& ويجب ان نجدد العهد ونقوى العزيمة ونصوب نحو الهدف الواضح.
& لن نحتمل طلقة واحدة فشنك.
& ولا رصاصة تخطئ موقعها.
& ولا نعتمد على العيار المايصيب يدوش.
& ماعندنا عيار ما بيصيب.
& كلهم يصيبوا.
& الجمهور الشفت دورو واضح.
& تشجيع بجنون.
& تشجيع بشدة.
& مساندة قوية.
& لا تفلتات تؤدى لفقدان اللاعب لأعصابه.
& لا تدخلات تؤدى لأضطراب الجهاز الفنى.
& لا توصيات تشتت جهود المجلس.
& نشجع وبس.
& والنصر بأذن الله آت.
& والممتاز آت آت آآآآآآآآآآآآآآآآآآآآآآآآآآآآآآآآآآآآآآآآآآآت.
& أيها الناس.
& غرفة التسجيلات يجب ان لا تعمل بفردية.
& ولا تبتعد عن الجهاز الفنى.
& نريد ان نخرج من ظلمة التسجيلات الأدارية.
& دايرين نلج عالم التسجيلات الفنية.
& التسجيلات الت يحدد فيها المدرب خانات الضعف.
& ويحدد فيها المدرب من يرشحهم لهذه الخانات.
& سواء ان كانوا من الداخل او من الخارج.
& يجب ان يعلم الجهاز الفنى اننا نطمع فى بطولة أفريقية.
& ويجب عليه ان يبنى فريقه على هذا الأساس.
& وأن يرفع طموحه الى هذه الدرجة.
& يشاور لمن يحتاج اليهم من اللاعبين.
& والمجلس قطع العهد على توفير ما يلزم.
& أيها الناس.
& أذا رشح الجهاز الفنى كاريكا السودانى او كاكا البرازيلى.
& المجلس بيجيبهم هواء.
& سريع.
& مافى لاعب فى الدنيا دى بحب الفقر زالنقر.
& النقر ده بفتح النون وضم القاف.
& ما يقوم الفاتح يقول قاصدنوا كمان.
& وعشان اللاعبين ما بحبوا النقر.
& يبقى كاريكا ورفاقه.
& لو أرتفع مستواهم لدرجة ترشيح الجهاز الفنى بتاعنا لجهودهم.
& بجوا فللى.
& وحلات كاريكا ورفاقه بالأحمر والأصفر.
& أحمر وهاج وأصفر فاقع لونه وفاقع مرارة الناس.
& والغريبة الناس الطوال.
& لبسنا فيهم بيطلع شرط.
& شفتوا مساوى بزى المنتخب.
& الأحمر يخلوهو ليهو.
& وكاريكا ومساوى ده آخر تجديد لهما.
& بحكم السن.
& عشان كدة الشرتيت هو مطلب المرحلة.
& والشباب دايرين يكونوا أنفسهم.
& أما الدعيع الذى رفض فلس الهلال سابقاً.
& فلا أظنه سيقع فى نفس الخطأ.
& بالذات والقرار فى يده لا بيد الأرباب.
& طالع فك التسجيل.
& وأذا طلع محظوظ زرصده جهازنا الفنى.
& يبقى أمن مستقبلوا.
& أخير ليهو من الرمتلة.
& سواء كانت تلك الرمتلة بالهلال او فى السعودية.
& فالرمتلة رمتلة مهما أختلفت المواقع.
& المهم.
& تسجيلات فنية بحتة تقودنا للمطار فى نهاية الموسم الأفريقى.
& أها.
& الأهلة الشرفاء أقتنعوا بخسارتهم للممتاز.
& رمضان الرائع كتب.
& ما رأيكم تلغى البطولة فى هذا الموسم (أقتنعتوا خلاص يا رمضان ودايرين تلغوها).
& وكتب.
& أمام المريخ تحدى أكبر للأحتفاظ بكليتشى والبحث عن محترفين آخرين خاصة فى الدفاع بعد الرأى السلبى لكروجر تجاه الشغيل.
& شوفوا ليكم جنس هضربة.
& يعيد كلتشى ومحتاج دفاع خاصة بعد رأى كروجر فى الشغيل.
& دى هضربة الخوف من ترشيحات الجهاز الفنى لكاريكا وكاكا ومسمسة.
& الدخل الشغيل هنا شنو؟
& غايتو كلام رمضان ده ذكرنى كلام ربيع طه لما قال.
& القطر ماشى سرييييييييييييييييع الكمسارى صفر السايق القطر منو؟؟؟؟
& زى الفزورة بتاعت أقوى الأسد ولا أطول الزرافة؟؟؟؟؟وتكون الأجابة أشنى القرد.
& والأهلة رفعوا الراية البيضا.
& قنعوا من الممتاز.
& روشا يكتب محرضاً فرق مدنى على الأنسحاب.
& دايرنها تتدكة.
& تدكة وعندنا تلاتة جواكر ومربعين محلين وحالين تلاتة.
& تتدكة ويييييييييين يا روشا.
& ترمى قميصك خمسين.
& وأنتو زون.
& يعنى حارقين حارقين.
& نقول ليكم حك.
& وأتحرقى.
& أنسحاب شنو يا روشا مع القانون الواضح ده.
& أنسحبوا انتو.
& عشان دار الرياضة أمدرمان العصر تبقى ليكم أجمل سكن.
& وروشا يحرض فى ناس مدنى.
& قال رجال بياكلوا الظلط.
& يحرض فى رجال بياكلوا الظلط عشان يستر رجال سافين التراب.
& خاص صفحة الأحمر الوهاج
& نهى أنسحاب يا روشا.
& نهى ممتاز تم كهيه طالما بالمريخ جمهور شفت وأدارة واعية وجهاز فنى مؤهل ولاعب يترجم عن كل ذلك داخل الملعب.
& وكتب رمضان ان الهلال يحافظ على لقب الفريق الوحيد الذى هزم مازيمبى فى داره فى الخمسة سنين الأخيرة.
& ألقاب يوزع فيها رمضان سااااااااااااى.
& لكن رمضان ما ورانا مدى محافظة الهلال على لقبه بتاع الفريق الوحيد فى الدنيا الهزموا مازيمبى خمسة فى أستادو.
& الهلال لسة محافظ على اللقب ده يا رمضان؟؟؟؟
& ولا أصيح مالقب الهلال.
& لقب الهلال ده أعرض من لقب الحمار.
& ولقب الحمار هو لثة اسنان الحمار.
& والحمار لثتو عرييييييييييييضة وواضحة.
& فحقو لقب الهلال بتاع الخمسة ده لى وضوحو نسميهو لقب الحمار.
& وهى ها هى ها هاهاهاهاهاهاه بر بر بر.
& أيها الناس.
& مصر كان اسمها ام الدنيا.
& بعد اخدت ستة من غانا بقى اسمها ست الدنيا.
& عرفتوا ليه ناس روشا بعد الهلال أخد ستة من الترجى سموهوا سيد البلد؟؟؟؟
& ست الدنيا زايد سيد البلد تساوى أطناشر.
& أها.
& نجى لى شمارات والى الخرتوم
& أكان شفت يا والينا.
& زمان فى العيد.
& الشارع من بعد الصلاة.
& بيتملى شفع ماشين كيمان كيمان.
& لابسين بمبى بى أخضر ليمونى.
& وبرتغالى بى بنفسج.
& والبنوت رابطات شرائط الشعر ماتشينق مع الشرابات.
& والشراب للركبة زى بلة جابر.
& والشعر مقبضنو قبيض عشان يتلم بالشريط.
& والأولاد شايلين البنادق والمسدسات.
& زالغبار يقول يا غربتى.
& البنطلون لى نصو عجاجة.
& معانى كبيرة كانت فى ذلك المشهد.
& معانى عميقة ومعبرة ومفرحة.
& السنة دى.
& والله يا والينا.
& غاب المشهد المعبر عن العيد.
& ولا شافع فى الشارع.
& لا بمبى ولا بنفسج ولا شرابات للركبة ولا ركبة ذاتها مافى.
& شوارع خاوية من الأطفال.
& تبقى قلوب خاوية من الفرحة.
& والينا.
& ضبحنا موز.
& ومافى زول رضيان يشيل مننا الجلد.
& بزلق يا والينا.
& وعبارة المعايدة كانت.
& القابلة على صالة المغادرة. [B]سلك كهربا[/B] && ننساك كيف والفقر بحرق والجلد بزلق والكل يرنوا الى المطار وفى صالة
المغادرة ببحلق
والللللللللللللللللللللى لقاء
سلللللللللللللللللللللللللك
[/SIZE]
في السلك – بابكر سلك
