Follow us Youtube Rss Twitter Facebook
قديم 11-07-2005, 03:55 AM   #1
ود الحر
عضو جديد
 
تاريخ التسجيل: Nov 2005
المشاركات: 25
نصوص محجوب شريف

أغنية حب للخُرطوم


غني يا خرطوم
وغني
شدّي أوتار المغني
ضوي من جبهة شهيدك
أمسياتك واطمئني
نحن منك ريح وهبّت
نار وشّبت
في وجوه الخانو اسمك
يا جميلة
ونحن يا ست الحبايب
من ثمارك
في دروب الليل نهارك
وقبل ما يطول انتظارك
نحنا جينا
ديل انحنا
القالو فتنا
وقالو متنا
وقالوا للناس انتهينا
جينا زى ما كنا
حضنك يحتوينا
لما فارسك فينا هبّ
وعبّ حجرك بالمحبة
وبالأماني
صحا نار الثورة ثاني
وجانا داخل
زي شعاع الشمس من كل المداخل
جانا أقدر
ختّ من فوق كتفك ايدو
وهزّ بالمنشور وبشّر
يومها فرهد في عيونك
غصن اخضر
وفرحة اكبر
من شجونك
والسلاسل، ياجميلة
يوما كان ميلاد شهيدك
يلا غني
ولاقي عيدك
ولي ثمارك لقّي ايدك
جيل مكافح حلا جيدك
وفك قيدك
ومن غضبنا الحّرو لافح
يا ما باكر
من زنازين العساكر
نبني مجدك ومهرجانك
وكل قطرة دم عشانك
لي جديدك
يا جميلـــة

=========
ود الحر غير متصل   رد مع اقتباس
قديم 11-07-2005, 04:03 AM   #2
ود الحر
عضو جديد
 
تاريخ التسجيل: Nov 2005
المشاركات: 25
محجوب شريف

عَشّه .. كلّمينا
ميرى.. ذكّرينا

كل سنكى أحسن
يبقى ..مسطرينا

نحن شعب أسطى
يلا .. جيبو مونا
نبنى .. نبنى .. نبنى
مسرحاً.. ونــــادى
مصنعــاً وبوسته
حرب لا لا لا لا
كبرى .. استبــاليه
صالــه للثقــافــه
تســرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمن القطار
حلقت وحلقت حمامة المطار

كلّ طلقه بينا نحن تبقى وفره
سمسما وبفره
سكراً وشاى
تترا سايكلين
جاي وجاي وجاي
مافى حاجه ساى
كلّو عندو دِين
كلّو عندو راى

بور وبورسودان
بارا والجنينه
عبرى ولاّ واو
حاجه مش كويسه
كلّ زول براو
هي سودانا بكره
من سودانا ناو

تكتب إنت تقرا
تعرف السياسه
في محل حراسه
حجرة الدراسه
تمشى إنت تلقى
فى الضلمه لمبه
ألف ضحكه حلوه .. تسندك بجنبه
بى تمن طبنجه
أحسن الكمنجه
أحلى شكل منقه .. أحسن الحليب

إيد وايد وايد
تزرع الجديد
غابة النشيد

إيد وايد وايد
ما في بينا سيد
إيد وايد وايد
نلحق البعيد

نحنه مش مرقنا
حته واحده جينا
جينا لى السرقنا
حقّنا وعصينا
دمّنا وعرقنا
ولّعوا الرتينا

عَشّه كلّمينا
ميري ذكّرينا
كلّ سنكى أحسن
يبقى مسطرينا
ود الحر غير متصل   رد مع اقتباس
قديم 11-07-2005, 04:05 AM   #3
ود الحر
عضو جديد
 
تاريخ التسجيل: Nov 2005
المشاركات: 25
أهلا أهلا بالأعياد

محجوب شريف

أهلا أهلا بالأعياد

مرحب مرحب يا أجداد

أفتح أفتح يا تاريخ

أبعاد أبعاد

وأملا عيون كل الأحفاد

بالأمجاد

أفتح محضر باسم الشعب

بخط الشعب

لوجه الشعب

ومجد الشعب

سجل
أنحن الغضب الواعى

ضمير الثورة على استعداد

وبالمرصاد

لكل عميل وكل دخيل

بالمرصاد

سجل سجل

لا أغلال

لا إستقلال مع إستغلال

لا حرية بلا استبسال

إستشهاد باستمرار

على استعداد

ويا استبداد

خط النار إتعب وزاد

وقول للشهدا الختو الزاد

باسمنا هتفو

وبينهم وبين
الموت خطوات

الجايين من قلب الشارع

والجايين لى قلب الشارع

من ثكنات

سجل أنحنا

برغم جرحنا

إجتزنا المحنة

ونحن الليلة أشد ثبات

ونحن بخير

ونحن وراكم في الجايات

ولسه ولسه

على إستعداد

وشعبنا واقف بالمرصاد
ود الحر غير متصل   رد مع اقتباس
قديم 11-07-2005, 04:08 AM   #4
ود الحر
عضو جديد
 
تاريخ التسجيل: Nov 2005
المشاركات: 25
إتنين وتلات أصفار

البرق هناك

مستني

والشمس على

استنفار

فلنزحف نحو

النور

لو ننحت بالأظفار

من حقنا نحلم

بي عالم

بي عالم

يتسالم

ضدَ التسليح

الخبز .. الحريات

المكننة

والتلقيح

لن نقبَل بالمعتاد

العكننة والتبريح

العدل بلا تمييز

الحظر على

البمبان

العطر مهب الريح

دوران الأرض

مراجيح

والشفع لؤلؤ منثور

سادين السكَّة

أناشيد

ما دين الدنيا

بساتين

ورداً..قمصان

وفساتين

والنهر بيعمل زقزاق

من خضرة وحفلة

ياسمين

ناساً جينا تم زيناتم

جنياتم خِلقة

وأخلاق

شبت حبت من لسَّعَ

في الخاطر شوق

وحنين في عيون

العُشاق...

كم مُدُناً طيَّ

الأشواق

حاراتا حتملا

الأسواق

وشوارع تجري

ملايين

لِسَّع في سنَن

الأقلام

أنفاس الناس القِدام

وخُطى الأقدام

في القرن الواحد

وعشرين

من خير الأرض

الممتد

تنعم أفواه

ومناقير



والحبّه ظلال

وعصافير

والخطوة بتبقى

جماهير

والهمسة بتبقى

هتافات

تتفكك لعب

أطفال

وأسرّة وإسعافات

آفات

فتكت بالسلم

جنازير

وتقرب بينَّا

مسافات

كنا بنمشيها

محاذير

وتفرهد ياما

ثقافات

تتنفس حق

التعبير

لا رجعة لظلمٍ

قد فات

تلقوه هناكَ

ملفات

فى ركن القرن

العشرين

إلقاء القبض على

الخوف

الخلا النسمة

أعاصير

والشجر الأخضر

أوتاد..

من حَقنا إننا نحلم

لن نقبل بالمعتاد

نتماسك أيدي

ونرتاد

القرن الواحد

وعشرين

شُبَّاكاً جنب

الشُباك

آفاقاً ذاتَ مصابيح

تلفون العالم حول


لا شك االرقم

!! صحيح
ود الحر غير متصل   رد مع اقتباس
قديم 11-07-2005, 04:11 AM   #5
ود الحر
عضو جديد
 
تاريخ التسجيل: Nov 2005
المشاركات: 25
محجوب شريف
***
عمّـــا قريـب
******

عمّا قريب..
الهمبريب
يفتح شبابيك الحبيب
والحال يطيب
يا محمد أحمد تستجِمْ
والبيت يتمْ
تتلم تلمْ
تفرح فرح
تحلم حِلِم
كم تطمئن
حقك يجيك لافيهو شك..
يمكن واظن
ويفوتو همْ
والعدل يعمْ
وتغني أمْ
كادت تجن
كبر الولد جُوّا السجن
فاقداهو هى
دا كلو كلو ينتهى
دا كلو كلو ينبهى
زولاً تريدو وتَشْتهِى
تلقاهو فى
لا فى السِّجِن..
لا مختفى
لا يقولو ليك ما تمشي لى
دا كلّو كلّو ينتهى
دا كلّو كلّو ينتهى
دا كلّو كلّو ينتهى





***************
ود الحر غير متصل   رد مع اقتباس
قديم 11-07-2005, 04:14 AM   #6
ود الحر
عضو جديد
 
تاريخ التسجيل: Nov 2005
المشاركات: 25
??? ???? ?????? ??????
من الاطفال العساكر لمحجوب محمد شريف

الاسم الكامل.. انسان
والشعب الطيب والدي
الحزب حبيبي وشرياني
اداني بطاقة شخصية
من غيرو الدنيا وقبالو
قدامي جراير وهمية
لالون ,لاتطعم و لاريحة
وايام مطفيا مصابيحا
زي نجمة بعيدة ومنسية

المهنة... بناضل وبتعلم
تلميذ في مدرسة الشعب
المدرسة فاتحة علي الشارع
والشارع فاتح في القلب
والقلب مساكن شعبية

وديني محل ما توديني
شرد اخواني واخواتي
فتش اصحابي وجيراني
خليني في سجنك وانساني
في سجنك جوه زنازين
ارمينيوكتف ايدي....
علشان مستقبل انساني
من اجل الناس الطيبين
وعشان اطفالنا الجايين
والطلع ماشي الوردية
وحياة الشعب السوداني
في وش المدفع تلقاني
قدام السَنكي حتلقاني
وانا بهتف تحت السكين

والثورة..طريقي
وايامي محدودة
وتحيا الحرية
ود الحر غير متصل   رد مع اقتباس
قديم 11-07-2005, 04:16 AM   #7
ود الحر
عضو جديد
 
تاريخ التسجيل: Nov 2005
المشاركات: 25
بسم الله الرحمن الرحيم

من الاطفال العساكر لمحجوب محمد شريف


اعاهدك ياقمر ليلي
وحياة امنا الخرطوم
اشيل شيلي
واشد حيلي
واموت واقف علي حيلي
واقولك يا اعز الناس
علي الوعد القديم جايين
وبينم الثوره والسكين
شيوعيين
وحتي الموت شيوعيين
واقولك ياصباح العين
بنادق وين
بتمنعنا العديل والزين
بنادق وين
بنادق وين



سجن شالا 1972
ود الحر غير متصل   رد مع اقتباس
قديم 11-07-2005, 04:19 AM   #8
ود الحر
عضو جديد
 
تاريخ التسجيل: Nov 2005
المشاركات: 25
فديتك

محجوب شريف



بقيت يا وطنى زى منفاى

مطارد ومستباحة دماى

عساكر من دروب تايهات

حداى، قدام خطاى

ووراى

وذنوبى هواى

يا موطنى وغناى

وذنبى ولاى

وإنك سيدى ومولاى

تعيش يا ذنبى طول ما عشت

عشت معاى

لا عنك بحيد لا جاى بفوت

لا جاى

فديتك يا مديد القامة

يا شعبا، سديد الراى

وقلبى عليك يا حجرا

حنين دفاى

أقبل وين أفوتك

وفي حماك حماى

أسيب عزاى سبية

وكيفن ألقى عزاى

عزاى في وحشتى وسلواى

عيونا وبحة الغناى

نخيلك تمره منه صباى

ونيلك في قواى

هادر هميم جراى

وقبضة إيدى مسكة رمحك

الرماى

أطالع في صحارى الليل

مطالع صبحك الضواى

فديتك لو بقيت منفاى

فديتك لو بقيت مرساى


***********
********
*****
***

...............................

على هامشها أقول
الحب نبراس سنحمله
سويا
والمجد وعد نصافحه
نديا

والعمق بين النيل
والقنديل
أن كلاهما يحمل في جوفه نورا
وكلاهما يطفيء الخوف
ود الحر غير متصل   رد مع اقتباس
قديم 11-20-2005, 09:13 PM   #9
bakir13
عضو جيّد
 
تاريخ التسجيل: Nov 2003
المشاركات: 970
غني يا خرطوم وغني
وشدي أوتار المغني!!!!!!!!!!!!


التحية لك ولمحجوب شريف
التوقيع
نتلاقى نهرين من تسامي واشتهاء
أبداك من حيث انتهت عندك خواتم الإنتهاء!!
bakir13 غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:50 PM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker