إغلاق 60 مطعماً ومتجراً سورياً بالخرطوم
أغلقت إدارة الأجانب بوزارة التجارة والصناعة يوم الخميس المنصرم (60) محلاً تجارياً ومطعماً سوريا في إطار حملة التفتيش التي تنفذها “الوزارة على المخالفين لتصاريح العمل والإقامة.
وقال صاحب مطعم سوري بالخرطوم عاصم محمد بحسب صحيفة السوداني، إن عدداً من المطاعم أغلقت بشكل تلقائي الخميس الماضي خشية من تعرض بعض العمال السوريين لمخالفات مالية كبيرة بسبب عدم وجود تصاريح عمل وكون بعض المحال التجارية والمطاعم بدأت بالحصول على تصاريح عمل نظامية.
وأوضح أن هناك غرامات تفرضها السلطات على من لا يملكون تصاريح عمل بسبب رسومها العالية وهي ضمن حملة بدأت منذ شهرين حيث كان السوريون قبل هذه الحملة يتمتعون بمزايا من حيث الإقامة وتعليم أبنائهم.
وقال محمد إن قرار وزير الصناعة والتجارة منع عدداً من السوريين الحاصلين على الجنسية السودانية عن مزاولة التجارة وحصر الاستيراد والتصدير فقط على السوداني بالميلاد، كما فُرضت قوانين جديدة وبدأت حملات لملاحقة السوريين العاملين بدون إقامات عمل والتي تبلغ تكلفتها 300 دولار، في وقت يبلغ متوسط الأجور للعاملين مائة دولار في الشهر.
“وأضاف أنه “مع وجود الحملات بلغت قيمة الغرامات على السوريين الذين حكمهم القضاء ما يعادل 12 ألف دولار، حيث تم دفعها من قبل التجار السوريين تلافياً لسجن العمال المخالفين بعد صدور الأحكام إما بالسجن لمدة ستة أشهر أو دفع الغرامة. وأشار إلى أن “رأس المال السوري في السودان يعتبر الثاني بعد الصيني في عام 2017 وبعد الحملة الأخيرة بدأت المحلات بالإغلاق والاعتذار من الزبائن والبالغ عددهم نحو 60 محلاً حتى تتضح القوانين الجديدة لاسيما أن هناك بعض السوريين يمتلكون إقامات عمل جرى توقيفهم في الحملة.
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
حقد سوداني على النجاح السودانيين يكرهون الناجحين دائما والله حقد لاأكثر ولاأقل بعدين مادايرين مطاعم راقية مستواهم مطاعم الشوارع بتاعت الكوارع والشوربة والعفانة السورريين طبعا راقيين ومابينفعوا معانا
هسي دبي دي ناكلها مطاعم هندية وباكستانية مافي زول ضايق زول لكن السوداني قلبه يغلي حقدا على النجاح يأخي مالسودانيين مالين دول العالم كله كان زول هبشهم ساكت يكوركو مهاجرين في أمريكا وكندا وأمريكا والخليج وكل دوله العالم ومابيتحملوا أي زول يجي يشاركهم ولايجي يستثمر معاهم والله أحقد من السعوديين في معاملة الأجانب الله يخيبكم يالحسودين علشان مابتتقدموا بحسادتكم قال قال شنو جايبين ماكدونالدز وبيتزا هت الله يخيبكم
لا حول ولا قوة الا بالله . يا اخواننا ليه الظلم دا .؟ ليه تقطعوا روق الناس وهم بيشتغلوا بدل يمدوا اياديهم للمنظمات والناس . والله حرام . دائما الفاشل يجعل غيره شماعة لفشله . ويا وزير التجارة سيسألك الله عن خسارة هؤلاء الناس . الواحد بدل يشتغل تلاقيه يطارد في الاجانب بالتعليقات . الحبشي والسوري والمصري وغيرهم . وهو تلاقيه النهار كلو قاعد جنب ست شاي
والله نحن زعلانين علي الحصل للسوريين ونرغب ان يستمر الترحيب بهم بالسودان لكن اي دوله بالعالم الوجود الاجنبي مقنن لابد من تصريح عمل واقامه رسميه المشكله مافي السوريين المشكله في الحبش المالين البلد ويحولون العمله الصعبه ولا يضيفون شيء للبد السوريين عملوا مطاعم نظيفه ونقلوا مهارات لابد من محاوله تقليل هذه الاجرات تجاههم للحد الادني
الاستثمارات الاجنبية يجب ان تكون فقط فى الصناعة والزراعة . اما ان يستثمر الاجنبى فى المطاعم والنقل. فهذه استثمارات استهلاكية يجب ان تكون حصرا فقط على السودانيين وبالميلاد المطاعم تستخدم مواد محليه من لحوم وخضروات وغيره والعائد يذهب خارج البلاد وبالدولار. خطوة موفقة من وزارة التجارة حفظا على العمله الصعبة على قلتها.
تحركات تعكس ان السودانيين احقد من مشى عل سطح الأرض . ليه تضايقوا الاجانب في رزقهم ؟ بالعكس انا شايف انو خدمات السوريين أنظف وأفضل واجود من السودانيين .
قلنا لكم هؤلاء القله الشيوعيين واليساريين والشيوعية والعلمانيين قله قليله وفيهم احقد من مشي ع ظهر الأرض….سوريا اكرمتنا سنوات طويلة بدون تاشيره وتعمل فيها بدون ما اي حشره اسالك….تبا لكم يا اعداء الوطن والدين والخوه الاسلاميه الا من رحم ربي….نعتذر للسوريين الشرفاء ونقول لهم اصبروا فقريبا جدا جدا سوف تذهب هذه الحكومه الي زباله التاريخ بحول الله
الظلم ظلمات يوم القيامة..حقد و همجية ..لا بد من فترة لتسوية الأوضاع والايفاء بالتزاماتهم تجاه المؤجرين والزبائن..نفس ممارسات الحكم العسكري البغيض لا احترام لحقوق إنسان و إذلال دون ذنب..كيف تحملهم أخطاء الإنقاذ بغرامات انتقامية
هذا احلی خبر مافی دولة بتخلیك تقعد من غیر اقامة ولا اذن عمل السودان کان لیهم مرتع لکن خلاص الکیزان طاروا شدوا الحزام
حلوة انو راس المال السورى فى السودان هو التانى بعد الصين..
البلد محظور اقتصاديا من كل دول العالم واولادهم الجيران.. وانتو شاردين من حرب راس مالكم ده جبتوهو فى طاقية الاخفاء.. مثلا
اى سورى حفيان جايب ليهو الف.. الفين دولار معاهو يقول ليك مستثمر.. العارفو انو السوريين الشردو بقروشهم من سوريا شردو بيها لى 3 دول (تركيا.. الأردن.. لبنان) او دولة اوربية
ترك الأجانب من بعض دول الجوار يبيعون الخمور والقورو والعروق والمنقة النيئة بالشطة والشطة بالتبش والبامبي والملابس المستعملة الملوثة بالجراثيم القاتلة والمسرطنة في مواقف المواصلات ومكبات النفايات ووسط بحيرات الصرف الصحي في قلب الخرطوم وترك الأجانب من غرب أفريقيا يتسولون ويشحدون عبر مافيات منظمة ويحولون ملايين الدولارات ويهربون الذهب للمنظمات الإجرامية بالشحدة ويفقسون في السودان لتغييره سكانيا بالولادة الكثيفة والتجنيس والسيطرة وإقامة أحياء مقفولة واستهداف السوريين (فقط) هو عمل استراتيجي ممنهج. الشعب السوداني يرفض ذلك.
انا مستغرب والله شدييد انكم كلكم بتشكروا في السوريين والأجانب والله انت ما عارفين الحاصل من تواجدهم داخل السودان شعب متخلف عنده عقدة الأجنبي. ياخي شوفوا بعملوا مع بناتكم واخواتكم في شنو حسبي الله ونعم الوكيل. منكم شعب غبي. فعلا مفروض نكون تحت الوصاية من جديد. متخلفين