* ﺍﻻﻫﻠﻪ ﻣﺎ ﺑﻌﺘﺮﻓﻮﺍ ﺑﻼﻋﺐ ﻃﺎﻟﻤﺎ ﻛﺎﻧﺖ ﺍﻟﻨﺠﻤﻪ ﻋﻠﻲ ﺻﺪﺭﻩ
* ﺍﻭﻝ ﻣﻦ ﺍﻟﻤﺮﻳﺦ ﻳﺴﺘﻐﻨﻲ ﻋﻦ ﺍﻟﻼﻋﺐ
*ﻳﺸﺒﻜﻮﻧﺎ ﻟﻴﻚ ﻟﻌﺎﺏ ﻭﻣﺎ ﺑﻨﺸﻄﺐ
* ﻭﺍﺫﺍ ﺭﺟﻮﻋﻮﺍ ﺑﺎﻟﺬﺍﻛﺮﺓ ﺷﻬﺮﻳﻦ ﺗﻼﺗﻪ
*ﺗﻠﻘﺎﻫﻢ ﺑﻘﻮﻟﻮﺍ ﻋﻦ ﻧﻔﺲ ﺍﻟﻼﻋﺐ ﻣﺎﻋﻨﺪﻭ ﺷﺊ
* ﺍﻻﺩﻟﻪ ﻛﺘﻴﺮﻩ
* ﺧﺮﺟﺖ ﻣﻦ ﺣﻨﺎﺟﺮﻫﻢ
* ﻭﻛﺎﻧﺖ ﻣﺎﻧﺸﻴﺘﺎﺕ ﻓﻲ ﺻﺤﻔﻬﻢ
* ﺑﻞ ﻭﻋﻨﺎﻭﻳﻦ ﻻﻋﻤﺪﺗﻬﻢ
* ﺍﻟﺸﻌﺐ ﻳﺮﻳﺪ ﺍﺧﺮﺍﺝ ﺍﻟﺸﻐﻴﻞ
*ﺍﻟﻠﻴﻠﻪ ﺑﻘﻲ ﺍﻟﻤﻮﻫﻮﺏ ﺍﻟﻤﻘﺎﺗﻞ ﺍﻟﻠﻌﺎﺏ
* ﻭﻟﺴﻪ
* ﺍﻗﻴﻒ ﻭﺍﺳﻤﻊ
* ﻣﺎﻗﺎﺑﻠﻨﻲ ﻫﻼﻻﺑﻲ ﺷﻜﺮ ﻋﻨﻜﺒﻪ
* ﻣﻦ ﺟﺎﺏ ﻓﻴﻬﻢ ﻗﻮﻥ ﺍﻟﺪﺭﻭﻥ ﺑﺘﺎﻉ ﺍﻟﺨﺮﻃﻮﻡ ﺗﻼﺗﻪ ﻓﻲ ﺍﺳﺘﺎﺩﻫﻢ
* ﻛﺮﻫﻮﻫﻮﺍ ﺍﻛﺘﺮ
* ﺍﻟﻴﻮﻣﻴﻦ ﺩﻱ ﻛﻼﻣﻬﻢ ﻛﻠﻮ ﻋﻨﻜﺒﻪ ﻣﻈﻠﻮﻡ ﻭﻋﻨﻜﺒﻪ ﻣﺎﻣﻔﺮﻭﺽ ﻳﻌﺎﺭ
* ﻭﺍﻟﻐﺮﻳﺒﻪ ﺗﺒﺎﻛﻴﻬﻢ ﻋﻠﻲ ﻛﻮﻓﻲ
* ﻣﺎﺣﺼﻞ ﺷﻜﺮﻭﻫﻮﺍ
* ﺑﻞ ﻛﺎﻧﻮﺍ ﺑﻜﺮﻫﻮﻫﻮﺍ
* ﻣﻦ ﻳﻮﻡ ﻋﻜﺲ ﻟﻲ ﺑﻜﺮﻱ ﺍﻟﻘﻮﻥ ﺍﻻﻭﻝ ﻓﻲ ﻋﺰﺍﻡ
* ﻭﺍﻟﺰﻭﻝ ﺩﻩ ﺑﻘﻲ ﻣﺎ ﺯﻭﻟﻬﻢ ﺗﺐ
