو بالصبر الجميل
زمن الخساسات الخفي
ينزالف الشوق في الرقاد
قدح المواعيد ينكفي
في الضلمة برد الليل مخيف
قاسي احتمالوا على الضعيف
قاسي احتمالوا مع التعب والجوع شديد
فطن النويرات الرغيف
فطن الرغيفات الدفي
فطن الدفي إحساس الصباح
فطن الصباح كل العصافير تحتفي
وبي روعة الكون والعباد
كورك صداهو أعاد وأعاد
في أي درويش إترسم
عن نقرة النوبة العرق
في كتفو اكبر من شتم
أو قوقي حمامة مخرفي
فوق البيوت الجايطة دم
كورك براهو وكنا في
صانين وراهو كما الغيوم
بس كل غيمة مطرفي
على قدر ما اتحزم يلم
بالدنيا تصحى مخرفي
يجي ريح يسوق غيمو الململم ويختفي
غلبو التعب ... كوع على جرحو اليسار
سكت ... سكت كل الكمنجات اتكت
فوقو وبكت
أنشودة النزف الوفي
أغرودة أو زغرودة الموت الخفي
فيا من تحير في سرو الفنا
إذا الهاربين الجدد خيروك
يا تفوت يا تخون البيوت
تكون من أنا؟!
إذا الغالبين في أحد أجبروك
يا تموت يا تعضي السكوت
فكيف الغنا ؟!
وكت ما الشفوت بصوتك تصوط
تعلق بكارتو على الميضنة
تحرم عليك ملاقاة طيوفك
مناجاة ولوفك ... وراء المشجنة
تغمض تشوفك
تفتش حروفك
تعبر كلامك
تعد احتلامك بباكر زنا
فنم لا تهم
لأن السلطنة
ترصد الألسنة
نم لا تهم
لآن السلطنة
تقشر الألسنة
يسري قول الشعوب في المسام دندنة
مش بسد المطر والهبوب
الدروب الخبوب والخنا
وما بتعوز البشر من طرق ممكنة
يبقى يا حاكمين
كلمة العالمين مافي من يلكنا
و(لا ما بتنكتم
فنم لا تهم
زمن ماهو هو
قوانين شذوذ حتى في الأزمنة
وطن يا جنا
وطن قول وطن
وطن من تبن
ولا قمحة هنا
وطن ... ثم من ؟!
وطن ... ثم من ؟!
وطن ... ثم من ؟!
وطن لا تمن باعك الزنزنة
وطن واحتمل
وطن وأحتلم
بي رجع الحبيب من متاه الضنا
في ناسا عزاز مشتهنك رزاز
في ناسا رزاز مشتهينك هنا
يحيض الحراز حين يفيض البحر
عشان يزدهر طول فصول السنة
هو الضد يكون
سكون في الغضب
غضب في السكون
هو المستقيم ... هو المستدير
هو اللولبي ... هو المنحنى
هي الكائنات في الطيور مسكنة
وتستخف بالصقور حين تفقع جنا
فهم وأدلهم عليك الصدام
عليك الكلام الجديد الحديد
عليك السلام يا شهيد الغنا
تموت ما بتفوت ...تفوت ما بتموت
تموت أو تفوت الشفوت العنا
ويظل الوطن سيد الأمكنة
ويظل نبع المياه والضو
قمحنا ...كسانا...عافية ...سكن
وين ما نسكتك نسمع ....
عصيفير الحكاوي رطن
متين ما نفقدك نلقاك تحانن بالغناوي وطن
مع إنو حباك ميتة الغربة ...
واستكتر عليك كفن
قدر وطنك مع الأوطان
إذا ما كان سحايبو أبن
يمرقن قش من الوديان
عشان تلقى الغلابة لبن
قدر وطنك إذا ما كان
قبل يقسى ويخيب ظن
حبيبو الطيب الإنسان
يطفر روحو روح الفن
وطن لكنو مو هولك
ولا الزول القبيل بي خيرو بات زولك
وطن محتل بشوق مختل
رؤى ووجدان
ينوم والجنة في خاطرو
يقوم مبتل
بنات الحور وما أدراك ما الغلمان
فما قولك في شافع ضال ومايل ميل
قيام ... والشيخ ورع باللحيل
بعد هانة ...نصايص الليل في زنزانة
على أمشاطك كما الزانة
أقيف حتى الفجر طولك
فما قولك في مولانا
بعد وردية الشافع
دخلبو في خانة ************انة
وكجن .... غنالو مكتولك
وما معنى الأرض بالضبط أو بالربط
حين تكدح تكد حولك
تجيب الموية بالسرقة
محمد باركليز غير متصل   رد مع اقتباس
قديم 06-15-2009, 03:19 PM   #98
محمد باركليز
عضو جديد
 
تاريخ التسجيل: Jun 2009
الإقامة: السودان
المشاركات: 4
غرامة ودردرة وعلقة
ويصادر الوالي محصولك
وطن ... لكنو مو هولك
وطن ما ليك فيهو وطن
مجرد واطة لمت ناس
لا علم لا غيرة لا إحساس
دلق منتوف من أي كفن
مصبغ ظن
وطن ... لكنو مو هولك
عموم الحلة والأحباب
غريب أصبح عليها زمن
عليهو أغراب قلوب ************ن
يسوطو هوس عذاب ومحن
ولكنك تغني وطن
بعد ده وطن؟!
عشان ما تفتح الأبواب
فيا دخلة هبيب الرحمة
يا رجع الحبيب إذن
تغني ... تغني ما أتيقن
يكون بعد المناحة الضيق
زغاريد الفرح طقن
فيا من يوت تغني وطن
تطمن في المرق وحيدو
لا خوفا عليك لا حزن
هل يعني النهاية الموت
ويتبعزق غناك سدى ؟!
أملنا الغيم حا يتسابق
على الأرض العزيزة فدى
وطنا حبيبنا رغم البيك هي الأشواق
حنينا إليك يظل دفاق
خيالنا عليك دوام ساساق
يخلي البينا بين عينيك
مساحة غزيرة ماها فراق
فما هانت علاقة حب
وفاء وتاريخ على الإطلاق
وما طال المطر بيصب
طبيعي إنو البحر ما راق
كما إنو العكار من طين
كمان من طين بيجي الرواق
صحيح إنو المطر ضايق
لكن التراب مشتاق
إذا ما العشق مندافع
كذلك حضرة العشاق
وطن علام ... وطن ساكت
وطن ما فيهو أي كلام
وطن آخر ... وطن قدام
وطن ماهل ... وطن قوام
مدد للفي البعيد لحاق
وطن نضام ... وطن ساكت
وطن ما فيهو أي كلام
وطن آخر ... وطن قدام
وطن ماهل ... وطن قوام
مدد للفي البعيد لحاق
نظل في حبلك الواحد
حبيبين ما في بينا فراق
مع إنك ما في بس لابد توافي
وتصدق الأشواق ...لا زنزانة تتلقانا
لا جبخانة لا أطواق ...بلد وأحضانا تتلقانا
جنة جدولها الرقراق
بنطلق همبريب الشوق
على لفح النوى الحراق
بنتعود لهيب الشمس
ما كوش من الرقراق
يا وطن الأراضي البكرة
يا وطن السماء البراق
من كناك وما خناك
وما فينا الضلالي العاق
وأنت المالي عيونا معزة
وين متراوح سايب عزة
ودابا أشتغلت فينا الغنية
دابو ضمير الدنيا أهتز
وبدا لي الكدح الكونو يتبن
شوقا يضوق للعالم لذة
وين متراوح وين
يا طالي باب النيل بحنين الوزة
وعمرك كلو تغني عليها
وتترجاها تعالي ... تعالي
أول ما هي بدت عينيها
استعجلت مشيت طوالي
كوركنالك ... يا الله
سبعة أيام في سبعة ليالي
رجع الصوت النازف آه
سرسار جدول داخرو العالي
كنا غلابة وليل وربابة
متلمين فوق قوز ونغني
قلنا : الصحراء تبتق غابة
حلم قريب ما هو تمني
تنسف فجأة القوز دبابة
وفينا غنانا يصن فد صني
اتجمعت سحابة سحابة
وبدا يتلقط طير الجنة
نفس الريح الحرق الغابة
قطم فرحك ليل الحني
رغم بهاظك وعظمة فقدك
إلا إنو الحياة ما وقفت
إلا أنو في ناس بيغنو
محمد باركليز غير متصل   رد مع اقتباس
قديم 06-15-2009, 03:22 PM   #99
محمد باركليز
عضو جديد
 
تاريخ التسجيل: Jun 2009
الإقامة: السودان
المشاركات: 4
ياشباب عندى اغانى نادره لى مصطفى بس ما عرفت انزلا المساعده يا bakri 13
محمد باركليز غير متصل   رد مع اقتباس
قديم 09-15-2009, 09:55 AM   #100
العز اهل
عضو مُـميز
 
تاريخ التسجيل: Jul 2008
المشاركات: 4,043
لسة بيناتا المسافة والعيون
واللهفة والخوف والسكون

***

كتير بنعاتب الحاضر
ولا اسفا علي الماضي

***

كلمات ليس كالكلمات ... فنان ... شاعر ... انسان ...


انا لله وانا اليه راجعون
التوقيع



العز اهل غير متصل   رد مع اقتباس
قديم 09-30-2009, 01:05 PM   #101
المسافر ليلا
عضو مشارك
 
تاريخ التسجيل: May 2009
المشاركات: 64
شكرا كثيرا وجزيلا
مطالعة البوست
اشبه بفرح الفجيعه
الحبور في ان تمر علي الكلمات الحيه
الفجيعه
في رحيل صوت المغني
لكن
يبقي
ألق الحضور يغطي علي الغياب
واعادة الذكري هي حياة الموتي
مَدْخل لازهري محمد علي:
فات الكان بدّينا إحساس بالإلفه
وكان راوينا
فات الباكي جَرِحنا وناسي جُرحو
ولافّي ورانا مدينه..مدينه
فات الصاحي ونحن نَغِطْ
في النومه السابعه
طالِق حِسِّو ولا حسيِّنا
حَتْحَتْ فينا غُناه الطاعِم
وفَاتْ قنعانْ من خيراً فينا
سلاماتْ يا زول يا رائع
سلاماتْ وعواّفي!
المسافر ليلا غير متصل   رد مع اقتباس
قديم 02-01-2010, 01:08 PM   #102
bakir13
عضو جيّد
 
تاريخ التسجيل: Nov 2003
المشاركات: 970
والله يا عمك(باركليز) أنا ذاتي ما بعرف أدخل ملفات صوتية!!!!

بس الشي الممكن أعرفه لو في رابط ليها ممكن أدخل رابط (إدراج رابط)،
شوف باقي الجماعة ديل!!!
التحية للجميع

مع التحية
التوقيع
نتلاقى نهرين من تسامي واشتهاء
أبداك من حيث انتهت عندك خواتم الإنتهاء!!
bakir13 غير متصل   رد مع اقتباس
قديم 03-10-2010, 01:14 PM   #104
ذكرى انسان
عضو جيّد جداً
 
تاريخ التسجيل: Feb 2010
المشاركات: 1,344
الاخ بكوري الرائع
رائع انت بروعته
انه مصطفانا. الذي ماذلنا نصطاف فيه ونتفئ من ظلال غنائه والحانه.
انه جرح يدمي قلوبنا ماذكرناه. داعين له ان يتقبله بواسع رحمته الكريم عز وجل مولاه
انه المطر عز الحريق
انه نقر الاصابع لما ترتاح للموسيقى
انه اخبار تناغم في جريده
هو حاجه فينا تشده في قلوبنا
وهو زي ماتقول محلق وفجأة بهبط في سكون
هو الليل والغربه والمطر
انه ضلنا المرسوم
هو الطير المهاجر ولا في ايدو جواز سفر
انو العم الطيب عبد الرحيم.
انه وجه السودان المشرق رغم رحيله.باختصار هو الوجه الحديقه...
ذكرى انسان غير متصل   رد مع اقتباس
قديم 04-15-2010, 11:47 PM   #105
الرومانسى2
عضو جديد
 
تاريخ التسجيل: Jul 2009
المشاركات: 3
شكرااااااااااااااااااااااااااااااااا
الرومانسى2 غير متصل   رد مع اقتباس
قديم 05-19-2010, 03:19 PM   #106
bakir13
عضو جيّد
 
تاريخ التسجيل: Nov 2003
المشاركات: 970
المسافر ليلاً
ود مجوة
ذكرى إنسان
الرومانسي2

لكم التحية جميعاً وأنتم تنوروا هذه المساحة بوجودكم!!!

ونأمل المزيد من الإبداع والمساهمات

ونحن نسبح في هذا البحر مترامي الأطراف.... ننهل منه ليل نهار
أعذب الكلام وأرقى الألحان وبديع الكلام......

لكم التحية جميعا ولمن نسيت المعذرة
التوقيع
نتلاقى نهرين من تسامي واشتهاء
أبداك من حيث انتهت عندك خواتم الإنتهاء!!
bakir13 غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:00 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker