مفتاح باب سويقه

> زمااااان
> لما كنا صغار
> كنا بنلعب بمزاج
> وكانوا بغنوا لينا كبارنا
> يا طالع الشجره
> ودوها يا دوها
> والنوم تعال سكت الجهال
> وكنا بنلعب افتحوا لي الباب
> طبعا اللعبه دي لذيذه
> واحد يكون جوه الدائره
> والبقيه عاملين دائره وتتشابك ايديهم
> الجوه الدائره يقول افتحوا لي الباب
> الباقين يقولوا ليهو مافيش مفتاح
> وهكذا الي ان يجد حته هشه
> يضربها ويفتحها ويجري منطلقا
> البنات كانن بلعبن يا ورده فتحي ويا ورده غمدي
> المهم لعبة افتحوا لي الباب فيها اصرار وسك وفهلوه
> عشان كده
> الجماعه الكانوا بقولوا للتوانسه افتحوا لي الباب
> وناس باب سويقه كانوا بقولوا ليهم مافيش مفتاح
> وصدقوا وقعدوا علي كده
> نحنا ما زيهم
> نحنا بنفتح باب سويقه
> وننطلق لآفاق ارحب
> لعبات زمان كانت كتيره
> ومن ضمنها
> الامير داير المفتاح
> المفتاح عند النجار
> والنجار داير عروس
> والعروس دايره المنديل
> والمنديل عند الجهال
> والجهال دايرين لبن
> واللبن عند البقر
> والبقر داير حشيش
> والحشيش تحت الجبل
> الجبل داير مطر
> والمطر عند ربنا
> يا ربي تجيب لينا المطر
> ربي جيب لينا المطر
> ومطرنا بتاع يوم السبت
> هو هتاف الجماهير ودموع الرجال وجموعهم
> ومفتاح باب سويقه في قلوب الشفوت
> نطلعوا ونفتح الباب
> باب سويقه ما مسمكر
> بتفتح
> وعلي ايدينا يتفتح ان شاء الله
> فقط
> نجي كلنا
> من عزام ولي قدام
> نرسم لوحه جديده
> يقف عندها التاريخ والشماريخ اعجابا
> نوري الدنيا اننا جينا
> من سنار والدمازين وسنجه جينا
> من الحوش واب قمري ومدني جينا
> من تندلتي بلد القبطان والشوال وكوستي جينا
> من ربك الكوه والدويم جينا
> من القطينه الحنينه جينا
> من الجبل بما حمل جينا
> من الحصاحيصا والبشاقره عن بكرة ابيها اتينا
> من المسيد وابو عشر والكاملينا
> من عطبره وشندي الرزينه
> من بقروسي وجبل ام علي جينا
> من تنقسي كريمي ابو حمد ومن مروي العظيمه
> من دنقلا وحلفا القديمه
> من جوبا في ناس قادمينا
> من الفاشر نيالا زانجي الجميله
> من كادوقلي الدلنج الابيض جينا
> من النهود نجود بالموجود جينا
> مفتاح باب سويقه عندنا
> واسبيراتو كلها قاعده هنا
> في حناجر الشفوت
> ايها الناس
> الترجي لازم يشوف كونفدراليتو وين
> لا كبير الا الله
> ولا نحس دونيه تجعلنا نستسلم للهزيمة من الترجي
> بل نفاخر بكبرياء يقنعنا بان الترجي مغادر البطوله علي ايدينا لا محاله
> ويا حلاة المريخ لما يدق صدرو ويقول
> انا الشافو خلو
> نجي كلنا من عصرا بدري
> عشان الترجي ينعصر شديد
> دايرين ندهش الترجي
> دايرين نقول ليهو زلزال الملاعب ارهب من جمهور باب سويقه
> دايرين نوريهم حاجه
> دايرين نوريهم الطفي النور منو.. والردم البحر منو
> لازم يعرفوا الشطف الككو منو
> ايها الشفوت
> السبت يومنا
> والنصر يقبع في حناجرنا
> ان شئنا اخرجناهوا للدنيا
> وان بخلنا
> يقبع في دواخلنا ولا يحس به احد
> صوتنا لازم يرتفع فوق التلال والجبال والثريات العوالي
> زئييييييييييييييييييييييييييير
> الأسود الشفوت
> زئييييييييييييييييييير
> كلنا
> مجلس واقطاب وجماهير واجهزه فنيه واداريه ولاعبين
> نقتسم المهام
> كلو زول يشوف شغلو
> والترجي يشوف كونفدراليتو وين
> لازم نفتح باب سويقه ضلفتين.. ونضبح تيس نعلقوا فيهو ونسلخوا
> كرامه ساااااااااااي
> يضبحوا بكري
> اصلوا بكري بحب ضبح التيوس
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> كان في مجنون بحجينا
> قال لينا
> يا طالع الشجره
> جيب لي معاك بصله وحبة دقيق فيني
> يمكن تكفيني
> المدرسة قفلت وأنا مين بقريني
> مشيت لشيخ اغبر
> قاعدلو في بمبر
> تحتو حمام مصبر
> وباقي موية سكر
> قال لي اتفضل
> قلت ليهو ما بقدر
> انا لازم اتقدر
> يا اضرب الورنيش
> يا درداقه اتبختر
> الجوع حايفنيني
> والمدرسة قفلت وانا مين بقريني
> مجنون الزول ده يا والينا موش !!!!!
سلك كهربا
ننساك كيف وقرار الشافع لما يسيب المدرسه قرار انتحار يا والينا
والي لقاء
سلك