* ﻭﺟﺎ ﻛﻤﻠﻬﺎ ﺑﺎﻟﺒﻠﻨﺖ ﺍﻟﻌﻤﻠﻬﺎ ﻣﺴﺎﻭﻱ ﻭﺍﻟﺤﻜﻢ ﺻﻬﻴﻦ ﻣﻨﻬﺎ
* ﻛﺮﻫﻮﻫﻮﺍ ﺍﻛﺘﺮ
* ﺍﺳﻲ ﻛﻼﻣﻬﻢ ﻛﻠﻮ ﻛﻮﻓﻲ ﻣﺎ ﺑﻨﺸﻄﺐ
* ﻳﺎﺥ ﺩﻳﻞ
* ﻣﺎﺷﻜﺮﻭﺍ ﺍﻳﺪﺍﻫﻮﺭ ﺍﻻ ﺑﻌﺪ ﻣﺎﺕ
* ﻛﺎﻥ ﻣﺘﻮﺭ ﻧﻔﺴﻬﻢ
* ﻭﺑﻌﺪ ﺩﻩ ﻣﺎ ﺍﻋﺘﺮﻓﻮﺍ ﻟﻴﻬﻮ ﻭﻻ ﺍﻋﺘﺮﻓﻮﺍ ﺑﻴﻬﻮ ﺍﻻ ﺑﻌﺪ ﻣﺎﺕ
* ﻋﺎﻳﺘﻮ ﻟﻮ ﺍﻻﻫﻠﻪ ﺷﻜﺮﻭﻧﻲ
* ﺣﺎ ﺍﺷﻚ ﻓﻲ ﻣﺮﻳﺨﻴﺘﻲ
* ﻳﺎﺥ ﺩﻳﻞ ﻣﺎ ﺑﺸﻜﺮﻭﺍ ﺟﻤﺎﻝ ﺍﻻ ﺑﻌﺪ ﻳﻘﺪﻡ ﺍﺳﺘﻘﺎﻟﺘﻮ
*ﺣﻴﺮﻭﻧﺎ
* ﻭﻟﻲ ﺍﺳﻲ ﻣﺎﺷﻜﺮﻭﺍ ﻣﺎﻧﺪﻳﻼ
* ﺗﺎﻋﺒﻬﻢ ﺗﻌﺐ ﺷﺪﻳﺪ
* ﺍﻟﺴﺒﺐ ﻓﻲ ﺍﺣﺴﺎﺱ ﺍﻟﺪﻭﻧﻴﻪ ﻭﺍﻟﺤﺴﺪ ﺍﻟﺬﻱ ﻳﺘﻤﻠﻚ ﺍﻟﻜﺜﻴﺮ ﻣﻨﻬﻢ
* ﻟﻮ ﻣﺎ ﻣﺎﻧﺪﻳﻼ ﻭﺭﻳﺤﺔ ﺍﻟﻤﻄﺎﺭ
* ﺍﻟﺤﺴﺎﺩﻩ ﻣﺎ ﻛﺎﻥ ﻭﺻﻠﺖ ﺍﻟﺪﺭﺟﻪ ﺩﻱ
* ﺍﺑﺮﺍﻫﻮﻣﻪ ﺑﺘﺎﻉ ﺍﻻﺷﺒﺎﻝ
* ﻣﺎﺣﺼﻞ ﺷﻜﺮﻭﻫﻮﺍ
* ﺑﻤﺠﺮﺩ ﻣﺎ ﺳﻤﻌﻮﺍ ﺍﻧﻮ ﻋﻨﺪﻭ ﻣﺸﺎﻛﻞ ﻣﻊ ﺍﻟﻤﺮﻳﺦ
* ﺍﻟﺸﻜﺮ ﻭﻗﻊ ﻗﺮﺵ ﻭﻧﺺ
* ﺑﻞ ﺍﻟﻮﻫﻢ ﻛﻤﺎﻥ ﻋﺸﻌﺶ ﻓﻲ ﺭﻳﺴﻴﻨﻬﻢ
* ﻗﺎﻟﻮﺍ ﺣﺎﻳﺴﺠﻞ ﻟﻴﻬﻢ
*ﻗﻠﺖ ﻟﻲ ﺍﻟﺸﻌﺐ ﻳﺮﻳﺪ ﺍﺧﺮﺍﺝ ﺍﻟﺸﻐﻴﻞ ﻳﺎ ﻣﺤﻤﺪ ﻋﺒﺪﺍﻟﻤﺎﺟﺪ !!!!
* ﺍﻳﻬﺎ ﺍﻟﻨﺎﺱ
*ﺍﻟﺒﺮﺍﺯﻳﻠﻲ ﺍﻟﻤﻌﺮﺱ ﻭﺑﻲ ﺍﻭﻻﺩﻭ ﺩﻩ ﻣﺎﺳﻮﺭﻩ
* ﻭﺻﺪﻗﻮﻧﻲ ﺷﻬﺮ ﺍﻃﻨﺎﺷﺮ ﺣﺎﺗﺸﻮﻓﻮﺍ ﻓﻲ ﺍﻟﻮﺍﺗﺴﺎﺏ ﺍﻻﺳﺮﻩ ﺍﻟﻜﺮﻳﻤﻪ
ﻣﺎﺭﻗﻪ ﻣﻦ ﺍﻟﺒﻠﺪ
*ﺍﻻﺳﺮﻩ ﺍﻟﺸﻔﺘﻮﻫﺎ ﺍﻣﺲ ﺩﻱ
* ﺣﺪﻫﺎ ﺷﻬﺮ ﺍﻃﻨﺎﺷﺮ
* ﻭﺍﻟﻤﻀﺤﻜﻨﻲ
* ﻗﺎﻟﻮﺍ ﺻﺪﻳﻘﻲ ﻋﻤﺎﺩ ﺍﻟﻄﻴﺐ ﻗﺎﻝ ﺍﻟﺒﺮﺍﺯﻳﻠﻲ ﺍﻟﺘﺎﻧﻲ ﻫﻮ ﺍﺣﺪ ﺍﻓﻀﻞ
ﺛﻼﺛﻪ ﻫﺪﺍﻓﻴﻦ ﻓﻲ ﺍﻟﺪﻭﺭﻱ ﺍﻟﺒﺮﺍﺯﻳﻠﻲ ﻓﻲ ﺍﻟﻤﻘﺎﻃﻌﻪ ﺍﻟﺒﻠﻌﺐ ﻓﻴﻬﺎ
* ﻳﻌﻨﻲ ﺑﺎﻟﻌﺮﺑﻲ ﻛﺪﻩ ﺯﻱ ﻣﺎﺗﻘﻮﻝ ﺍﺣﺪ ﺍﻣﻬﺮ ﺗﻼﺗﻪ ﻫﺪﺍﻓﻴﻦ ﻓﻲ ﻭﻻﻳﺔ
ﻧﻬﺮ ﺍﻟﻨﻴﻞ ﻣﺜﻼ
* ﺍﻭ ﺍﺣﺪ ﺍﻣﻬﺮ ﺗﻼﺗﻪ ﻫﺪﺍﻓﻴﻦ ﻓﻲ ﻭﻻﻳﺔ ﻣﻦ ﻭﻻﻳﺎﺕ ﺩﺍﺭﻓﻮﺭ ﺍﻟﺨﻤﺴﻪ
*ﻣﻮﺵ ﻓﻲ ﺍﻟﻮﻻﻳﺎﺕ ﺍﻟﺪﺍﺭﻓﻮﺭﻳﻪ ﺍﻟﺨﻤﺴﻪ
* ﻓﻲ ﻭﺍﺣﺪﻩ ﻓﻴﻬﻦ ﺑﺲ
* ﺍﻻﺭﺑﻌﻪ ﺍﻟﺒﺎﻗﻴﺎﺕ ﻣﺎﻣﻌﺎﻫﻦ
* ﺍﺫﺍ ﺩﺧﻠﺖ ﺍﻻﺭﺑﻌﻪ ﺍﻟﺒﺎﻗﻴﺎﺕ
* ﺑﺒﻘﻲ ﻣﻦ ﺍﻣﻬﺮ ﺧﻤﺴﻄﺎﺷﺮ ﻫﺪﺍﻑ ﻓﻲ ﺍﻟﻮﻻﻳﺎﺕ ﺍﻟﺪﺍﺭﻓﻮﺭﻳﻪ ﺍﻟﺨﻤﺴﻪ
* ﻫﻮ ﺍﻟﻮﻻﻳﺎﺕ ﻛﻠﻬﺎ ﻓﻴﻬﺎ ﻛﻢ ﻫﺪﺍﻑ ؟؟؟
* ﻏﺎﻳﺘﻮ ﺍﻟﺪﺍﻳﺮﻳﻦ ﻳﺸﻜﺮﻭﻫﻮﺍ ﺑﺸﻜﺮﻭﻫﻮﺍ
* ﻭﻋﻤﺪﻩ ﺯﺍﺗﻮ ﺣﺎﻳﻜﻮﻥ ﻣﺘﺼﻮﺭ ﺷﻬﺮ ﺍﻃﻨﺎﺷﺮ ﻓﻲ ﺍﻻﺗﺤﺎﺩ ﻻﻧﻬﺎﺀ ﻋﻘﺪ
ﻧﻔﺲ ﺍﻟﺒﺮﺍﺯﻳﻠﻲ
* ﺍﻣﺲ ﻣﺤﻤﺪ ﻋﺒﺪﺍﻟﻤﺎﺟﺪ ﺿﺤﻜﻨﻲ ﺷﺪﻳﺪ
*ﻛﺘﺐ ﺍﻟﻤﺮﻳﺨﺎﺑﻲ ﺷﺎﻑ ﺍﻟﻄﻴﺎﺭﺍﺕ ﺗﺸﻴﻞ ﻭﺗﻨﻘﻞ ﻓﻲ ﺍﻟﺒﺮﺍﺯﻳﻠﻴﻴﻦ
* ﻗﺎﻝ ﻧﺎﺱ ﺍﻟﻬﻼﻝ ﺩﻳﻞ ﻟﻮ ﺍﺩﻭﻫﻢ ( 48) ﺳﺎﻋﻪ ﺑﺠﻴﺒﻮﺍ ﻧﻴﻤﺎﺭ
* ﻳﺎ ﺣﻤﺎﺩﻩ
* ﺍﻟﻤﺮﻳﺨﺎﺑﻲ ﻛﻤﺎﻥ ﺍﻟﻤﻄﺎﺭ ﺑﺨﻠﻌﻮﺍ ؟؟؟
* ﺍﻟﻤﺮﻳﺨﺎﺑﻲ ﺷﺎﻑ ﺍﻟﻄﻴﺎﺭﻩ ﻃﺎﻳﺮﻩ ﻣﻄﻠﻌﻪ ﻋﻠﻢ ﺍﻟﻤﺮﻳﺦ ﺑﻲ ﺑﺮﻩ
* ﺗﺎﻧﻲ ﺍﻟﺒﺨﻠﻌﻮﺍ ﺷﻨﻮ ﻳﺎ ﺍﺧﻮﻱ
* ﺍﻟﻤﺮﻳﺨﺎﺑﻲ ﺷﺎﻑ ﺍﻟﻄﻴﺎﺭﺍﺕ ﺗﻨﻘﻞ ﺗﻼﺗﻪ ﺳﻴﻜﺎﻓﺎﺕ ﻭﺟﻮﺑﺎ ﻭﺩﺑﻲ
ﻭﺍﻟﺸﺎﺭﻗﻪ ﻭﻣﺎﻧﺪﻳﻼ
* ﺑﺘﺨﻠﻊ ﻋﺎﺩ ﺗﺎﻧﻲ
* ﺍﻧﺘﻮﺍ ﺍﻟﻄﻴﺎﺭﺍﺕ ﻏﻴﺮ ﺗﺠﻴﺐ ﻭﺗﻮﺩﻱ ﻓﻲ ﺍﻟﻤﻮﺍﺳﻴﺮ ﺑﺘﻌﺮﻓﻮﺍ ﻟﻴﻬﺎ
ﺷﻨﻮ ؟؟
