> انتهى الموسم قبل البت في شكوى الخرطوم الوطني
> انتهى الموسم بدون سؤال الحكم عن اسباب نقضه للهدف الثاني للخرطوم الوطني
> انتهى الموسم كغيره من المواسم التي انتهت
> واعلنت نهايتنا الكروية بسبب الترضيات والموازنات
> قبل كده انتهى الموسم وهناك شكوى مقدمة في قانونية اشراك عمر بخيت
> حيث نال البطاقة الثالثة في مباراة ناساروا «الودية» لتغطية اثر الاعارة المكندشة
> وكانت المباراة معلنة
> وبالتالي تعتبر فيها الكروت والتقرير
> ولما قدمت الشكوى
> تعلل الاتحاد بان الحكم اليوغندي «شال» التقرير معاهو ومشى كمبالا
> وقالوا حايتصلوا بيهو يجيب التقرير
> ولي اسي ما اتصلوا بيهو
> واعتبرت بطولة الممتاز وقتها من نصيب الهلال بالامر الاداري
> هكذا يتحصل الهلال على البطولات المحلية
> ولو كانت تدار البطولات القارية بنفس الطريقة
> لما قبع الهلال في صفره قرابة القرن
> وهذه الطريقة هي التي جعلت ارجل كرة القدم عندنا كسيحة شديد
> ايها الناس
> الآن اعلنوا الهلال بطلا بالباطل
> وهم يدركون جيدا صحة شكوى الخرطوم الوطني
> وبالتالي يتجرد الهلال من نقاط تلك المباراة التي لا يستحقها
> وعليه يكون متأخراً بنقطتين عن الزعيم
> ولكن خروج الهلال الموسم الماضي صفراً محلياً
> وخسارته بالثلاثة في كأس السودان لهذا العام
> كان لابد من تدخل الايادي الخفية لتقسم الموسم بين المريخ والهلال
> المريخ بي حقو
> الهلال ده بتدوهوا حق الناس ليه
> البش في نمرة الامتحان لا يخلق طالباً يستطيع الاستمرار في الدراسة
> قاعدين تبوشوا في الهلال
> عشان كده في الامتحان القاري بفشل
> أيها الناس
> لن ينصلح حال الكرة عندنا الا باصلاح التحكيم والادارة
> واصلاح التحكيم قبل صلاح الادارة
> والتحكيم لن ينصلح ما لم يعط كل ذي حق حقه
> وتحكيمنا يفهم عبارة «ذي حق» زي «زي الوان»
> يعطي ل«زي الوان» زي ما داير
> الحق عندهم باللون
> حطموا انفسهم بذلك
> وحطمونا معهم
> المنتخب دخلوا شنو ؟؟؟؟
> المهم
> بعد المباراة التي واصل فيها ابو شنب ووليد اخطاءهما «الغير مقصودة» في حق المريخ
> خجل الاهلة الشرفاء
> وباتوا في ثبات ووجوم
> لان الاربعة وعشرين مدرب
> والستة اناطين
> والاتحاد العام
> ولجنة الاستئنافات
> كلها مجتمعة لم تستطع ان تهزم لهم المريخ
> صمت الاهلة البعرفوا الكورة وخجلوا
> ووجموا داخل الاستاد يتفرجوا على ابداعات جماهير المريخ التي تغنت
> المطار بي وين !!!
> المطار بي جاي «يؤشرون نحو القلعة الحمراء»
> الصفر بي وين !!!!
> الصفر بي جاي «يؤشرون على مساطب الاهلة»
> التلاتة وين !!!!
> التلاتة وين !!!!
> التلاتة وين !!!
> المهم
> البطل لا يهزم
> وزي ما قال بلدياتنا
> بتل ما بموت
> عشان كده
> عنتر مات لانو ما بطل
> عنتر مات يوم اهلي شندي
> ومات وشبع موت يوم كاس السودان
> مات بالتلاتة
> يعني تاني رجعة للحياة مافي
> اما الزعيم
> فلم يمت
> منو في البلد دي القدر يغلب الزعيم طول موسم الموازنات ده ؟؟؟؟؟
> بتل ما بموت يا عمك
> ايها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الشتا داخل علينا
> والجوع ما بخلينا
> اكل كتير ورخيص توفر لينا
> ولا تفتح المطار نتخارج تخلينا
> ولا تتخارج يا والينا !!!!!
سلك كهربا
ننساك كيف ومع البرد الجاي علينا مع الجوع الفينا الايبولا احسن لينا بريحنا وتودينا
والللللللللللللى لقاء
سلللللللللللللللللللك
[/SIZE]
في السلك – بابكر سلك
صحيفة الإنتباهة
