منو القال إنتا سافرتا…
منو القال إنتا منى بعيد؟!
بحسك نبضى فى الشريان…
وأحسك فى قليبى وريد
بتدخل روحى زى كليوم…
وتطلع منى بوح وقصيد
وأشيلك فى العيون إنسان…
وأشوفك فرحة ذى العيد
وسافر شيل معاك الشوق…
وخلى عيونى للتسهيد
وعااارف إنى بيك ولهان…
وإنى معاكا هانى سعيد
زمانى العشتو من دونك…
وحاتك مابعدو أكيد
وليلى المرا دون عينيك….
بمر فى الحسره والتنكيد
عبيرك عبا كل الكون…
وصوتك ردد أحلى نشيد
ملاذك مأوى من الخوف…
ومن الحيره والتشريد
لقيتك وفيك حنان منساب…
يذوب فينى أى جليد
تعال نفتح مجال للود…
ونمشى طريقنا إيد فى إيد
معاك إتبددت أحزان…
كبر..جوانا أحلى وليد
وفاض نيل الأمانى تساب
ولبست روحى حلم جديد
بحبك..ومافى أبدا”زول…
بحبك ذيى بالتحديد
وأريدك ريده ماكانت…
ومين الذيى تانى بريد؟؟!!
إندياح – صحيفة اليوم التالي
