في صباح يوم وانا بورنش عند اولاد الاورنيش لفت نظري اعمارهم الصغيرة هم اتنين قمت سالت الصغير فيهم اسمك منو؟عبد الرحمن.. اها انت يوميتك بتطلع بكم؟ قال لي من 20_30ج.. انت بتقرأ قال ايوة في سنة رابعة.. وطلعت الكم؟ قال لي الاول، هكذا كتب مدثر مصطفى على فيسبوك حكاية الطفل الذكي عبد الرحمن كافي موجو
وأضاف مدثر مصطفى بحسب ما قرأ محرر موقع النيلين تدوينه (يازول.. والله.. قلت له: وين الشهادة قال لي في البيت… قلت ليه بكرة جيبا لي وانا بديك هدية)..
وختم مدثر تدوينه مع الصور وقال (اليوم الصباح كان علي وعده وأحضر لي الشهادة وفعلا هو في رابعة وطلع أول الفصل ودرجاته جيدة جدا.. المهم انا وزملائي حفزناه وشجعناه ان يجتهد في السنين القادمة اكتر واكتر وعدنا وانطلق في حال سبيله) .
ويظهر من خلال النتيجة أن الطالب عبدالرحمن كافي موجو يدرس بالولاية الشمالية (شمالي السودان) بمدرسة “أسامة بن زيد” مرحلة الأساس .
الخرطوم/معتصم السر/ النيلين
-
-
-
-
-
-
-
-
