Follow us Youtube Rss Twitter Facebook
قديم 11-25-2009, 05:45 PM   #1
أمين السيد
عضو فعال
 
تاريخ التسجيل: Oct 2008
المشاركات: 312
كيفية اختيار العروسة أو الحبيبة .... أنا عايز عروسة فرسة

أنا الليلة دي عايز اتكلم وأناقش وأعمل مقارنة عن كيفية إختيار الزوجة أو الحبيبة بين ناس زمان ( الجاهلية ) وإختلاف معايير الإختيار بين ناس زمان وبعض الاجيال الجديدة .... معليش استحملوني لو طولتا
ناس زمان الجاهليون : كانت عندهم نظرة ثاقبة جداً ( حسب رأيهم طبعا ) .... كانو بيحبو الدسم والسمن البلدي .... ناس هسة بيشوفو الدسم دا بيعمل ليهم تخمة عدييييييل كدة وما بينزل ليهم من حلقم
فناس زمان كانو متفقين كلهم في إنو المرا لازم تكون سمينة ومبغبغة ومتينة و دا دليل على قمة الجمال في نظرم وإنها بت عز وأكل الوز ... فكانو متفقين في المقام الأول إنها تكون سمينة ومتينة ومربربة ودبدووووبة ومكلبظة حتى بعد داك تجي الحاجات التانية جمال الوش والعيون والشعر والذي منو ( أنا عارف في بنات كتيراااااااات كانو يتمنو يعيشو في زمن الناس ديل لكن ضاعت عليهم )
وطبعا الموضوع دا عكسوهو لينا في أشعارم بتاعت الغزل والحب والعشق والهيام لمن يقعد الواحد ويوصف حبيبتو أو زوجة المستقبل وعلى سبيل المثال :
غراء فرعاء مصقول عوارضها تمشي الهوينى كما يمشي الوجي الوحل ( دي جهامة وله عمارة عديل ماشة وتتمايل )
كأن مشيتها من بيت جارتها مر السحابة لا ريث ولا عجل ( فرحي خلق الله وإتني ) تمشي حتة حتة ان شاء الله تصل بعد سنة ما مهم
وتسمع للحلي وسواساً اذا انصرفت .... ( لاحظو زمان ما كان في كعب عالي ولا سراميك مع دبة رجلا في الواطا تسمع رنة الغوايش والحلي ماشة وتكشكش ... كش كش كشلو ودا طبعا من كترة الرجرجة واللحم المدفق بالجنبات وكدا )
أو في قول الشاعر
لها كفل تعلق في ضعيف فيوقفني اذا فكرت فيه ويقعدها اذا همت تقوم ( شفتو الهنا دا ؟ والله انا خايف أشرح يقومو يطلعو لي ناس الأمر بالمعروف وله ناس بسط الأمن الشامل اصلهم بيتلككو اليومين ديل بالله وحدة تلبس بنطلون يجلدوها ؟ في إشارة واضحة للمثلة لبنى حسين أقصد لبنى عبد العزيز ... ما تسرحو نرجع لموضوعنا
أها ناس ( الجيل القبال الحالي ) بيشوفو ناس زمان ديل ناس عبطة ومعاييرم بتاعت الجمال منيلة بستين نيلة وبيحبو الرمرمة ساي وما بفهمو شي في مقاييس وأوصاف الجمال للحبيبة أو الزوجة اللى ممكن يختاروها هم لأنهم كانو معظم الوقت سكرانين وحيرانين غير الخمرا ما عندهم شي عشان كدا ما مركزين ( قال سمينة ودبدوبـــــــــــة قال )
فالجيل القبال الحالي هم بيشوفو المرا السمينة دي آخر حاجة ممكن يفكروا فيها دا لو فكروا أصلا فيها وما إكتفو بكدة وبس كمان بقو ينكتو على السمينة ويظهر دا في بعض اشعار الحلمنتيش عندهم :
ما بخلطك يالكتيرة
يام شلاضيمن كبيرة
يالمتختخة يالمبغبغة يالعويرة
يا ام شلاضمن قرب يا نخرة الكفتيرة
ما بخلطك يا محزق يا مشقق يا لحمن من سيدو دفق
يا زول معسم داير يخنق
ما بخلطك يالقرنتي
الديمة منفوخة وتقنتي
تتكلي فيني ؟ دا ما ياهو البلنتي
أرفس تقول بضارب في ترنتي .... الخ القصيدة
وطبعا ديل ( الجيل القبل الحالي ) بيشوفو انهم أحسن ناس بفهمو في الجمال ما زي ناس زمان عشان كدا كان أول هام عندهم أنو العروسة أو الحبيبة لازم وحتمن ولا بد تكون رشيقة بكل ما تحمله الكلمة من معنى أهم شئ الرشاقة ثم الرشاقة ثم الرشاقة وبعدين تجي باقي الاوصاف التانية الجمال والحسب والنسب والدين وهلم جرا ....
أما الجيل الحالي دا فجيل حكايتو حكاية .... فقد ذهب بعض طائفة من الجيل القبلهم بوصفهم بالحناكيش أو جيل البسكويت والبسبوسة فهم جيل بيحب الميتات بصورة مباااااااالغة خلاص ..... ما عندهم حاجة إسمها جمال في حساباتم إلا من رحم ربي أهم حاجة في إختيارم للعروسة أو الحبيبة في المقام الأول ( هي شغالة شنو وراتبا كم وحتساعدو في المصاريف كيف وبي كم ) دا أهم معيار في اختيارم وبعدين باقي المواصفات زي ما تبقى تبقى وطبعا كل ما كانت وظيفة العروسة محترمة وبتصرف راتب كبير كلما يغض الطرف عن العيوب يعني ما مهم تكون شينة أو سمينة أو حوصا أو ... أو ..... طالما هي دكتورة أو مهندسة أو في وظيفة مرموقة ويا ريت كمان لو كانت وارثة ومرتاااااااحة دي عز الطلب ... دي نمبر ون وما مهم عمرا كم ان شا الله 75 سنة ... بس مهم شوفت فلوسا ( أقصد شوفت عيونا ) .... والمثل الرائج عندهم الكاش بيقلل النقاش
وبمناسبة العروسة عمرا 75 سنة .... قال ليك مراعجوز عمرا 75 سنة ضاعت في الغابة قام قابلا أسد قالت ليهو عليك الله ما تاكلني قال ليها ما تخافي انا ما باكل نواشف ههههههههههههههههههههههههههه .
اذا كان الأسد عندو مقاييس في اختيار الفريسة بتاعتو وبيعرف يفرز الكويس من الكعب يبقى الجيل الحالي دا مالو ( إلا من رحم ربي ) .
دي بعض الرؤى حسب نظريتي المتواضعة واللى أكيد ممكن تختلف مع ناس كتير ولكن اختلاف وجهة النظر لا يفسد للود قضية يعني ... مع محبتي
أمين السيد غير متصل   رد مع اقتباس
قديم 11-25-2009, 06:11 PM   #2
عاشق السمراء
عضو مُـميز جداً
 
تاريخ التسجيل: Mar 2005
الإقامة: الواق واق
المشاركات: 5,804
وإنت يا أســــــــــــــــــــــــــــد الغابة مالك كنت بعيد من الغابة وقت جاااااااااااااات


اللي قالت السودانيين نفسهم خايفين الجزائريين بيضربونا...............(يا أخي إنت اللي فاتك نص عمرك)

وجاي تقول عايز عروسة .......!!!!!!!!

ياربي سااااااااااااااامحو فاتتو عروس عجب
التوقيع
عاشق السمراء غير متصل   رد مع اقتباس
قديم 11-26-2009, 08:28 PM   #3
أمين السيد
عضو فعال
 
تاريخ التسجيل: Oct 2008
المشاركات: 312
اقتباس:
المشاركة الأصلية كتبت بواسطة عاشق السمراء مشاهدة المشاركة
وإنت يا أســــــــــــــــــــــــــــد الغابة مالك كنت بعيد من الغابة وقت جاااااااااااااات














































معليش يا عاشق اخوك كان في إعارة خارجية

علا بس يا جنا الغايب مالوش نايب ؟ يعني عشان انا في اعارة حقي يضيع ؟
وهي صحيح يا جنا قالت السودانيين خواااااااااافين ؟:d
أمين السيد غير متصل   رد مع اقتباس
قديم 11-26-2009, 09:08 PM   #4
أمين السيد
عضو فعال
 
تاريخ التسجيل: Oct 2008
المشاركات: 312
النساء البدينات يعتبرن أفضل الزوجات

--------------------------------------------------------------------------------





هذا ما أكدته باحثة أمريكية في دراسة جديدة نشرت مؤخراً. وقالت الدكتورة جاكلين سونا، أخصائية علاج المشكلات الزوجية الأمريكية، إن ما خلصت إليه الدراسة يبدو غريباً ولكنها الحقيقة، على حد قولها. وأكدت أن نسبة الطلاق و مشكلات الأسرة في المجتمعات ستقل إذا اختار الرجال زوجات سمينات. وأوضحت في < /font>دراستها التي استمرت خمس سنوات أن النساء البدينات يعتبرن أفضل الزوجات لأن من السهل التعامل معهن. فهن لا يفسدن بالإطراء والتدليل مثل نظيراتهن من النحيفات السريعات الغضب كلما ضايقهن شيء. كما أنهن أكثر قدرة على ا لتفاهم وتحمل فظاظة الزوج بسبب مهارتهن في تصريف أمورهن التي تعلمنها منذ الطفولة وعدم اعتمادهن على الجمال فقط كالأخريات.
وترى سونا أن السيدات من ذوات الوزن الثقيل يعرفن كيف يضفين السرور على حياة الرجل وذلك لتمتعهن بحس مرهف وشهية كبيرة للمسرات الحسية للحياة، مؤكدة أن أي رجل يوفق في اختيار عروس بدينة سيكون محظوظاً وسعيداً جداً.وأفادت في الدراسة التي نشرتها مجلة "عالم المرأة" أن البدينات أكثر ثقة بأنفسهن وأفضل صحة ويكرسن كل طاقتهن لزواجهن ويعملن على إنجاحه بعكس النحيفات اللاتي يكثرن من القلق على مظهرن ويلتزمن دائماً بنظام حمية معينة، مشيرة إلى أنهن أفضل الأمهات لأنهن تعودن على ألا يكن بؤرة اهتمام الأسرة وبالتالي فهن يكرسن أنفسهن وأوقاتهن في سبيل إسعاد الزوج والأطفال أكثر من غيرهن من النساء الأخريات اللاتي يهتممن بمظهرهن فقط ولا يفكرن إلا في أنفسهن
أمين السيد غير متصل   رد مع اقتباس
قديم 11-26-2009, 09:19 PM   #5
عاشق السمراء
عضو مُـميز جداً
 
تاريخ التسجيل: Mar 2005
الإقامة: الواق واق
المشاركات: 5,804
شوف اللي فاتك ياااااااااااااا الغلا

نورهاااااااااااااااااااااااااااان ........ لكن برضو ما أحلا من نجود حبيب

دي بقى قبل الترمس والغبار الأمدرماني الأحمر






ودي بعد مافكرت بس تندعك بالترمس


التوقيع
عاشق السمراء غير متصل   رد مع اقتباس
قديم 11-27-2009, 08:03 PM   #6
ابو نزار خوسيه
عضو جيّد جداً
 
تاريخ التسجيل: Feb 2005
المشاركات: 2,466
والله مكشن المره السمينه ,, أعوذ بالله !!!!
التوقيع

http://www.albrari.com/vb/uploaded/1780_01244035351.gif[/IMG]
ابو نزار خوسيه غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:02 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker