ابشر:تصدير 450 الف راس من الماشية للسعودية
كشف وزير الثروة الحيوانية والسمكية الدكتورعلم الدين عبد الله ابشر عن تصدير 450 الف راس من الماشية للسعودية منذ بدء التصدير بعد القضاء على حمى الوادي المتصدع .
واستعرض الوزير فى مؤتمر صحفي اليوم بالوزارة اشتراطات السعودية لاستئناف صادرات الثروة الحيوانية من السودان على ان يتم تطعيم الصادر ومكوثها فترة شهر بالمحجر اضافة الى ارسال باخرة واحدة فى اليوم .
وعزا الوزير الأسباب التى أدت الى ارجاع عدد من بواخر صادر الماشية من السعودية مؤخرا الى عدم كفاءة عدد من البواخر وأنها غير مهيأة حيث تصل الى ميناء جدة بعد ثلاثة ايام مما يسبب نقصاً في المناعة لدى الماشية ، لافتا الى ان حوالى 99% من راجع الصادر تم اعادة تصديره مطالبا باهمية مراعاة المواصفات القياسية فى بواخر صادر الماشية لضمان عدم تكرارهذه الاجراءات .
وكشف عن انشاء مسلخ رابع اضافة لمسالخ (الشاهين ، الكدرو ، جمكو) التى اجازتها هيئة الغذاء والدواء السعودية لتصدير اللحوم من السودان داعيا القطاع الخاص لتخصيص مسالخ للصادر .
وقال ابشر ان 90٪من الريف السوداني يعمل في الزراعة بشقيها مشيرا الي الاعداد المقدرة للثروة الحيوانية بالبلاد مشيرا الى أن تقديرات شمال كردفان للثروة الحيوانية وصلت 23,5 مليون راس وتقديرات غرب كردفان 22 مليون راس من الماشية منوها الى اهمية تعداد الثروة الحيوانية لمعرفة العدد الحقيقي للثروة بالبلاد .
وعزا وزير الثروة الحيوانية ارتفاع اسعار الالبان الى ارتفاع اسعار مدخلات الانتاج والاعلاف مشيدا بجهود شركات انتاج الدواجن فى توفير المنتجات والوصول الى الاكتفاء من منتجات الدواجن مشجعا المستثمرين بالدخول فى هذا الاستثمار.
سونا
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
حقو يصدروك معاهم.
ياخ تصدير شنو والناس بتموت من الجوع.
ما عايزين نتلفظ لكن حكومتم أغبى من السابقة بكثير جدا.
أوقفوا تصدير اللحوم والمواد الغذائية والخضروات والفواكه لأن الصادر لم يظهر في دواء ولا وقود ولا رخاء بل رفع الأسعار وزاد الجوع، أوقفوا التصدير فالشعب المختطف أكل رؤوس الدجاج وأقدامها وآذان الخراف والله العظيم، وبعد ده كلو عايزين توفروا خدمات ورفاهية لللاجئين الجنوبيين والأجانب زي ما قالت الأخبار بدل ما ترجعوهم لدولهم المصطنعة
الشعب جاع يا عالم يا ما حاسين، الشعب جاع يا حكومة مستوردة ما عارفة حاجة عن البلد دي الشعب حياكل بعضه وياكلكم.
يا البتطلع الشارع وتقول وقصاص وحرية وبطيخ ياخ قول طماطم وعيش ودوا ولحم وخضار الناس جاعت يا حمدوك.
عارفين جوع يعني شنو؟
يعني الطماطمة بي 20 جنيه والبيضة بي 18 وحبة الطعمية بي 8 جنيه، فاهمين يا بتاعين فيس وواتس وانستاقرام؟ في ناس ماتو من الجوع
حقو يصدروك معاهم.
ياخ تصدير شنو والناس بتموت من الجوع وتاكل من الكوشة وكيلو الضان بي 800 جنيه؟
إنت شغلك تزيد الثروة الحيوانية وتحسنها أما التصدير ده فشغل وزارة التجارة ما شغلك ولا عندك بيهو قضية ولا إنجازك أمشي شوف شغلك ولو غالبك إستقيل، أما تصدير الماشية الحية فهو جريمة في حق الشعب السوداني لأن فيها جلود وأظلاف أقيم من لحومها، هذا ما لا يعرفه الفشلة والهتيفة والغوغاء والرجرجة. ثم ثانيا أين ظهر عائد هذا الصادر في الدواء أن في الوقود أم في الدقيق أم في خدودكم التي تكبر يوميا؟