Follow us Youtube Rss Twitter Facebook
قديم 09-28-2005, 10:17 AM   #1
مجنون مروة
عضو جديد
 
تاريخ التسجيل: Sep 2005
المشاركات: 36
بكائيـــات مــن الشمـــال

يا فرحة في بحر السراب
يا كلمة في أول جواب
يا واحة في ليل الصعاب
يا خيط شعاع وسط الضباب
يا نجم من دنيانا غاب
يا أغلى ما تحت التراب
من خلفي قضبان العذاب
ليك برسل الآهات خطاب
يا يمة يا الأمل الرحل
قبال يقول كلمة وداع
يمة يا النور الخفت
قبال يرسل خيط شعاع
يمة يا دمعة فطيم
خلوهو لي ليل الضياع
يمة يا مركب نجاة
غرقت قبل تفرد شراع
يمة يا نجمات صباح
مرن سراع مرن سراع
يا يمة من بعدك أنا
أصبحت للأحزان وطن
دروشت في خلوة أساي
سبحت بي خرز المحن
كتحت صبري أنا للرياح
غنيت للأحزان بكن
دقيت باب الذكريات
كان ألقا لي هناك سكن
لا لقيت صورتك في الخيال
لا شفت من بعدك زمن
ودرت لي درب الرجوع
كل المعالم إختفن
فتشت في كل البلاد
كان ألقا لي طيبتك مثيل
دورت في كل البقاع
شايل عذاب ليلاً طويل
زادي الوحيد كان الصبر
في الظلمة والزمن العليل
زمناً يشيل حق الضعيف
يديهو لي عابر سبيل
زمناً يغير كل شئ
حتى الزمان كان مستحيل
يا يمة كيف يتبلّ شوق
والشوق على كل يوم يزيد
لا إنتي بنتي ولا هو راح
لا غيرو الزمن المديد
يمة من بعدك لا فرح طلانا
لا ضمانا عيد
غير خيط فرح يبدا ويروح
كل ما أقول يا داك فرح
ألقاهو مني بعيد بعيد
لكني راجع ليك أنا
بالرغم من كل المحال
جاييك عشان أعرف خطاي
من وين تستف للرحال
جاييكي لو كان مستحيل
جاييكي لو كان في الخيال
لاقيني لو كان في الحُلم
ما الدنيا من بعدك زوال
عنواني خلف اللاوجود
يا أُمي يا أبعد منال
مجنون مروة غير متصل   رد مع اقتباس
قديم 09-28-2005, 10:18 AM   #2
مجنون مروة
عضو جديد
 
تاريخ التسجيل: Sep 2005
المشاركات: 36
يا واهب بقية عمرك المنفى
قصاد غُلب الحنين والشوق
وضياع الجيهي والمرفأ
شيل طول الليالي براك
وجم حيل غنوتك جواك
وحير بالصبر منفاك
لو باقي العمر كفى
شوف من ميسو جاك العيد
وفتق فيك جروح الريد
وحالتك لما تبقا بعيد
كنت قايل الجراح تشفى
جنيت من حبك الترحال
وصبح وصل الحبيبة محال
ما قليب الغربة حنّ ومال
وبرغم قساوتو كان أوفى
علي ذكراهو كنت أمين
ورويت كل المسافة حنين
خلاص أعطش براك سنين
بعد قلب الحبيب جفا
شذاك الكان مزكي الروح
يخصم بالرسول النوح
على صدرك عبيرو يفوح
وكت في حضنك إدفى
نزف كل الغرام الكان
ورماك في جب من الأحزان
تقاسي اللوعة والحرمان
حضن بلداً بعيد ضفة
ويا واهب بقية عمرك المنفى
مجنون مروة غير متصل   رد مع اقتباس
قديم 09-28-2005, 10:19 AM   #3
مجنون مروة
عضو جديد
 
تاريخ التسجيل: Sep 2005
المشاركات: 36
يا ناقش الإحساس على وتر الندم
هيج سوالف الذكريات
حبك منابع الآهة دم
يا راسم الحزن الدفين
في ظل تجاعيد الألم
أخفيت معاني البسمة وين
أديت ملامح الصورة هم
الصادقي في حس الخيال
الجايـي بي واقعو إصطدم
ما بيني ما بينك مدار
قدر سنين ترحالو كم
لو إنتا موصوف بالضياء
دافر ظلام ليلي الهجم
أنا ذاتي معروف بالشموخ
إحساسي يلصف بالقيم
ولا لي جناح أنا شان أجيك
خلقوني من حظي السجم
يا وحي إلهامي وغناي
أحييت رفاتي من العدم
ما بين جدار قلبي الجريح
متوهط أهداب القيم
أعذرني لو صعب الوصال
عارفني محكوم بالقدم
كيفن بجيك وأنا في القيود
لقيانا متروك للقسم
مجنون مروة غير متصل   رد مع اقتباس
قديم 09-28-2005, 10:20 AM   #4
مجنون مروة
عضو جديد
 
تاريخ التسجيل: Sep 2005
المشاركات: 36
أمانــــــــــــــــــــي


زي لون الفرح زي نسمة
زي طعم السعادة أماني
من عينيها أول نظرة
ذوبت العناد في كياني
أحلى من الأمل والله
أحلى من الربيع وأزهارو
لا محدود ولا متناهي
نوراً فيني أشعل نارو
دون إحساس وقفت أمامها
دقت لي هواي أوتارو
غنيت في جمالها أغاني
من وحي الغرام وأشعارو
إرتديت بعد ما تبت
من قولة بريد وبعاني
حتى شقاي يوم ودعتو
عارف نفسو راجع تاني
عارف إنو في أيامي
أقدار بالعذاب راجاني
وأشواق ما بتخف تتضارى
بي آلامها تتحداني
سلمت ورضيت بالقسمة
بي لهفة فؤادي وحالو
بي أحلام عيوني الساهرة
بي طيف الحبيب وجمالو
عارف ما بقاوم حسنو
يأسرني الجمال في دلالو
تأسرني النداوة الفيهو
والرقة وبشاشة إقبالو
خايف من ظروفي تعيدني
لي أسف العواطف تاني
وأرحل بي دروب ودارة
وأغرق في بحور أحزاني
إتناسيت زمان المرة
حتى زمانها إتناساني
كيف أنسى الملكني هواها
كيف أنسى الأماني أماني
يا كعبة طواف إحساسي
يا مرسى الجمال ومدارو
جيتك والأمل سايقني
لي ورد الخدود ونضارو
أفتحي لي باب في الجنة
بي همسة هواك وأسرارو
وأسقيني الفرح وإستني
أعرفي قلبي إيه أخبارو
في عينيك تديم الروعة
وأروع ما حواهو زماني
تتوهج تشع زي فكرة
زي نجم الصباح الداني
أفتحي لي فيها مكانة
خليها التكون عنواني
مادام فيها لي تتجلى
قدرة ربي يا إيماني
مجنون مروة غير متصل   رد مع اقتباس
قديم 09-28-2005, 10:21 AM   #5
مجنون مروة
عضو جديد
 
تاريخ التسجيل: Sep 2005
المشاركات: 36
أمانــــــــــــــــــــــي 2



لا إنهدّ حيل سقف الصبر
لا الأرض وقفت من تدور راجاني
لا إسترسل شعاع عين الشمس
لا بقت الشمس حفياني
وأنا الجاييك متقتق بالصبر
ما كنت قايل في طوافي عليك أعاني
وأنا الأحرمت من وادي الحزن
وسعيت ما بين شقاي وأحزاني
وأنا الساسقت في بهو العمر
يا ريت خطاي أنا الأماني أماني
لكني آه أنا من عرانيس الزمن
بالخطوة مالن وإتهدم بنياني
مارق على نص الدرب
قابض علي آخر شعاع من الشمس واساني
ماسك علي سلاح الصبر
مسنود على عكف السنين وأحلامي
وأنا المتوكئ فوق ضهر الأسف
قاطع في آخر العمر أحزاني
قاسيت ملفي على الزمن
يا خلا آه تاهت خطاي حيراني
إتوالن علي محن السنين
شهدن علي وقت انشهب شرياني
داير علي حلق الزمن
من بدري كان داير عليهو زماني
شابيت أحوق في العمر
حسيت بي نصب السنين وأحقاني
جربت أقاسي من إحتمل السوس ينقر
في حروفي بياني
ما الأرضة جربت الحجر
وقت إيدها كانت باليقين ملياني
والروح بتبقا حمو الجسد
طالما الشجن يوماتي يوت والاني
لكني ما قدرتّ يوم أدخل دهاليز الأسف
وأمرق مشبع بالهموم وأشجاني
مجنون مروة غير متصل   رد مع اقتباس
قديم 09-30-2005, 10:57 PM   #6
ريح الشمال
عضو فعال
 
تاريخ التسجيل: Feb 2005
الإقامة: السودان
المشاركات: 434
تسلم يا مجنون والف شكر
التوقيع
الذ من طعم الخضوع علي فمي السم النقيع
ريح الشمال غير متصل   رد مع اقتباس
قديم 10-21-2005, 01:23 AM   #7
غسق
عضو جيّد جداً
 
الصورة الرمزية غسق
 
تاريخ التسجيل: Jul 2004
الإقامة: ليبيا
المشاركات: 1,779
وأنا الأحرمت من وادي الحزن
وسعيت ما بين شقاي وأحزاني
وأنا الساسقت في بهو العمر
يا ريت خطاي أنا الأماني أماني
لكني آه أنا من عرانيس الزمن
بالخطوة مالن وإتهدم بنياني
.....
يديك العافية
يا مجنون مروة ..,,.
كلااااااااااام والله ...,,,
التوقيع
[SIGPIC][/SIGPIC]
لو اني بحار
لو احدا
يمنحني زورق
لرسيت وفي كل مساء
في ساحل عينيك الازرق.,.:
غسق غير متصل   رد مع اقتباس
قديم 10-26-2005, 06:43 AM   #8
مجنون مروة
عضو جديد
 
تاريخ التسجيل: Sep 2005
المشاركات: 36
اقتباس:
المشاركة الأصلية كتبت بواسطة ريح الشمال
تسلم يا مجنون والف شكر

شكراً على مشاركتك الجميلة
يا سيد ريح الشمال
وألف شكر لك
مجنون مروة غير متصل   رد مع اقتباس
قديم 10-26-2005, 06:46 AM   #9
مجنون مروة
عضو جديد
 
تاريخ التسجيل: Sep 2005
المشاركات: 36
اقتباس:
المشاركة الأصلية كتبت بواسطة غسق
وأنا الأحرمت من وادي الحزن
وسعيت ما بين شقاي وأحزاني
وأنا الساسقت في بهو العمر
يا ريت خطاي أنا الأماني أماني
لكني آه أنا من عرانيس الزمن
بالخطوة مالن وإتهدم بنياني
.....
يديك العافية
يا مجنون مروة ..,,.
كلااااااااااام والله ...,,,

غسق الأجمل إسمك وتوقيعك
لما الناس تسيب الناس... وتبقى العشرة معدومه
لما الطير يفوت عشو ...يخلى صغارو محرومه
لما الموج يجافى الموج... وتمشى الروح قبل يومه
برضى كمان بخلى الريد ...وبهرب من عيون سومه

والأحلى لحنيها أنا الأغنية دي لما أسمعها بيني وبينك
من ضمن الأغاني البتبكيني
مجنون مروة غير متصل   رد مع اقتباس
قديم 10-29-2005, 10:34 AM   #10
ابو ورقة
عضو فعال
 
تاريخ التسجيل: Jun 2003
الإقامة: من هنا
المشاركات: 213
ياسلام بالجد اتحفتنا يا مجنون مروة
التوقيع
يكون البعد مكتوبا علينا وجنة هذة الدنيا التلاقى.
ولكنا وان طالت خطانافهمس الحب والاشواق باقى


ابو ورقة غير متصل   رد مع اقتباس
قديم 11-09-2005, 12:34 PM   #11
وديدي
Guest
 
المشاركات: n/a
عاجل ومستعجل وهام الي مجنون مروه

يديك العافية يا مجنون مروه والله اتحفتنا وياريت تتحفنا كتير وكتير من كلام الشوايقة الحلو ده !!!!!!!! وتكون ما قصرت لو اديتنا من اغاني عبد القيوم الشريف كمان شوية تكون تميت الناقصه
  رد مع اقتباس
قديم 11-09-2005, 12:40 PM   #12
وديدي
Guest
 
المشاركات: n/a
طلب خااااص جداً جداً

كلام والله زي البنج يخدر الزول
ّّ!!!!!!!!! والله يا مجنون مروه لو اديتنا كمان اول شريط بتاع جلسة محمد النصري وبالاخص اغنية الحسن كمان تكون ما قصرت !! عارف طلباتي كترت معليش اتحملنا شوية!!!!
يديك العافية ويسكنك الحاج يوسف معانا . ااااااااااااااااااااااااااامين
  رد مع اقتباس
قديم 11-09-2005, 12:48 PM   #13
وديدي
Guest
 
المشاركات: n/a
طلب خااااص جداً جداً

كلام والله زي البنج يخدر الزول
ّّ!!!!!!!!! والله يا مجنون مروه لو اديتنا كمان اول شريط بتاع جلسة محمد النصري وبالاخص اغنية الحسن كمان تكون ما قصرت !! عارف طلباتي كترت معليش اتحملنا شوية!!!!
يديك العافية ويسكنك الحاج يوسف معانا . ااااااااااااااااااااااااااامين
  رد مع اقتباس
قديم 11-09-2005, 09:55 PM   #14
ابوسجود
عضو جيّد
 
