 |
|
01-04-2005, 01:45 AM
|
#1 |
|
عضو فعال
تاريخ التسجيل: Sep 2004
المشاركات: 302
|
طه البطحانى وحمد ودكين الشكرى (الملحمه)
ادخل ما تعاين من الشباك العنوان واضح الشكر اجزله لخال فاطمه ومحمد البشير(الصوت) ولتعم الفائده تروي الروايات ان هذه الواقعة وقعت حوالي عام 1818 ميلادية وكانت الواقعة الشهيرة بقتل احد فرسان البطاحين حمد ود دكين زعيم الشكرية واحتمي البطاحين بابناء عمومتهم الجعلين وعلي راسهم المك نمر وكادت الحرب تقع بينهم ولكنها انتهت الي الصلح وصور الشاعر الكبير ابراهيم العبادي هذه الواقعه مع اضافات ادبيه جمه ومحشنات افضت بها الي مسرحية شعريه بقت اثر عظيم لتلك الواقعة التي تناسي التاريخ سببها الاصلي وبقيت ابيات الشعر والحان القوافي ...... الحلقه الاولى قال طه : أخوك يا ريا وكت الخيول بدبكن أخوك يا ريا وكت الرماح يتشبكن اخوك جبل الثبات وكت القواسي بحبكن كم بكيت وكم قشيت دموع الببكن قالت ريا وراك اسود علي ما نمت اسع طيب قل طه بسم الله قولي اخوك طيب نصيح وشديد حاضر قلبي ماهو مغيب إلا الشفتو في النوم من هوايله يشيب الزول في الصحي مخدوم عليه شقاهو وإن غمض شويه تجي الهموم لاحقاهو الصف ابلبوس انا ما بخافو لقاهو ياليت الحلم في صحيا كان بلقاهو ... كان خيرولا شر بلقاهو ما بهم بالى وحارسنى السبات من الكبار قبالى وكت هسع صحيت وشفتك سالمه قاعده قبالى ان اتلخبت الكون مانى مبالى قالت ريا كعب نوم النهار أمس العصير كنت نايمه رأيت قدام الفريقنا أشوف صقوراً حايمه كبيرن غار علي من نومي تبيت قايمه صحيت مهجومه لا مفصل ولا في القايمه قليها طه : وانتي كمان رأيتي صقور عباره غريبه علامتا كافية ظنيت الحكايه قريبه هاك مني الصحيح الما بتدخلو الريبه هادي الحله بي عيني أشوف تخريبه قالت ريا تف الشينه ليه فاجعني ليه يا طه انت الدغري وانت الكاشفه ياك غطاها كان الدنيا هادي العقبة تتخطاها ما بضلل سماها وما ابتشيلني وطاها وقعدت ريا تبكي رد عليها طه وقال ما بفيد البكاء وكلامي احسن تنسي قالت ليه ريا كيف ما ابكي وكيف افوت مراتع انسي افقد كل شي عزي ورجالي وانسي تطلق فوقي نار عقبان تقول لي انسي .. يتبع... التعديل الأخير تم بواسطة ود الكوه ; 01-30-2005 الساعة 07:23 PM |
|
|
|
01-04-2005, 04:10 PM
|
#2 |
|
عضو فعال
تاريخ التسجيل: Sep 2004
المشاركات: 302
|
الحلقه الثانيه:-
كنا في سيرة لقاء طه وريا وهم بيحكوا لي بعض قصة الحلم قال طه : فال الخير أخير ما شفنا شيناً جدت كلا لشفنا أحلام في طريقه إتعدت قبل الليلة إيد لحمان قطْ ما اتمدت ما بنهد شرفنا لو السماء إنهدت قالت ريا : خير إنشاء الله خير والخير مساك وصباحك والفال السمح فالك يضوي مراحك بالضيفان أشوف عامر تملي مراحك شينك ما أشوف وأشوف هناك و أفراحك قال طه : خير الزول يقول مهما الامر يتهول قالوا الناس علي فالو الحلم يتأول