حنقول “طلع البدر علينا” هكذا كان رد د. أمين حسن عمر القيادي بالحزب الحاكم في السودان عندما سألته الإعلامية لينا يعقوب على قناة الشروق عن ترتيبات عودة الصادق المهدي في شهر ديسمبر القادم وذلك بحسب الفيديو المرفق، وأضاف أمين نحن نتواصل مع الصادق حتى خارج السودان.
إنتشرت سخرية أمين حسن عمر عبر وسائل السوشيال ميدا كالنار في الهشيم وحظيت بتعليقات كثيفة وبحسب رصد محرر موقع النيلين هذه بعض التعليقات.
Shakir Yahia Elhassan
استخدم الانصار طلع البدر علينا لاستقبال سيدي رسول الله اشرف الخلق اجمعين ..في تقديري استخدامها هنا تنم عن سوء خلق شديد ولاا اريد ان اقول سوء ادب ..نسال الله له المغفرة ..هذه الطريقة المستهترة دائما ما تورد صاحبها المهالك
Azzam Farah
أمين حسن عمر لامن أشوفو بشعر بطمام ولامن أسمع صوتو بضرسني، ورغم ذلك كلامو صاح، نفترض إنو الصادق المهدي عائدون، يعني طلع البدر علينا
محمد حامد
لو ما كانت خزعبلة فيس فستكون أوجع ما نال الامام
Ibn Adam
طلع البدر علينا من ثنيات الحوار..وجب الشكر علينا ما بقى للامة دار
عمر برير
ههههه بتاع الحواشة نسي نفسه لاهو ولا الصادق المهدي ماعندهم حاجه للشعب الغلبان
المؤتمن حسين
رد د.امين حسن عمر كان في محلو بعدين البلد دي حقت ابو واحد فيهم كفايه جهل جاي يستقبلو مارق اطبلوا ليهوا البلد دي مافيها غير ال المهدي والمرغني مازيو وزي اي زول يمرق ويدخل ما في فرق يعني جيتو دي بزيح معناة الشعب السوداني … بعدين شنو يعني سيدي السياده لله رب العالمين
عمر التاج
كلام امين صحيح .. طلع البدر علينا كانت مرة واحدة ، مش كل زوغة وعودة
الخرطوم/معتصم السر/النيلين
-
-
-
-
-
-
-
-