الصورة الرمزية ابوسجود
 
تاريخ التسجيل: Jun 2005
المشاركات: 781
الضمير الكان قافي فيك نبهو اليوريك لو صحي
لا تلف من حولك تدور تبقي زيك ساقية جحا
حقو زى الناس ماتريد عارفي كيف ترعي مصالحها
برضو عنو الناس كان تتوب عنو كل جوارحها
لا تخلى النظرات تشيب تبقي افكارك شاطحه
بدون إحساس ما بتعيش زيها زى ضل الضحى
اوعه لا تغريك لون وجوه فى الكريم خافى ملامحها
والبريق من سنه الرتوش والوجوه اصلها كالحه
مهما تعكس اوجه جمال طالما فى كريم ماسحها
ما بتبت من نوع من نضار زي غصن مفتقد اللحى
فيها طبع الصيد فى النفور بين عقاب الصحى سارحه
ما بتجيبها اشراك القنيص ريله من طبعها جامحه
يا حليلة الريدة انتهت اصبحت خالية مسارحها
شيعوها قبل ما تموت دفنو وادوها الفاتحه
راح زمان العشق النبيل ليلى يا حليلو ملوحه
خطو قصة ريد بالدموع سيرة للعشاق واضحه
فى زمن الريد صار يباع سلعة فى الاسواق رابحه
الحريم هاويات القروش وكلوا بت تلعب صالحها
رغم إنو فراق المحب طاقة من الويل لافحه
تشعل الاعماق بالحريق وتقلب الوجدان
بس عذاك اخوي الصبر رغم إنو البيك جارحه
مهما تبقي الاقدار سنى فيها خلق الله مطوطحه
فى النهاية بتزن الحظوظ كفة القسمه مرجحه
ازرع الاعمال لا بتخيب العمر فرصتو سانحه
فى التجارة خسارة وربح وان خسر باكر تربحها .

*************************************
وشوف دى كمان
يا خي ما معقول
جعفر السقيد
انا العليت هواك براي لمن طال وطال معناي
وقادر تاني برضو براي اهد اركانو غادي وجاى
يا خي ما معقول تحبي سواي وتنسي وفاي وتغدري بي
تهدى بناى تقرري تانى ترجعى لى يا خي ما معقول
اكون لليلى مستنيك وراجى الرى
حليلو زمن بسوقنى الشوق على لقياك رضى ورضى
هسى بقيت يجينى نداك اطانش واقول مالى
خريفك كان شلع براقو برفع لى كريم ايدي
اقول حولينا ماها علينا تنزل في الهويد والصى
رفضتا هواك من طرفك عشان ربطك مرخرخ ونى
طويت ذكراك والاحلام ونجضتا الجرح بالكى
ودقيت صدرى للأيام مسارب للأمل والضى
بعد ماكنتى كل حياتى هسع ما بتمثلى شئ
فرصه سعيده كانت بيك عليك بتعرف احزانى
واعرف وين مقاس صبرى قوة عزمى وايمانى
وحات الله ما محزون على الراويهو شريانى
زمان اديتك المعدوم ووسدتك قليب حانى
ومنك مالقيت غير طعنه سكنت فى صميم اعضاى
وضرت ريدى ليك للريح وشدت للاماني قواى
وشقيت بين حروحى دروب ومن غدر الحبيب نجاى
وكت اظلم علي الكون وودع في النجم ضواى
رغم البي من احزان وكنتا علي الفرح هداى
والجرح البينتح جوه يطلع من صميمو غناى
ما القمريه رغم النبله وصوت الطلقه والحاحاى
مالى غناها عصرياتنا يوم ما خلت القوقاى
********************************
وهاك من بحر عبدالقيوم الشريف
بتمشي من غير ما توادعي لا تقولى مع السلامه
برضي ما قادر اعاتبك ولاّ ارمي عليك ملامة
ليه تسافري بدون توادعى ينسي قلبك وين حنانو
كيف عليك العشرة هانت ريدنا ليه لحظاتو هانو
بين مخاوفى شوقى ضايع لما سفرك حان اوانو
قلبي كان متمني شوفتك يا العليك تكلوا ورهانو
فى السراب صدقت مخاوفى ظنى اصبح فى مكانو
ما الزمان دايما معاند واصلوا ما مضمون أمانو
عدي فوقى العيد وروح لا معايده لا إبتسامه
من بعادك ونار فراقك قلبي عيديتو الندامه
والخلوق طلت تبارك بي تهانيها وسلامه
والعيون اجفانها لا قت لا استراحت فى منامه
فى الغياب سيرتك معايا ياما ناجاك قلبي ياما
كلما لاوحلى طيفك ابكي بي دمع الندامه
يا مسافري على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عينيك وصيه
ابقي ميه على عيونك ريدنا ابقي عليهو ميه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه .

ونواصل مجنون مروة فى المرة القادمة
التوقيع

ابوسجود غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:50 PM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker