*بعد ده حقو نغير اللافته المرفوعه في استادنا
*مكتوب استاد المريخ القلعه الحمراء
*نغيرها بمدرسة المريخ
*لانو لو الامس ده الصف التاني
*تبقي القصه مدرسة عديييييييل كده
*وبعد نرفع اللافته الجديده الفيها مدرسة المريخ
*جوه نخت لافتات صغار
*واحده نكتب فيها الصف الاول
*والتانيه نكتب فيها الصف التاني
*والتالته نكتب فيها الصف الثالث
*مدرسة
*غرزه الناظر
*محسن ابو فصل ومدرب الحراس ابو فصل وحبشكه ابو فصل
*كمال دحيه بتاع الرسوم
*باقي كيمو بحب القبض
*وعبدالصمد العميد
*باتقي عبد الصمد بحب العماده بتاعت المدارس
*وده تخصصو
*جيمي رئيس مجلس الامناء
*مدرسة كامله
*غرزه الشاطر عمل سته اتيام
*باي حداشر بلعب
*وبغلب
*ونفس المستوي
*ممكن كورة الاحد يلعب لينا عبدو جابر في حراسة المرمي
*وجمال سالم محور
*ووانغا طرف يمين
*وعنكبه صانع لعب
*وبرضو بنغلب
*بس بكري في محلو
*اصلو ما يغيرو
*العقرب نسجلو في كل الصفوف
*يلدغ زي ما داير
*الله يجيب يوم الاحد
*ناس مساوي حايشوفوا فراري
*واتير لو يطير فووووووووو كده
*لو قرأ نمره اربعه ساي
*بنعتبرو لحق بكري
*الفراري
*بمناسبة اتير
*محمد عبدالماجد قال اتير وفداسي ابدعوا في الباكوورد
*صحي كلامك
*اتذكر مره اتير عمل باكوورد
*ساكواها ختاها
*ومره تراوري عكسها
*اتير باكوورد ختاها جوه الجك
*بنحب باكووردات اتير يا حماده
*ان شاء الله يوم الاحد يعمل ليهو اتنين زي العملها لي ساكواها ديك
*عشان كردنه يطرد الشركه الصينيه ويقفل النادي
*كبير يا مريخ
*مدرسة
*كورة وفن وهندسه
*بكري هين
*اوكرا ده بي سرعتو دي البلحقو منو ؟؟؟؟
*غايتو يا مساوي بلنتيك في السهله
*تلقاها من وين ولا وين
*بكري يجري ويهري
*واوكرا يجري
*شيخ مساوي الا يطلب التغيير الدقيقه عشره
*امس بكري كانت ليهو آخر مباراه في عقوبة الترضيه
*ماحضر المباراه
*قالوا مشي شارع مدني يتمرن
*جري من بتري فات ليهو سته بصات سياحيه قبل يصل الكاملين
*ولما وصل الحصاحيصا
*البصات يا دوبن في المسيد
*وجا راجع
*لما وصل بتري
*البصات الفاتن ديك يا دوبك في ابو عشر
*الفراري
*قال ليك الرادر رصدو
*الرادار اتكلم
*قال في شئ جا جاري بسرعة ما طبيعيه بي جاي
*ماقدرت اشوف نمرتو من سرعتو
*والرادار قال لو جريت بي سرعتو دي
*شجر النيم تشوفو زي الجرجير
*صغاااااااااار
*غايتو يا مساوي الا تزوغ
*خليها لي اتير يقلب باكووورد عشان بكري يتشقلب
*واوكرا يقلب
*يقلب ليهو اتنين مع بعض
*والشكله تقوم
*التطواني حايتعب شديد
*ايها الناس
**الاهله الشرفاء امس طلعوا بي نقطه غاليه في النقعه
*ومريخ الفاشر الشفت خسر نقطتان غاليتان
*كورة امس دي مريخ الفاشر مفروض يطلع منها اقل شئ بي تسعه نقاط
*طبعا الاهله الشرفاء الواضحين قالوا الفريق كعب ومافيهو بدائل
*بدائل شنو
*اساسيون مافيهو
*والاهله البدسدسوا طبعا حايطلعوا علينا الليله بمبررات
*الكوكي الشاطر اشرك الرديف
*الكوكي داير يجهز تيم تاني
*وطبعا الكوكي تيم اول ماعندو
*ما كل الاتيام بلاندي يا كوكي
*ولما قلنا ليكم زي ناس سانغا ديل في ميدان عقرب كتار ما صدقتوا
*المهم
*تصدرنا
*فارق الاهداف زي فرق العمله
*فرق كبير خلاص
*مدرسه
*وهندسه
*واجري يا نيل الحياه يا جاري
*واجري يا بكري المدينه يا فراري
*بمناسبة بكري
*لوزان قالت شنو ؟؟؟؟؟
*ولا شطبوا ليكم القضيه للغياب ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ما قلتوا لينا
*شنو الاول امس طرشق فينا ؟؟؟؟
*ناس يقولوا جسم غريب علينا
*ناس يقولوا حفلة طرشقت علينا
*ناس يقولوا رعده دايشه قايله الخريف جايينا
*مافاهمين
*كدي براحه اشرح لينا
سلك كهربا
ننساك كيف وماعارفين البطرشق فينا غير المستقبل الطرشق علينا
والي لقاء
سلك
مدرسة
