الحبيب الغالى جدا”….قرر يختبر الغلاوة…فكر إنو يغيب ويرحل… ويقلب التحنان عداوة….يحرم العينين تشوفو…. ويشترى الجفا بالحفاوة..بدل الريد بالتحدى…. وللجفاف باع النداوة…سابنا للشقا والمظنة…. ونحن ماشبه الشقاوة…إتصلنا عليهو ياما….ماكتير فيهو الدناوة…وعارفة إنو حنين وطيب….مهما بالغ فى القساوة..قلنا نسمع أحلى همسه… ونبرة زي صوت التلاوة…هسه دقيت ليهو تاني…. وربنا يزيل الغشاوة…يرضى عني وليا يرفع…. ونتفق كده بالهداوة…ونادرة والله لو تنازل…. ليكم الخير والحلاوة…***مرة حاول يمتحنا….شان يقيس مقدار غرامنافجأة لوح لى مودع…..وقال مسافر من ديارناخافت العين من فراقو….وكيف وراهو بيكون ودارنا…وكيف تمر دونو الليالى ….ولا سأل لا جانا زارنا..؟فاضت العين بى دموعها….غصب عننا ما إختيارناتارى كان بمزح معانا….شان يشوف آخر قرارنا..**الحبيب دايما” مغامر….وعندو حركات جد عجيبة…روحو بتحب الشقاوة….وقلبو عامر وكلو طيبة..قد يكون عصبى وبيكورك….إلا دمعتو جد قريبة…ماحصل دامت قساوتو…..وعمرو ماجاب لى مصيبة…وعارفة إنى عليهو غالية….وإنى فى عمرو الحبيبة…السنين مخضرة جنبو…. عامرة… نديانة… وخصيبة…وقبلو كان الدنيا قاااسية…. والشهور باءسة وجديبة…وانت تسلم ياحبيبنا…..وماتشوف من قلبى عيبة….***الحبيب الغالى جداً…….صاين الود والوئاماصلو ساكن فى قلوبنا….مستقر ..عالي المقامعلم الروح المحنة….وعلم الشوق الهياموفيو كتبنا دوام قصايد….وكمّل البوح والغرامومهما قلتا عليو مدحتا…. برضو يغلبنى الكلامالله يديكم حبايب….وتحيوا فى فرحة وسلامتلويح:تمتحننى بالغياب….وأمتحنك بالانتظار
اندياح – داليا الياس
صحيفة آخر لحظة