* ﺟﺎﻳﺒﻨﻮﺍ ﺑﺎﻟﻄﻴﺎﺭﻩ ﻭﺑﺎﻳﻌﻨﻮﺍ ﺑﺎﻟﺨﺴﺎﺭﻩ
* ﺍﻟﻄﻴﺎﺭﺍﺕ ﻣﺎ ﺑﺘﺨﻠﻊ ﻣﺮﻳﺨﺎﺑﻲ
* ﺍﻟﻤﺮﻳﺨﺎﺑﻲ ﺭﻳﺤﺘﻮ ﻣﻄﺎﺭ ﻣﻄﺎﺭ
* ﻣﺎ ﻃﻴﺮ ﻃﻴﺮ ﻳﺎ ﺣﻤﺎﺩﻩ
* ﺗﺎﻧﻲ ﻣﺎ ﺗﺠﻴﺐ ﺳﻴﺮﺓ ﻃﻴﺎﺭﺓ ﻭﻣﻄﺎﺭ
* ﺑﻀﺤﻜﻮﺍ ﻓﻴﻚ
* ﻭﻟﻮ ﺭﺍﻳﺢ ﻟﻴﻚ ﻣﻄﺎﺭ ﻳﺎ ﺍﺧﻮﻱ
* ﺍﻗﻴﻒ ﺑﺮﻩ ﺟﻤﺐ ﺟﺎﺩ ﻣﻊ ﺍﻣﺠﺎﺩ
* ﺍﻳﻬﺎ ﺍﻟﻨﺎﺱ
* ﻛﺜﺮﺍﻟﻜﻼﻡ ﺣﻮﻝ ﺍﻻﺣﻼﻝ ﻭﺍﻻﺑﺪﺍﻝ
* ﻭﻛﻠﻨﺎ ﻧﻈﺮﻧﺎ
* ﻭﻛﺬﻟﻚ ﺗﺤﺪﺛﻨﺎ ﻋﻦ ﻣﻮﻗﻒ ﺍﻟﻤﺮﻳﺦ ﻣﻦ ﺗﺮﺍﻭﺭﻱ
* ﻭﻣﻮﻗﻒ ﺗﺮﺍﻭﺭﻱ ﻣﻦ ﺍﻟﻤﺮﻳﺦ
* ﻓﻲ ﺍﻟﺘﻨﻈﻴﺮ ﻭﺍﻟﻜﻼﻡ ﺣﺎﺿﺮﻳﻦ
* ﻟﻜﻦ ﻓﻲ ﺍﻟﻜﺸﻜﻮﺵ ﻛﺄﻧﻨﺎ ﻣﺎ ﺳﻤﻌﻨﺎ ﺑﺎﻟﻤﻮﺿﻮﻉ
*ﺟﻤﺎﻝ ﻟﺴﻪ ﻫﻮ ﺍﻟﺪﺍﻋﻢ ﻭﺍﻟﺪﺍﻓﻊ ﻭﺍﻟﻤﺴﺪﺩ ﺍﻟﻮﺣﻴﺪ
* ﺍﻳﻦ ﻧﺤﻦ ﻣﻦ ﺩﻋﻢ ﺍﻟﻤﺮﻳﺦ
* ﺍﻳﻦ ﻣﺸﺮﻭﻉ 2870 ﻳﺎ ﺍﺩﺭﻭﺏ
* ﻭﻫﻞ ﻗﺎﻡ ﺍﻻﺥ ﺍﺩﺭﻭﺏ ﺑﻔﺘﺢ ﺣﺴﺎﺏ ﺑﺎﻟﻌﻤﻠﻪ ﺍﻟﺼﻌﺒﻪ ﻟﻤﺮﻳﺨﺎﺏ
ﺍﻟﺨﺎﺭﺝ ؟؟؟
* ﻭﻫﻞ ﺿﻐﻄﻨﺎ ﻧﺤﻦ ﻋﻠﻲ ﺍﺩﺭﻭﺏ ﻟﻨﺴﺘﻌﺠﻞ ﺍﻟﺪﻋﻢ ؟؟؟
