> وأعلنا منها تأهلنا لمرحلة جديدة في البطولة
> لان الاستمرار في البطولة يحقق كثيراً من اهداف المشاركة
> أدى الزعيم أداءً رائعاً في الشوط الثاني
> فيه الكثير من الانسجام
> واذا لعب تراوري متعاوناً مع البقية
> يمكن ان يشكل مصدراً للخطورة
> واذا ترك انانيته التي تفقده الكرة بسهولة
> وتشكل علينا مرتدات خطيرة وسريعة
> سيكون مهاجماً مرعباً
> ولكن جاهزية الجميع تجعلنا نثق فيمن اختارهم المدرب
> سيكافا ليست ضعيفة كما يردد الضعفاء
> فالضعفاء هم الذين فشلوا في تحقيق بطولتها تمنية مرات
> ولن انسى اول مشاركة للهلال في سيكافا
> كان في مجموعة الخرطوم
> انهزم بالتلاتة من قورماهيا الكيني
> كيف لا ينهزم وقورماهيا قوي لانه حقق بطولة سيكافا
> وهي التي اهلته ليحقق بطولة من بطولات الكاف
> قورماهيا عندو بطولة من بطولات الكاف
> وابو الهل لسه في جبل الرجاف
> على العموم انتصر وقتها قورماهيا على الهلال بتلاتة اهداف
> زي تلاتة مازيمبي الاول امس دي
> وغيرها خسر الهلال في نفس البطولة وفي نفس المجموعة
> كان وقتها المدرب حامد صالح مدرباً للهلال
> فخرجت الجماهير الهلالية تهتف
> حامد صالح فاشل
> رموها في حامد صالح
> مع انو حامد صالح ما درب الهلال على الهزيمة وسط جماهيرو
> ولا قال ليهم في الركنيات خلوا ناس قورماهيا يرتقوا عالياً ويختوها في سقف مرمى الهلال
> ولكن حتى يبعد الاهلة هلالهم عن دائرة الضعف
> يبحثون دوماً عن شماعة للهزائم
> زي شماعة لاراش البلوكوا فيها لبانة
> فطبيعي ان يحرز لاعب هدفاً من تسلل
> ويحتسب الحكم التسلل
> ولكن الما طبيعي ان يحتسب الاهلة الشرفاء الهدف
> وهم عارفين التسلل
> وبعدها بفترة وجيزة
> بعد شلنا كاس دبي
> لعب الهلال في دبي ضد الاهلي القاهري
> ما كان الحكم لاراش
> ولم يشرك الاهلي معظم نجومه
> وفاز على الهلال اتنين صفر
> يبقى شماعة لاراش مي نافعة
> المهم
> كانت آخر مشاركة للهلال بسيكافا جوية
> جاء بخفي حنين كعادته مع البطولات الخارجية
> ومنها قنع
> فلاك الاهلة لبانة سيكافا ضعيفة تغطية لعجزهم فيها وفشلهم
> أيها الناس
> امس استمتعنا بمشاهدة مريخ يمضي في الطريق الذي رسم له
> وبالتوفيق
> أها
> أي كورة لعبها الهلال اتكلموا عن التحكيم
> برغم ان راعي الضان في الخلا
> عارف اين تصب اخطاء التحكيم
> ولمصلحة من
> وبالذات داخلياً
> وخارجياً راعي الضان بضحك لي اسي في الضربت محل الحقنة وقالوا بلنت
> ولكن المرة دي
> لم ينتقد الاهلة حكم مازيمبي
> لانه اخجلهم
> عكس الف حالة
> وصهين عن الف مخالفة لصالح التماسيح
> كان قلبوا على البلطي ده
> ولكن البلطي ما انستر
> اتحمر في الصاج تلاتة حميرات
> فيهن حميرة نطه براهو جوه الصاج
> لذا
> نضحك عندما يلوك الاهلة لبانة ضعف سيكافا
> المهم
> جمعة حايتجنس ولا حايتطفش ؟؟؟
> وهل يقبل المعز المواصلة خلفاً لجمعة بعد ان اصبحت الشباك هشة
> وبالذات وانغا ده شوات شديد
> بشوت من بعيد وبقد الشبكة
> اللهم اشرك اتير وسامي وجمعة وخليفة والشغيل في مباراة ضدنا يا رب العالمين
> اللهم وطول عمر مجلس الكاردينال وجدد له الفترة اللهم
> اللهم ناس بويا ديل لا ينشطبوا ولا يتعاروا
> اللهم وبكري المدينة والجزولي مكنهم من الكشف الهلالي يا رب العالمين
> اللهم عقوبات الكاف بتطلع متين ؟؟؟؟؟؟
> أيها الناس
> إن تنصروا الله ينصركم
> أها
> نجي لي شمارات والي الخرتوم
> والينا
> شخصياً
> جني وجن الخريف
> والعراقي الخفيف
> والوقوف جمب القيف
> والوزير القايل روحو حريف
> والسياسي الما حصيف
> والضبان الكثيف
> يا والينا انا خليني
> انت الخريف معاك كيف !!!!
> المطرة كيف !!!
> ما قلتوا نوبو
> عديتوها زي دعاية مكرونة نوبو
> هجيج شديد
> والسيل شال البيت بي طوبو
سلك كهربا
ننساك كيف وبنكره الكضب والزيف
والللللللللللللى لقاء
سلللللللللللللللللللك
[/SIZE]
في السلك – بابكر سلك
