Follow us Youtube Rss Twitter Facebook
قديم 03-02-2005, 08:32 AM   #1
المشرف العام
إدارة النيلين
 
تاريخ التسجيل: Jun 2003
الإقامة: السودان
المشاركات: 317
Post مدير التلفزيون السوداني/ الأستاذ: محمد حاتم سليمان


منتديات النيلين ترحب بضيفها الكريم : الأستاذ محمد حاتم سليمان مدير التلفزيون السوداني .. والفرصة متاحة الآن لأعضاء المنتديات الكرام بتوجيه الأسئلة والمداخلات والإستفسارت عبر هذه المساحة فيما يتعلق بالفضائية السودانية ، وسيتم نشر الإجابات عقب توجيه الأسئلة ، إضافةً لبث المقابلة بالفيديو عبر تلفزيون النيلين ووضع الرابط بالمنتدى ..



ضوابط الحوار

- فترة إستقبال الأسئلة: من الأربعاء 2/3/2005م .. إلى .. السبت 5/3/2005م
- الإلتزام بتوجيه عدد لا يزيد عن سؤالين فقط لكل عضو .
- عدم تكرار الأسئلة المطروحة .
- الإلتزام بضوابط المشاركة في منتديات النيلين.
التوقيع
المشرف العام
المشرف العام غير متصل  
قديم 03-02-2005, 09:07 AM   #2
ابو مهند
عضو جديد
 
تاريخ التسجيل: Mar 2005
المشاركات: 1
السلام عليكم ورحمة الله
انا لدي بعض الاتهمات لادارة التلفزيون.
ادارة التلفزيون لديها عداء مع الدراما السودانية ويرجع السبب للكمشنات العالية في شراء المسلسلة العربية مهما كان نوعيتها مع انه تكلفت انتاج المسلسل السوداني اقل بكثير
وهو يدفع بحركة الدراما الي الامام ؟

الاتهام الثاني ان ادارة التلفزيون لا تدفع لاصحاب شركات الانتاج حقوقها ولا تحترم مواعيد سداد الفواتير لهم مع انها تصرف مبالغ طائلة في اشياء غير ذات اهمية (زهور و ورود وردميات واشجار)
ومباني لاتنتهي والكثير من بنود الصرف الذي لا يظهر علي الشاشه ؟


تنويه اذا الحكومة لم تنتبة الي تحسين نظام التعاون مع التلفزيون سيفقد التلفزيون
مشاهدية مع كثرة القنوات و بهذا تفقد الحكومة اهم منبر لمخاطبة الجمهور


رد الأستاذ محمد حاتم سليمان مدير التلفزيون السوداني :


مرحباً بكم وبالاخوة المشاهدين كلهم من خلال موقع النيلين وهذا الموقع نشيد به وبأداءه وبالمشاركات الحيه التي نتبعها من خلال الحوارات المختلفة والتي والتي عبر هذا الملتقي .

نعم نحن نحي الأخ المهرج يعني وعلي هذا السؤال ونحي فيه يعني اهتمامه بالدراما السودانية ونحي كل الدراميين في السودان التلفزيون ليس له عداء مع الدراميين في السودان نحن نقدر جهودهم وإبداعهم ومساهمتهم يعني وحقيقة مشكلة الدراما والإنتاج الدرامي في السودان هي في الأساس مشكلة تمويل يعني ليس عداء وليس تقليل من حجم الدراما ولكن الأشكال الكبير الدراما مكلفة جداً وميزانيات التلفزيون في السنوات الأخيرة يعني لاتسمح بتمويل كبير للإنتاج الدرامي يعني في كل عام لدينا مالايقل عن أربع مسلسلات في كل عام ولدينا مجموعة من الأعمال القصيرة يعني تنتج في مناسبات مختلفة في الأعياد وفي رمضان وفي البرامج المختلفة نجد يعني ان هناك إنتاج درامي قصير موجود ولدينا سهرة درامية كل احد مخصصة اصلاً للدراما وتناول قضايا الدراما فالتلفزيون السوداني لم يتوقف يوم من الأيام من تمويل ودعم الدراما لكن هذا التمويل الذي يتيحه التلفزيون ليس بحجم الحركة الدرامية وليس بحجم النصوص الموجودة لدينا في التلفزيون وقضية الدراما لن يحلها التلفزيون وحده وانما هي قضية بلد إذا أردنا أن نحرك الساحة الدرامية والإنتاج الدرامي لابد أن يكون هنالك اهتمام كبير جداً من وزارة الثقافة اهتمام كبير جداً من الأمانة العامة للخرطوم عاصمة للثقافة واهتمام وزراة المالية واهتمام من البلد كله واهتمام من القطاع الخاص ايضاً لان الدراما في كثير من البلاد يمولها القطاع الخاص فلا يستطيع التلفزيون لوحده بميزانيته المحدودة ان يمول الدراما ويمول جزء من الدراما وبالتالي القضية اكبر من التلفزيون ومن قدرات التلفزيون أنا أتمنى أن يطرح هذا الموضوع علي مستوي البلد وان نجلس مع كل الأطراف حتى نري كيف ندعم ونمول هذه الدراما نحن مع الدراما ومع الدراميين ونتمني لها دوماً كل تقدم وليس هنالك كمشنات في الدراما العربية لاخوة مصر متعاونين جداً معانا الاخوة في سوريا متعاونين جداً معانا وهي بالمناسبة الدراما المصرية والدراما السورية اقل كلفة من الدراما السودانية لان الدراما المصرية تنتج وتوزع علي كل التلفزيونات والدراما السودانية تنتج وتوزع علي تلفزيون واحد واذا يتحمل تلفزيون و احد كل التكلفة في المصرية والسورية يتحمل اكثر من 22 تلفزيون حكومي ومئات التلفزيونات الخاصة تتحمل شراء الدراما نحن نفكر كيف ننتج دراما توزع لكل التلفزيون الناطق بالعربية حتي نستطيع تقليل تكلفة شراء الدراما ونستطيع أن ندعم بذلك الدراما فإذا القضية معقدة والقضية فيها اكثر من طرف يجب ان نتناقش ونتحاور في هذه القضية بأبعادها كلها ولا يحمل التلفزيون وحده مسئولية الإنتاج الدرامي كله في البلد لانو مسئولية الإنتاج الدرامي هو اكبر من حجم تلفزيون واحد

التعديل الأخير تم بواسطة المشرف العام ; 03-08-2005 الساعة 10:26 AM السبب: تم إضافة الرد
ابو مهند غير متصل  
قديم 03-02-2005, 09:31 AM   #3
المامسجل
عضو جيّد
 
الصورة الرمزية المامسجل
 
تاريخ التسجيل: Jul 2003
الإقامة: السعوديه
المشاركات: 994
الاستاز محمد حاتم سليمان

تحية واحتراما ,, ومرحبا بك فى النيلين البيت الكبير

سؤالى الاول هو كيف سمحتم للشيخ صالح كامل وقناة A.R.T باحتكار الدورى الممتاز السودانى , ولماذا لم تدخلوا بقوه وكمنافس جاد لاحتكار البث الرياضى للدورى المذكور خدمه لمشاهديكم فى الداخل والخارج وبخاصه ان شريحة المغتربين تدفع اموال بالعمله الحره وسنويا للقناه الفضائيه ومنز سنين خلت , اليس من حقهم ان يستمتعوا بالدورى السودانى على الاقل مقابل مايدفعون , وهل صحيح ان هذه الاموال لاتزهب الى خزينة التلفزيون مباشره رغم انها تجبى باسمه , ومتى ستجلسون مع A.R.T والاتحاد العام لكرة القدم لتتفقون على بث الدورى الممتاز , ولماذا لم تقوموا بهذه الخطوه الى الان ,؟؟
نرجو الاجابه بصراحه وشفافيه ‍!!

سؤالى الثانى متى يتم عمل قناه فضائيه رقميه رديفه للحاليه بحيث يكون بثها دولى على ان تبقى الحاليه محليه داخل السودان فقط ,, بحيث تكون القناه الجديده واجهه مشرفه للسودان , ولايخفى عليكم بأن الفضائيه الحاليه ورغم المجهودات المبزوله تبقى دون الطموح المنشود , ومتأخره جدا بالمقارنه بالفضائيات الاخرى ومتقوقعه على زاتها وموغله فى المحليه ولا تخدم قضايا الوطن والمواطن بالصوره المثلى , وذلك من ناحية الماده والاعداد والصوت والصوره والاخراج , واخص بالزكر هنا اخراج مباريات كره القدم المنقوله تلفزيونيا على قلتها ؟؟

وشكرا على تفضلكم بالاجابه
وشكرا على سعة صدركم


رد الأستاذ محمد حاتم سليمان مدير التلفزيون السوداني :



هي أول حاجة قضية الرياضة طبعاً العلاقة بين الرياضة والتلفزيون هي علاقة شراكة متلازمة هما شريكان مثلاً زمان الرياضة والتلفزيون لكن الرياضة في السنوات الأخيرة في كل العام أصبحت هنالك مشكلة في يعني الاستفادة من هذه الخدمة …. لانو دخلت قنوات خاصة لانو هذه القنوات تستطيع بقدراتها المالية العالية ان تحتكر أي دوري واحتكرت دوري كاس العالم كاس أفريقيا واحتكرت معظم الأنشطة الرياضية في العالم هذا الآمر ليس في السودان حتي الدوري العربي كله احتكر لمؤسسة ART هذه المؤسسة عندها قدرات علي إنها تخش في منافسة مع شركات كبيرة جداً وتستطيع ان تنال حقوق البث وأنا أقول يعني الأخ صالح الكامل ومجموعة الـ ART حقيقة متعاونة جداً مع التلفزيون السوداني نحن حينما عجزت دول كثيرة جداً في المنطقة العربية تبث كاس العالم استمتع المشاهد السوداني بكاس العالم وحينما عجزت دول كثيرة تبث كاس أفريقيا استمتعنا نحن بكاس أفريقيا ودي كلها كانت تحتكره ART نحن نشكر الأخ صالح الكامل بتعاونه الكبير معانا رغم احتكاره لكاس العالم وكاس أفريقيا
ورغم احتكاره للدوري العربي الا انو اعطا الحق لتلفزيون السودان أن يبث هذه المباريات كلها علي البث الأرضي واستمتع الناس في السودان بهذه المباريات وحتى في الدوري السوداني يعني لا اظن ان الأخ صالح كامل يمانع في ان يبث السودان ارضياً المشكلة بتجي وين المشكلة بتجي في انو البث الفضائي والبث الفضائي نفسه ليس في قنوات أخرى البث الفضائي يتم في قناة النيل الأزرق وقناة النيل الأزرق هي إحدى قنوات الهيئة السودانية بالإذاعة والتلفزيون هي زيها وزي التلفزيون السوداني فالمغترب يستطيع ان يشاهد الدوري علي قناة النيل الأزرق فقناة النيل الأزرق هي قناتنا أيضا لأنها فكرة نبعت من التلفزيون السوداني والشركة بداءت مع التلفزيون السوداني قبل ان تقوم الهيئة السودانية للإذاعة والتلفزيون أصبحت هذه القناة إحدى الشركات الاستثمارية تستثمر فيها الهيئة مع مجموعة الـ ART وبرضو لمن مشت مامشت بعيده مشت برضو في قناة تابعة للسودان ايضاً والمغترب يستطيع ان يشاهد الكورة علي قناة النيل الأزرق ونحن مااحتكرنا الدوري للشيخ صالح كامل ART الاتحاد السوداني من حقه أن يملك هذه الحقوق لاي جهة براها هذا الحق لاتحاد الكرة وليس للتلفزيون السوداني نحن علينا نتراقي منافسة زينا وزي أي شركة اخري ونقدم عرض مقنع يقنع اتحاد الكورة بانو نحن نحتكر الدوري السوداني اذا كان في شركات تانية قدمت احسن مننا تستطيع ان تحتكر لكن حتي الاحتكار هذا هو مصلحتنا لانو احتكار قناة النيل الأزرق وقناة النيل الأزرق هي احدي قنوات السودان واحدي قنوات الهيئة السودانية للإذاعة والتلفزيون .


نعم والله انا اولاً احي جهود الاخوة العاملين في قطاع التلفزيون وعلي مايبذلون من جهد رغم قلة الإمكانيات الناس دائماً مابقارنو انها كانوا وين واصبحوا وين زمان قبل ان يكون هذا البث فضائي كان المغترب عشان يحصل علي مادة من السودان يذهب للسفارة السودانية في البلد العربي المعين وكان البرنامج مثلاً زي ساحات الفداء وبعض البرامج المهمة جداً للمشاهدين تنسق علي أشرطة V.H.S ثم نبعث بها عبر الحقيبة الدبلوماسية الي السفارات في البلاد العربية وياتي الاخوة في الجاليات السودانية عشان مايشتروا نسخ من V.H.S ويشاهدو مادة عن السودان وكانوا يعانوا معانة كبيرة جداً في ظل الحملة العدائية الكثيفة جداً في السودان في بدايات قيام ثورة الإنقاذ الوطني وكانت معلومة السودان صعبة جداً الحصول عليها والإخبار صعبة جداً الحصول عليها وبالتالي لمن ظهور فرصة انو في القمر العربي عرب سات انو نرفع البث الأرضي كانت فرصة سانحة تم فيها بث قناة التلفزيون السوداني مش الفضائية السودانية تلفزيون السودان كل مواده ديه نرفعه في القمر علي أساس انو كل الناس يشوفوها وحلة مشكلة كبيرة جداً للسودانيين بقو يشوفو القناة السودانية وانا اعلم تماماً انو أعداد كبيرة جداً من السودانيين ماقاعدين يشاهدوا غير القناة السودانية هي حقيقة حلة مشكلة لو قارناها بالسنوات السابقة هذه واحدة والثانية يا أخوانا ده تلفزيون السودان وليس هذه الفضائية بأي حال وبالتالي فيه المواد المحلية ربما لاتهم المشاهد خارج السودان لكن نحن لانو في السودان ماعندنا طريقة نعمل بث للولايات الي عبر القمر الصناعي الوقت داك ماكان في شبكة فايبر ماكان في إمكانيات نعمل بث ارضي في كل السودان البث الأرضي حتي الآن علي مستوي ولاية الخرطوم عشان نبث للولايات لازم نرفع الرسالة من القمر ونعمل محطات إعادة بث في كل ولاية وتستقبل الولاية هذا الإرسال من الأقمار الصناعية وبالتالي برضو وبالتالي انو المغتربين بقو يشاهدوا التلفزيون المحلي نحن نتفق تماماً انو تلفزيونا المحلي فيه قضايا محلية كثيرة ولابد انو تكون في قناة فضائية المشروع مدروس وانشاء الله التمويل جزء منه كبير اتوفر وانشاء الله في بداية هذا العام او بداية العام اللاحق يفصل الإرسال المحلي من الإرسال الفضائي حتي تكون في مواد فضائية تنافس مانراه علي الفضائيات الأخرى وتكون في مواد محلية لانو الرسالة اصلو موجهة للمواطن المحلي

التعديل الأخير تم بواسطة المشرف العام ; 03-09-2005 الساعة 12:36 PM السبب: إضافة الرد
المامسجل غير متصل  
قديم 03-02-2005, 10:42 AM   #4
أسد البراري
عضو مُـميز
 
الصورة الرمزية أسد البراري
 
تاريخ التسجيل: Jun 2003
الإقامة: In Heart
المشاركات: 3,171
الأستاذ محمد حاتم سليمان مدير التلفزيون السوداني مرحباً بكم في منتديات النيلين

السؤال الأول :
ماهي شروط تعيين المذيعين ومقدمي البرامج . ولماذا تصر إدارة التلفزيون على فرض شخصيات ملها ويملها المشاهد .. (مثل من ينتهز فرصة ظهورة أمام الكاميرا لاستعراض حصيلتة اللغوية .. عارضاً ثقافته .. متجرداً من التلقائية والإبداع) .. وأعني هنا شخصية بعينها .. انتهى الأمر بهجرته خارجاً فحمدنا الله كثيراً .. ولكن فوجئنا بعودته يمارس رفع ضغط المشاهد المغلوب على أمره ..


السؤال الثاني :
هجرة العديد من الكوادر التلفزيونية هي دلاله على تفوقهم وعلى تقبل المشاهد الخارجي لهم. ماذا فعلت إدارتكم تجاه هجرة هذه الكفاءات .. وهل هناك معالجات لحل هذا الموضوع حتى لايفقد التلفزيون مشاهديه.



رد الأستاذ محمد حاتم سليمان مدير التلفزيون السوداني :



طبعاً أي مذيع او مقدم عندو مواصفات يعني الثقافة مهمة جداً الحضور أمام الكاميرا مهم جداً …. اللغة الصحيحة مهمة جداً يعني في شروط لاختيار المذيعين وفي تدريب مستمر للمذيعين والمقدمين وبالتالي يعني أي مذيع أو مقدم يعني لايستطيع ان يواكب او يقدم مابحبوه المشاهدين وتحصل ملاحظات من المشاهدين وعندنا استطلاعات ودراسات بنعمله في كل فترة واخري فالواحد يحسب الناس في مذيعين كثيرين جداً كانوا في الشاشة السودانية واختفوا اختفوا بملاحظات اختفوا بدراسات واستطلاعات عملناها والذي يلاحظ ان هنالك مقدمين البرامج ومذيعين برامج جدد موجودين وفي كل سنة نحاول أن نجدد والذي يلاحظ حتي في الخريطة الآن المعدلة التي بداءت في فبراير هنالك وجوه جديدة وفي كل فترة واخري نحاول ان نجدد يختفي ناس ويظهر اخرون يعني ومن القضية قضية التجديد مستمرة وقضية إحسان نحن لاخيار المذيعين والمقدمين مستمرة وبرضو بتحرم راي المشاهد وملاحظاته في كل فترة واخري ولو راين في إجماع حول شخصية معينة غير مناسبة بغير هذه الشخصية وهكذا الأمر نحن مجتهدين فيه ونرجوا برضوا أخوانا المشاهدين يساعدون اذا كان في زول بيري انو والله في مقدم في موقع معين من السودان يصلح يكون مقدم برامج جيد برضو يرسمه لينا نحن برضو عايزين ترسيمات اذا كانت ترشيحات جيدة نستطيع ان نتيح الفرصة للترشيحات دي لانو نحن عايزين ما يرضي المشاهد لانو التلفزيون شركاء ثلاثة لازم يرضي المعلن لازم يرضي المشاهد لازم يرضي الحكومة والجهود الممولة ونحن تلفزيونات حكومية برضوا عاوزين نعكس رسالة الدولة وخطاب الدولة وإنجازات الدولة وده كله بصورة ترضي المشاهد ونقدم ليه برامج جاذبة وجادة وجيده مش برامج يعني ضعيفة ومش برامج يعني دعائية لكن برامج تقنع هذا المشاهد وبرامج تقنع المعلن عشان يعلن في التلفزيون السوداني ونحن مجتهدين في انو نرضي هؤلاء المشتركين الثلاثة ومجتهدين في انو نجود أعمالنا كلها من كل دورة واخري ونحترم راي المشاهد وبعين كتير جداً في هذا التجديد وهذا التطور .



اولاً انا اقول لانستطيع إيقاف الهجرة والهجرة اولاً في هجرة داخلية الناس بيعملوا بالهجرة الخارجية بس في هجرة داخلية داخل السودان لانو الآن أصبحت في منشأت ضخمة جداً استثمارية في السودان مثلاً مؤسسات البترول ومثل مؤسسات مثل القنوات التلفزيونية الخاصة مثل الإذاعات الخاصة التي ظهرت في السودان ودي كلها ممكن يهاجر ليها الناس من الهيئة العامة للإذاعة والتلفزيون الي إذاعات جديدة الي تلفزيونات جديدة الي مواقع ومؤسسات جديدة فيها يكون دخل افضل وشروط وامتيازات افضل لاتستطيع انك تمنع هجرة إنسان من موقع لموقع يري انه افضل ويحسن من ظروفه ودخله وكذا ولا نستطيع أن نمنع هجرة خارجية انو أي زول عنده كفاءة مجدده ويستطيع انو يعرض قدراته ومهاراته علي أجهزة إعلامية خارجية وتقبله لانستطيع أن نمنعه من الهجرة لكن نستطيع انك تحسن ظروف العاملين داخل الهيئة حتي لا يهاجروا الي خارج السودان ودي في أشياء بيدنا وأشياء مابيدنا الأشياء المابيدنا هي الهياكل الراتبية ودي هياكل موجودة في كل بلد وبتعمل لكل القطاعات إعلاميين واقتصاديين وغيرهم في هيكل راتبي معروف وزيادات في الأجور معروفة كل عام نحن حقيقة هذا الهيكل الراتبي لايرضينا ونحاول دائماً الهيئة تكون عندها شروط خدمة ألا اذا قبلت الدولة ان تستثني الدولة الهيئة السودانية للإذاعة والتلفزيون من شروط الخدمة العامة ويبقي عندنا ليها شروط خدمة خاصة يقدرها مجلس الأمناء للعاملين بالهيئة وبعداك يكون عندنا عقودات نجيب الكفاءة المعينة ونديها راتب قدر كفائتها وقدراتها في الحالة دي أنا بحدد من الهجرة طالما اصبح عندنا مرتبات حكومية وتدفع وزارة المالية وفق الهيكل الراتبي للدولة قطعاً القطاع الخاص أجوره افضل من القطاع العام .لو ماطلعنا من حتت القطاع العام دي حيفضل الناس تهاجر الي مؤسسات داخلية افضل أو مؤسسات خارجية افضل وكل القطاع العام يعاني من هذه الهجرة ليس الأعلام وحه وليس التلفزيون وحده
التوقيع

التعديل الأخير تم بواسطة المشرف العام ; 03-09-2005 الساعة 12:00 PM السبب: أضافة الرد
أسد البراري غير متصل  
قديم 03-02-2005, 11:01 AM   #5
البرغوثي
عضو جيّد
 
الصورة الرمزية البرغوثي
 
تاريخ التسجيل: Mar 2004
الإقامة: حيث أنا
المشاركات: 1,130
السلام عليكم ورحمة الله وبركاته



اهلا بالاستاذ / محمد حاتم سليمان مدير التلفزيون السوداني (الفضائية السودانية).

بداية ارحب بك في منبر هام وهام جدا من منابر الاعلام السوداني الحر المتمثل في منتديات النيلين.

ثم اسمح لي بسؤالين

الاول

من المسئول عن تأهيل المذيعين ومقدمي البرامج من الناحية اللغوية خاصة في مخارج الحروف ونطق بعض الحروف نطقا يغير المعنى بشكل واضح ؟- وكما هو معلوم فان التفاز جهاز يمثل الشعب ويجب ان يكون هذا التمثيل تمثيلا مشرفا. ولا يشمل هذا الاتهام المذيعين الجدد بل يشمل القدماء ايضا. ومن يتابع اداء هؤلاء و يحاسبهم على اخطائهم؟
الثاني

التلفزيون السوداني من اكثر التلفزيونات العربية التي تقدم اغاني - طبعا سودانية - وكأن الدولة لا تملك برامج الا تلك الاغاني.
السؤال هو : اين البرامج المفيدة كالمسابقات والمحاضرات وغيرها والتي تقوم بتثقيف المشاهد وترفيهه باسلوب محترم ؟


ولك جزيل شكرنا.





رد الأستاذ محمد حاتم سليمان مدير التلفزيون السوداني :


نعم والله افتكر انا المذيع السوداني عنده قدرات هائلة جداً واثبت كفاءة كبيرة جداً والناس بيذكروا أسماء ظلت موجودة في حياتنا من المذيعين والمقدمين المميزين جداً وهنالك في الهيئة إدارة للتدريب ترعي هؤلاء الجدد وحتي القدماء بدورات مستمرة لرفع الكفاءة بالتعاون مع مؤسسات تدريب خارجية كثيرة جداً فالتدريب مستمر بالنسبة للمذيعين هنالك عندنا وحدة اسمها وحدة التدقيق اللغوي هي تصحح الاخطاء في اللغة الإنجليزية واللغة الفرنسية واللغة العربية واي مذيع يخطي في نهاية اليوم بدوهو الاخطاء بتاعته نهاية الأسبوع نهاية الشهر بترصد الاخطاء بتاعته نهاية العام وبنحاول بدورات تدريبية تصحيح هذه الاخطاء فالجهود مبزولة وانا مابقول مافي أخطاء الاخطاء موجودة ولكن نحن نقوم باستمرار وانا والله شايف الأداء جيد لعدد كبير من المذيعين وقد يكون بعضهم فيه ضعف وانا بامل بالتدريب يتحسن الاداء شياً فشيئاً.



بالعكس في آخرين يرون أن تلفزيون السودان مقل جداً في تقديم المنوعات وتقديم الأغاني نحن لو رجعنا للنسب نسبة المنوعات 12% في خريطة التلفزيون نسبة البرامج الثقافية 35% نسبة السياسية و الأخبارية 25% يعني بالنسبة الحاجة حسابات بالنسب لان يعني البرامج الأخرى اكثر لكن المنوعات تقدم في فترات عالية المشاهدة يعني السهرة وفترة مابعد الساعة 8 ودي الفترة الناس بيكونو قاعدين يشاهدو ، زي الزول يشاهد التلفزيون من الصباح دائماً بجي كل يوم مثلاً الساعة 8 أو 7 مساء بلقي في برنامج بتاع منوعات بيحضر السهرة والسهرات دائماً معظمها منوعات يعني بالتالي بياخد انطباع بانو الأغاني كثيرة يعني وكده بل انو الأغاني ماكتيرة يعني انو انتا تقول شنو في روتانا يعني وتقول شنو في قنوات ماعندها غير الغناء حاجة يعني نحن هسه في البرنامج العام نقدم أربع اغنيات في البرنامج العام يعني كل برنامجين ثلاثة تنزل أغنية براها كده ثم نشر الأغاني في البرنامج العام أربعة اغنيات في اليوم وعندك برنامج في الصباح اسمه ايقاع الصباح غالباً يقدم أغنية واحدة في الختام وعندنا برنامج بتاع منوعات بكون بعد الساعة 7 بقدم ليه ثلاثة أربع أغاني واحياناً بكون في سهرة فيها ثلاثة أربع أغاني يعني لو حسبت الأغاني في اليوم كله مابتفوت 10 أغاني فكيف في قنوات في اليوم بتقدم 100 أغنية فهنا المعايير ما صحيحة والانطباع ده ماصحيح بل نحن حاسين حجم المنوعات اقل لانو نحن قناة جامعة والناس تفرق بين القناة الجامعة والمتخصصة القناة لمن تكون رياضية بتقدم رياضة بس والقناة لمن تكون أخبارية بتقدم أخبار بس والقناة للأطفال بتقدم أطفال بس قناة المنوعات بتقدم غناء بس قناة السودان هي قناة جامعة فيها الرياضة وفيها الدراما وفيها المنوعات وفيها السياسة وفيها البرامج الدينية وفيها كل شي لازم نرضي الازواق كلها وصعب جداً في هذا الزمان تعمل قناة ترضي كل الناس وبالتالي الأمر مريح للقنوات المتخصصة لكن تكون القناة المتخصصة لشئ معين انا هنا مطلوب مني ارضي كل الازواق وقاعد اعمله بنسب اصلوا المنوعات قاعدة تزيد نسبتها الا في المناسبات لمن تجي الاعياد مثلاً تكون كبيرة جداً تقارب 50% لانها أيام فرح اصلاً لكن في الأيام العادية خلال العام كله وخلال الدورة انا عندي الخريطة البرامجية نسبة المنوعات 12% لانو في الخرطوم عاصمة للثقافة هذا العام رفعنا نسبة البرامج الثقافية واصبحت نسبة البرامج الثقافية الان 35% حتي السهرات أصبحت طابعه ثقافي عندنا سهرة اسمها قناديل مع شعراء السودان عندنا سهرة اسمها الخرطوم تكتب مع الكتب التي صدرت في الخرطوم عندنا مثلاً سهرة اسمها 100 عام عن الحياة في السودان بتاخد قضايا ثقافية حتي سهرة المنوعات .عندنا سهرة مقام السودان عندنا السهرة دي حتنزل بتتكلم عن توثيق الأغنية السودانية وهكذا بنلقه حتي السهرات بقي نصها سهرات بتاعت منوعات حتي البرامج المشهد الثقافي تلقي الخريطة كلها طابعة ملفات ثقافية طابعه ثقافي أصبحت نسبته 35% فاذا زول يقول الان المنوعات اكتر من البرامج الأخرى هذا غير صحيح المنوعات الان اقله من البرامج الأخرى وحتي في السنوات الفاتت المنوعات ماقاعدة تزيد يعني اكثر من 25% فنحن بنحاول نظبط النسبة بس لانو المنوعات بتبث في فترة عالية المشاهدة بالتالي المشاهد بحث انو المنوعات دي هي الأكثر من البرامج الاخري .
التوقيع
عيد سعيد وكل عام وانتم بخير وتقبل الله منا ومنكم صالح الاعمال

التعديل الأخير تم بواسطة المشرف العام ; 03-09-2005 الساعة 12:04 PM السبب: اضافة الرد
البرغوثي غير متصل  
قديم 03-02-2005, 11:57 AM   #6
manot
عضو جيّد
 
تاريخ التسجيل: Mar 2004
الإقامة: السودان البلد الأول والآخير
المشاركات: 818
Smile

الأستاذ مدير التلفزيون السوداني/ الأستاذ:

محمد حاتم سليمان

تحية أحترام وأجلال لشخص الكريم
اشيد بالجهود المبذوله من قبلكم ,, واحي فيكم الروح العاليه ,,,
س 1/
لماذا كلما نسمع بأن هناك تطوير في القناة السودانيه من جميع النواحي ,, وعندما نتهيئ وننتظر فترة من الذمن فنجد أن الحال كما هو ,,, ويرجع الأحباط من جديد .
س2/
فنجدد الأسئله ,, ما هي رؤيتكم المستقبله والجهود المبذوله حيال التطوير المواكب للعالم والعولمه ,,,
ولك أحترامي وتقديري ,,,,



رد الأستاذ محمد حاتم سليمان مدير التلفزيون السوداني :




نعم اول حاجه الجهود المبذولة الان في التلفزيون السوداني انا مابقول كلها موفقة لكن بقول والله في برامج كثيرة جداً عبر الاستطلاعات عبر آراء المشاهدين تجد قبول كبير من البرامج واجدة قبول من الناس وبتلقه مشاهدة بدليل انو الناس مابفوتوا أي حاجة يعني الزول البقول ليك انا مابشاهد التلفزيون السوداني وقفل التلفزيون وبرامجه بايخه والتلفزيون هجروا الناس نحن اصلاً مارتكبنا خطا ولو خطا صغير الا نلقاه مكتوب في الجرايد أو نلقاه علي حديث الناس او لو عمل بحث تلقا الناس تتكلم عنه اذا نحن بنشاهد نحنا عملنا بحث في 6 ولايات لقينا نسبة المشاهدة عالية جداً بحوث عند المغتربين نسبة المشاهدة عالية جداً اذا كان نحن في ولاية الخرطوم عندنا وسائل تانية بتنافسنا يعني في تلفزيون النيل الأزرق وتلفزيون ولاية الخرطوم في الإنترنت موجود في الخرطوم في الدش ( الرسيفر ) في أشياء بتنافس لكن نحن مشاهدتنا في الولايات عالية جداً مشاهدتنا بره السودان عالية جداً دي بي دراسات يعني فانا أي زول يجي يكتب انطباعات ساكت في الصحافة السودانية والله التلفزيون ده مامشاهد الكلام ده غير صحيح بل في اشياء كثيرة جداً حققنا فيها سبق عن التلفزيونات الأخرى برامج كثيرة جداً يعني نالت إعجاب غير السودانيين يعني أصوات وأنامل اجروا عليه بحوثات في جامعة الإمارات طلاب الجامعة من بين برامج كثيرة جداً ومن بين برامج عربية بتهتم بالفنون في المنطقة العربية صوتوا علي برنامج أصوات وأنامل هو البرنامج الأول هذا مثل وغيره من برامج أخرى الان يعني نحن بنمشي نزور بلاد كثيرة جداً بنلقه غير السودانيين بشاهدوا بعض البرامج السودانية نحنا عندنا برامج جيدة مابنقول برامجنا كلها جيدة ومستمرين في التجويد لكن ياجماعة التجويد ده مكلف انا اذا كان في برنامج واحد في التلفزيون من المسابقات مثلاُ في التلفزيونات البتشوفوها البرامج الواحد سالت من تكلفتو طلعت 2 مليون دولار برنامج بتاع مسابقات بشتغل بي 6 كاميرات بشتغل بديكور ضخم جداً بشتغل بي اضاءة ملونة يشتغل بي فرجال استديو هذه الإمكانيات غير متوفرة للتلفزيون السوداني برنامج بتاع المسابقات زي البنشوفه في المحطات ده عايز 2 مليون دولار عشان ينتج هذا البرنامج في محطات بتصرف علي الأخبار مليون دولار يومي وبتصرف مليون دولار علي المراسلين
انا مليون دولار مابصرفا في سنة علي الأخبار يعني يا خوانا الناس يحكموا علي قدر إمكانياتهم وقدراتهم لا يستطيع تلفزيون ميزانيته 500 مليون دولار في العام انته بتقيسه علي تلفزيون ميزانيته في العام 5 مليون دولار مابتجي مع بعض إنتاج البرامج مكلف إنتاج المسلسلات مكلف جداً انتاج الفيديو كليب مكلف جداً انتاج البرامج الكبري للمسابقات مكلفة جداً انا الان عندي تصور بتاع سهرة اسمها صندوق الأحلام وعندي تصور لبرنامج اسمه مبارزة الحروف وعندي لبرنامج لسهرة رياضية ثقافية بتاعت مسابقات وعندي تصور لبرنامج اسمه اجمع اللالي والأربعة تصورات دي شغالة مع شركات أجنبية هي نفس الشركات الاشتغلت من سيربح المليون وزنك ذهب وكل البرامج البتشوفوها في الفضائيات هي نفس الشركات التكلفة المطروحة الأقل لبرنامج يعني البرامج ديه ممكن تقدر بي 500 الف دولار البرامج دي مكلفة جداً في أغنية بتاعت فيديو كليب واحدة كلفت اكثر من مليون دولار لانها فيها كرينات وفيها تصوير بالطائرة وفيها مجاميع كثيرة جداً ومواقع تصوير مختلفة جداً وكده الناس ماتصور انو العمل الجيد ده بيجي بتمويل ضعيف فالتحدي التطوير قاعد يحصل عندنا هنا في التلفزيون في شراء الأجهزة والمعدات نحن عندنا احدث أجهزة رقمية كاميرات زي الناس استوديوهاتنا زي الناس وعربيتنا بتاعت التلفزة زي الناس مشكلتنا ما عندنا تمويل للبرامج عندنا عبرة لكن ماعندنا تمويل ومالم تنتبه الدولة لزيادة تمويل التلفزيون عشان يقدر ينتج برامج عالية المستوي كما نشاهد في القنوات الاخري حتظل أحلام المشاهدين وأحلامنا نحن كمدير للتلفزيون لانستطيع أن ننتج برامج ضخم بتكلفة كبيرة وانا ماعندي تكلفته هي المشكلة مشكلة تكلفة لانتاج البرامج مش غياب فكرة أو رؤية الرؤية موجودة والدراسات موجودة والأفكار موجوده لكن ماعندنا طريقة ننفذ لانو ماعندنا القدرات المالية البتخلينا نحن ننفذ هذه البرامج ونحاول نحن بقدر الإمكان والتمويل البسيط ده نقدر نطلع حاجة ترضي المشاهد .
التوقيع



الأسمـ manot ـــر
manot غير متصل  
قديم 03-02-2005, 12:27 PM   #7
شاااادي
عضو جديد
 
تاريخ التسجيل: Aug 2004
الإقامة: السودان
المشاركات: 34
الاستاذ / محمد حاتم
السلام عليكم ورحمة الله ،،،

[ عندي سؤال بسيط بالنسبة لبعثات التلفزيون بخصوص التدريب علي الاجهزة الحديثة
ابتعث التلفزيون اخيراً مجموعات للتدريب بالخارج وكان العدد كبير جداً كما بلغنا قرابة 400 فرد مبتعث للدورات هذه لكن حسب علمي ان اكثر من نصف العدد الذي اعطيت له الفرصة ليس من العاملين بالتلفزيون ؛؛؛؛ السؤال
كيف تم اختيار هولاء المبتعثين هل كان هناك معيار محدد للمبتعثين او كان الاختيار حسب الانتماء السياسي او بالغرابة والمحسوبية مع العلم انكم رفدتو نصف التلفزيون .
بعدين ماكان اجدر بتلك الاموال التي صرفت في تلك الدورات ان تساهم في تطوير معهد التلفزيون وتخريج كوادر متدربة ومؤهلة للعمل في هذا الصرح الهاااام .
وبرضو بالنسبة للاعمال الفنية القديمة انا مستغرب اشد الاستغراب من توقيف معظم الاعمال الفنية الراقية وبالذات ( اعمال البلابل ---- الكاشف ----- ..... الخ ) لماذا تدعوا الاسباب الواهية وتحرموا الناس من هذا الفن الراقي وحسب علمي بخصوص اعمال البلابل المصورة انو طريقة اللبس بتاعت الاخوات ماكانت محتشمة طيب اين تقدم التكلنلوجيا وتعديل الصور والمشاهد ، عشان كده حقو تغيروا شوية من سياستكم في هذا الاتجاه وترجعو بالتلفاز الي عهده السابق ولاتحرمو الناس وتتركوهم يفضلو القنوات الاخري التي سبقتكم بالاف السنين ....
ودمتم ؛؛؛


رد الأستاذ محمد حاتم سليمان مدير التلفزيون السوداني :



طيب الأخ شادي نحن إجابتنا ليك الهيكلة تمت علي أساس ومعيار محدد انو الناس العندهم مؤهلات أكاديمية موجودين حتي الثانوي أي زول عنده شهادة فني عنده شهادة ثانوية عنده خبرة عملية بقي عليه أي زول عنده شهادة جامعية أتعنى عليه انو في ناس ما عندهم مؤهلات ولاشهادة المتوسطة ماعندكم وفي ناس ثانوي إكمال ديل لمن جات الهيكلة قالوا الناس العندهم شهادات وخبرات يمرقوا لينا بي جاي فأي زول أتفصل وقال أنا عندي شهادة وفصلوني والله انحن مستعدين نرجعه الناس الماعندهم شهادات ولا مؤهلات اتفصلوا …….. اتفصلوا كوظيفة لكن ماتفصلوا كابداع وكممارسة مهنة ألان متعاونين باب التعاون مفتوح أي زول ماعنده شهادة داير ينتج برنامج داير يشتغل مادام هو عنده عطا داير يقدمه يقدمه لانو نحن عندنا صيغة بتاعت تعامل في لوائحنا بتخلي المتعاون الماعندو وظيفة في التلفزيون لمن يشتغل ينتج في التلفزيون ياخد مقابل إنتاجه ده الباب مفتوح للإبداع عشان مايقول الإبداع مابالشهادات أنا ماقلت للإبداع أنا ماقلت للفنان اليغني كان ماجبته شهادة جامعية مابتغني خلاص فنان إنشاء الله أمي لكن بعرف يغني عنده صوت عنده إبداع يقوم اذا الإبداع فناس شغالين في الإذاعة والتلفزيون الان في ناس شغالين بالتعاون بالمشاهرة بالتعاقد هم ما عندهم مؤهلات في فرق بين الوظيفة ومعايرة وفي فرق بين الوظيفة والإبداع الناس ماتخلط بين الاثنين أي زول حتي لو ماعندوا شهادة وعندو عطا مستعدين تقبله كمبدع متعاون ليس كموظف ولكن أي زول عايز يتوظف لازم يكون عنده شهادة عشان نوظفه هذه هي الهيكلة
النقطة الثانية الابتعاث التلفزيون اصلوا ماابتعث 400 ولا 500 ولا 100 مابتعثهم التلفزيون ولاصرف عليهم التلفزيون ولاصرف عليهم الهيئة القومية للإذاعة والتلفزيون كثير من الناس يتدربوا في معاهد خاصة بتاعت تدريب هذه المجموعة قام بتدريبه مركز الخرطوم للتدريب التلفزيوني ومركز التدريب للتدريب التلفزيوني قديماً كان تابع للتلفزيون لكن التلفزيون صفي المراكز وانشا المركز للتدريب تجاري ضمن منشأت قناة الخرطوم الدولية وقناة الخرطوم الدولية شركة الهيئة عندها فيها نسبة بس اسهم وباقي آلاءهم متاحه لناس عرب حتي ناس غير سودانيين هذه الشركة بتبيع الديكور ده بالاشتراك بتجمع 17 الي 20 قناة ويشاهدوها بالاشتراك هذا المركز يتبع لقناة الخرطوم التجارية هذا المركز تجاري درب مش 400 درب آلاف ومازال مفتوح للتدريب وإعلاناته بتنزل في التلفزيون والصحافة أي واحد من أفراد الشعب السوداني داير يتدرب في العمل التلفزيوني ممكن يلتحق بهذا المركز ويدفع رسوم التدريب ويدربوه ويكون عنصر جاهز أنا بتعامل مع سوق العمل اذا كان بلقه زول مدرب في دورات فنية أنا محتاج ليها ومافي زول مدرب غيره أنا باخذه وباخده بصيغة مختلفة بوظفه عندي لو عندي وظائف وانا حسه معلن لي وظايف معلن في الجرايد والتلفزيون والإذاعة وقدموا ليها 950 فرد أي زول تنطبق عليه معايير ومواصفات الخدمة العامة نحن بناخدوا كموظف في الوظائف الشاغرة بعد داك باخد أي زول مؤهل بالتعاقد معاه أو بالقطعة معاه لانو انا عندي نقص أنا بعد الهيكلة عندي نقص في الوظائف داير املا هذه الوظائف دي فسوق العمل ياخد ناس في سوق العمل فالناس ديل ماخدناهم في التلفزيون عشان يدربوهم عشان نجربهم وبعدين نعينهم وله عشان كده دي قضية في التلفزيون صرف التلفزيون ماصرف علي 400وله العندو وثائق اليبرزا العندو وثائق انو التلفزيون صرف علي هؤلاء الناس ادربوا في ماليزيا والا بريطانيا او في غيرها يبرز هؤلاء اتدربوا تدريب تجاري في حاجة اسمها مركز الخرطوم للتدريب التلفزيوني ماتابع للتلفزيون تابع لقناة الخرطوم الدولية اذا كان في خريج من المركز خريج جيد شال شهادة ولقيناهو كويس وعينته معاي ماهو العيب في ذلك فالناس ماتكون معلومته ناقصة وتتاثر بعد داك بالاقاويل والإشاعات وتبني عليها أحكام الناس ديل ماعندهم علاقة بالتلفزيون وماديهم التلفزيون دربتهم حاجة اسمها مركز الخرطوم للتدريب التلفزيوني ناس بقوا مؤهلين شايلين شهادات من مؤسسات عالمية انا محتاج ليهم حاعين جزء منهم واي زول مؤهل وادرب انا حاعينه وقلنا والله القرا في ماليزيا والقرا في بريطانيا فتحنا فرصة هم قدموا وغيرهم قدموا وربنا يوفقهم يجوا يشتغلو معاي والداير يتعاون معاي مرحباً بالتعاون معاه فالمعلومة من أساسه غلط ما صحيحة .



نعم أول حاجة نحن بنقول نحن عندنا مشكلة فنية يعني في أعمال قديمة في المكتبة نحن الي الان لانستطيع نعرضه علي الناس لانها هي مسجلة في أشرطة اسمها واحد بوصة واشرطة اسمها 2 بوصة وشريط اسمه يومتك الان المكنات دي حتي مصانعه البتصنعه وقفت أصبحت الان في أشرطة دجيتال واشرطة SP واشرطة جديدة عشان نستفيد من المادة الفي الأرشيف القديمة دي لابد ان نحوله من اشرطة قديمة الي أشرطة حديثة عشان تكون صالحة للاستخدام لازم نجد مكنات صالحة من نفس النوع المصانع وقفت من التصنيع بذلنا جهود كثيرة جداً مع الاخوة في السعودية والجزائر واتحاد الإذاعة الدول العربية انو نحصل علي مكنات قديمة عندهم صالحة للاستعمال والحمد لله الان الاخوة في تلفزيون الجزائر صدقوا لينا بمكنتين الاخوة في مركز التبادل تبادل اتحاد الإذاعة في الجزائر العربية برضوا صدقوا لينا بمكنتين الاخوة في تلفزيون السعودية عندهم مكنات حيدونا ليها وبعداك لمن نجيب المكنات حنعمل دبلجة للشرائط القديمة جداً بوسائط حديثة عشان تكون صالحة للعرض في التلفزيون فاعمال الكاشف وأبو داوود وكده في أعمال كثيرة في شرايط قديمة ما قادرين نصل ليها وإنشاء الله خلال هذا العام حنحل المشكلة ونصل للمادة وحنعرضه في أعمال نحن محانعرضه عشان نكون صريحين نحن ياجماعة حتي اتفاقية السلام الاعلنت قالت الشريعة تطبق في الشمال الشرعية لافيها تكلف لافيها عربي لافيها …. يعني كلام مبتذل اذا كان الناس بهاجروا لقنوات ثانية فيها الكشف والتعري نحن ضد التكشف والتعري نفتكر حتي ده سقوط فالأغنية العربية كون الأغنية العربية تبقي أغنية مبتذلة ده سقوط للأغنية العربية وكون انو تكون الأغنية العربية تخاطب الجسد ولاتخاطب العقل نحن مع الأغنية الراقية التي تخاطب الوجدان والعقل نحن مع الحب العفيف ومع الأغنية العاطفية العفيفة نحن مع الأوبريت نحن مع الأغنية الوطنية نحن مع أي غناء يعلوا في الناس قيم يعني قيم الخير والجمال نحن ضد الأغاني التي تدعوا للسقوط الأخلاقي وضد الأغاني التي تكشف عورات المراءة ونحن ضد الأغاني التي تعامل المراءة كسلعة تجارية وضد الأغاني التجارية وضد الأغاني التي نراها في مواقع تبث وهذه لاتمثل الأغنية العربية ولاتمثل الأغنية السودانية وبالتالي نحنا غناء مبتذل محانقدمه مهما كان مقدمه بت او رجل تعري في تلفزيون السودان ماعندنا عشان كده أي زول يطالبني بأغنيات انا أنزله اغنيات مابتطبق عليها المواصفات دي انا مابنزله عشان نكون واضحين لافي موقع النيلين ولا في الصحافة ولافي أي حته نحن عندنا تطبيق الشريعة في شمال السودان ربنا قال آيات .. الحجاب دي مانزلتها انا آيات الحجاب دي آيات في القران انو المراءة تحتشم غناء محتشم انا بنزله غناء ما محتشم انا مابنزله اذا كان في زول تاني يبقي مدير التلفزيون ينزله لكن مدير التلفزيون موجود مابنزل غناء يكون فيه عري واضح الكلام ده ولا بندسه يعني ينشر في أي وسيلة عالمية والا محلية والسلام الجاي ماقوضه فيه اتفاق واضح أعراف موجودة في محلاته قوانين موجودة في محلاته معروفة شريعة في الشمال وقيم في الشمال نحن عندنا قيم الواحد في بيته الواحد مع أمه واخواته بمشنا محتشمات وبمشوا محتشماً اذا كان غناء في فترة من الفترات كان صورته مابتواكب الان الظرف النحن فيه مانقدر نبث لكن كون نعالجه ونعمله مع المعالجة وفي عالجنا البلابل نفسهم عندهم غناء في تلفزيون السودان عندنا أغاني بتنزل ماكل غناء البلابل ده ماقاعدين ننزله بنزل جزء من أغانيهم والجزء الآخر نعمل ليه معالجة ونبث فلو لقينا المكنات دي ونقلنا الشغل ده نركب فيه صور نعمل ليه مونتاج نعمل ليه كده ننزله لكن بس القديم بتاع البلابل مابنقدر ننزله البلابل يسمعن الكلام ده وغير البلابل يسمعوا الكلام ده عشان يكون الكلام واضح يعني .

التعديل الأخير تم بواسطة المشرف العام ; 03-09-2005 الساعة 12:16 PM السبب: إضافة الرد
شاااادي غير متصل  
قديم 03-02-2005, 12:57 PM   #8
بوادري
عضو جيّد
 
الصورة الرمزية بوادري
 
تاريخ التسجيل: Dec 2003
المشاركات: 795





<************************>drawGradient())



<************************>drawGradient()



رد الأستاذ محمد حاتم سليمان مدير التلفزيون السوداني :


طبعاً نحن نحترم رأي المشاهد والله وفي كثير من الأشياء كثيرة عملناها في التلفزيون وده اقتراحاتها جات من المشاهدين نحن اصلاً ماعندنا تعالي ولاتكبر ولاحافظين الأعلام ده نحن نجتهد القضية اجتهادية واي راي بنلقاهو مش آراء بتجينا من موقع النيلين بس نحن بنلاقي الناس في مناسبات اجتماعية في مواقع مختلفة وينتقدوا التلفزيون أي راي وجيه من أي مشاهد بنفذه لانو التلفزيون مابتاعي أنا التلفزيون تلفزيون المشاهدين كلهم وبالتالي نحن كلنا مع بعض كسودانيين دايرين نخلي تلفزيونا احسن تلفزيون لانو ده الصدق الاستراتيجي عشان يكون التلفزيون السوداني افضل تلفزيون إقليمي ليس علي الدول العربية برضوا علي المنطقة الأفريقية واي مشاهد داير يخت يدو مع يدنا نحن نشكر هذا المشاهد ونشتغل برايو من اجل مزيد من التطوير ونحن انشاء الله نحترم كل أراء المشاهدين ونجتهد نحن نطبق مانستطيع انشاء الله من اجل التجديد .


الدولة تضع استراتيجيات وتضع الموجهات العامة لكن في الشغل اليومي الدولة اصلاً مابتخش اصله نحن يعني جاتنا توجيهات ولا من وزير الأعلام ولا الوزارة ولا كذا لايتدخلون في العمل اليومي ولا الخرط البرامجية ولا في البرامج ولا في ضيوف البرامج ولاكذا ولكن بيعطوا موجهات ان يخدم التلفزيون قضية التنمية أن يخدم التلفزيون قضية السلام ضرورة ان يخدم التلفزيون الخرطوم عاصمة للثقافة يعني بيضعوا الموجهات العامة وفي النهاية برضوا بتفيد المشاهد وبتفيد البلد يعني مابتدخلو في جيب الضيف الفلاني او اخرو البرنامج الفلاني او قدموا الأغنية الفلانية مافي تدخل في قرار التلفزيون .
التوقيع
قمت السعادة تلك عندما يطرق أحد ما باب قلوبنا من دون أي سابق إنذار، ويمضي في ربوع حياتنا يملؤها بالحب والحنان، ليصبح بعد ذلك الأمير المتربع في خفايا الروح
..
ـ

بوادري
عندما نريد فلا بد لنا انستطيع

إذا كنت تحب فهذا لا شيء و إذا كنت محبوباً فهذا نصف الشيء و إذا كنت محبوباً بمن تحب فهذا كل شيء

التعديل الأخير تم بواسطة المشرف العام ; 03-10-2005 الساعة 08:04 AM السبب: اضافة الرد
بوادري غير متصل  
قديم 03-02-2005, 05:21 PM   #9
ود الصول
عضو فعال
 
تاريخ التسجيل: Jul 2003
المشاركات: 521
السيد / [blink]محمد حاتم سليمان [/blink]المحترم
السلام عليكم ورحمة الله وبركاته
سؤالي هو / اين نقف نحن من عالم التحديات علي مستوي البرامج الثقافية والاجتماعية في ظل انفتاح غير مشهود له في بعض القنوات, وكيف لنا المحافظه علي المناخ الذي تعودنا عليه ؟




رد الأستاذ محمد حاتم سليمان مدير التلفزيون السوداني :


طبعاً التحدي الكبير هو اصلاً في بث مفتوح ومتصل مرحلة البث المباشر هو التلفزيون في النهاية حيكون زي الراديو تجيب لندن وواشنطن بدون دش التلفزيون الان بتجيب القنوات دي بدش يعني في السنوات القليلة القادمة التلفزيون حيكون زي الراديو بدون دش يجيب الاف القنوات وبالتالي انتا محاتقدر تجيب أي مادة اذا كان حسه بتقدر تمنع تصديق الدش واذا كان بتعمل أي نظام تحكم او تفلتم المواد أو كذا لاتستطيع في السنوات القادمة ان تفعل ذلك لانو التلفزيون حيكون زي الراديو والزول حايم في الخله شايله يجيب القنوات كلها وبالتالي لابد وخبراء الأعلام في السودان وغير السودان اجتمعوا ماذا نفعل في البث المفتوح والبث المفضوح لانو في قنوات قائمة علي أنها يعني تشيع هذا النوع من البث يعني بث مفضوح علني ما بمشي مع أخلاقنا ولا قيمنا ولاكذا كيف نحمي مشاهدنا ومواطنا من الغزو الثقافي كل الدراسات الان قالت مافي مخرج غير إنتاج البديل وحتي استاذنا علي شمو قال البديل وليس العويل يعني مهما كوركنا نحن عن البث المباشر وتخوفنا منه وارتفعت أصواتنا وحزرنا منه مافي طريقة اصلاً لانو نحن نمنع هذا النوع من البث ماهو العلاج العلاج هو نحن ننتج برامج بديله تخلي الزول يمشي يفتش قنوات يلقي قناتنا هي احسن قناة يلتزم معانا بالمشاهدة وبالتالي ده الحل الوحيد لانو نحن نقدم بديل للعالم كله والبديل طبعاً عايز تمويل والبديل داير تحضير يعني فكرنا نعمل عطف ذهني رهيب جداً ونجمع قدراتنا كلها الإنتاجية ونطلع بديل جميل جداً يجذب الناس عشان الناس ماتمشي تشوف القدرات العالية والتقنيات العالية في إخراج وانتاج البرامج ونحن هنا قدراتنا متواضعة وإمكانياتنا متواضعة وفنياتنا في الإخراج تنتج برامج قد تكون جيدة في الموضوع ولكن ماجزابة في شكلها عشان كده نوفر تمويل ننتج برامج تجذب الناس وتقدم بديل جيد من بين الاف القنوات في العالم وتخلي الناس يختارون من بين هذه القنوات كقناة تحافظ علي المثل وعلي الاخ يعني .
التوقيع
(اللهم ردنا الي الإسلام رداً جميلا)

التعديل الأخير تم بواسطة المشرف العام ; 03-10-2005 الساعة 08:09 AM السبب: إضافة الرد
ود الصول غير متصل  
قديم 03-02-2005, 06:16 PM   #10
sam78
عضو مشارك
 
تاريخ التسجيل: Mar 2005
المشاركات: 57
السلام عليكم ورحمة الله

لماذا لايدعم التلفزيون مشاريع التخرج بالنسبة لكليات الفنون الجميلة وتقدم كعمل ديكوري للتلفزيون وأتمنى أن تجربوا ذلك مجرد تجربة يعني مثلا تختارو ثلاث طلاب وتدعموا مشاريع تخرجهم.
أو تقدم كمسابقة وجائزة لأحسن أقتراح تصميمي في الجميع المجالات البرامج المفتوحة البرامج الثقافية لكي تخرجو من هذه النمطية

ثانيا أتمنى أن تراعو الإضاءة فألواننا لاتكفيها الإضاءة العادية



رد الأستاذ محمد حاتم سليمان مدير التلفزيون السوداني :


حقيقتاً نحن نحي أخوانا في كلية الفنون والأخ سامح يعني وبنفتكر التلفزيون في حاجة الي دماء جديدة يعني نقر بذلك كلما دخلت دماء جديدة التلفزيون كلما تجددت انماط الإنتاج وطرق الإنتاج وأساليبه يعني وكليات الفنون يعني من الكليات المهمة جداً للتلفزيون وأنا كنت بستغرب يعني انو كلية الموسيقي والدراما لزمن طويل جداً ظلت تدرس الإخراج المسرحي وتهتم بأمر الإخراج التلفزيوني حقيقة قبل سنتين ثلاثة كلية الدراما استحدثت قسم للإخراج التلفزيوني وده يخلي المتخرجين كلهم متخصصين في الإخراج التلفزيوني وليس المسرحي العام يعني وكذلك كلية الفنون أنا كنت بستغرب في أقسام زي قسم الجرفك الديكور ليه مايكون في قسم خاص بالديكور التلفزيوني ظل برضوا أقسام الديكور تخرج مهندسين ديكور ما متخصصين في ديكور التلفزيون وانا علمت انو الكلية بدءت تهتم بديكور التلفزيون ويبدو انهم عملوا زي أقسام وله شي يهتم بالفنون المتعلقة بالتلفزيون فافتكر مثل هذه الكليات كلما تخصصت في الإنتاج التلفزيوني يساعدنا كثير في تحسين الشكل لانو هم اللمسات الجمالية مطلوبة جداً من طلاب الفنون وطلاب الموسيقي وطلاب الدراما وكده نحن مقترح الأخ سامح مقترح جيد وبنرحب بيه ومستعدين نرعي ونتعاون مع طلاب يكونوا متفوقين ومشينا ابعد من كده مع الاخوة في كلية الفنون د. احمد عبد العال عندنا حسه بنثيق في برتكول تعاون بينا وبين كلية الفنون عشان كده بنربط بين الدراسة والاكاديميات والطلاب المتخصصين وبين الجهد المبذول في التلفزيون من ناحية الشكل بتاع تطوير التلفزيون وكده وإنشاء الله الاخ سامح لو متابع حيلقه عندنا برتكول مع كلية الفنون الجميلة عشان نستفيد من جهود طلاب الفنون حتي ملاحظاتهم وانتقاداتهم للشاشة ومعالجاتهم البقدموها نحن برضوا بنحترمه حيكون في كثير من السمنارات كثير من الاعمال المشتركة بينا وبين كلية الفنون وطلاب الفنون نحن نشكر هذا الاقتراح ونؤيد هذا الاقتراح ونقيف معاهو انشاء الله .



الإضاءة عندها فيها مشكلة بصورة واضحة لانو برضو حجم الإضاءة الموجود سواء كان الإضاءة الميدانية أو الإضاءة في الاستديو برضو حجمها اقل كثير من هو مطلوب الان نحن ابتعث مهندسين الإضاءة وجو قبل أسبوع من لبنان وزارو كثير من القنوات الفضائية وجلسوا مع شركات متخصصة في الإضاءة انشاء الله حتحصل نقله في هذا العام ضخمة جداً في تلفزيون السودان سواء كان إضاءة الاستوديوهات أو الإضاءة الملونة المستخدمة في البرامج انشاء الله حتشاهدوا لقدام معالجات كاملة لموضوع الإضاءة التي برضوا نحاول أنها تتماشي مع البشرة بتاعتنا السمراء في السودان ونحاول نقدم يعني شكل جميل للبرامج بتاعتنا باستخدام إضاءة تناسب بشرتنا السودانية .

التعديل الأخير تم بواسطة المشرف العام ; 03-10-2005 الساعة 12:19 PM السبب: اضافة الرد
sam78 غير متصل  
قديم 03-02-2005, 08:15 PM   #11
كدايس
عضو جيّد جداً
 
الصورة الرمزية كدايس
 
تاريخ التسجيل: Jul 2003
الإقامة: السودان
المشاركات: 1,589
Angry



أنا طبعاً عندي 37 سؤال وموجوع من تلفزيون السودان ده لدرجة الغثيان
لكن سأكتفي بالسؤالين :

تعليقكم على لقاء همام ومثله كثير جداً .

لماذا تصرون على إستمرار برامج سخيفة مثل برنامج وجه النهار
والذي يسميه المشاهدين المغلوب على أمرهم ( وَجَـع النهـار )
وغيره الكثير من البرامج غير المفيده ؟



رد الأستاذ محمد حاتم سليمان مدير التلفزيون السوداني :




وجه النهار لعلم الاخ السائل قبل عامين تم إيقاف هذا البرنامج لكن برضوا نحن اكتشفنا انو نحن وقفنا هذا البرنامج بكثرة الكتابة في بعض الصحف عنه وجه النهار ورد في بعض الصحف بالتعبير هذا يعني نحن لمن جينا عملنا دراسة لهذا البرنامج رمضان قبل الفات لوجه النهار طلع الأول دراسة في ولاية الخرطوم مش في الولايات ولا المغتربين في ولاية الخرطوم طلع البرنامج الاول وجه النهار وجينا حسه عملنا دراسة في رمضان الفات طلع برضوا من البرامج عالية المشاهدة فاذا كان السائل لايرون له مثل هذا النوع من البرامج في اخرين كثير جداً يعجب مثل هذا النوع من البرامج وبالتالي مايحكم بحكمه او بحكم صحفي صحفيين ما عندهم مزاج في البرامج ده او هذا النوع من البرامج كتبوا هذا الكلام هو ياخد التعبير منهم ويسميه وجع النهار هذا غير صحيح نحن ثبت لينا بالدراسة أن هذا البرنامج عنده مشاهدة عالية ممكن يطالب بتجديد الديكور ممكن يطالب باختيار حيوية بالنسبة للناس ممكن يطالب بتغير المقدم ممكن يطالب باختيار اكثر فقها وعلماً هذه أشياء تجدد البرنامج لكن مجرد انو هو وجع النهار هو ليس وجع النهار هو وجه النهار ونحن نعلم ذلك عندو مشاهدين انا بعض الحلقات بتاعته وبشوف في اتصالات كثيفة جداً في البرنامج ده واحدة من الحلقات اضرب بيها مثل حلقة الميراث الاسئلة جات من مختلف أنحاء السودان ومن خارج السودان في قضايا الميراث لانو الميراث ده معقد جداً بوريك انو البرنامج ده الناس متابعنوا ونحن اصلاً مابنغير برامجنا عشان انطباعات شخصية ولاعشان كتابة صحفيين بكتبوا بصورة انطباعية نحن بنغير برامجنا لمن نعمل دراسة واستطلاع ويثبت لينا انو البرنامج ده مشاهدتو ضعيفة لكن هذا البرنامج عندو جمهور وبرنامج مطلوب واحد طلب مننا نجود هذا البرنامج وإنشاء الله حنبذل قصار جهدنا في انو نجود هذا البرنامج عشان يكون اكثر جذباً للناس ويؤكد ويؤثر فيهم وبرنامج عنده رسالة ومعمول اصلاً للاسر الهم بكونوا قاعدين في المنزل في الوقت ده ماعملناه للموظف الفي الشغل ولا للطالب الفي الجامعة او المدرسة او كده عاملنو للاسر السودانية القاعدة في البيت في ذلك الوقت موجه ليها رسالة هو برنامج تربوي فيه كثير من القيم وكثير من الفقه وكثير من البرامج المعنية .
التوقيع

التعديل الأخير تم بواسطة المشرف العام ; 03-10-2005 الساعة 12:26 PM السبب: اضافة الرد
كدايس غير متصل  
قديم 03-03-2005, 02:19 AM   #12
مهدى مصطفى
عضو جديد
 
تاريخ التسجيل: Jan 2005
المشاركات: 2
هل التلفزيون السودانى مصاب بالظار....؟؟؟؟؟

الاستاذ محمد حاتم سليمان
تحيه طيبه وبعد..
1- (الظار):- اظنك تعرف الظار او سمعت به..هو حاله جنونيه تتفشى فى اوساط النساء اكثر من الرجال..وهو مضرب كثير من الامثال السودانيه ..يسميه البعض الجن الاحمر..يتميز المصاب به باحوال مزاجيه متقلبه غير منسجمه...يرتدى صاحبه فجأه زيآ مخالفآ لزيه المعتاد احمر مركز مثلآ...أو يتحول فجأه من حالة سكون الى رقص وهز وسط...او فجأه يطلب كاس ويسكى ويدخن سيجار وهو غير معتاد على التدخين اوالشراب...هذه التحولات الفجائيه يعتقد المريض انها تنزل جنونه وتخفف غلبه.
هذه التحولات الفجائيه نراقبها نحن المشاهدين فى التلفزيون السودانى فمثلآ تتدير المؤشر فجأه تجد البث كله عن شرق السودان...ثم يتحول الى سياقه العادى ..اوفجأة تجده كله عن دارفور..اوجامعة الرباط ..او تجد فجأه برنامج سياسى حوارى على غير العاده...اوفجاه تسمع عثمان حسين يغنى وتسمع اناشيد وطنيه غير انقاذيه على شاكلة امة الامجاد فتحسب ان السودان عاد مره اخرى..اوترى فجأه احد البرامج يستضيف نساء لايلبسون عباءة الانقاذ بل يرتدون الثوب السودانى و يتحدثون بلغة البيت السودانى المألوفه؟؟
السؤال:- هل التلفزيون السودانى مصاب ب..(.. الظار..)..ام ان هذه التحولات الفجائيه الجنونيه تحدث حسب ترمومتر الاحداث والضرورات العابره؟؟؟؟؟؟
اشكرك جزيل الشكر



رد الأستاذ محمد حاتم سليمان مدير التلفزيون السوداني :


هو اول حاجة هذا المثل في غير محله نمرة واحد نحن بنحاول أن عبر عن التنوع في السودان أنا كما قلت سابقاً انو التلفزيون قناة جامعة وكثير من الناس قد لايفرقوا بين القناة الجامعة والقناة المتخصصة يعني القناة الرياضية لازم تكون رياضية والقناة الثقافية لازم تكون ثقافية قناة المنوعات لازم تكون كل البرامج منوعات لكن القناة الجامعة فيها الرياضة الثقافة المنوعات وفيها الرق والغرب ودارفور والجنوب والشمال هذه القناة جامعة تعبر عن التنوع في السودان ونحن شعارنا وهي لست سنوات القادمة وهي سنوات السلام من بعدها بتم الاستثناء أما انفصال أما وحدة وطنية نحن شعارنا للبرنامج كله الوحدة في إطار التنوع كيف نسوق من تنوع السودان بالفنون بتاعته كلها كان بقا غناء أو مديح وله فلكلور وله تراث وله بقه سحنات مختلفة وقبائل مختلفة وامزجه مختلفة ولهجات مختلفة لاهل السودان كيف نستطيع من هذا التنوع وحدة السودان وبالتالي التنوع ده دايرين نعبر عنه وبالتالي أنت حتشاهد مديح وحاتشاهد غناء وحتشاهد شغل من الغرب والشرق ومن الجنوب وحتشاهد كل الناس ديه كلها بفنونهم وبتراثهم وفلكلورهم والوانهم كله حتشاهدوا في خريطة واحدة برامجيه هي تعبر في إطار من وحدة السودان لكن لو دايرنا نحن نقدم ليك نوع واحد من البرامج اذا نحن بقينا قناة متخصصة لمن نبقا غناء متخصصة أنت ماحتشوف في المنوعات الا منوعات وفي الرياضة الا رياضة حقوا برضو الناس صدرها يتسع ونحن شاشة قومية يعني نحن مادايرين نغير ندي لون نفضل عن لون ولا جنس علي جنس ولاقبيلة علي قبيلة ولاثقافة علي ثقافة لازم نمشي دارفور ونمشي الشرق ونمشي الجنوب ولازم الناس تتحمل هذا لان هذا هو تنوع السودان لكن تنوع في إطار وحدة ماتباين وبنحاول نعبر عن ذلك بوحدة السودان اذا كان بتشاهد الرياضة شاهد البرنامج الرياضي وماقلنا ليك شوف البرنامج الفني أنتا مابتشوف البرنامج الفني بتشوف التربوي شاهد التربوي انت ليه عايز تشوف كل البرامج المشكلة فيك انت شاهد الحاجة البتروق ليك خلي الآخرين يشاهدوا الحاجة البتروق ليهم لكن ماتطالب الناس بالبتروق ليك القناة كلها تكون علي شاكلة محددة لانو أنتا داير كده معايز حاجة من الشرق ولا الجنوب عاوزه كلها من جهة معينة ونحن مابنشتغل بي مزاج زول واحد يعني نحن بنعبر عن التنوع انتا شاهد الحاجة البتنفع معاك نحن قناة جامعة للناس كلها ماقناة متخصصة زي القنوات المتخصصة .

التعديل الأخير تم بواسطة المشرف العام ; 03-10-2005 الساعة 12:34 PM السبب: اضافة الرد
مهدى مصطفى غير متصل  
قديم 03-03-2005, 05:23 AM   #13
خالد بركيه
عضو جديد
 
تاريخ التسجيل: Feb 2005
المشاركات: 14
الأستاذ مدير التلفزيون السوداني/ الأستاذ:

محمد حاتم سليمان
السلام عليكم ورحمة الله
س1 لقد سالك برنامج في الواجهه اسلوب حديث في التطبيل لناس الحكومه وكل ما يقدمه احمد البلال ضلال في ضلال وهو برنامج عرف الهدف منه هل ممكن ايقاف هذا البرنامج الذي لا يتيح الفرصه الكافيه للخصم بتقديم اعتراضه لضيف ود البلال خوفا من الاحراج

س2 اتمني ان يكون هنالك برنامج معاكس لبرنامج ود البلال ليوضح الحقائق من ظلوم يقع علي المواطنيين حول كثيرا من القضايا التي لا تجد له مبرر ومن المسئول عنه مثل الرسوم المدرسيه المفروضه علي المدارس الحكوميه لمرحلة الاساس في افقر الاحياء ولا يجد جواب من الذي فرض هذه الرسوم و لماذا ؟ اخترح ان يكون اسم البرنامج مع الشعب وان يقدمه المهندس والاعلامي عثمان ميرغتي او شخصك المحبوب شعبيا
بما انك اعلامي لابد ان تكون امين لشرف المهنه التي اديت فيه القسم
وشكرا
خالد بركيه


رد الأستاذ محمد حاتم سليمان مدير التلفزيون السوداني :


المقترح افتكر مقترح مقبول نحن نحاول أن نهتم يعني بقضايا الناس وفي برامج ظهرت في فترات مختلفة زمان في برنامج اسمه هموم الناس وكان في برنامج اسمه تحقيقات الكاميرا وحتي احمد البلال نفسه كان عندو برنامج اسمه الكرسي الساخن ودي كلها أنواع من البرامج كانت بتهتم بقضايا الناس ونحاول نحن حسه في ثنايا البرامج نتعرض لقضايا الناس لكن لاباس يكون في برنامج مخصص مع الشعب أو قضايا الناس أو هموم أو كذا أنا افتكر لابد أن نلتفت الي مسائل الناس ويعني نقلها للمسئولين ونقل الردود للناس وحلحلت المشاكل نحن مع هذا المقترح أنا تقييم برنامج في الواجهة أنا بفتكر برنامج في الواجهة في الدراسات بتاعتنا كان عندو شعبية وعندو مشاهدة وهو ليس برنامج للتطبيل للحكومة أنا هذا البرنامج استضاف معارضين وهذا البرنامج في كثير من الأحيان يجيب الآراء كلها في البرنامج وهذا البرنامج حتي الأسئلة البطرحه هي أسئلة المعارضة اصلاً فالبرنامج لعب دور كبير جداً في توضيح كثير من القضايا السياسية في السودان وماظن هذا البرنامج للتطبيل يعني الأخ احمد البلال زول مهني وزول معترف في الصحافة وزول جريدة ألان من اكثر الصحف توزيعاً وأخبار اليوم من اكثر الجرايد توزيعاً يعني هو يحرص علي هذه المهنة يعني انا افتكر احمد البلال قام بجهد كبير جداً في هذا البرنامج ونسال الله سبحانه وتعالي ان يتقبل منه وهذا البرنامج لعب دور كبير جداً حول الرؤي في القضايا السياسية وليس هو برنامج تطبيل اصلاً للحكومة يعني عندوا شعبية عالية يعني في كل الاستطلاعات ظهرت هذه الشعبية .انا والله اشكره علي ترشيحه وبرفع معنوياتنا مسالة الترشيح ونحن خايفين كثرة الطلة تمسخ خلق الله وبعد الناس يزهجوا مننا الناس يعني لكن اقتراح جديد بالدراسة وهذه ثقة غالية انشاء الله نكون قدرها يعني

التعديل الأخير تم بواسطة المشرف العام ; 03-10-2005 الساعة 12:44 PM السبب: اضافة الرد
خالد بركيه غير متصل  
قديم 03-03-2005, 07:52 AM   #14
علي احمد
عضو جديد
 
تاريخ التسجيل: Feb 2005
المشاركات: 10
الاستاذ/ محمد حاتم سليمان المحترم مرحبا بك

اولا : انا من المشيدين ببرامج الفضائية السودانية و علي ماتقومون به من جهود مقدرة وفق الامكانيات المتاحه ورغم الظروف الحالية وكذلك من المعجبين بكثير من البرامج الهادفه والمفيدة والتي لاتتوفر في كثير من الفضائيات الموجوده في الوطن العربي وعلي رأسها برنامج وجه النهار الذي اصبح له اثر واضح خاصة مؤخرا اصبح يستضيف كثير من الكفاءات والكوادر في شتي المجالات مما سبب كثير من الوعي والارشاد0

الاخ الاستاذ: سؤالي وهو اقتراح اكثر من انه سؤال ينبغي مراعات اختيار مقدمي البرامج من اصحاب المهارات الواسعة في طرح الاسئلة و كيفية توزيع الفرص بين الضيوف واستقبال الاتصالات الخارجية وكيفية التعامل معها وهذا فن لايجيده كثير من مقدمي البرامج0

اقتراح ثاني ينبغي لمن يستقبل المشاركات عبرالهاتف من الكنترول في كل البرامج ان يكون علي قدر من الوعي بتنبية المتصلين علي كيفية الاتصال والطرق المثلي له قبل عرضهم علي الهوا

وشكرا


رد الأستاذ محمد حاتم سليمان مدير التلفزيون السوداني :



انا معاه تماماً في هذه الآراء أن نحسن الأداء في هذه الجوانب يعني .

التعديل الأخير تم بواسطة المشرف العام ; 03-12-2005 الساعة 11:29 AM السبب: اضافة الرد
علي احمد غير متصل  
قديم 03-03-2005, 08:50 AM   #15
الواثق
عضو مشارك
 
تاريخ التسجيل: May 2004
الإقامة: بلادي سلام
المشاركات: 122
مرحب بمدير الفضائية السودانية

سؤالي هو:
هل أنت راض عن أدائك كمدير للفضائية السودانية وحاسي إنك ما مقصر ؟؟ وإذا كانت الإجابة بلا فهل يمكنك التعامل بأدب الإستقالة ؟!!



رد الأستاذ محمد حاتم سليمان مدير التلفزيون السوداني :


هو شوف كون واحد يرضي بادائه في موقع معناها نهاية المطاف لو أنت راضي وعملته كل حاجة يجب انك تذهب يعني لانك كملته اقتراحاتك واراك كلها وكل اجتهاداتك معناها أنت كل ما عندك قدمته اذا كان حسيت انك أنت كل ماعندك قدمته وانت راضي تماماً عن عملك يجب انك تتيح الفرصة للآخر نحن ماقلنا اصلاً راضين عن عملنا وشايفين عملنا فيه تقصير كثير جداً وبنجتهد انو نحسن من الأداء وبنجتهد انو علي الأقل الواحد يؤدي الأمانة في هذا الموقع وطبعاً في النهاية لايكلف الله نفساً ألا وسعها نحن نفرق الوسع والتوفيق من الله سبحانه وتعالي يعني ونجتهد في انو نقدم خدمة لهذا الشعب عبر هذا الجهاز الذي يمثل كل الشعب السوداني وان يكون هذا الجهاز معبراً عن أهل السودان في قيمهم وفي تراثهم وفي كل مايحملون من قيم الخير والفضيلة والجمال ونقدم كنموذج للعالم اجمع وبالتالي هذا باب واسع للاجتهاد ومهما نعمل ومهما ياتوا آخرين لهذا الموقع ويعملوا حيظل هناك عمل مطلوب وحيظل هنالك مشروعات كثيرة نحتاج الي أن تري النور فنحن إنشاء الله قدر مايقدر لينا من زمن نقعده في هذا العمل لانو نعتقد انو العمل ده عبادة لله سبحان وتعالي وربنا سائلنا عن هذه الإدارة وكيف يعني وماذا قدمتم في هذا التلفزيون لدينكم ووطنكم واهلكم في السودان ونحاول نخلص من هذا الباب عبادة الله سبحانه وتعالي وليس خوفاً من احد ولا طلباً للاجر ولا المرتب وانما نحن نحاول ان نفرق ونجتهد بقدر مانقدر أن نحسن عبادة ربنا سبحانه وتعالي من خلال جهاز الإذاعة والتلفزيون وهذا مانبتغيه أما نحن نتعامل بادب الاستقالة سنتعامل بادب الاستقالة يعني لو شعرنا في أي لحظة من اللحظات انو اننا عاجزين تماماً عبر هذا الجهاز سنقدم الاستقالة انا لو ضربت مثل قول لي انتا قدمته شنو انا ممكن أدى الأخ الواثق حاجات كثيرة جداً اتعملو في السنين الفاتو ديل فاذا كان الحاجات كلها بفتكره تقصير نحن والله نستجيب لرغبته ونتعامل بادب الاستقالة وماعندنا في جعبتنا الكثير من المشروعات والكثير من الأعمال انا أقول للأخ الواثق في إطار مشروعات تأهيل بئة العمل انا جيت التلفزيون حسه لي أربع سنوات تقريباً في الأربع سنوات دي الحمد لله ربنا وفقنا انو وفرنا اربعة واربعين عربة جيدة عربة سفرية لعمل التلفزيون يعني جددنا أسطول النقل في التلفزيون تماماً عشان يكون الأسطول قادر لترحيل العاملين والسفر الي الولايات لتسجيل البرامج ولتخصيص العربات بالنسبة للمسؤليين القياديين في التلفزيون وكده الحمد لله هذا المشروع اكتمل ألان اصبح في وضع مريح جداً من ناحية سيارات تساعد علي العمل تم إنشاء معمل جديد للجرافكس وطبعاً معروف جماليات الشاشة تعتمد علي الجرافكس بأحدث الاجهزة وبشكل مرتب ومريح يساعد الاخوة الفنين في ان يقوموا بهذا الواجب واتعملت صالة للإنترنت وفيها موقع التلفزيون واظن أي زول يتابع الإنترنت حيلقي موقع التلفزيون انا افتكر يعني تم فيه مجهود كبير جداً ونحن نشكر أخوانا في موقع النيلين لانهم كان عندهم مساهمة كبيرة جداً في انو يصمموا معانا هذا الموقع والان اصبح من المواقع المشاهدة والمواقع العندها زوار وده واحدة من الإنجازات التمت الان الموقع فيه 16 كمبيوتر وفيه 16 عامل يعني فني وفيه برامج كثيرة جداً حيه بتنزل في هذا الموقع وعشان نحن برضوا نتيح فرصة لكثير جداً من يعني الناس الذين يستخدموا شبكة الإنترنت يعني يلقوا برامجنا وأفكارنا وطموحاتنا ومعلوماتنا وأخبارنا كلها متاحة علي موقع التلفزيون وكانت واحدة من الحاجات الجديدة يعني اتعملت صالة حديثة للصيانة للاخوة المهندسين حتي يصينو الاجهزة وهم في وضع مريح اتعمل مرسم للديكور فيه 10 كمبيوترات من حواسيب متقدمة تساعد في تصميم الديكور عبر الكمبيوتر اتعملت مكتبه جديدة للأشرطة عشان نبدا موضوع الأرشفة الإلكترونية وأنا افتكر قد تم فيها شغل كبير جداً بداية في استراحة جديدة للمذيعين انشا مركز لثقافة السلام وانشا مركز للأعلام الإنمائي وانشا مركز للمعلومات انشا مركز للطباعة انشا مركز صحي تم تأهيل لاستقبال التلفزيون وتأهيل لمكاتب كلها وتجديد للأثاثات واعمال الصرف الصحي وتأهيل الحدائق واتعملت غرف مونتاج حديثة جداً وتوفرت فيها أجهزة ومعدات حديثة وغرفة كبار الزوار وكل المباني في التلفزيون حصل ليها تجديد بدينا في حوسبة النظام المالي والإداري ونظام الإنتاج البرامجي واتعمل هيكل وظيفي جديد للتلفزيون .بقضية التجويد في مجال تدريب العاملين اتنفذت عشرات الدورات دورة تنظمه شركة تيم من جنوب أفريقيا لمده سته اشهر فيها 50 فني ودورة من بريم ويلز شركة بريطانية استفادو منها 24 ودورات في تحرير الأخبار مع مركز الجزيرة برضوا استفادوا منه 30 ودورة في السودان علي BBC استفادوا منه 25 ودورات تمت بالمركز العربي بسوريا استفادوا منها 85 دارس ودورة مع الألمان استفادو منها 33 دارس ودورات في اللغة الإنجليزية محلية استفادوا منها 15 دارس من العاملين في التلفزيون ودورتين في العمل الرياضي بقناة النيل الرياضية استفادو منها 10 دارسين ودورتين في الرسوم المتحركة لخبير ماليزي استفادو منها 25 دارس ودورة تدريبية في البرامج الرياضية استفادوا منها 10دارسين في اللغة الإنجليزية ودورات في الحاسوب استفادوا منها 90 دارس . ده في مجال التدريب في برامج الخدمات نحن حتي الان ملكنا 90 عربة للعاملين في التلفزيون بأقساط والمشروع ماشي انو أي موظف بالتلفزيون داير عربية بالأقساط يستطيع ان يحصل علي هذه العربة وعملنا برضوا توفير أجهزة الاستقبال الديكور بالنسبة للعاملين وتوفير مبردات المياه في كل المكاتب عملنا زواج جماعي فيه 90 زيجة هذه كلها خدمات بس مقدمة للعاملين في برنامج تحسين الأجور حنبقه نضاعف الأجر الإضافي عندنا في لايحة الأجور هنا يعني مما كان عليه الأمر تقريباً يكون 6 أضعاف اذا كان الحافز البياخدو العامل زمان تضاعف 2004 الي 6 أضعاف عن ماكان عليه في 2001 وتم تحسين شروط لخدمة العاملين وتمت ترقية في المحور الهندسي قبل الأربع سنوات دي كان الإرسال يغطي 40% من العالم اصبح الان يغطي 100% في أمريكا و اليابان الصين في أي موقع إرسال السودان واصل التلفزيون بقا يتشاف علي الإنترنت ده كل انتشار جغرافي للفضائية السودانية او التلفزيون السوداني الانتشار النوعي نحن عملنا تجربة لاسبيس تون السودان هي بداية تجربة عشان تتطور كقناة للأطفال بالتعاون مع اخوانا SpaCe Toon نستفيد من خبراتهم التقنية العالية وننتج برامج سودانية تنزل في في قناة اسبيس توون السودان وعندنا دراسة الان للفضائية السودانية ولقناة ثقافية والقناة الناطقة بالفرنسية والانجليزية ولقناة بتاعت موسيقي هذه دراسات جاهزة وقطعنا شوط كبير جداً في انو نحصل علي تمويل عشان تظهر قنوات متخصصة في برنامج الرقمته نحن كلمنا اان رقمته المحطة الأرضية واستوديوهات التلفزيون ووحدات المونتاج والكاميرات الميدانية وعربة التلفزة بنسبة 90% عشان تبقه الصورة بتاعتنا جميلة زيها وزي أي قناة فضائية الناس يشاهدوها هذا مشروع الرقمته صرف معانا يعني ملايين الدولارات حتي مشروع تقنية المعلومات نحنا عملنا الان شبكة المعلومات الداخلية كلها واشترينا اكثر من 150 جهاز لهذه الشبكة فاضل ننزل فيها البرامج منظومة العمل الإداري منظومة الحسابات منظومة شئون الأفراد منظومة ادراة الإنتاج بالحواسيب منظومة التدريب منظومة الأرشفة الإلكترونية منظومة الأخبار إعمال الجرافكس كلها منظومة الاستديو الافتراضي منظومة الاتصالات عبر الانترنت منظومة مراقبة العربات بواسطة GPS والي اخره كلها منظومات كلها دي وإنشاء الله بعد ماركبنا الـ باقاون بتاع الشبكة بعد ده جنركب الكمبيوترات يبقي انو نعمل نقلة في ادارة التلفزيون من النظام التقليدي للاستفادة من التقنية الحديثة ومن الحاسوب في الإنتاج بالحاسب والإدارة بالحاسوب حتكون نقلة وقفزة ضخمة جداً بتختني في مصاف التلفزيونات العالمية وبتقلل لينا جهد كبير وبتجود التنسيق وبتجود لينا أشياء كثيرة جداً نحن الان فاقدنها حتي الجمال البنشوفه في الشاشة في كثير من الشاشات هذا ليس عمل يدوي هذا عمل بتاع حاسوب نحن معظم شغلنا شغل يدوي وبالتالي لمن نركب هذه المنظومات وهذه الحواسيب حتجمل الشاشة نفسها لانو بكون دخلت عناصر جديدة في الإنتاج هو استخدام الحواسيب المتقدمة في الإنتاج التلفزيوني زي الاستديو الافتراضي وزي الجرافكس اون اير واشياء كثيرة نحن الان فاقدنها حتي في تحسين مستوي البرامج نحن الان عندنا مشروع اسمه مشروع هوية البرامجي لو تحدثنا عن المشاركات الحيه في الأربع سنوات دي يعني التلفزيون السوداني نال عشرات الجوائز في مهرجان القاهرة للإنتاج للإذاعة والتلفزيون في مهرجان تونس للإنتاج الإذاعي والتلفزيوني في مهرجان اورتنه الهو اتي للإذاعات الأفريقية في مهرجانات آسيوية وغيرها نحن شلنا جوائز ذهبية في صائد التماسيح وارض الحضارات ومراكب الشمس وفلم العقرب والجواز امه وبلطية بت النيل واغنية زولي هوي وسهرة كواتو وفيلم الإعدام – دي كلها أشياء الناس البتقول نحن مابنقدر ننتج برامج ونجدد برامج طيب نحنا كيف نافسنا في مهرجانات إقليمية وقدمنا أفلام وثائقية وقدمنا اغاني بتاعت اطفال وقدمنا سهرات منوعات وقدمنا برامج متنوعة واخذنا فيها جوائز ذهبية معناها في قدرة وفي كفاءة وفي رؤية نحن بنقصنا المال مزيد من التمويل مزيد من التجويد مزيد من الإنتاج البرامجي الجيد اللهو في النهاية نقدر ننافس مع القنوات الفضائية نحن لو لقينا المال بنقدر ننتج أعمال تنافس لانو حتي الأعمال البسيطة الانتجناها دي وبامكانيات برضه بسيطة نافسنا بيها الاف الشركات ومئات التلفزيونات في مهرجانات إقليمية أفريقية أو عربية واخذنا فيها جوائز ذهبية اذا هذا مؤشر بانو نحن بنقدر ننتج حاجة جيدة الناس بس يدونه الفلوس عشان ننتج أشياء جيدة للمشاهدين قلنا ليهم يا خوانا نخت ليكم الفين جنيه في الكهرباء عشان العائد بتاعه نجود بيه البرامج الجرايد كلها قامت الدنيا ولم تقعدها قالوا دي رسوم إضافية والمواطنين رفضوا نحن يا خوانا عاو زين بتمويل شعبي عايزين تساهموا معانا في تجويد البرامج أو الحكومة كمان تزيد التمويل للتلفزيون عشان يقدر ينتج برامج جيدة تقنع المشاهدين وتعرف العالم كله بثقافة أهل السودان بفرص الاستثمار في السودان بمجال التنمية البنشاهدوا في الحياة من ناحية التطور في الحياة كلها الحياة الاقتصادية والاجتماعية الموجودة في السودان فاذا كان أخونا الواثق شايف بعد الجهد ده كله نمشي بيتنا والله نمشي لكن ده كله مابرضي طموحنا ولا عندنا مشروعات اكتر وعندنا حماس للعمل اكثر وشاعرين انو ممكن نقدم اكثر ومانقطع حماسنا ومافترنا رغم ضعف الإمكانات انو نحن نسلم هذه الراية والا انو التلفزيون السوداني افضل التلفزيونات الإقليمية وده شعارنا واذا كان الاخوة شايفين انه ده كله مابرضيهم في ظل الظروف الشحيحة ونحن نستقبل السلام والسلام فيه بشريات والسلام فيه استقرار اكثر والسلام حايكون فيه تمويل اكثر ومتفائلين جداً انو تلفزيون السودان في العهد الجديد 6 سنوات ديه حايكون وضعه افضل فاذا كان الناس راو والله ده مناسب والله ما عندنا مانع نبزل لهذا الوطن ونبزل للمواطن قصارة ما عندنا من جهد كعاملين في التلفزيون واذا كان الناس راو غير ذلك فنحن نرحب ونمشي نجلس في بيوتنا إنشاء الله ونتيح الفرصة لاخرين يجوا يستلموا هذه المسيرة ويمشوا لي قدام شكراً للواثق يعني .
التوقيع

التعديل الأخير تم بواسطة المشرف العام ; 03-12-2005 الساعة 12:02 PM السبب: اضافة الرد
الواثق غير متصل  
قديم 03-03-2005, 09:06 AM   #16
عمر الفاروق
عضو فعال
 
الصورة الرمزية عمر الفاروق
 
تاريخ التسجيل: Jun 2003
الإقامة: دولة النيلين الفاضله
المشاركات: 595
الاستاذ محمد حاتم سليمان

مدير التلفزيون السودانى
السلام عليكم ومرحبا بكم فى دولة النيلين

1- ما هو اطرف موقف مر بك خلال ادراتكم للتلفزيون السودانى
2-وما هو احرج موقف واجهكم فى ادارة التلفزيون


رد الأستاذ محمد حاتم سليمان مدير التلفزيون السوداني :


انا والله الأخ عمر بداية أخر موقفين طبعاً المواقف المحرجة كثيرة جداً والمواقف الطريفة كثيرة جداً يعني لكن بديه أخر موقفين يكون حصلوا في الشهر ده يعني انا اعتقد انو أحرج موقف عندما انقطع إرسال الفضائية السودانية / تلفزيون السودان تقريباً يوم الخميس انقطع الإرسال من الساعة مساء الي 1 ونصف صباحاً اللهو بعطل كبير جداً كان في المشغل الرئيسي في الهوائيات استقبال عرب سات في جده يعني العطل ماكان عندنا في السودان وحصل حريق في الدش الكبير في جده البستقبل الإرسال ده وانقطاع الإرسال تماماً من كل الولايات كما ذكرت سابقاً انو إرسال الولايات يتم عبر القمر ثم الولايات تستقبل من القمر الي محطات إعادة بث ثم تبث الإرسال في الولاية المحددة أو المحافظة المحددة بالنسبة للعالم طبعاً عبر الأقمار الصناعية فلمن يكون الإرسال منقطع من جميع الولايات وبنقطع من كل العالم طبعاً في ناس كثيرين جداً بتصورو انو في مشكلة في الخرطوم زاته يعني ناس عارفين لمن ينقطع الإرسال الناس بتوقعوا المذيعة طوالي فكان موقف محرج جداً جداً وحاونا بشتي السبل وبذلنا مجهود كبير جداً بطريقة معالجة سريعة الحمد لله أتوفقنا مع اخوانا في اتحاد الإذاعات العربية انو نبث الإرسال في قناة بديلة يعني تابعة لاتحاد الإذاعات العربية كان ممكن البث يتأخر والناس أسبوع ما يشوف التلفزيون ونعيد الإرسال في 2 ونصف ساعة لكن الحمد لله أتوفقنا وبعد ساعتين شفنا التلفزيون السوداني حتي ماتمكن الاخوة في عرب سات انو يصلحوا العطل ويرجع الإرسال كما كان الموقف محرج جداً جداً تكون عائش مشاعر ملايين الناس من السودانيين في الولايات وفي خارج السودان ماهو السبب إرسال السودان ينقطع ده أحرج موقف مره بي طبعاً في مواقف محرجة أخرى لكن هي اقل حرجاً أما الموقف الطريف أجريت مقابلة مع الأخ النائب الأول مقابلة قبل 15 يوم في آسرة سودانية كريمة جداً بعرفوني لكن طولو مني وكده فقالوا انو الزول الذي اجري هذا الحوار مستورد وقام قال والله الزول ده باكستاني يشبه الباكستانيين كده جابوه عمل الحوار مع النائب الاول الاسرة نفسها لمن عرفته انو ده محمد حاتم سليمان وكده استغربوا جداً انهم ماعرفوا عبر الشاشة الشخصية والشكل فقلت كويس باكستان بلد حبيبه يعني فكان موقف طريف يعني .
التوقيع

التعديل الأخير تم بواسطة المشرف العام ; 03-12-2005 الساعة 12:06 PM السبب: اضافة الرد
عمر الفاروق غير متصل  
قديم 03-03-2005, 09:57 AM   #17
الباشا الكبير
عضو جيّد جداً
 
تاريخ التسجيل: Apr 2004
الإقامة: الخرطوم
المشاركات: 2,252
بدايه لك التحيه ضيفنا الكريم

لاحظت كثرة عرض الأناشيد الدينيه والتى نسميها دارجاً " المديح "
هل هذا توجه رسمى ؟ أم إفتقار الى المواد الاخرى التى يمكن أن تجد لها مكانه ومساحه منافسه لهذا التوجه . ( أقول ذلك و انتم تعلمون أن الفضائيه مفتوحه للعالم كله وليس للسودانين فقط ، وحتى السودانيين فليس كلهم صوفيه )

هنالك عدم تنسيق واضح فى عرض المواد ، فى أوقات المشاهده والتى تعرف عالمياً بالذروه ( بين الثامنة مساء والحادية عشر ليلاً ) يفاجأنا التلفزيون السودانى بمواد تضطرنا للهروب من شاشتكم العجيبه . هل هنالك حل ؟


رد الأستاذ محمد حاتم سليمان مدير التلفزيون السوداني :



والله ياخي نعتقد انو يعني الأناشيد أو المدايح نحن مامع كثرة الاستخدام يعني ونحاول نديه نسبة معقولة في الشاشة وهي عادة مثل هذه المدائح أما أن تكون منثورة في المدائح العام او تكون داخل برنامج طبيعة يعني مثل برنامج واشرقة الأرض برنامج تربوي وجه النهار برنامج تربوي اوكذا تكون مستخدمة في البرامج التربوية أحيانا في المناسبات زي مابتيح فرصة لكل الفنانين وبعض الشعرة بندي فرصة للفرق الفنية المهتمة بالمديح مثل الصحوة وغيرها يعني احياناً في اليوم قد تكون اكثر من النسبة المقررة لكن نحاول نظبط هذه النسبة بحيث انو في رواد كثر للمديح السوداني يعني بنديه نسبة معقولة مانديه حيز كبير اما راي الأخ الباشا الكبير في كل البرامج قد تكون في برامج ضعيفة وفي برامج كويسة نحن مطالبين نجدد البرامج الضعيفة ونحافظ علي جودة البرامج الجيدة يعني مامكن كده مطلقاً انو برامج التلفزيون كلها منفرة وغير جيدة أنا لا اوافقه الراي يعني في برامج في التلفزيون جيدة وعندها مشاهدة وعندها ناس برضوا بجيبوا لينا إفادات وبيجيبوا لينا اشادات وفي برامج قد تكون ضعيفة أنا لا أوافق لكن لو كل البرامج ضعيفة لا أوافق علي كده .
التوقيع
[

التعديل الأخير تم بواسطة المشرف العام ; 03-12-2005 الساعة 12:07 PM السبب: إضافة الرد
الباشا الكبير غير متصل  
قديم 03-03-2005, 10:56 AM   #18
kki
عضو جديد
 
تاريخ التسجيل: Feb 2005
المشاركات: 44
الأستاذ الكريم مدير التلفزيون القومى..
شكرا لمجهوداتكم والتى هى النهاية جهد بشرى لا يخلو من الخطأ والنسيان..


كما ذكر احد المتداخلين لدي كمية كبيرة من الأسئلة ولكن احتراما لفرص الآخرين ووقتكم وقرار مشرف الموقع سأكتفى بالسؤالين ..

1/ السودان كما نعلم بلد متعدد الثقافات والاثنيات واللهجات والجغرافيا ..لكن اذا غربلت ما يقدم التلفزيون تجد ان اكثر من80% منه موجه او مقدم من ثقافة الوسط او بالتحديد المركز واذا وجد بقية اهل السودان حظ فاما فى نشرة الأخبار واما ان يقدم بالنيابة عنهم بواسطة موظفى التلفزيون المركزيين .. ما هو تخطيطكم فى المستقبل والذى بالتاكيد سيختلف لاشراك اهل السودان كافه فى ابراز ثقافاتهم المحلية الخاصة والتى لا يعلم بها حتى بقية اهل السودان..ما هو حظ السودان الزنجىمثلا فى مؤسستكم ما حظ ثقافات النيل الأزرق وخور برنقا وصقع الجمل وكرنقو عبد الله والدم جمد والبسابير ودبيرة ...الخ من اصقاع هذة القاره السودانية..

2/ ماهى فلسفة استمرار المسلسل المصرى يوميا ولاكثر من 30 عام اذا لم اخطئ .. هل لانهم (اشقائنا) او لانهم يقدمونها مجانا او عدم وجود اعمال محليه او هل هى سياسه حكومية مقرره وما هو عدد (عشاق الدراما المصرية) من مجموع عدد اهل السودان..انا اعلم ومن موقع التلفزيون ان سعر الاعلان فى هذه الفترة 9--10 مساء حتي ولو كان لنشاط ثقافى يقترب من مليون جنية للدقيقة الواحده.. كم من الدقائق المجانية منحنا هذة المسلسلات وهؤلاء العشاق المفترضين طوال هذا الزمن وما هو المردود الثقافى والتنموى والأجتماعى لهذا الأستثمار اذا اعتبرناه استثمار..


رد الأستاذ محمد حاتم سليمان مدير التلفزيون السوداني :



انا أقول انو عندنا اهتمام بكل السودان وحريصين انو الشاشة السودانية تبقه شاشة قومية وليس شاشة لولايات الخرطوم فقط وان حصل تقصير في ذلك هو يعود للإمكانيات عشان نصل كل أطراف السودان لكن بنجتهد حتي نحن في الجمعة الماضية قدمنا يوم مفتوح عن ملكال وفي العام الماضي قدمنا يوم عن السلام وقدمنا يوم عن الولايات الجنوبية كلها وفي العام الماضي قدمنا ثلاثة أيام مفتوحة في فترات مختلفة عن ولايات دارفور بس وبرضو في العام الماضي قدمنا يومين عن شرق السودان وقدمنا أعمال كثيرة جداً من النيل الأزرق وسهرات وبرامج بتنزل باستمراروافلام وثائقية منذ سلسلة سائحون يعني كانت مهتمة بمنطقة النيل الأزرق وقبل اشهر قدمنا يوم مفتوح كامل عن ولايات كردفان فنحن عندنا أفلام سودانية توثق للحياة السودانية فيلم الشلك ده عن الشلك فيلم الحوازمة ده عن كردفان صايد التماسيح من فركاكة محمية الدندر دي سجلناها في الدندر فارض الحضارات في الشمال فبنحاول نسجل أفلام سودانية تعكس ثقافة أهل السودان ، مابنقول غطينا كل الثقافات مابنقول اتحنا مساحة واسعة لكل الثقافات ومابنقول ادينا نسب متوازنة ومتساوية لكل اتجاهات السودان انما مجتهدين أن يظهر كل التنوع أهل السودان في الشاشة ونعبر عن هذا التنوع بانو يعني تنوع يقودنا الي وحدة انشاء الله في هذا السودان وان قصرت يعني خطانا في بعض المواقع وبعض الولايات ليس هو عدم اهتمام بثقافة منطقة معينة وليس إقصاء لثقافة معينة وانما في كثير من الأحيان تعجز الإمكانيات انو تصل نتمني ان تتوفر إمكانيات افضل لتلفزيون السودان حتي يستطيع يصل كل بقاع السودان ويعكس كل التنوع والثراء الثقافي الموجود في السودان ويعكس الطبيعة الساحرة جداً في كل أنحاء السودان ويعكس التنمية التي وصلت كل أطراف السودان ويعكس مجريات تطبيق اتفاقية السلام وتنزيل هذه الاتفاقية للمواطن العادي الهو المستفيد الأول من الاستقرار والتنمية التي ستتم ومن بشريات السلام كلها والمواطن السوداني ان بقه في الجنوب أو الشمال أو الشرق او الغرب ان نعبر بالتلفزيون عن كل ذلك يعني ان توفرت لنا الإمكانية ان نستطيع نعبر عن كل ذلك .

التعديل الأخير تم بواسطة المشرف العام ; 03-12-2005 الساعة 12:10 PM السبب: اضافة الرد
kki غير متصل  
قديم 03-03-2005, 11:02 AM   #19
kki
عضو جديد
 
تاريخ التسجيل: Feb 2005
المشاركات: 44
الأستاذ الكريم مدير التلفزيون القومى..
شكرا لمجهوداتكم والتى هى النهاية جهد بشرى لا يخلو من الخطأ والنسيان..


كما ذكر احد المتداخلين لدي كمية كبيرة من الأسئلة ولكن احتراما لفرص الآخرين ووقتكم وقرار مشرف الموقع سأكتفى بالسؤالين ..

1/ السودان كما نعلم بلد متعدد الثقافات والاثنيات واللهجات والجغرافيا ..لكن اذا غربلت ما يقدم التلفزيون تجد ان اكثر من80% منه موجه او مقدم من ثقافة الوسط او بالتحديد المركز واذا وجد بقية اهل السودان حظ فاما فى نشرة الأخبار واما ان يقدم بالنيابة عنهم بواسطة موظفى التلفزيون المركزيين .. ما هو تخطيطكم فى المستقبل والذى بالتاكيد سيختلف لاشراك اهل السودان كافه فى ابراز ثقافاتهم المحلية الخاصة والتى لا يعلم بها حتى بقية اهل السودان..ما هو حظ السودان الزنجىمثلا فى مؤسستكم ما حظ ثقافات النيل الأزرق وخور برنقا وصقع الجمل وكرنقو عبد الله والدم جمد والبسابير ودبيرة ...الخ من اصقاع هذة القاره السودانية..

2/ ماهى فلسفة استمرار المسلسل المصرى يوميا ولاكثر من 30 عام اذا لم اخطئ .. هل لانهم (اشقائنا) او لانهم يقدمونها مجانا او عدم وجود اعمال محليه او هل هى سياسه حكومية مقرره وما هو عدد (عشاق الدراما المصرية) من مجموع عدد اهل السودان..انا اعلم ومن موقع التلفزيون ان سعر الاعلان فى هذه الفترة 9--10 مساء حتي ولو كان لنشاط ثقافى يقترب من مليون جنية للدقيقة الواحده.. كم من الدقائق المجانية منحنا هذة المسلسلات وهؤلاء العشاق المفترضين طوال هذا الزمن وما هو المردود الثقافى والتنموى والأجتماعى لهذا الأستثمار اذا اعتبرناه استثمار..


رد الأستاذ محمد حاتم سليمان مدير التلفزيون السوداني :



هو طبعاً المسلسل العربي عندو جمهور قطعاً وجمهور في السودان ماصغير جمهور كبير ولو اخدنا مؤسر خليك من استطلاعات الراي وكده اخدنا مؤشر المعلن يحرص انو يعلن في وقت المسلسل ونحن في كثير من الاحيان لانستطيع الا ان نستجيب لرغبات كل المعلنين لانو المسلسل زمنه ساعة والإعلان احياناً يتجاوز نصف ساعة واذا كان نحن اعلنا في وقت المسلسل فمعناها كل دقيقتين مسلسل ودقيقة إعلان فبالتالي المسلسل كله سيكون إعلانات حنقطع المسلسل اكثر من اللازم وبالتالي في معلنين لانستطيع نديهم الزمن الطالبنوا اللهو البث فاذا كل المعلنين يصروا علي الإعلان معناه المعلن عارف ده وقت مشاهدة عالية وعارف انو المسلسل عنده جمهور ولو ماعندو جمهور مابعلن في المسلسل ويحرص علي المسلسل فنحن مابيدنا فالمسلسل العربي عندو جمهور وجمهور كبير ونحن نستجيب لرغبات الجمهور واذا كان ظهرت لينا في الدراسات انو المسلسل العربي ماعندو جمهور نحن ما حريصين علي المسلسل العربي لكن نحن نحترم رغبة الجمهور اللعاوز المسلسل العربي كونوا في الزمن ده نبث مسلسل سوداني نحنا بثينا مسلسلات سودانية في بعض المسلسلات بثيناها في الزمن الحي ده بتاع المسلسل العربي وقت مايكون في مسلسل جيد سوداني انا طوالي ببث محل المسلسل العربي يعني مامقرر ولا قرار انو لازم المساحة دي نحدده للمسلسل العربي نحن نبث لكن لو لقينا مسلسل سوداني جيد بنبثه طوالي في محل المسلسل العربي لكن لانستطيع انو نشطب المسلسل العربي عندوا جمهور في السودان .

التعديل الأخير تم بواسطة المشرف العام ; 03-12-2005 الساعة 12:11 PM السبب: اضافة الرد
kki غير متصل  
قديم 03-03-2005, 11:16 AM   #20
الفاتح عثمان
عضو مشارك
 
تاريخ التسجيل: Feb 2005
المشاركات: 182
[frame="1 80"]الأستاذ محمد حاتم سليمان مدير التلفزيون السوداني مرحباً بكم في منتديات النيلين

السؤال الاول:

هل لديكم إيمان بضرورة تطوير التلفزيون السوداني بحيث يبث كافة هموم المواطنين من حلفا الى نمولي ولو لدقيقة واحدة لكل ولاية, طالما تحمل إسم السودان لأن التلفزيون الحالي فى نظري هو مخصص لولاية الخرطوم فقط وبالاخص مدينتي الخرطوم وامدرمان؟

السؤال الثاني:

ما هي الخطط المعدة لترقية أداء المذيعين ومقدمي البرامج وما هي معاييركم فى اختيار المذيعين ومقدمي البرامج؟

مع التحية ,,,
[/frame]


رد الأستاذ محمد حاتم سليمان مدير التلفزيون السوداني :



هو السؤال مشابه انا مابقول التلفزيون مخصص للخرطوم الناس لو يتابعوا صاح انا ماقاعدين ليوم من الأيام يكون عندنا تيم ماشي للولايات نقلنا كثير من الولايات نقلنا احتفالات من الولايات حسه نقلنا الشهر الفات احتفالات من ولاية الوحدة علي الهواء مباشرة وناقلين كتير من عطبرة ومن مدني وعاملين ايام مفتوحة للولايات وعاملين انشطة واتيامنا يعني جية وذهاباً الي الولايات وفي البرامج المختلفة والي اخره فموجود اهتمام بالولايات الاهتمام لو مامرضي للناس قول نزيد الاهتمام لكن مش مطلقاً مافي اهتمام بالولايات والتلفزيون تلفزيون للخرطوم فقط هذا غير صحيح من واقع المتابعة والبرامج يعني .
2/

طبعاً سبق في معاير انو في اهتمام بالتدريب وعندنا دفعة يعني مجموعة من المذيعين كانوا قبل اشهر في مركز تدريب الجزيرة اخدوا دورات ونفذنا دورات داخلية عبر BBC وعبر المعهد الألماني للتدريب التلفزيوني وإنشاء الله عندنا عدد من الدورات العامة لتأهيل وتدريب المذيعين فالتدريب مستمر عملية مستمرة والاهتمام بانو نتيح فرصة لمذيعين ومقدمين جدد هذه مسالة مستمرة واتمني انو نقدم ما هو افضل يعني والمذيعين الغير جيدين في النهاية طبعاً .

التعديل الأخير تم بواسطة المشرف العام ; 03-12-2005 الساعة 12:15 PM السبب: اضافة الرد
الفاتح عثمان غير متصل  
قديم 03-03-2005, 02:58 PM   #21
محمد عمر
عضو جديد
 
تاريخ التسجيل: Feb 2005
المشاركات: 15
[frame="6 50"]السلام عليكم


في البداية اريد ان اوجه تحية الي منتدي النيلين و القائمين عليه
في البال مليون سؤال لكنني قررت ان اسئلك التاليين

_لماذا ديكورات استوديوهات قناة السودان بدائية جداا لدرجة انها مقارنة بي باقي المحطات الفضائية كأنها من فترة الستينات؟؟


_صراحة في بعض الاحيان ارى ان قناة السودان تعاني من نقص في البرامج و معظم برامجها قديمة جدا لماذا ليس هناك اي برامج جديدة تضاف لرصيد المحطة مع العلم ان المبدعيين في السودان كثيرون و في عطاء؟ا

رجو الا اكون قد اثقلت عليكم و مع الشكر[/frame]


رد الأستاذ محمد حاتم سليمان مدير التلفزيون السوداني :


نعم الأخ محمد عمر اولاً بالنسبة للديكور في مجهود كبير من الاخوة في قسم الديكور وفي كثير من المناسبات وبعض الاحيان بتكون في ديكورات جيدة جداً كثيرة محل إشادة ولكن في بعض الاحيان بتكون في ديكورات محلية وتقليدية وشكلها قديم طبعاً دي برضوا بتكون من الإمكانات المتوفرة لاخوانا في قسم الديكور علي أساس انو ينفذوا ديكورات راقية وجميلة وكذا فالمشكلة كلها مشكلة إمكانات لكن الان نحن اولاً تعاقدنا الان علي شراء جهاز الاستديو التقريري فيرشال استديو وإنشاء الله هذا الجهاز الجديد حيعمل نقله حقيقية في ديكورات البرامج لانو معظم في كثير من الفضائيات هي مصممة بالحاسوب ديكورات اليكترونية يعني وديكورات يستخدم فيها الفيرشال استديو وايضاً الخامات المستخدمة تقليدية في الديكور معروفة يعني في خامات جديدة وممتازة جداً تستخدم في الديكور في كثير من المحطات لكن ماعندنا القدرة في السودان نشتري هذه الخامات الان في جهود مبذولة نضيف خامات جديدة في التصميم عشان مايطفي جمال علي ديكورات تلفزيون السودان علي أي حال الجهود مبذولة ومستمرة لتحسين شكل التلفزيون عموماً اذا كان في الديكور او الوانه او الاستايل البشتغل بيه تلفزيون السودان أما إضافة برامج اعتقد في برامج جديدة يعني ضربت مثل مرآي هذا البرنامج عمره ماكثر من 6 شهور وبرنامج موجه جديد للصم والبرنامج الوحيد علي مستوي المنطقة العربية برنامج كامل موجه للصم وافتكر فيه مجهود مبذول كبير جداً لو نظرنا الي هذه الخريطة المهولة سنجد مثلاً مثل الخرطوم تكتب هذا برنامج جديد سهرة كاملة تتحدث للإصدارات السودانية فلمن تقول ان البرامج كلها قديمة ومافي برامج جديدة هذا التعبير غير دقيق بالتاكيد هنالك برامج جديدة نحن ياخوانا البرنامج ليس بقدمه وجدته مثلاً برنامج مثل الحقل والعلم رحمة الله علي د. نور الدين سيد احمد ظل يقدم هذا البرنامج علي مدار 25 سنة وظل البرنامج حي لان البرنامج مرتبط بقضايا الناس ومعاشهم الأساس اللهو الزراعة برنامج مثل أصوات وأنامل هذا البرنامج ليه عشرات السنين وبرنامج مازال بنفس النفس والبرنامج الوحيد في التلفزيونات العربية البهتم بالتشكيل والمواهب في هذا المجال والبرنامج مهما يطول يعني مده تقديمه يعني هذا لي هو الاعتبار او المعيار لإيقاف البرنامج او استمراره هل البرنامج عنده القدرة علي الاستمرار هذا هو الأصل في كثير من البرامج مازال عندها القدرة علي الاستمرارية يفترض نجدد في شكلها وطريقة أسلوب العمل وطرح الاسئلة وشكل الديكور يكون في تجديد من سنة لي سنة لكن مضمون البرنامج مازال هو مضمون البرنامج في أهمية لاستمرارية البرنامج وقادر علي الاستمرار فهذا هو المعيار ففي برامج قديمة حتظل مستمرة لانو القضايا فيها حتظل متجددة يعني مابفقد البرنامج أهميته او ضرورة وجوده علي الشاشة وبرضو محتاجين لفترة من واخر نجدد ونصين برامج حديدة وقاعدة تحصل في كل خريطة معدلة نضيف من برامجين ثلاثة في كل مرة ضربت مثل بالخرطوم تكتب ومرآي ممكن اضرب مثل ثاني فنحن نتمني انو الأخ محمد …. يجد في الخريطة المعدلة التي بدأت في فبراير يجد فيها برامج جديدة ويجد فيها مجهود مبزول جديد لتجديد حتي البرامج القديمة بما يواكب ويرضي المشاهدين .

التعديل الأخير تم بواسطة المشرف العام ; 03-12-2005 الساعة 12:18 PM السبب: اضافة الرد
محمد عمر غير متصل  
قديم 03-03-2005, 04:32 PM   #22
الكمالابي
عضو جيّد جداً
 
الصورة الرمزية الكمالابي
 
تاريخ التسجيل: Jul 2003
الإقامة: السودان_الجزيرة إسلانج
المشاركات: 1,422
Angry إستضافة العلماء ذوو الاختصاص (( الفقهاء )

السلام عليكم ورحمة الله
اهلا بالاستاذ محمدحاتم سليمان

السؤال : كثر فى الآونة الاخيرة عرض برامج نقاشية فى امور هي معلومة من الدين بالضرورة
وأفتى فيها علماء الأمة الاسلامية من الائمة الاعلام الشافعية والحنابلة والحنفية وعلماءنا الأجلاء علماءالمذهب المالكي ولكن ما زال التلفزيون يصر على مناقشة مثل هذه المواضيع .... لماذا ؟؟

لماذا يصر التلفزيون على النقاش فى هذه المواضيع التى لاتحتاج أي إجتهاد من أحد ؟؟
وإن كان هناك لبس يراد توضيحه لماذا لا تقوموا بإستضافة العلماء المعروفين من علماءنا السودانيين وتصرون على إستضافة من ليس هم من العلماء فى الفقه والدين ؟؟

مثال على هذه البرامج
1-التربية الجنسية للأطفال
2- تعدد الزوجات

وجزاكم الله خيرا
كمالابي - الجزيرة إسلانج


رد الأستاذ محمد حاتم سليمان مدير التلفزيون السوداني :


الأخ كمالابي نحن نستضيف علماء بقدر الإمكان علماء معروفين وعندهم عطاء علمي نحن نقدم في مفاتح الشيخ علي الأمام ونقدم في برنامج الامة الوسط دكتور عصام علي البشير ويقدم في برنامج وجه النهار الدكتور التجاني حسن االامين جابر عويشة قد يكون في بعض علماء جدد وعندهم إسهاماتهم ولكن في بعض علماء في الجامعات السودانية وعندهم علم وعندهم فقه وعندهم عطاء كبير فمعظم الأسماء البارزة هي تستضاف في التلفزيون مع أتاحه لعلماء غير معروفين للناس لانهم ظلوا يدرسوا في الجامعات لكن بس ما ظهروا علي شاشة التلفزيون كون نتيح فرصة لعالم جديد ما معروف للناس مامعناه نحن بنجيب ناس ما عندهم قدرة علي العطاء وقدرة علي الإفتاء او قدرة علي المساهمات الفكرية في القضية المعينة وبقدر الإمكان نتيح فرصة للعندوا عطاء وللعندوا مساهمة اما مناقشة قضايا معلومة للناس والله قال ذكر فان الذكري تنفع المؤمنين يعني اذا كان انت عارف فقه الصلاة في ناس كثر معارفين فقه الصلاة بالتالي بهذا المنطلق يعني الجامعة الدرست جماعة من الناس تقفل تمشي حيظل في جيل جديد وفي مشاهد جديد وفي كذا يعني الزول مايحكم بنفسه معناه هو علي علم بهذه الموضوعات وعلي معرفة بيها ويحتاج الي موضوعات جديدة في آخرين محتاجين الي هذا الحديث والي هذا الكلام والي هذا التذكير فبالتالي في بعض الموضوعات بتتكرر من حين لاخر لكن مامعناه انو نحن موضوعاتنا بتبقه قديمة كلها لكن لابد انو نجدد في الموضوعات وان ناخد قضايا العصر بقدر الإمكان نطرح القضايا العصرية ونطرح القضايا القد تسبب اشكالات بالنسبة للمشاهدين ونحاول ان نزيل هذا الأشكال بالنسبة للمشاهدين فما بين الجديد من قضايا جديدة تهم الناس في هذا العصر ومن القديم الذي نزكر به الناس يحصل التنوع ويحصل الطرح للقضايا القديمة والجديدة وحتي القديم يمكن ان يطرح بطريقة جديدة من اجل ان تصل المعلومة لمشاهدين جدد يعني قد يكونا محتاجين لهذه المعلومة .
التوقيع
اللهم صل على سيدنا محمد النبي الأمي وعلى آله وصحبه وسلم

التعديل الأخير تم بواسطة المشرف العام ; 03-12-2005 الساعة 12:26 PM السبب: إضافة الرد
الكمالابي غير متصل  
قديم 03-03-2005, 04:36 PM   #23
الرباطابي
عضو مشارك
 
تاريخ التسجيل: Apr 2004
الإقامة: السودان
المشاركات: 83
نشاهد في التلفزيون محجبات مغنيات
من المعروف ان الفتاة المحجبة لها من الحياء ما يمنعها من رفع صوتها ناهيك عن الغناء .ما الذي يجبركم على تقديم محجبات مغنيات أليس في ذلك إساءة للحجاب و للدين ؟
برنامج وجه النهار من أكثر البرامج فائدة إلا أنه يقدم في وقت المشاهدة فيه قليلة لماذا لا يقدم في وقت مناسب مثل التاسعة مساء ؟ حيث يتجمع المشاهدون للمسلسلات ؟
ألا يمكن التضحية بما تدره المسلسلات من دخل من الإعلان لتقديم برامج مفيدة في التاسعة مساء ؟



اذا بتحدث عن البرامج الدعوية البرامج الدعوية موزعة في برنامج صباحية دعوية ساعة كاملة مثلاً 6 ص الي 7ص هذه فيها القران الكريم وفيها التجويد وفيها المجلة واشرقت الأرض حتي الساعة الـ 8 عندنا برامج مسجلة مثل الشعراوي وطارق السويدان وكثير من العلماء في المنطقة الإسلامية يقدموا برضوا حوالي الساعة الـ 8 وبرامج الفتاوي الساعة الثامنة وعندنا برامج في فترة الظهيرة تقدم برنامج وجه النهار وهو برنامج مستهدفين بيه الناس الموجودة في البيوت الآسر مش الناس الشغالة ده جمهور البرنامج ده اللهم الناس الموجودين في الساعة دي في البيوت مقصودين بهذا البرنامج ونقدم برنامج علي الفطرة الساعة الـ 4 مساء وبتقدم برنامج فتأوي الساعة الـ 8 مساء اسبوعياً وبنقدم الامه الوسط وهو برنامج فكري تربوي بنقدمه الساعة الـ8 مساء وبنقدم برنامج مفاتيح الساعة الـ7 مساء من كل يوم جمعة اذا نحن موزعين من البرامج التربوية مابين الفترة الصباحية لانو في ناس بشاهدوا الفترة الصباحية مابين فترة الظهيرة ومابين العصر في ناس بيشاهدوا بالعصر مابين الفترة المسائية فما موضوعه البرامج علي أساس في فترة واحدة وعلي أساس يشاهد المشاهد كلها وزعناها كده عشان تكون المشاهدة أنماط مختلفة بالشاهد الصباح يلقي برنامج دعوي والبشاهد في الظهيرة يلقي برنامج دعوي والبشاهد في العصر يلقي برنامج دعوي والبشاهد في المساء بلقي برنامج دعوي هي موزعة في الخريطة علي هذا الأساس لكن المشاهد لو عايز يشاهده كلها حيلقه نفسه محاتناسبه كلها فترة الظهيرة هو حيكون في موقع العمل نحنا ماقدمناها للمشاهد في العمل قدمناها للقاعد في المنزل في هذا الوقت فاذا موزعة في هذه الخريطة بهذا المنطلق اما قضية الغناء فهذه قضية خلافية وقضية المحجبات نحن يا أخوانا بنقول طالما انو الترفيه ده ودائرة المباحات دائرة واسعة جداً في الإسلام التغير بيجي لحاله بتخالف نصوص وحدود فاذا كان ياجماعة انا اصلاً الكرة يعني هي خارجه عن دائرة الدين او الناس يلعبوا في وقت الصلاة او كذا انا والله كون مهتم بالإسلام والتاصيل اخشي عشان في النهاية اخلي الكورة ماتتعارض مع أوقات الصلاة واخص الناس البلعبوا كورة يحرصوا علي الصلاة انا بفتكر انو بتكون هذه ساحة من الساحات اسلمت لله رب العالمين لانو معني كلمة إسلام ان تسلم امرك لله رب العالمين في كل الميادين لكن لمن نطلع الكورة تقول دي للشيطان ونطلع دي لي كده ونطلع الغناء نقول لي كده وفي النهاية نحن نقعد في المسجد الحياة دي بحلوها ومرها وفنها ورياضتها وتعلمها وكل هي حياة يجب تسلم لله رب العالمين فاذا كان الناس دخلوا مجال الغناء فاصبح في التزام في مجال الغناء الفنان يلتحي وألا الفتاة تتحجب وله ننتقي الكلمات وله نتنقي الموسيقي وله كذا هذا افضل هما تعبير ن هذه الساحة افتكر برضو هو محاولات لتقديم فن راقي يساعد في ترسيخ القيم والمفاهيم والمعاني والزول بنيته ربنا بيحاسب بالنيه لكن نقول لا مايخشوا الناس هنا ومايخشوا هنا في النهاية نقعد في المسجد ده كلام غير صحيح فاذا الناس دخلوا الي ساحة من الساحات وحاول انو الساحة تؤصل العمل فيها وتربط بين الله رب العالمين ويكون فيها غناء يدعوا للقيم والفضيلة هذه ايجابية يجب ان نشجعه فانا مامعا عقلية المنع انو الإنسان يكون في المسجد يعني المسلم يكون موجود في كل الميادين واي ميدان بتراي انه يعني يحب بسلم لله رب العالمين ونحدث فيه قدر من التأهيل ندخله ونسلمه لله رب العالمين وربنا هو العالم بالنوايا انو العمل ده من اجل الإصلاح وله العمل ده من اجل الهوي والغرض هذه هي المسالة الاساسية .
التوقيع
الرباطابي
الرباطابي غير متصل  
قديم 03-03-2005, 05:13 PM   #24
فيفى
عضو جديد
 
تاريخ التسجيل: Mar 2005
المشاركات: 2
[motfrk]
°ˆ~*¤®§(*§*)§®¤*~ˆ°

اتفق معك اخى الرباطى فان االآئى يتحجبن ويغنن فى الحفلات فهذا افتراء نسأل الله لهم التوبة النصوحة فان الدين ليس بتجارة او لهو كما جاء عن الحجاب فاليضربن بخمورهن ولايبدين ذينتهن


فهولاء يظهرون بخلاف ما يبطنون اتمنى ان يهديهم الله فمن لايهديه الله فلا هاديه له
°ˆ~*¤®§(*§*)§®¤*~ˆ°
[/motfrk]
فيفى غير متصل  
قديم 03-04-2005, 10:06 AM   #25
منذر
عضو فعال
 
تاريخ التسجيل: Aug 2004
الإقامة: الظهران
المشاركات: 260
الاخ المحترم
السيد مدير التلفزيون
هل تقوم بعملك ليكون التلفزيون اداة ترفيه ام اعلام حكومى ام تثقيفى؟
واذا قلت جميعها ايها تفضل وتجد انك قمت به بصوره ممتازه ؟
اين تجد تقصير التلفزيون السودانى فى المجالات اعلاه ؟
دور التلفزيون فى عاصمة الثقافة هل نقل فعاليات ام تفعيل لدور
الاعلام فى اظهار ثقافة موجوده وبثها على العالم ؟
ماذا يقدم التلفزيون بصورة اكبر فى عاصمة الثقافة هل نقل
ثقافة الاخرين لنا ام نشر الثقافة السودانيه ؟
ماذا تتنظر من منتديات سودانية ( النيلين مثلا ) ؟
اين تجد التفزيون السودانى فى خارطة ومقياس الاعلام العربى ؟
هل تستلمون كل رسوم الفضائيه التى ندفعها فى كل اجراء
يخص المغتربين والتى لو جمعت لتم عمل قمر سودانى خاص!
شكرا لكم وبالتوفيق
منذر



رد الأستاذ محمد حاتم سليمان مدير التلفزيون السوداني :


الأخ منذر سال اكثر من سؤالين يعني السؤال الأول اللهو نتكلم فيه عن التثقيف والترفيه والأخبار أنا افتكر ديه هي أضلاع العملية التلفزيونة بالذات في القنوات الجامعة يعني لابد أن يكون هنالك أخبار ولابد أن يكون هنالك تثقيف ولابد أن يكون هنالك ترفيه نحن مانقوله نسعي وراء التوازن ان يكون هنالك توازناً في تقديمنا للأخبار وفي تقديمنا للتثقيف وفي تقديمنا للترفيه اللهو المنوعات فاذا اختلت أي نسبة من هذه النسب بتختل الخارطة البرامجية نحن بنجتهد نحدث هذا التوازن حتي نجد قدراً من الاخبار وقدراً من الثقيف وقدراً من الترفيه ولابد ان يقوم التلفزيون بهذه الأدوار الرئيسية هذه وظائف التلفزيون يخبر ويثفف ويرفه إذا كان قصرنا في واحدة المشاهد بحس اننا مقصرين في جانب من الجوانب نسال الله سبحانه وتعالي انو نحدث هذه المعادلة التوازن في النسب بين الاخبار والتثقيف والترفيه المسالة الثانية نحن والله مابنقول التلفزيون بتاع الحكومة نحن نعمل كله سياسة وأخبار التلفزيون بتاع الحكومة في النهاية فنحن بنعكس خطاب الدولة وبنعكس ماتقوم به من انجازات من اجل المواطن وغير المواطن بكل هذا ثم بطرح برامج عامة ثقافية من اجل المواطن ثم نطرح من بين هذه البرامج برامج ترفيهية تخفف علي المشاهد عناء العمل وتدخل علي نفسه نوعاً من البهجة والفرحة وتخليه يتقبل حتي البرامج الجادة السياسية والأخبارية بنوع من الترحاب وكده فنحاول ان نتوازن في تقديم هذه الموضوعات الخرطوم عاصمة للثقافة الخريطة البرامجية المعدلة حقيقة زي ماقلنه سابقاً هي نسبة 35% برامج ثقافية وحاولنا أول حاجة أن يكون أي نوع من أنواع الثقافة عندو مجال برامجي كبير في التلفزيون وبالتالي نحن بدءنا بالسينما استحدثنا برنامج كاميرا سكوب وعشان يكون للسينما العربية والسينما العالمية والسينما المحلية تناقش موضوع السينما في السودان وفي غيرها واستحدثنا برنامج الخرطوم تكتب عشان يناقش الإصدارات الثقافية والكتب التي تصدر في السودان وعندنا برنامج أصوات وأنامل يعالج قضية التشكيل وعندنا يعني أنغام السودان سهرة جديدة عشان توثق للغناء السوداني والموسيقي السودانية وعندنا برنامج قناديل اعدناه في هذه الخريطة عشان يكون مجال للشعراء في السودان فهذه هي أنواع الفنون السبعة هي كتاب مسرح تشكيل غناء سينما موسيقي فأي شكل من أشكال العمل الثقافي عندها حيز في التلفزيون اهتمينا جداً بالفيلم الوثائقي باعتباره يهتم جداً بتوثيق لاعلام الفكرة والسياسة والثقافة والأدب في السودان حتكون في أفلام وثائقية عن كل رموز الثقافة في السودان حنهتم بعد داك لنقل المهرجانات والفعاليات التي يعني تنفذ من الخرطوم عاصمة للثقافة العربية فاذا الخرطة بتاعتنا بنسبة كبيرة جداً تقدم ثقافة أهل السودان والتلفزيون هو فعلاً ناقل للثقافة وبنقل الفعل الثقافي الموجود علي الساحة الثقافية لكن التلفزيون هو ايضاً مبدع للثقافة ومن خلال هذا الباب نحاول من خلال البرامج المقترحة من خلال الخريطة البرامجية المعدلة نحاول أن نبدع ايضاً في الإنتاج الثقافي لانو اصلاً الثقافة بينتجه المجتمع نحن علينا ان نبدع في هذه الثقافى لانو اصلاً الثقافة بنتجه المجتمع نحن علينا أن نبدع في هذه الثقافة وليس نقلها بس فما بين النقل والإبداع يتكامل دور التلفزيون في دعم الخرطوم عاصمة للثقافة وليس يتابع التلفزيون يلحظ ذلك يلحظ انو في اهتمام كبير جداً بتغطية الفعاليات الثقافية وفي اهتمام كبير جداً بتقديم برامج جديدة تعكس وتنقل خطابه أمل السودان الي العالم اجمع ولا تنقطع عن الثقافة العالمية ولا تنقطع عن الثقافة العربية هنالك مهرجان التواصل العربي مهرجان كل يوم جمعة يوم مفتوح بنعمله مع واحدة من البلاد العربية عشان يحصل تكامل بين الثقافة العربية السودانية ونبحث عن خطوط التلاقي بين الثقافة العربية والسودانية ونبحث ايضاً عن وحدة الوجدان العربي كيف اذا فشلنا ان نتوحد سياسياً علي الأقل ان نتوحد وجدانياً في فنناً وفي شعرناً وفي ثقافتنا وفي تشكيلنا والي اخره طالما هو المشرب واحد ثقافة عربية إسلامية واضفنا اليها الثقافة الأفريقية لانو السودانيين عندهم البعد الأفريقي إنشاء الله من خريطة عام 2005 سيلحظ المشاهد البعد الأفريقي البعد الثقافي البعد المحلي للثقافة السودانية وسيلحظ يعني مساهمات كبيرة جداً من كل المثقفين في السودان والمتابع من غير المشاهد السوداني سيتعرف علي الثقافة السودانية في كل مشاربه والوانها وابداعاتها في السودان .
2

انا افتكر منتديات النيلين يعني واحدة أشاعت المعلومة وتمليك الحقائق للجمهور واشراك الجمهور في تطوير المؤسسات المختلف اليوم الحوار مع التلفزيون وامس كان مع العاصمة الثقافية وغداً حيكون مع التقانة وبعد غداً حايكون مع فنان سوداني مشهور والي اخره بمثل هذا الدور حيكون حقيقة الشبكة العنكبوتية موقع النيلين واحد من الأجهزة الإعلامية المهمة جداً في تطوير الحياة الاقتصادية والاجتماعية والثقافية الموجودة في السودان لتمليك الحقائق للمواطنين وفي مشاركة المواطنين لتطوير هذه المؤسسات التي يحرص المواطن والمشاهد عبر الشبكة انو يعني يتناقش فيها لانو الأمر يهمه ويطرح فيها آراءه ويطور من النشاط المعين في الموقع المعين افتكره مساهمة كبيرة جداً في تطوير تلفزيون السودان ومساهمة كبيرة جداً في تطوير التجويد البرامجي في التلفزيون ومساهمة كبيرة جداً في سد الفراغ لانو دي علة ظلت تعاني منها وسائل الاتصال الجماهيري هو البث في اتجاه واحد مافي فيد باك في المحادثة الشخصية أنت تتحدث مع شخص تستطيع ان تتحاور معه وتتواصل مباشراً اما في الإذاعة وفي الجريدة وفي السينما الوسيلة الوحيدة تعمل استطلاع أو بحث عشان تعرف اراء المشاهدين هذه وسيلة حديثة اننا نتعرف علي اراء المشاهدين مباشرتاً علي الهواء بمثل هذه الحوارات اذا هي تكمل دائرة فارغة وتكمل حلقة مفقودة في تكامل أجهزة الاتصال الجماهيري مع جمهورنا ومشاهدينا ونقل رؤيتهم فيما تقدم هذه الأجهزة لانو الأجهزة تقدم المادة من اجل هذا الجمهور اذا موقع النيلين يملا هذا الفراغ للتلفزيون كجهاز حساس وجهاز يهم كل مواطن في السودان وخارج السودان نحن نحي موقع النيلين علي هذا الجهد وهذه المشاركة وافتكر بمثل هذا الدور المهم جداً يستطيع موقع النيلين أن يساهم في تطور السودان وان يساهم في بناء السودان الحديث وان يساهم في أحداث نهضة كبري في السودان في كل مجالات الحياة والأنشطة الموجودة في السودان .
3
هو صحيح في الأيام الأولى كانت هذه الرسوم تأتى مباشرة الي التلفزيون وبعد داك طبعاً تغيرت السياسات المالية أصبحت كل الرسوم الذاتيه تصب في حساب موحد في وزارة المالية يعني ماتجمعه وزارة الداخلية من رسوم المرور ورسوم الجوازات الي اخره يصب في الميزانية الموحدة للبلد وماتجمعه كل سفارة وكل جهة حتي لو كان أيراد ذاتي يذهب الي وزارة المالية ثم تعيده للصرف علي المؤسسات صحيح قول المغتربين بدفعوا ليهم مليون دولار له اثنين مليون دولار المالية في هذا العام مديانه عشرين مليون دولار عشان نشتري أجهزة جديدة فنحن مابنحاك في 500 الف دولار دفعها المغتربين صحيح المبالغ بجمعوها ناس السفارة وبوردوها لي ناس المالية لكن مقابلة المالية بتتولي الصرف علي كل منصرفات التلفزيون اذا هي بتجينا في صرف كلي مابقولو دي حقة المغتربين لكن حقة المغتربين بتتجمع وبدونه ليها مبلغ كبير نحن بنستفيد منها ومابتعمل قمر صناعي يعني في النهاية مافايتة ليها مليون دولار يعني بتجينا ملاين الدولارات من المالية وحقهم بتجمع في حته واحدة وبتقسم يعني ماشاعرين انو في مشكلة كبيرة يعني لكن في النهاية بيجينا حقنا ولكن في النهاية بصل وأنا اطمئن المغتربين انو يصل وبيصل مضاعفاً وحقوا يستمروا دفع هذه المساهمة ومايقلقوا بانها هي بتضل الطريق هي إنشاء الله بتجينا في شكل معدات وأجهزة وتسيير وكل شي يعني فهي إنشاء الله واصلة .

التعديل الأخير تم بواسطة المشرف العام ; 03-12-2005 الساعة 02:59 PM السبب: إضافة الرد
منذر غير متصل  
قديم 03-04-2005, 04:33 PM   #26
abdalla
عضو فعال
 
تاريخ التسجيل: Oct 2003
الإقامة: السودان
المشاركات: 459
البرامج الثقافية و التعليمية تجد حيزا ضيقا . لا أعنى بالرامج التعليمية البرامج الخاصة بالتلاميذ ولكن البرامج التي يخرج منها المشاهد بفائدة سواء كانت في العلوم أو الدين أو سائر ضروب المعرفة.
برنامج وجه النهار من البرامج المفيدة إلا أنه يقدم في وقت يكون فيه المشاهدون في أعمالهم
لماذ لا يقدم في وقت مناسب ؟

رد الأستاذ محمد حاتم سليمان مدير التلفزيون السوداني :


انا قبل ماجيب علي هذا السؤال بفتكر برنامج اولاً وجه النهار فانه برنامج فعلاً عالي المشاهدة والناس اصلوا بنتغدوا الحاجة البشاهدوها يعني ونحن الزمن مامناسب لانو الزمن اصلاً مخصص للأسرة نعيد برنامج وجه النهار بعد الساعة 1 صباحاً حتي بالنسبة للمغتربين في فارق زمن مابين شمال أفريقيا والسودان وشرق أفريقيا وغرب أفريقيا وحتي أمريكا في فارق زمن فإنشاء الله لمن نعيده الساعة 1 ص ببقه مناسب جداً لكثير من الناس انو يشاهدوا برنامج وجه النهار في الإعادة اللهية يتم الساعة 1ص ويعني غير وجه النهار برضوا نتحدث سؤال تاني جدة فراش القاش البرامج التعليمية عندها حيز طيب والله نحن نحاول ان نهتم بالبرامج التعليمية يعني نحن كان برنامج صحة وعافية وحسه بقا برنامج حديث الأطباء هو برنامج تعليمي وعندنا برنامج لغة العصر اللهو مقرن دوت كوم اللهو اصبح الآن لغة العصر برنامج يعلم الناس الكمبيوتر في بعض البرامج نحن ما سميناها برامج تعليمية وفي أفلام وثائقية هي اصلاً تعليمية الإسعافات الأولية الي اخره في برامج وأفلام نحن بنحاول ان تكون هنالك قدر من البرامج التعليمية حتي الحقل والعلم كان برنامج تعليمي للمزارعين فاذا في قدر من البرامج علي مسمية برامج تعليمية لكن نحن اصلاً قاصدين بيها البرامج التعليمية حتي عندنا برنامج اسمه أمي مع مع سايق الإصرار كان برنامج موجه للاميين ونبزل وكده اما البرامج التعليمية الحصص المدرسية لطلاب الجامعات والمدارس وكده صعب تقدمه في التلفزيون فالان نحن بنفكر مع وزارة التربية انو ننشي قناة تعليمية عشان توجه رسالة لطلاب الجامعات والمدارس من ناحية أكاديمية وزيد من البرامج التعليمية في التلفزيون البتقدم فائدة بالنسبة للمشاهد اما جدة فراش القاش نحن بنجيبها علي هذا السؤال لكن بنقول يعني انو هذه الروح مخالفة لروح مشاكوس لانو روح مشاكوس وروح نيفاشا قالوا نحن خلاص خلينا الدشمان وخلينا الرب وخلينا القتال ودايرين نجي نعيش في بلد واحدة ومافي ثقافة تهمش ثقافة ومافي ناس يهمشوا ناس وكل المواطنين من الدرجة الاولي وكل السودان ده حقنا كلنا عندنا هم تطورة مع بعض هذه روح الاتفاقية واذا كان رجعنا تاني ديل ماتديهم فرصة وتقلل الفرح البنديها ليهم وكذا ده الكلام البجيب الحرب لكن نقول لجدة فراش القاش لازم يكون صدرك رحب ولابد تعيدي قراءة اتفاقية السلام عشان تسمعي بانو كل أهل الجنوب وكل أهل الشرق وكل أهل الغرب ياخد حقهم في الأعلام زي ماخدوا حقهم في الثروة ويظهروا زي مابظهر ناس المناطق الثانية وأنا نحن ما عندنا خيار غير مانو يشاركونا في التلفزيون الواحد ويقدموا ثقافتهم من هذا التلفزيون الواحد واذا حبوا يعملوا تلفزيون لوحدهم نحن بنرحب لكن برضوا ياخدو نصيبهم وحظهم موجود في التلفزيون القومي ونحن نتحدث عن تلفزيون قومي يمثل اهل السودان كلهم وبالتالي لانستطيع ان نغفل ثقافة أو ان نهمل ثقافة أو قصد جهة من السودان لمصلحة جهات أخري فإنشاء الله نحن حنتيح فرص لكل الناس وهذا هو السودان الجديد وهذه هي الاتفاقية وهذا هو السلام وهذه هي بشريات السلام وهذا هو سودان المستقبل الذي يسع الجميع بمختلف مشاربه وبمختلف السحنات واللهجات وتوجهاتهم ويسعنا جميع تنوعاً سياسياً وثقافياً واقتصادياً وكلنا دايرين سودان واحد يضمنا كلنا ويشملنا كلنا ونشترك في باءه كلنا انشاء الله .

التعديل الأخير تم بواسطة المشرف العام ; 03-12-2005 الساعة 03:28 PM السبب: إضافة الرد
abdalla غير متصل  
قديم 03-05-2005, 11:37 AM   #27
فراش القاش
عضو جديد
 
تاريخ التسجيل: Mar 2005
المشاركات: 1
المحترم المسعول من التلفزيون ...يعنى نحن ما صدقنا بلعنا العكاكيز بتاعت المشروع الحضارى لامن جينا للسلام بالغتو فى مجاملة الجنوبيين ...مافى طريقة تسولوم قناة ليهم براهم؟
السؤال بالنص من جدتى...


رد الأستاذ محمد حاتم سليمان مدير التلفزيون السوداني :



اما جدة فراش القاش نحن بنجيبها علي هذا السؤال لكن بنقول يعني انو هذه الروح مخالفة لروح مشاكوس لانو روح مشاكوس وروح نيفاشا قالوا نحن خلاص خلينا الدشمان وخلينا الحرب وخلينا القتال ودايرين نجي نعيش في بلد واحدة ومافي ثقافة تهمش ثقافة ومافي ناس يهمشوا ناس وكل المواطنين من الدرجة الاولي وكل السودان ده حقنا كلنا عندنا هم تطورة مع بعض هذه روح الاتفاقية واذا كان رجعنا تاني ديل ماتديهم فرصة وتقلل الفرح البنديها ليهم وكذا ده الكلام البجيب الحرب لكن نقول لجدة فراش القاش لازم يكون صدرك رحب ولابد تعيدي قراءة اتفاقية السلام عشان تسمعي بانو كل أهل الجنوب وكل أهل الشرق وكل أهل الغرب ياخد حقهم في الأعلام زي ماخدوا حقهم في الثروة ويظهروا زي مابظهر ناس المناطق الثانية وأنا نحن ما عندنا خيار غير مانو يشاركونا في التلفزيون الواحد ويقدموا ثقافتهم من هذا التلفزيون الواحد واذا حبوا يعملوا تلفزيون لوحدهم نحن بنرحب لكن برضوا ياخدو نصيبهم وحظهم موجود في التلفزيون القومي ونحن نتحدث عن تلفزيون قومي يمثل اهل السودان كلهم وبالتالي لانستطيع ان نغفل ثقافة أو ان نهمل ثقافة أو قصد جهة من السودان لمصلحة جهات أخري فإنشاء الله نحن حنتيح فرص لكل الناس وهذا هو السودان الجديد وهذه هي الاتفاقية وهذا هو السلام وهذه هي بشريات السلام وهذا هو سودان المستقبل الذي يسع الجميع بمختلف مشاربه وبمختلف السحنات واللهجات وتوجهاتهم ويسعنا جميع تنوعاً سياسياً وثقافياً واقتصادياً وكلنا دايرين سودان واحد يضمنا كلنا ويشملنا كلنا ونشترك في باءه كلنا انشاء الله .

التعديل الأخير تم بواسطة المشرف العام ; 03-14-2005 الساعة 09:39 AM السبب: إضافة الرد
فراش القاش غير متصل  
قديم 03-05-2005, 03:37 PM   #28
كازاكازا
عضو مشارك
 
تاريخ التسجيل: Jun 2004
الإقامة: السودان
المشاركات: 61
السلام عليكم استاذ الوسيلة
احييك واحي ادارة المنتدي للمبادرة الطيبة
لكن لي ملاحظات يعني بسيطة
1/حقيقة نحن القناة السودانيةبنحبها شديد لكن القايمين علي الامر في نفس الوقت بيكرهونا فيها اولا نحن يمكن اكثر يوم نشاهد فيه التلفزيون يوم الجمع لكن بقت في موضة اسمها اليوم المفتوح واليوم المفتوح دة مثل الزول البياكل فول الغداء وفي الفطور والعشاء لكن بس مرة يكون بالجبنة او بالسلطة اوبدونهما في لكن في النهاية ممل
يعني مما ممكن اشاهد موضوع واحد 24 ساعة
2/ الا تلاحظون معي كثرة برامج التي تعتمد علي لغة الحوار وبالذات البرامج السياسية
مثلا يوم الجمعة الصباح برنامج المنوعات كله حوار وبعد شوية برنامج البديل لصحة وعافية
تحي برنامج الرياضة وتاني حتي اصوات وانامل وتجي لي اسماء في حياتنا وحتي الاشخاص الذين تتم استضافتهم ما عارف علاقتنا بيهم شنو والمشكلة الذين بيديروا الحوار ناس جامدين يعني مابيكون عندك استعداد عشان تسمع ليهم وبيقاطعو ا الضيف في حاجات ممكن تكون اهم شي في الحوار وحتي مقدم البرنامج يعطيك احساس بانه اكثر علما ودارية بموضوع الحوار من الضيف دي مشكلة
4/ اغنية التراث وبالذات اغنية الطمبور او الشايقية محاربة من قبل تلفزيون العام المساحة
في تفلزيون الولاية والنيل الازرق اكبر من القومي

رد الأستاذ محمد حاتم سليمان مدير التلفزيون السوداني :


1
نعم البرامج الحوارية في التلفزيون هي برامج محددة ودائماً تقدم علي الساعة 8 م يومياً هذه هي البرامج الحوارية بقية البرامج نفترض تكون برامج تعتمد علي الصورة اكثر من الحوار احياناً لاشكالات الإنتاج لعجز التمويل لضعف التمويل البرنامج الغير حواري يمشي باتجاه في البرنامج يكون حواري لكن من المفترض برنامج الصباح بتاع المنوعات إن حتي برنامج حديث الأطباء تخش فيه كثير من الأفلام وكثير من الرسوم وكثير من أل أشياء التوضيحية بالتقنية المعنية وكذلك برامج المنوعات تعتمد علي الصورة والكاميرا تخرج لخارج الاستديو فلمن يعجزوا عن ينتجوا أفلام ومواد مصاحبة طبعاً مافي برنامج يخلوا من حوار لكن بتكون نسبة الصورة فيه بتعبر اكتر من الحوار فلمن يعجزوا عن الإنتاج البرنامج بكون كله بقا حوار فبالتالي أنت بتلاحظ في اكثر من برنامج بقه كله حوار ودي ملاحظة حسه نحن قلناها لاخوانا في الفرق البرامجية وللخرطة المعدلة الجديدة انو الناس بقدر الإمكان انو الناس يستعملوا الصورة اكثر من الحديث وإنشاء الله نحن الملاحظة دي جديرة بالاهتمام ونحاول نحن نقلل من الكلام الكثير لانو التلفزيون اصلاً بعتمد علي الصورة اكثر من الحديث وبقدر مانقدر نحن انشاء الله نقلل من الكلام الكثير ونكتر من الصورة …. إما الآثام المفتوحة اصلوا البرنامج ده أتعمل اسمه مهرجان التواصل مع الدول العربية واتعمل في اطار الخرطوم عاصمة للثقافة فأحيانا بكون مع ولاية من ولايات السودان فناس دايرين يشوفوا فنهم ودايرين يشوفوا ثقافتهم ودايرين شكل التواصل الثقافي ومرة بكون مع بلاد عربية برضوا عايز يشوفوا شكل التواصل الثقافي بين البلاد المعنية والسودان وبين وكده قمنا خصصنا يوم الجمعة قلنا يوم الجمعة في كل أسبوع بكون يوم مفتوح عشان يكون مجال تلاقي ثقافات مختلفة وكده بنحاول يكون الشغل فيه مامكرر وماطابعه الحوار وبنحاول نعبر فيها بالصورة عن المسالة ديه عشان يكون في تنوع و مايكون ممل إحنا بفتكر قدمت أيام مفتوحة جيدة جداً بالمناسبة مع بعض الولايات العربية ومع بعض الولايات وكان فيها امتاع كبير وحقوا نحن نجدد عشان مايكون اليوم ممل وعشان مايكون الموضوع واحد وعشان مايكون الصورة مكررة في اليوم وانما ننوع للناس من خلال اليوم المفتوح ويكون اليوم ممتع ونحقق الغرض منه الا وهو التواصل مع الثقافة العربية والتواصل مع الثقافات المختلفة في ولايات السودان المختلفة .

2
لا مش محاربة نحن حقيقة بنحب الاغنية بتاعت الشمالية واغنية الشايقية وبنقدمه وحتي كان عندنا برامج اسمه نادي الطنبور في الخريطة الفاتت وبتقدم كتير جداً من أغاني الطنبور في الخريطة وكذا والناس بحبوها وكل السودان بحب أغنية الشايقية واغنية الشمالية عموماً يعني انشاء الله لو بقيت ملاحظة في بعض الأحيان وبعض الفترات فهي ملاحظة جديدة بالاعتبار ونحاول ندي حظ لثقافات كثيرة وندي حظ لثقافة أهل الشمالية والطنبور عموماً اللهو بشكل ثقافة أهل الشمال كلهم يعني انشاء الله .

3
هي هذه ملاحظة من لجنة البرنامج عندنا في التلفزيون كثير ما نلاحظ كثرة تكرار بعض الضيوف في التلفزيون وكذا نحن حاولنا نضبط هذا العام بادلة يعني أي برنامج يكون عنده دليل بل فيه موضوعات العام كله وفيه ضيوف العام ونجيب الأدلة بتاعت البرامج المختلفة ونعمل ليها تنسيق ولو لقينا في أي ضيوف مكررين أو أي أعمال مكررة نقوم نشطب التكرار عشان نقلل حجم التكرار في التلفزيون انا انشاء الله حيكون حجم التكرار اقل بكثير جداً من النسبة البشاهدوه الناس في السنوات الماضية نحن لاحظنا هذه المسالة وعملنا ليها جهد كبير جداً في التخطيط والناس باذلين جهود كبيرة جداً في التنسيق علي أساس انو مايكون في تكرار في الموضوعات وتكرار فر الضيوف أثناء البرامج البتقدم في الخريطة في العام كله يعني .
التوقيع
حبيبتي اهواها منذ نشات منذ طفولتي
ومنذ ان نلعب بالورود اهديتها من وردتي


التعديل الأخير تم بواسطة المشرف العام ; 03-13-2005 الساعة 10:35 AM السبب: إضافة الرد
كازاكازا غير متصل  
قديم 03-05-2005, 03:46 PM   #29
الجزيرة الخضراء
عضو جديد
 
تاريخ التسجيل: Feb 2005
المشاركات: 21
الاستاذ / محمد حاتم سليمان
مدير التلفزيون السوداني
السلام عليكم ورحمة الله وبركاته
نهنئكم بالسلام الذي تم ببلادنا الحبيبة ونشكر لكم جهودكم المقدرة وجهود كل الأخوة العاملين بالتفزيون السوداني ، ونشكر الأخوة في منتديات النليلين الذين قامو باستضافتكم ، وأرجو الاجابة على السؤالين التاليين :-
السؤال الأول:
مرحلة السلام التي تعيشها بلادنا هذه الايام نحسبها من أخطر المراحل التي تمر بنا حيث تواجهنا تحديات كثيرة داخلية وخارجية تحتاج الى تضافر الجهود حتى نحافظ على وحدتنا وعلى عقيدنا الاسلامية والتي تمثل كل أهل الشمال وأغلب أهلنا في الجنوب ، ما هو دور التلفزيون السوداني في نشر ثقافة السلام والوجه المشرق للدين الاسلامي الذي يمثل عقيدة معظم أهل السودان ؟
السؤال الثاني :
هناك خبرات سودانية في مختلف المجالات خارج سوداننا الحبيب اضطرتها الظروف لمغادرة وطنها وأهلها حيث عجز تماما جهاز شئون السودانيين العاملين بالخارج منذ انشائه في استقطاب هذه الخبرات وإعادتها لوطنها للمشاركة في البناء والتعمير حيث أن جهاز المغتربين لم يقدم أي مساعدة تساعدهم للعودة سوى أنه مركز لتحصيل الضرائب والرسوم بمسمياتها المختلفة ، هل يمكن أن يقوم تلفزيون السودان بهذا الدور الكبير والأهم في هذه المرحلة وإعادة كل هذه الخبرات الى حظيرة الوطن وحل مشاكلهم وتغيير القوانيين التي حالت دون عودتهم مثل حقهم في امتلاك سيارة ومسكن وتعليم ابناءهم بالجنيه بدلا من الدولار ، وأتمنى أن يتم تحويل مباني جهاز السودانيين العاملين بالخارج الى مركز ثقافي لتعليم اللغة العربية لأطفالنا جنوبيين وشماليين وكذلك لتعليم مفاهيم وثقافة السلام حتى لا تسبقنا المنظمات العالمية وتزيد الفرقة والشتات بيننا ؟
لكم شكري وتقديري ،
الجزيرة الخضراء


رد الأستاذ محمد حاتم سليمان مدير التلفزيون السوداني :



أي نعم نحن الآن انشانا مركز داخل التلفزيون سميناه ثقافة السلام ووضعنا دليل سميناه دليل برامج السلام حصرنا فيها كل المقترحات الممكن نقدمه كدعم لمشروع السلام والوحدة الوطنية حتي شعار التلفزيون لهذا العام زي ماقلنا الوحدة في اطار التنوع دايرين نسيق من التنوع السياسي وحدة السودان ونسيق التنوع الثقافي وحدة السودان ونسيق التنوع الرياضي وحدة السودان ونسيق من التنوع الاجتماعي وحدة السودان فهذا هو قاعدة البرامج عندنا لعام 2005 البتنطلق منها كل برامجنا في الخرطة كيف نسوق من تنوع اهل السودان الثقافي والسياسي والاجتماعي لسوق وحدة السودان هذا هو الشعار الرئيسي للبرامج ونفتكر ده كله داعم لقضايا السلام وأناء الله بهذا المركز وهذا الدليل وهذه الفرق المتخصصة نقدر نقدم برامج منوعة تخدم قضية السلام وتثبت معاني السلام وتدعم قضية الوحدة الوطنية في السودان … وأيضا قضية الإسلام وواضح في اتفاقية السلام تطبيق الشريعة في الشمال وانشاء الله اتفاقية السلام ليس خصم علي الشرعية وليس خصم علي التوجهات الإسلامية في السودان ، نحن حقيقة نقدر الجهود الذي يقدمه جهاز السودانيين العاملين بالخارج حقيقة بزل مجهود كبير جداً في خدمة المغتربين ورغم انو المغتربين سفير لبلده وينقل ثقافة اهل السودان وعندهم مساهمات كبيرة جداً في التنمية في مختلف بلاد العالم الا ان السودان احوج لهذه القدرات أحوج لهذه الكفاءات ومؤخراً يعني نظم جهاز العاملين بالخارج مؤتمر الكفاءات السودانية وجو من كل بلاد العالم تداعو الي هذا المؤتمر وناقشوا نقاش مستفيض كيف الاستفادة في السودان من هذه الكفاءات وهذه القدرات واظن أن هنالك برنامج موضوع بهذا الأمر نرجوا أن يتوفق جهاز العاملين بالخارج من تنفيذ هذا البرنامج وعودة الطيور المهاجرة للمساهمة في مسيرة السلام والتنمية في السودان ونحن نرحب بالكفاءات تعود لتنمية السودان و لتحقيق الاستقرار في السودان أيمكن الظروف السابقة ربما تكون ظروف صعبة ظروف عدم الاستقرار خلت الناس يهاجروا الي ظروف احسن خارج السودان الآن انشاء الله نتمني ان تحدث تنمية ويحدث استقرار في السودان ونبقي بعد داك انو نحن محتاجين لكفاءتنا انو يساهموا في تطوير السودان نحن نرحب بكل الكفاءات المهاجرة ونتمني انو تتحسن الظروف التي تساعدم علي الاستقرار حينما يعودوا الي السودان وتخفف عنهم الضرائب التي يورونا أنها ثقيلة عليهم في ظل الظروف الجديدة وظروف الاستقرار ويعني توفير التمويل ونشاط الاستثمار في السودان كل ذلك يعني تحسين من الأداء الاقتصادي في السودان وبالتالي الميزانية لاتعتمد علي الضرائب والرسوم انما تعتمد علي العائد من الاستثمار والعائد من الانتاج وبقدر ما يتطور الاستثمار ويتطور الانتاج يقل الاعتماد علي الرسوم فحينها انشاء الله تلغي الرسوم تماماً علي المغتربين ويكون عادوا تماماً لينا الوطن فهذه مسئولية وطنية نتمني انو أخوانا المغتربين يفهموها وينشرحوا تماماً لبشريات السلام والسودان الجديد انشاء الله نخدمو بي قلوب واثقة ونحن وهم انشاء الله متفائلين بانو الحال حايتصلح ليهم ولينا وللسودان كله انشاء الله .

التعديل الأخير تم بواسطة المشرف العام ; 03-13-2005 الساعة 10:38 AM السبب: إضافة الرد
الجزيرة الخضراء غير متصل  
قديم 03-05-2005, 06:23 PM   #30
اشرقت
عضو فعال
 
تاريخ التسجيل: Mar 2004
الإقامة: سودانيه ميه المية
المشاركات: 364
الاستاذ الجليل/ محمد حاتم سليمان


السلام عليكم ورحمة الله

لدى سؤالين فارجو ان القى قبول الرد عند سيادتكم

1/ لماذا تحصر الاجهزه الاعلاميه تناولها للثقافه السودانيه المنقوله للعالم عبر القناة

الفضائيه فى الاغنيه فقط ,,,,,,,,, الا يعتقد سيلدتكم ان هناك مناشط اخرى تعبر عن

السودان بتعدد قومياته وثقافاته ونراها تستطيع ان تنقل صوره صادقه لهذا البلد الكبير او


القارة كما يقولون عنا علماء التاريخ والجغرافيا...


2/ هل اثر التوجيه الذى بدات به الحكومة السودانية رسالتها الاعلامية بعد ثورة الانقاذ

الوطنى فى اداء الاجهزة الاعلاميه وتحجيم انطلاقة الفعل الابداعى وتقييده فى اطار

مشروع الاسلمة فقط,,,,,,,,,,؟


رد الأستاذ محمد حاتم سليمان مدير التلفزيون السوداني :



نعم أول حاجة ثورة الإنقاذ اهتمامه بالأعلام كان اهتمام كبير جداً وان ثورة الاتقاد لمن جات السلطة التلفزيون كان يسمع فقط في حدود ولاية الخرطوم وكان يسمع في بعض الجهات في السودان الكان فيها الميكرويف اللهية يعني في النهاية 14 مدينة في السودان الآن التلفزيون يشاهد 80% من السودان واكثر من إنحاء السودان سيلان التلفزيون يشاهد في كل أنحاء العالم الآن توفر إمكانيات كبيرة جداً وتقنيات صحيح الطموح اكبر من ذلك لكن مابذل من صرف ومن بناء للبنيات الأساسية للإعلام في السودان في ظل الإنقاذ لم يجده الإعلام طيلة الفترات السابقة فحصل دعم كبير جداً لقطاع الأعلام لكن نحن كإعلاميين مازال الطموح كبير جداً ومازال يعني انو الإنقاذ تدفع اكثر للأعلام لانو الإعلام اصبح سلاح ماشي في العالم وبقه سائل حساس جداً في نقل الرسالة العالمية وللمواطن المحلي وكده فمزيد من الاهتمام بالأعلام لكن حقيقة الإنقاذ اهتمت بالأعلام وحاولت أن تطور من الوسائل أل إعلامية بالسودان هذه واحدة اصلاً الإنقاذ ماجهلت الإعلام ولاحجمت الإعلام ولا حجرت علي الناس وانما هي حاولت أن تعبر بهذا الإعلام عن الصالة الشعب السوداني وعن توجه الشعب السوداني وعن قيم الشعب السوداني وهو شعب مسلم وهو في غالب توجهه ثقافة عربية إسلامية وذات بعد أفريقي يعني محاولة ان تعبر عن ذلك دون تعسف ودون تشدد ودون تزمت ودفعت بالقطاع الإعلامي بما تستطيع في ظل ظروف صعبة جداً حرب كانت بتعيشه البلد لكن الآن الإعلام مفتوحه ليه ظروف جديدة ومفتوح ليه مناخ جديد وإنشاء الله حيلقه اهتمام زايد من ثورة الإنقاذ الوطني المسالة الثانية في هذا السؤال الأغنية نحن فقط لانعبر فقط عن الثقافة بالأغنية فتلفزيون السودان ان كما ذكرت برنامج أصوات وأنامل يعبر عن ثقافة التشكيل هنالك مثلاً برنامج اقتصادياً يعبر عن البرامج الاقتصادية هنالك مثلاً برنامج حديث الأطباء يعبر عن الثقافة الطبية هنالك مثلاً برنامج الخرطوم تكتب يعبر عن ثقافة الكتاب هنالك برامج منوعات تعبر عن ثقافة الغناء والموسيقي هنالك برامج أطفال تعبر عن ثقافة الطفل هو في مشكلة في المصطلح نفسه وتعريفه وماهو تعريف الثقافة كثير من الناس يظن ان الثقافة الغناء والموسيقي الأداب والفنون هذه واحدة ماتعريف الثقافة الثقافة عندها 200 تعريف واحدة من تعريفات الثقافة هي الغناء أو الآداب والفنون لكن الثقافة ابداً الثقافة هي كل شي كل ماتقدم حتى البرامج الرياضية في مجمله ثقافة رياضية الفيلم الوثائقي أهم قالب من قوالب العمل الثقافي اذا مانقدم في برامج التلفزيون كله ثقافة مافي حاجة اسمها مخصوصة برنامج ثقافي وبالتالي نحن نحاول ان نعطي المعلومة ونحاول ان نثقف الناس ونحاول أن نملك المشاهدين كالحقائق وكل المعلومات اذا هي ثقافة اذا كل الجهد جهد ثقافي فاشياء تكون بعينه ماحوار حول قضية بعينه او كده لكن هذا مامعناه هذه البرامج ثقافية لانو زمان البرامج الثقافية في زمن الناس يامحاضرة ياندوة ياقضايا موحدة بأغنية ياكده لكن الثقافة كل شي هي جمع كل شي اذا جميع مانقدمه في التلفزيون هي ثقافة ونحاول ان نخدم بكل هذه البرامج رسالة الخرطوم عاصمة للثقافة انو الثقافة ياجماعة في ثقافة التصنيع حتي في الغناء في ثقافة تصنيع زمان الناس غنوا للسائق الفيت يالسائق الفيت بالدرب التحت هذه الأغنية لعربية اسمها الفيت هي في النهاية تصنيع هذه الاغنية اعلا من شان العربية التي وصلت هذا الشاعر باحبابه والي اخره يعني فبالتالي هي تشجيع للتصنيع وده التصنيع في الاتصال الاجتماعي وصل الناس ونقل الناس وفي القطار ورد في الغناء كثير جدا جدا اذا التصنيع ممكن يكون واحدة من أسباب التواصل بين الناس اذا أنت بتشجع هذه الصناعة التي خلقت هذا التواصل ممكن ان نغني اليوم لجياد كمنطقة صناعية كبيرة جداً فهنالك ثقافة التصنيع في الجهاد والاستشهاد هو ثقافة الاستشهاد والجهاد في السودان فاذا الثقافة هي ثقافة التصنيع والتقانة والزراعة والثقافة ليست هي الآداب والفنون الثقافية هي كل شي وكل مانفعله من هذا الباب هو ثقافة يجب انو نحن نعمل من هي كل شي وكل مانفعله من هذا الباب هو ثقافة يجب انو نحن نعمل من باب التعريف الأوسع للثقافة ونحن بنمثل مجموع ثقافات في السودان وليس الثقافة هي فلكلور وليست هي التراث وليست الآداب والفنون هذا جزء من الثقافة لكن التقانة ثقافة والتصنيع ثقافة والجهاد ثقافة وكل شي ثقافة فمن هذا الباب
التوقيع
كــــــــــونى الكلمــــــــــــــــه لصمت الليل


وكونى النجمـــــــــــــــــه

التعديل الأخير تم بواسطة المشرف العام ; 03-13-2005 الساعة 10:41 AM السبب: إضافة الرد
اشرقت غير متصل  
موضوع مغلق

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:42 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker