يا جماعة ما تتجرسوا ،نحن ما قلنا سودان بلا علمانيين قلنا سودان بلا علمانية

يعني شنو سودان بلا علمانية أرجو من المشتغلين بالفكر اعمال العقل والقراءة بهدوء للبوست قبل كتابة رد عليه لأن العجلة في كتابة الردود والتعليقات فقط لأن كاتبها فلان هذه سطحية لا تتحلى بأي قدر من الموضوعية وتعبر عن حالة نفسية مشحونة لا حالة عقلية مستبصرة ومتجردة !!

نحن قلنا #سودان_بلا_علمانية يعني حنشتغل شغل فكري وسياسي وإعلامي بطريقة نجفف بها الفكر العلماني ونحاصره فلا يجد له أرضية في السودان ولا يجد له شعبية تمكنه من الوصول إلى الحكم هل ده من حقنا ولا من حقنا ؟!

يعني الموضوع متعلق بالتدافع السياسي والفكري عجيب أمر العلمانيين من ما سمعوا بالحملة بدأوا في الولوة ( د. الجزولي داعش ، الحكومة متواطئة معاه ، يجب اسكاته ، يجب اعادته الى الحبس ، يجب قتله ) شفته يا جماعة كيف العلمانيين قوم لا أخلاق لهم ولا مبادئ فهم مع الحرية لمن تنشر الكفر والعهر ومع الكبت لمن يكون ضد خصومهم فضيحتكم فضيحة يا بني علمان لا دين لا أخلاق بالله ديل لو مسكوا الحكم يعملوا شنو ؟ كان شيخ عبدالحي وشيخ عصام البشير في موضوع خطبتهم امبارح عن نقض التعديلات الدستورية دخلوا السجن ده إذا أصلا لقوا ليهم مسجد يخطبوا فيه في ظل حكومة علمانية مستبدة ديمقراطيا !! .
لا حول ولا قوة إلا بالله يا جماعة ما تتجرسوا .نحن ما قلنا سودان بلا علمانيين قلنا #سودان_بلا_علمانية يعني السودان الدولة والنظام السياسي لن يجد العلمانيون سبيلا لتشكيله وصبغته بصبغتهم هذا الأمر مقدور عليه وممكن وعايز نفس طويل وشغل هادئ ورصين وبرامج علمية ومحكمة وخطط استراتيجية وأخرى تكتيكية وتغيير اجتماعي واعداد جيل واعي بانحراف العلمانية وضلالها فالحضارة الأقوى والفكرة الأعظم حجة وأكثر منطقية هي التي ستصبح المركز وتنزوي الأفكار الهزيلة والضعيفة والمهترئة إلى هامش الحياة السياسية والاجتماعية والاقتصادية ليس بقوة السلاح ولا بسلطة القهر والجبر وإنما بلفظ الناس لها وانسلاخهم منها وتخليهم عنها !!

ما تهرشوا يا علمانيين فكر بفكر وحوار بحوار ونقد بنقد ونقض بنقض والحشاش يملأ شبكته !!
الان فهمتوا يعني شنو #سودان_بلا_علمانية

بقلم
د. محمد علي الجزولي