كل مايخص العروس السودانيه

[elham]

المشاركة الأصلية كتبت بواسطة رومنسية

يا بنااااااااااااات ويا عرايسنا إزيكم

والله بوستكم بقا لذيذ وعدم الرجال ده أحلى شي متجدعيييييييين

طبعا بكرة ممتحنة وخشيت عشان أفك زهجتي هنا حبة



العزيزة دنقلاوية:

أها شايفاك اتشجعتي للبلح هاهاها تجار البلح بختهم حيبيعو بيع جد

والله ما حتندمي وما حتستغني عنها تاني بإذن الله أسة أنا رسلت
لأخواتي المتزوجات وبنات خالاتي وصاحباتي كلهم لأنها بالجد وقفت لي التساقط نهاااااااااائي


بنصحك بمنتجات دوف أنا ما بغسل وشي ولا بستحمى إلا بدوف
وكمان في جل وكريم لشد الجسم سمعت من صاحباتي إنو رهييييييييب

خصوصا للبطن والأرداف والأوراك وكده وخصوصا لو بتعانو من السلوليت

ما جربتو لسة بس بصراحة ناوية لانو كمعظم السودانيات جسمنا ليييييين ومحتاج شد
وأنا بثق في كل منتجات دوف لأنها مغذية ومفيدة للبشرة





إستفسار:

يا إلهام زيت جنين القمح بسمن الوش؟؟؟؟؟؟؟؟
أنا أسة مليانة حبة وبعمل في دايت ومشكلتي لما أضعف وشي بختفي وصراحة وشي بكون حلو لما أكون سمينة وجسمي حلو لما أضعف إتحيرت زاتو


أفيدوني بأي حاجة بتملى الوش...

وعايزة برضو حاجة تفتح لي منطقة الابطين والمناطق الحساسة فالجسم لأنو بالجد بتضايق وكمان الواحد بخاف يعمل حاجة ما مجربة

هلا رومنسيه
زيت جنين القمح فعلا بسمن الوش بس ماجربتو في نفسي صاحباتي جربو وفعلا لاحظنا تغيير كبير
اللون الغامق في الابطين لو ماعندك اي التهابات بكون سببها مزيل العرق لانه معروف بيغمق اللون..استغني عنه في الفتره الجايه دي خصوصا اننا في شتا قومي اسحني مسك وشب وبودره اطفال جونسون واخلطيهم مع بعض وختي في علبه واستعملي بدل مزيل العرق
بالنسبه للمنطقه الحساسه لو مافي اي التهابات خااالص ومستعجله استعملي بيتادين لو ما مستعجله حقول ليكي علي وصفه ممكن تستعمليها تحت الابطين برضو وفي اي مكان غامق..دفي شويه زيت زيتون وختي وبعدها جيبي نص ليمونه واغمسيها في ملح وادعكي بيها المنطقه المراد تفتيحها
كمان في حاجات بتخفف من اللون ..مثلا استخدمي ملابس قطنيه دائما..حافظي علي ان المكان يكون ناشف يعني بعد الاستحمام التنشيف شديد مهم لان البشره لما تكون مرطبه وتلبسي فوقها بتعمل التهابات ولون ما مستحب..كمان وانتي مارقه خصوصا في الحر الشورتات بتساعد علي عدم الاحتكاك لانه سبب في اللون..انشالله اكون افدتك يا رومنسيه ودي حاجه كلنا بنعاني منها بس ليها حلول بسيطه انشالله تنفع معاكي ووريني النتيجه

[رومنسية]

مشكوووووووووووووووووووورة يا عسولة

يلا انا بعد ده أمشي أتخمد عشان بكرة وراي جامعة


وبالتوفيق يا عسل وربنا يتم ليك على خير للآآآآآآآآآآآآخر


وتطلعي قمر 14 فعرسك يا رب


والأهم السعادة والتفاهم والمحبة تسود حياتكم " بعد التعب ده كلو"

وربنا يهنيكي

[دنقلاويه]

شكرا اخت رومنسية على خلطة البلح والله انا بسمع بيه من زمان بس ما كنت بحسبو للشعر وبرضوا انا بعمل خلطة للشعر مداومه عليه من زمان والحمد لله نتايجه 100% ومتوفر فى كل بيت هو حنة _ زبادى _ وصفار البيض والشاى الكركدى تغلى مع بعض لما يبقى احمر خاااااااااااااااالص وتخلى يبرد وملعقة زيت زيتون عشان الحنة براه فى الشعر بينشفوا وملعقة صغيرة خل ويخلط جميعا بالخلاط وتلفى شعرك بكيس واشارب وتخليه 5 - 6 ساعات .
بس مباااااااااااااااااااااااااااالغة الهام 4 ساعات كله نتحمل الله غالب علينا .

[سونا]

المشاركة الأصلية كتبت بواسطة روزمارين

تستاهلى احلى هديه انتى
بس دى مالازمك هسا
لما تتزوجى الهام حتسلمك الرايه
وكلنا معاك وقتها

اعتقد الخلطات مفترض تكون منفصله جربى واحد واحد وشوفى الماشى معاك اكتر داومى عليه

روزمارين ازيك يلا شكلي انا الاستلمت الرايه

ولسه ماعملت حاجه ولالاوجهي ولاجسمي بجد نفسياتي تعبانه

يلامستنياك ابعتي لي الخلطات بالخاص ومانتحرم منك يااارب