غاية الحي فناه إن كان قرب إن طول يترك ذكرو والناس الوري بتتقول قالت ريا : وريني الحلم التورك مزهول قال طه : أصبري لي أروق حبل الفكرمبهول احكيلك شنو الشفتو والله مهول شفت الوحده شفت النار وشفت الهول أحكيلك تمام الشفتو ما بتغابه جايين العصير أنا وإنتي من الغابه سايقه ليك بهم قدامي بي رقابه بينا والفريق إتولعت تقابه قدر ما نشوف بعيد قدامنا نلقي حريق وقت النار علت ما شفنا تاني فريق باصرنا المروق ما لقينا لينا طريق تشكي من عطش واخوك يابس ريق فترتي قعدتي ,انا محتار جلست وراكى حاقبه الدرقة ختيت سيفي فوق أوراكى وكت بعد البهم لى قسعو قمتى براكى غسعتي وجيتي ومعاك كور صقور تبراكى تبت بي عجل شافنى جفلن و طارن غابن من عيوني وفي اللعوت اتضارن ما غابن كتير جن يقدلن يتبارن قدامن كبيرن عينني وغارن سل السيف ولاقاهن أخوك يالضامره تور عنز أم هشيم الفي المجامع دامره سيل تلوى اندفق فوقو السحائب هامره حجر الصاقعه فرتاك الصفوف العامره بادرني الكبير ديك إستعدن وقفن ما مهلتو طار راسو وجناحي يرفن طارن ديك وقت بي ريشو رقد اتكفن قالت له ريا : عارض ومات خلاص لي الليلة يمكن ************ .. نحمد ربنا الليلة مات عارِضنا وان كان عمروا طال يا ريا كان قارضنا يلحقوا بي عجل ديش همنا المارضنا نبدا زواجنا بكرة منو البيجي يعارضنا بطال البعيش في الدنيا اصلوا غناه ان كان مالو راح غير اهله مين يدناه سمح الفوق اساس ابواتو تمه بناه والزول دون قبيله غناه شن معناه ما بنفرح بي مال ونقول كفانا ورثنا نفخر بالرجال في الحارة يبقوا ترسنا نجمع ناسنا هيلنا من الكبار حارسنا يحضروا اهلنا فرحانين يباركوا عرسنا كل بطحاني يفرح بي عرسنا مناه ساعة جمعتن بيتنا يتم بناه عذاب عيش العزب يا ريا مر ضقناه سمح الزول صبي يلد ويربي جناه يتبع... التعديل الأخير تم بواسطة ود الكوه ; 01-30-2005 الساعة 06:49 PM |
|
|
|
|
01-11-2005, 07:38 PM
|
#3 |
|
عضو فعال
تاريخ التسجيل: Sep 2004
المشاركات: 302
|
الحلقه الثالثه:-
طبعاً ريا ما قبلت الكلام ده لانو ابوها عبد الله المعروف بابو كبس ما تم سنه من وفاته والناس في حالة حداد فقالت دا الاعوج تراه ووالشين نهايه حدو إن شاع ده الخبر يملا الفريق لي حدوا يقولوا ابكبس من دخل ود احدو فرحوا وعرسو لا موجعن لا حدو إن كان في الفريق ماتت مريه ذليله لي الحول يرفعوا العرس الدخلتوا الليله خليه ابكبس راجل الرجال ودليله إن كان بي قبيلة تعدوا تبقي قليلة خليه الكلام وعرسنا في ده الحال من بالك أمرقو محال والف محال علي ميتت ابوي لي الليله حول ما حال نصبح بكره ونسه ونشوف بشاتن حال رد عليها طه وقال ليها الموت ما شمت غاية البخود والببروا والموت والحزن ما جابو زول من قبرو الزول في الشدايد أولي يلزم صبروا يترجي الكريم مولاه كسره يجبروا بنخاتر منو الوجعه هيلنا برانا نحن أهل المصاب والناس عزا مجابرانا في أخر المراح دايماً تجي الفترانا هادة الحد ندوس والناس عقب تبرانا ... يتبع.. التعديل الأخير تم بواسطة ود الكوه ; 01-30-2005 الساعة 06:51 PM |
|
|
|
|
01-12-2005, 05:23 AM
|
#4 |
|
عضو جيّد جداً
تاريخ التسجيل: Jun 2004
الإقامة: السودان
المشاركات: 2,019
|
يا سلام عليك يا ود الكوه
انا كان عندى شريط للملحمة الرائعة وضاع للاسف واتمنيت انى حتى اسمعا سمع مره تانى . اكمل >>> |
|
|
|
|
01-12-2005, 08:25 AM
|
#5 |
|
عضو جديد
تاريخ التسجيل: Sep 2004
الإقامة: السودان
المشاركات: 21
|
الفاضل ود الكوه انا لى فترة عاوز قصة طه وود دكين مكتوبة وما لاقيها وانا شاء الله تكون عندك القصة كاملة وفى انتظار البقية وما عدمناك |
|
|
|
|
01-12-2005, 08:48 AM
|
#6 |
|
عضو جديد
تاريخ التسجيل: Aug 2003
الإقامة: sudan
المشاركات: 4
|
تسلم ود الكوه
اشكرك على هذه اللفته البارعه منك فى اعادة التوثيق لملحمه ذى دى فائق احتارمى وتقديرى هداوه |
|
|
|
|
01-12-2005, 10:01 AM
|
#7 |
|
عضو جيّد جداً
تاريخ التسجيل: Apr 2004
الإقامة: الخرطوم
المشاركات: 2,252
|
ود الكوه ياخوى انت وين ، لى زمن بفتش عليك ؟ بس اقول ليك حاجه ، والله انت رائع وروعتك تتجلى فى البوست التراثى العظيم ده . وبالمناسبة الملحمة دى أكاد اكون سمعتها الف مرة من كترة إعجابى بكمية الثراء التراثى فيها بغض النظر عن النظره القبليه فيها , وما زلت احتفظ بالشريط ضمن أشرطة غاليه على جدا ، يديك الف عافيه . خلينى أشوفك فى الديوان التعديل الأخير تم بواسطة الباشا الكبير ; 01-12-2005 الساعة 10:11 AM |
|
|
|
|
01-15-2005, 09:32 PM
|
#8 |
|
عضو فعال
تاريخ التسجيل: Sep 2004
المشاركات: 302
|
وناااااس ........ ود الزين ........ هداوه .......... الباشا الكبيردخلت المنتدى اكثر من مره ولم اجد ما اعبر به لكم عن مدى سرورى بوجودكم هنا ولم استطع حتى الآن ولن استطيع ........... فالتحيه لكم
|
|
|
|
|
01-16-2005, 06:17 PM
|
#9 |
|
عضو جيّد
تاريخ التسجيل: Apr 2004
المشاركات: 694
|
الاخ الاكرم ودالكوة
هذه الملحمة الرايعة من الادب الشعبى السودانى ومن التراث الرايع وفد كنت شغوفا بها استمع لها دائما وكم تمنيت ان اجد مطبوعة لها وها انا اجد هذا الدرب الذى زرعته بهذا التراث الجميل فلك الف شكر على هذا الاخنيار الموفق وهذا الجهد الذى يخدم تراثنا الشعبى الذى لا زال منه الكثير تراثا شفاهيا والتراث الشفاهى اذا لم يجد من يحوله لتراث مكتوب ضاع واندثر وقد ضاع من تراثنا الكثير أخى الاكرم ود الكوة هناك كلمات تحتاج الى تفسير وأستاذنك فى تفسيرها فى هذا البوست حتى تعم الفائدة ولك شكرى |
|
|
|
|
01-16-2005, 08:27 PM
|
#10 |
|
عضو فعال
تاريخ التسجيل: Sep 2004
المشاركات: 302
|
الاخ الهاسرى مرحب بك وسعدنا كثيراً بقدومك الينا ويسعدنا جداً ان تقوم بشرح الكلمات التى تراها صعبه الفهم لدى بعض الاخوه والبيت بيتك & البوست بوستك بس ما تتأخر لانه الباقى ردوم
|
|
|
|
|
01-16-2005, 09:51 PM
|
#11 |
|
عضو فعال
تاريخ التسجيل: Sep 2004
المشاركات: 302
|
الحلقه الرابعه
بعدين ريا شافت تحسم موضوع العرس ده مع طه وانه لازم يتم السنة كالعادة المتعارف عليها في الحداد فقالت الناس بالمكارم والفعال بتباهو زي الفطرة ينشا الزول حسب مرباهو عادة جدو عادتو ونحل ابوه نباهو يلبس ثوب قبيلته ان داره ولا اباهو من الليلة حول مضيهوه تاني اتكلم الدايروا بيتم رب العباد ان سلم رد عليها طه تاني امضي حول وانا بالحسار اتالم علي حكمك صعب انا قابلو ما بظلم نستني السنة قاسية وصعيبه علينا ردت عليه ريا تم الاتفاق من الكلام خلينا زي عادة البلد لا زدنا لا قلينا إن شاء الله السنة بي خيرة عايده علينا يا طه البهم قرب رجوع سراحو بنات واولاد ديك ناس فريقنا الراحو نصيحة سمعتها من الكبار الراحو قالو العربي ما بنعز كان ما مراحو وتقوم ريا فايته علي الفريق وطه يعاين فيها وهي ماشه ويقول ياليت السعادة ان كان بقت بيديه كنت اعيش غني في الدنيا بالزنديه علي حكموا ناسي الفى اخذوا الديه اموت بالعطش والمويه بين ايديا آه يا ريا قاسيه وزايده فى التفنين اه يا رب ارحم صبري امس ضنين يمحق ديه السنه ربي الحليم وحنين يخصمه من حياتي رضيت بعشرة سنين كيف أتهن واعيش وانا صبرى ولاّ مودع وسبب الرخرخ المن قام صغير متفدّع جنيت وجنى جنّ وحالى اصلُ مبدّع اهج فى الجيش اهج فاضلى تانى أجدع [media]http://students.depaul.edu/~mahmedel/List1.asx[/media] يتبع ... التعديل الأخير تم بواسطة ود الكوه ; 01-30-2005 الساعة 06:58 PM |
|
|
|
|
01-24-2005, 12:42 PM
|
#12 |
|
عضو جيّد جداً
تاريخ التسجيل: Jun 2004
الإقامة: السودان
المشاركات: 2,019
|
احيييييييييي يا ود / الكوه
اموت بالعطش والموية بين ايديا مااااالك مقلب مواجعى عليا |
|
|
|
|
01-24-2005, 01:42 PM
|
#13 |
|
عضو مشارك
تاريخ التسجيل: Jun 2004
الإقامة: الامارات العربية المتحدة
المشاركات: 57
|
جميييييييل
الملحمة راااااااااايعة يا ود الكوة
لكن مالك قطعت الخبر خليت ناس وناس حايمين جوه براهم ؟ |
|
|
|
|
01-25-2005, 06:49 AM
|
#14 |
|
عضو جيّد جداً
تاريخ التسجيل: May 2004
الإقامة: كل بيوت الفقراء بيوتي
المشاركات: 1,898
|
هوووووووووووووووي ياجنا ... ود الكوه ... أنا من أول أمس قاعد أتاوق . وأقرا بالرقراقه
وساااكت سااااكت ... فيشااان الملحمه دي صياغتها مبااااالغه ... وكلامها منظوووم أسع وأنا بتاوق لقيت وناااااس في الطريق .. ماسك راسوا سألتوا قتلوا مالك ياوناااس ياود أمي ؟ .. قال لي ود الكوه عوقني فوق راسي بي ملحمتوا القاعد يكتب فوقا .. دحين .. أنا مستنظرك فوق البوست فشان تعوقلي راسي دا متل وناااااااس .. وصح لسانك يارجل ..... |
|
|
|
|
01-25-2005, 05:12 PM
|
#15 |
|
عضو فعال
تاريخ التسجيل: Sep 2004
المشاركات: 302
|
 جعلكم الله كغيث اذا اقبل استبشر به الناس ... واذا حط نفعهم ... وإن رحل ظل إثره لهم .... وبارك لكم فى مالكم واهلكم .... وجعل لكم بين كل عيد وعيد اجر العامل وثواب العابد ... وجمعنا واياكم فى الجنه
آمين .... آمين ....آمين |
|
|
|
|
01-25-2005, 05:18 PM
|
#16 | |
|
عضو فعال
تاريخ التسجيل: Sep 2004
المشاركات: 302
|
اقتباس:
|
|
|
|
|
|
01-25-2005, 05:23 PM
|
#17 | |
|
عضو فعال
تاريخ التسجيل: Sep 2004
المشاركات: 302
|
اقتباس:
|
|
|
|
|
|
01-25-2005, 05:30 PM
|
#18 |
|
عضو فعال
تاريخ التسجيل: Sep 2004
المشاركات: 302
|
الحلقه الخامسه :-
وهنا ريا داخله علي الفريق لاقوها خمسة عرب راكبين زواملم " وده بداية الحلم الشافتوا ريا وشافوا طه " العرب قربوا من ريا قام واحد من العربان المع ود دكين شيخ العرب نادي ريا وقال بالضيفان تمري لا سلام لا كلام صدقوا اهل المثل توب العرب صح لام ردت عليه ريا حبابكم عشرة ومن دون كشرة والف سلام يا وجوه العرب المتلي ما بتلام انا بت الرجال اهل الدرق والسيف بت الما بهموا بي حساب الخريف والصيف بت البحجو لى المرقوب بكرموا الضيف انا ريا كان شفتكم افوتكم كيف قام العربي قال ليها من وين في الاهل كفاك فخر يا بنية ردت عليه ريا انا بت البيوت المن بعيد معنيه بى فوق السما نفوسنا وبيوتنا حنيه انا بت ابكبس في النسبه بطحانيه قام رد عليها ود دكين طبعاً عرفها انها هي زولتوا العاوز يعرسه زاته فقال عبد الله ابكبس عز البطانه وفخري في راس العرب بنعد ماهو الوخري كريم وهميم كان للقبائل دخري بت شيخ العرب هيلك صحيح تفتخري توقد ناره ديمه الما بكوس الجمره وفي الضيفان يهوش سكينو دايماً حمره بي كاس ما عبر لبنو بيجيك بالعمره هيلو الشكرة هيلو الرئاسه هيلو الامره المرحوم ابوك كان للقبيله غطاها عزك قديم عمك حسين ابو طه ان شاء الله اخوك ديه السكه ما تخطاها بقصد بيها ود عمها طه يعني هل هو في مكانه ابواتوا(دايره تديه كلمه ناقصه فى ودعمها) فردت عليه ريا قايله كما يسد مكانن قدموا ليش يوطاها ( يعني ماشي في الواطه ليشنو غير اكرام الضيف واغاثة الملهوف ) لا يفوت ولا يموت الساحتو يوم مغشيه تقابة الفريق يوقد صباح وعشيه زايد في الرجال طالق قفاي ووشيه ضيوف الليل يكفيهم مرارة وشيه رد عليها و دكين ما دخل التراب البركه في الذريه والخلاك وراه ما بقولوا مات يا ريه دايما في القبائل سيرة ابوك مطريه بيكي وبي اخوك تزيد ودى المحريه يتبع... التعديل الأخير تم بواسطة ود الكوه ; 01-26-2005 الساعة 07:45 PM |
|
|
|
|
01-26-2005, 05:51 AM
|
#19 |
|
عضو جيّد جداً
تاريخ التسجيل: May 2004
الإقامة: كل بيوت الفقراء بيوتي
المشاركات: 1,898
|
دا كلاااااااااااااام صح ......... ده كلاااام زي العسل ..
واللي يرحم والديك .. لاتتأخر علينا منتظرينك ... ياااااانااااااااااس في ملحمه بي جاااااااي ... في رجاااااله بي جااااي ... في كرم بي جاااااي والله يا أخووووووووي ود الكوه .. انا لايمك بالحيل .... حاااجه زي دي بالله عليك تنزلها في منتدي الأصدقاء ... والله حراااام عليك .. إنت عميان من المنتدي العام .. والله ..... ألومك .. شديـــــــــــــــــــد .... حاجات بطوليه زي دي .. تستاهل المنتدي العام ونحنا بدورنا بنكلم المشرف إنوا يثبتها علي طوووووول .. بدون اي نقااااش .. |
|
|
|
|
01-26-2005, 07:45 AM
|
#20 |
|
Registered User
تاريخ التسجيل: Jun 2004
الإقامة: السودان
المشاركات: 195
|
تماااااااااااااااااااااااااااام ما جديد عليك الابداع يا ود الكوة فما بين نيل السودان ونخيلة توجد كلمة ( الابداع ) وانت مبدع احساسك بهذه الروعة ينبي عن احساس سوداني اصيل لم ولن تغيرة غنجات الفضائيات ولا ديكور القنوات فانت سوداني اصيل ونحنا نعشق السودان ارضاً وتراباً وهواً وسماءً واكثر من ذلك نعشق انسان السودان نبراس الطيبة ومنبت الحضارة ادم ادام الله عطاءك واطال عمرك بقدر ما اطلت الفرح فينا
|
|
|
|
|
01-26-2005, 07:48 AM
|
#21 |
|
Registered User
تاريخ التسجيل: Jun 2004
الإقامة: السودان
المشاركات: 195
|
وفين الربع جنيه بتاعي ( اقصد بريدي رسلتو ليك وما وريتني استلمتو ولي لا)
|
|
|
|
|
01-26-2005, 08:00 PM
|
#22 |
|
عضو فعال
تاريخ التسجيل: Sep 2004
المشاركات: 302
|
التحيه ليك اخوى دايم الحزن والرجاله والكرم لسه بتلقاها قدام بس خليك معانا فى منتدى الاصدقاء وما تمشى بعيد
عسولى كيفنك وخبارك جيتنا متأخر كده وبالمناسبه رسالتك وصلتنى واضفتك عندى ورسلت ليك رساله |
|
|
|
|
01-26-2005, 08:14 PM
|
#23 |
|
عضو فعال
تاريخ التسجيل: Sep 2004
المشاركات: 302
|
الحلقه السادسه :- قام واحد من العرب داير يعرفا انه ده شيخ العرب ود دكين فقال : ما بتسألي لامن وين ولا وين ترسو قالتلوا ريا كيف العربي يسأل ضيفو كيفن تنسوا أول بكرموا ويخابروا ساعة أنسو من مقلب حديث يعرف أبوه وجنسوا فرد عليه العربي عملتي حسابو ضيفك وكرموا وجبتيه يخجل كان سألتي وإسمو ما عرفتيهو إسم شيخ العرب سامعابو ما شفتيه (داير يوريها بان حمد ودكين دا راجل غنى وراجل كذا وكذا..عشان تقبل بيه) ده خريف البطانه الفيها مالوا مشارك هيلوا السارحه هيلوا الصاهله هيلوا البارك ما وقع لك كلامي ساكته لي شنو خبارك فخرك ود دكين جاك في فريقك زارك ردت عليه ريا مرحب حبابو العزو ماهو لفايه اب ناراً تولع للضيوف دفايه بي شيخ العرب الإفتخار ما كفايه تابعو إنت جانا نفخربو ونخدموا حفايه رد عليها ود دكين بارك ربي فيك عقلك يدوم يا ريا كرمك ماهو كلفه ديه طبعتك فطريه إياك بت التلوب والسمته فيك محريه قديم فوت البطاحين عزه للشكريه يتبع... التعديل الأخير تم بواسطة ود الكوه ; 01-30-2005 الساعة 07:06 PM |
|
|
|
|
01-27-2005, 05:38 AM
|
#24 |
|
عضو جيّد جداً
تاريخ التسجيل: May 2004
الإقامة: كل بيوت الفقراء بيوتي
المشاركات: 1,898
|
ننتظــــــر
بصمت وشغف الإبـــداع والفطره في الرد والرزانه في العقـــــــل التعديل الأخير تم بواسطة دايم الحزن ; 01-27-2005 الساعة 05:43 AM |
|
|
|
|
01-27-2005, 09:44 AM
|
#25 |
|
Registered User
تاريخ التسجيل: Jun 2004
الإقامة: السودان
المشاركات: 195
|
ها زوول رسالة شنو حرم ماجاتني رسالة تب علي ياكا jam ولي زولاً تاني
|
|
|
|
|
01-27-2005, 05:03 PM
|
#26 |
|
عضو فعال
تاريخ التسجيل: Sep 2004
المشاركات: 302
|
الحلقه السابعه :-
في الوقت داك جاء طه ووجدتهم واقفين فقال : مرحبتين حباب مرحب خريفنا الزارنا حباب شيخ العرب اتشرفنبوا ديارنا حباب راس العرب البيهو كل مدارنا تنزلوا في الدرب مالنا ماتت نارنا رد عليه شيخ العرب حباب طه الضرس والفي الصهيباب راس الجود والكرم هيلك قديم ميراس نارك ما بتموت با ولده الفراس قاصدين ام شديده ومعانا عوجه راس رد عليه طه لعدوك العوج يا الفي الكبس سراي راسك ما بدوس مليان رجاله وراي باكر لي ام شديده بركب معاك براي يا شيخ العرب لاكن تختوا كراى طبعاً شيخ العرب ما فهم كلمة كراى ديه فقال لي طه .............. هادي الشورة يا طه الغلبني دليله كل اللبزمه القاهو فيك قليله رد عليه طه شارح ليه كلمة كراي كراي الدايروا تبقوا ضيوفنا انتو الليلة ترقدوا في الفريق حتي ان عشانا بليله رد عليه ود دكين مسكنا الدرب أسرع قوام ما تلعب دارك ديمه عامره والسمح ما بكعب يكفينا الوصف لاتشد جمل لا تتعب وهدنا الطريق عقب الوصول ما بصعب رد عليه طه يمين تغشوا الفريق بتفوتوا نحنا مقابر رد عليه شيخ العرب عامر انشاء الله ديمه اياك مرسى العابر مشطوطين خلاص مسكنا في دريب جابر نخاف عوج الطريق منو لي المقدر خابر رد عليه طه دريب جابر مزم والسكه سالكه ورايقه فرقان ما بتلاقيك ما بتعوقك عايقه اخذ خاترنا نحنا قالوا واصله السايقه بتراوح ام شديده باكر زواملك فايقه رد عليه ود دكين الزول ان وعد شين ميعادو يخلفو في ربط اللسان يسخابو دمو يتلفو سفري الليله فيه زولين ما بختلفو ضروري اصل ام شديده علي وعد بي حلفو ما بعرف ازوق من نشيت تبيت فريقكم لي فريق وبيتكم يمين لي بيت اجيك ديناً علي حتي إن بقيت حبيت هاك وعداُ نجيض ارجانا بكره مبيت شوفتي للفريق ايام بكي ابواتك مو غابيني حالو وسمعت بي نخواتك فريقك بكره ضيفوا وما بفوتوا وحاتك إلا أحققك وبراي اشوف نفحاتك يا ود الهميم النفسوا ما معارضاه كرم الضيف عليك مكانه ابوك فارضاه جاييك في امر ان تابه وان ترضاه غيرك ما بكوس واملي بس تقضاه رد عليه طه غرضك مقضي كان احتاج لخيل وجمال والضان والابل سارح يمين وشمال ردعليه ود دكين فوق القولتو انا لي فيك آمال رد عليه طه بي دمي الغرض اقضاهو خلي المال المهم طه زي فهم شيخ العرب وده ماشيلوا جاي وطه ماشيلوا علي المال فرد عليه شيخ العرب دي المأموله فيك وين الدرب خترنا رد عليه طه دربكم في السلم قالوا شيخ العرب والله تب ما ودرنا بكره نجيك ان قلينا ولا كترنا وهنا ودعهم شيخ العرب وسار بي جماعته قاصد ام شديده وعلي اساس في اليوم التاني ينزل ضيف علي طه وقبيلة البطاحين [media]http://students.depaul.edu/~mahmedel/List2.asx[/media] يتبع... التعديل الأخير تم بواسطة ود الكوه ; 01-30-2005 الساعة 07:13 PM |
|
|
|
|
01-28-2005, 04:32 AM
|
#27 |
|
عضو جيّد جداً
تاريخ التسجيل: May 2004
الإقامة: كل بيوت الفقراء بيوتي
المشاركات: 1,898
|
[color=********0000FF][font=Simplified Arabic][size=5][QUOTE=ود الكوه][align=right][
رد عليه طه غرضك مقضي كان احتاج لخيل وجمال والضان والابل سارح يمين وشمال ردعليه ود دكين فوق القولتو انا لي فيك آمال رد عليه طه بي دمي الغرض اقضاهو خلي المال والله ياود الكوه .... أنا طبعاً الملحمه دي أول مره أسمعه ..!... ولاكن في صيغه مبااااالغه في البيتين المقتبااااس ديل ... بالله شوفوا كرم الإنسان السوداني .. وشهامته وصلت لي ياتوا درجه .. والله مبالاااااغه .... في الكرم .. |
|
|
|
|
01-30-2005, 07:29 PM
|
#28 |
|
عضو فعال
تاريخ التسجيل: Sep 2004
المشاركات: 302
|
الصوت ليك يا دايم الحزن عشان ما يفوتك نص عمرك ولكل الاخوه الاعزاء
فى حاله عدم سماع الصوت ارجو تحميل ويندوز ميديا بلير 9 (************************s Media Player9) |
|
|
|
|
01-30-2005, 10:02 PM
|
#29 |
|
عضو جيّد
تاريخ التسجيل: Jun 2003
الإقامة: المملكة العربية السعودية _تبوك
المشاركات: 606
|
كنت بتاوق واعاين في الشريط المتحرك للمنتدي ولوح ليا اسم طه البطحاني وحمد ود كين الشكري ... وقلت ادخل من الباب واشوف وكم كانت فرحتي عندما وجدتها هذه الملحمه الرائعه وهذا الجهد المقدر منك اخي ود الكوة .. حفظتها ورددتها كثيرا وكثيرا ..كم هي معاني جميلة ومعبرة .. سلمت يمينك ياود الكوة .. |
|
|
|
|
01-31-2005, 12:54 AM
|
#30 |
|
عضو فعال
تاريخ التسجيل: Sep 2004
المشاركات: 302
|
مرحبتين حباب بت ملوك النيل خريفنا الزارنا
حباب بت الملوك اتشرفنبوا ديارنا حباب ملوك النيل البيهو كل مدارنا تتاوقو بى الشباك مالنا مقفول بابنا  
التعديل الأخير تم بواسطة ود الكوه ; 01-31-2005 الساعة 07:23 AM |
|
|
|
 |
| أدوات الموضوع | |
| انواع عرض الموضوع | |
|
|
العرض العادي
