إبتلينا وإتبلينا

[CENTER][B][SIZE=5] إبتلينا وإتبلينا [/SIZE][/B][/CENTER] [SIZE=5] * أيها الناس
* إستهل الزعيم مشاركته فى سيكافا بخسارة
* خساره بهدف يتيم
* ولكنها ليست خسارة
* لأن المباراة كشفت بالتأكيد للجهاز الفنى بعض العيوب
* وهى عيوب يحتاج بعضها الى إصلاح
* والبعض الأخر يحتاج لتغيير
* أيها الناس
* سبق وأن ذكرنا بأن أهداف المشاركة كتيرة
* ولاتنحصر فى الفوز بالبطولة
* فهناك أهداف أجدى من ذلك
* وبناء فريق البطولات يحتاج لتجارب مثل هذه
* وسيكافا بطولة لاننكر لها أنها أعدتنا الى مانديلا
* وسيكافا بطولة كبيرة جداً
* بالذات على الذين فشلوا فى الفوز بها فى ثمانية مشاركات
* وسيكافا زى اللبن فى المشلعيب بالنسبة للكديس
* يعاين بس
* ويقول عفن
* لكن لن يطاله
* ولن يناله
* يقول عفن
* يقول ما عفن
* مافى لبن للكديس
* ولو قالها نجاووووووووو
* طول الليل
* وإتكدسى
* أيها الناس
* أهداف المشاركة كثيرة
* الوعى الجماهيرى هو ما يقود لتحقيق كل الأهداف
* وإصرار اللاعبين هوما يساعد على البقاء فى المنافسة من أجل تحقيق تلك الأهداف
* المهم
*الليلة الأحد
* الأحد عديل كده
* ومازيمبى يدخل المباراة بفرصة واحدة
* لأن مباراته ضد فيتا على أرض فيتا
* تعتبر مغامرة مجهولة المصير
* بالذات والحرب تشتعل بين فيتا ومازيمبى
* لذا نتوقع ان لا يفرط مازيمبى فى نقطة من مباراة اليوم
* وهذا ما يدفع العاقل لتوصية الإهلة بعدم الإندفاع والتفريط
* أقل تفريطه
* يبقوا فى الدرون
* والسعى خلف الدرون بجيب التنى
* وناس مازيمبى كان جابو التنى طبعهم كعب
* بتلتلوا
* ولو تلتوا بيطمعوا ويربعوا
* وكان ربعن الأسد بخمس
* وكان خمسوا ما بعيد يسدسوا
* والسداس فى الخرفان كعب
* والزول يطير ما كعب
* بس الكعب يبقى زى الطيارة الماليزية
* يطير وما يتعرف طار وين
* أيها الناس
* أبوالهل بحاول سبعة وتمنين سنة
* وقد يحاول للمرة تمنية وتمنين
* طبعاً ده إذا عقوبات الإتحاد الأفريقى المتوقعة والمستحقة
* إذا سمحت له بالمشاركة فى الموسم القادم
* أيها الناس
* مانديلا ظل طيلة الخمسة وعشرين سنة الماضية وحيداً يقف بكبرياء على جبين الوطن
* وسيظل كذلك حتى إشعار آخر
* محمد عبدالماجد يا أخوى
* زولكم الليلة داخل العملية
* بموت برضو بعد الكرامة ولا بموت من البنج؟؟؟
* أيها الناس إن تنصروا الله ينصركم
*أها
* نجى لى شمارات والى الخرتوم
* أكان شفت يا والينا
* قرار تأجيل المدارس تانى لينا
* خلانا نضحك عليكم بدل ما تضحكوا علينا
* قلنا ليكم وما سمعتوا لينا
* فتح المدارس ما عنتريات يا والينا
* فتح المدارس بتم بعد تظبطوا الأمور لينا
* عشان الفصول ما تقع علينا
* عشان الخيران ما تنفرد بينا
* عشان المواصلات ما تنعدم علينا
* وتعرف يا والينا
* قالوا الطلبة داعيين لنزول المطر لينا
* حردانيين مدارسكم ومدارسكا أساساً ما مفيدة لينا
* لا مقرر بنفع شافعاً لدينا
* ولا منهج بزيد المعلومة بعد إبتلينا
* ولا بشكير بنشفنا بعد إتبلينا

سلك كهربا
* ننساك كيف وبعد إبتلينا إتبلينا

والللللللللللللى لقاء
سلللللللللللللللللللك
[/SIZE]

في السلك – بابكر سلك