* ﻳﺒﻘﻲ ﻓﻲ ﺍﻟﻨﻘﻪ ﺍﺳﻴﺎﺩﻫﺎ
* ﻭﻓﻲ ﺍﻟﺪﻓﻊ ﻛﺄﻧﻨﺎ ﻣﺎ ﺳﻤﻌﻨﺎ
*ﻋﺮﻓﺘﻮﺍ ﺍﻟﺴﺒﺐ ﺍﻟﺨﻠﻲ ﺟﻤﺎﻝ ﻳﺼﺮ ﻋﻠﻲ ﺍﻻﺳﺘﻘﺎﻟﻪ ﺷﻨﻮ ؟؟؟
* ﻃﻴﻠﺔ ﺍﻃﻨﺎﺷﺮ ﺳﻨﻪ
* ﻣﻨﻮ ﺍﻟﺸﺎﻝ ﺍﻟﺸﻴﻠﻪ ﻣﻊ ﺟﻤﺎﻝ ﻣﻦ ﺍﻋﻀﺎﺀ ﻣﺠﻠﺴﻪ ؟؟؟
* ﺑﺎﻟﺘﺄﻛﻴﺪ ﻗﻠﻪ ﻭﻣﺮﻩ ﺍﻭ ﻣﺮﺗﻴﻦ
* ﻭﺍﻥ ﻛﺎﻥ ﻋﺒﺪﺍﻟﺼﻤﺪ ﻗﺪ ﺧﻔﻒ ﺍﻟﻜﺜﻴﺮ ﻋﻦ ﺟﻤﺎﻝ
* ﺍﻻ ﺍﻥ ﺍﻟﺮﺍﺟﻞ ﺑﺮﺿﻮ ﺗﻌﺐ ﺷﺪﻳﺪ
*ﺧﻠﻮﻧﺎ ﻣﻦ ﺍﻟﺘﻨﻈﻴﺮ ﺍﻟﻜﺘﻴﺮ
* ﺍﻟﻜﺎﺵ ﺑﻘﻠﻞ ﺍﻟﻨﻘﺎﺵ
*ﻭﺣﻘﻮ ﻧﻔﻜﺮ ﻓﻲ ﻃﺮﻳﻘﻪ ﻟﻠﺪﻋﻢ ﺍﻟﺴﺮﻳﻊ ﺟﺪﺍ
* ﻓﻬﻞ ﻳﻮﺟﺪ ﻓﻴﻨﺎ ﺣﻤﻴﺪﺗﻲ ﻳﺪﻕ ﺻﺪﺭﻭ ﻭﻳﻘﻮﻝ ﺍﻧﺎ ﻟﻬﺎ ؟؟؟؟؟؟
* ﺍﻟﻤﺮﻳﺦ ﺩﺍﻳﺮ ﺣﻤﻴﺪﺗﻲ
* ﺍﻳﻬﺎ ﺍﻟﻨﺎﺱ
* ﺍﻟﺒﻘﺖ ﺑﻘﺖ
* ﺍﻟﻔﻀﻞ ﻟﻴﻨﺎ ﺍﻟﻮﻗﻮﻑ ﻣﻊ ﻻﻋﺒﻴﻨﺎ
* ﻫﻢ ﺍﺳﻠﺤﺘﻨﺎ
*ﻧﻘﺎﺗﻞ ﺑﻬﺎ
* ﺍﺛﻨﺎﺀ ﺍﻟﺤﺮﺏ ﺑﻨﻌﺮﻑ ﻣﻨﻮ ﺳﻴﻒ ﺍﻟﻌﺸﺮ
* ﻧﺠﺪﻋﻮ ﻭﻧﻮﺍﺻﻞ ﺣﺮﺑﻨﺎ ﺑﺴﻴﻮﻓﻨﺎ ﺍﻟﺘﻲ ﺍﻭﺻﻠﺘﻨﺎ ﻟﻠﻤﺠﻤﻮﻋﺎﺕ
* ﺑﺎﻟﺬﺍﺕ ﻭﺍﻟﻘﺎﺋﺪ ﺍﻟﺤﺮﺑﻲ ﺍﻟﻤﺴﺘﺮ ﻏﺮﺯﻩ ﺧﺒﻴﺮ ﺣﺮﻭﺏ
ﻗﺪﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻢ
* ﺍﻻﺥ ﺳﺎﻣﺮ
*ﺑﻤﻨﺎﺳﺒﺔ ﻧﺎﺩﻳﻚ ﻳﻨﺎﺩﻳﻚ
* ﻟﻤﺎ ﻓﺘﺤﻮﺍ ﺍﻟﺘﺒﺮﻋﺎﺕ ﺑﻨﺎﺩﻱ ﺍﻟﻬﻼﻝ
* ﺍﻟﻐﺮﻳﺒﻪ ﺍﻟﻨﺎﺩﻱ ﻓﺎﺗﺢ ﻟﻠﺘﺒﺮﻋﺎﺕ ﻭﻣﻐﻠﻖ ﺍﻣﺎﻡ ﺭﻭﺍﺩﻩ ﻟﻠﺼﻴﺎﻧﻪ
* ﺍﻟﻤﻬﻢ
* ﻓﻲ ﺍﻟﺘﺒﺮﻋﺎﺕ ﺍﺗﺨﻴﻞ ﻟﻲ ﻛﺮﺩﻧﻪ ﻗﺎﻋﺪ ﺯﻱ ﺍﻻﺑﻮ ﺍﻟﺴﺎﻕ ﺍﻭﻻﺩﻭ
ﺍﻟﻤﻼﻫﻲ
* ﻳﻐﻤﺖ ﻟﻲ ﺍﻟﺸﺎﻓﻊ
* ﻭﻳﻘﻮﻝ ﻟﻴﻬﻮ ﺍﻣﺸﻲ ﺍﺩﻓﻌﻬﺎ ﺑﻲ ﺍﺳﻤﻚ
* ﻭﻳﺘﺨﻴﻞ ﻟﻲ ﻓﻲ ﻧﺎﺱ ﻣﺸﻮﺍ ﺑﻴﻬﺎ ﺑﻲ ﻏﺎﺩﻱ
* ﻣﺸﻮﺍ ﻣﺤﻞ ﺍﻟﺴﺎﻗﻴﻪ
* ﻭﻓﻲ ﻧﺎﺱ ﺩﺧﻠﻮﺍ ﺑﻴﻬﺎ ﺑﻴﺖ ﺍﻻﺷﺒﺎﺡ
*ﻣﺎﺗﺴﻤﻊ ﻛﻼﻡ ﺷﺠﺮﺍﺑﻲ ﺍﺧﻮﻱ ﺩﻩ
* ﺷﺠﺮﺍﺑﻲ ﺑﻜﺘﺐ ﺣﺴﺐ ﺍﻣﻨﻴﺎﺗﻮ
* ﺩﻩ ﻳﻮﻡ ﺣﺎﻳﻜﺘﺐ ﻟﻴﻚ ﻋﻦ ﺍﻟﻬﻼﻝ ﻟﻤﺎ ﺷﺎﻝ ﻛﺎﺱ ﻣﺎﻧﺪﻳﻼ
* ﺗﻬﻲ ﺗﻬﻲ ﺗﻬﻲ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﻛﻮﻓﻲ ﻏﺎﻟﻲ ﻋﻠﻴﻨﺎ
* ﻭﺍﻟﺤﻜﻮﻣﻪ ﺍﺑﺖ ﺗﺠﻨﺴﻮﺍ ﻟﻴﻨﺎ
* ﻭﻋﻠﻲ ﺍﻟﺮﻏﻢ ﻣﻦ ﺍﻥ ﻛﻮﻓﻲ ﻏﺎﻟﻲ ﻋﻠﻴﻨﺎ
* ﻟﻜﻦ ﻗﺮﺍﺭ ﺍﻟﺤﻜﻮﻣﻪ ﻛﺎﻥ ﺯﻳﻨﻪ ﻓﻲ ﺯﻳﻨﻪ
* ﻻﻧﻮ ﺑﻮﻗﻒ ﺍﻟﻔﻮﺿﻲ ﺍﻟﻌﻤﻠﻬﺎ ﺍﻟﺘﺠﻨﻴﺲ ﻓﻴﻨﺎ
* ﻭﻓﻴﻬﻮ ﺍﻋﺘﺮﺍﻑ ﺑﺎﻟﺘﺤﺎﻳﻞ ﻋﻠﻲ ﻗﺮﺍﺭ ﺍﻻﺗﺤﺎﺩ ﻭﻗﺘﻬﺎ ﻟﻤﺎ ﻟﻲ ﻋﺪﺩ
ﺍﻻﺟﺎﻧﺐ ﺣﺪﺩ ﻟﻴﻨﺎ
* ﺍﻻﺟﺎﻧﺐ ﺗﻼﺗﻪ ﻗﺎﻝ ﻟﻴﻨﺎ
* ﻗﻤﻨﺎ ﻃﻠﻌﻨﺎ ﺑﺎﻟﺠﻨﺴﻴﻪ ﻭﺟﺮﻳﻨﺎ
*ﺑﻘﻮﺍ ﺩﺳﺘﻪ ﻓﻲ ﻧﺎﺩﻱ ﻭﺍﺣﺪ ﻳﺎ ﻭﺍﻟﻴﻨﺎ
* ﻭﺍﺫﺍ ﺍﺳﺘﻤﺮ ﺍﻟﺘﺠﻨﻴﺲ
* ﺣﺎﺗﻠﻘﻲ ﺍﻻﻋﺒﻴﻦ ﺍﺟﺎﻧﺐ
* ﻭﺍﻟﺠﻤﻬﻮﺭ ﻫﻮ ﺳﻮﺩﺍﻧﻴﻴﻨﺎ
* ﻗﺮﺽ ﻋﻠﻲ ﻛﺪﻩ ﻳﺎ ﻭﺍﻟﻴﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﻟﻮ ﻣﺸﻴﻨﺎ ﻛﻼﻡ ﺷﺪﺍﺩ ﺯﻣﺎﻥ ﻛﺎﻥ ﺍﺳﺘﻔﺪﻧﺎ
ﻭﺍﻟﻲ ﻟﻘﺎﺀ
ﺳﻠﻚ
ﺍﻟﻤﺮﻳﺦ ﺩﺍﻳﺮ ﺣﻤﻴﺪﺗﻲ
