سيدة سودانية تدفع باستشارة تثير بها الجدل.. زوجي طلقي ثلاثة طلقات وتزوجت من محلل بطلب منه وباتفاق معين دون ممارسة..المشكلة انني أصبحت أحب المحلل بعد أن حملت منه وزوجي الأول لو علم سيقتلني فماذا أفعل؟

نشرت سيدة سودانية استشارة عبر إحدى الصفحات المتخصصة في نشر الاستشارات العاطفية والتي تنشط على عملاق مواقع التواصل الاجتماعي فيسبوك.

وقالت السيدة في استشارتها التي أثارت ضجة واسعة: (انا وصلت تلاتة طلقات مع راجلي و نحن بنحب بعض شديد بس انفعالين هو مطلقني قريب العشرين مرة بس في وحدات قالو ما واقعات المهم الوقعت ٣ و تميت كده الحرام بقيت محرمة عليهو الا بمحلل).

وتابعت بحسب ما نقلت عنها محررة موقع النيلين: (هو جاني ندمان وسافي التراب فتش مشايخ الخرطوم دي كلها عشان يلقى ثقرة ما لقى يعني الطلاق واقع واقع يلا قال لي نشوف محلل يعقد عليك و و يطلقك اتفقنا خلاص والمحلل جبناهو ود خالو و تم الزواج).

وأضافت: (كان متفقين شهر و نطلق يلا المشكلة انو انا حبيتو الزول ده والله زول جميل و رايق و بشبهني في حاجات كتيرة و كنا متفقين ما تحصل علاقة و حصلت علاقة و حصل حمل وانا ما عايزة الطلاق).

وختمت استشارتها التي عرضتها هي وزوجها لانتقادات لاذعة: (هو كمان حباني بس المشكلة زوجي كان عرف حيقتلنا نحن الاتنين و ما عارفين نكلمو كيف انو نحن حبينا بعض و اثمر حبنا عايزة افكار نقدر نواجهه بها).

رندا الخفجي _ الخرطوم

النيلين